SuperNormal (淘大商場2期)

营业中

休息中

淘大有間多國菜餐廳叫做「Supernormal」住九龍區既Mandy都已經放係Bucket list一陣子一直都覺得呢間裝潢滿有情調🥰尤其是個戶外位疫情之下用餐1.5m距離，所以今晚就揀左個戶外位坐可以吹吹風，又自成一角咁～都幾舒服☺️講返食物，呢到食物質素一點都唔Normal!而且又幾好食添😋以家仲推出「抗疫套餐」真係非常抵食。👉🏻套餐可揀 沙律🥗/薯條🍟/餐湯🍲 + 主菜 + 餐飲🌟安格斯牛肉漢堡🍔 $118👉🏻手打牛堡好厚，中間仲有兩片簿切腸仔。漢堡醬係蕃茄醬汁，但食落唔同平時的味道，多左一份甜甜地既味。幾好食😋😋🌟香辣脆雞堡 $106👉🏻炸雞排好大塊，皮脆肉嫩！夾埋生菜同沙律醬perfect match!🌟芝士蟹肉大啡菇 $88/2件👉🏻必試！一上檯已經聞到好香既菇味加埋面頭陣芝士濃香！一切開，內裡非常Juicy~食既時候會食到小小🦀肉點綴！正🌟小食 - 串燒類👉🏻串燒價錢亦不貴，大概$16 -$50都有。醃製比較偏鹹及重口味，送酒一流！🌟特色Cocktail - Mo Mo Cha $58👉🏻第一下當然係被佢吸睛的椰子造型杯子🥥所

淘大必食之選！環境都寬敞坐得舒適，食物高質，即叫即整又唔會等得耐！西餐黎講算平😍-💕經典德國咸豬手 $168💕頂級美國西冷牛扒配雜菜（250g) $168（+$16升級特飲-檸檬蘋果蜜桃梳打）✨另設加一-1️⃣ 經典德國咸豬手 $168［滿星］⭐️⭐️⭐️⭐️⭐️‼️份量多到嚇親！豬手好新鮮！外層表皮酥脆，肉嫩多汁，仲有幾舊有骨膠原咁漿住😍好抵食！/2️⃣ 頂級美國西冷牛扒配雜菜 $168［滿星］⭐️⭐️⭐️⭐️⭐️‼️原本以為份量會小，原來都算正算偏多份量！完美脂肪比例，比起肉眼脂肪會較少，不會太肥膩，幼嫩中帶少許咬口，叫左七成熟，肉質保持鮮嫩多汁，牛肉味道香濃😍好腍💯，真係將西冷煮到最好狀態！薯條黎到都係熱辣辣，落左紫菜同埋鹽去調味，好好食🥺-環境：9/10服務：9/10好味指數：9/10回頭率：10/10

鐘意呢到，啤酒選擇夠多，源自世界各地都有，亦有坊間比較少見的冷門啤酒。生啤亦有四款 ，不乏特色選擇。Delta IPA 生啤 $78來自比利時的生啤，唔係周圍都有得飲，當然要試一試佢。入口已經有好濃啤酒花味，之後亦感覺到一股香甜果味，有荔枝酒 feel , 夠凍好飲 。St. Bernardus Pater 6, $59朋友亦係揀左比利時啤酒，想試新野。入口甜甜地，之後有少少回甘，雙倍麥味，啱曬重口味人士。串燒墨魚咀 $32墨魚丸 $18多春魚 $40雞腎 $24雞軟骨 $26黑松露金菇牛肉卷 $32Order 左好多送酒的串燒，各式其式，好盡興。當中最惹味的是墨魚咀，既軟且脆得來又好有咬口。雞軟骨好脆口，燒得好香。多春魚亦控制得幾好，外焦香內裡有水份。雞腎就略嫌乾左少少；墨魚丸啖啖肉，美味的。而金菇牛肉卷，好足料，加上黑松露調味，好滋味。蛋白蟹肉帶子炒飯 $108飯底炒得軟硬適中，加上好多蟹肉，每一啖飯都食到有蛋白同蟹肉絲，仲有少少蘆筍，好滋味。上面兩隻珍寶帶子，煎香左加少少蟹子，啖啖肉好正。

今晚屋企冇飯開，放工約埋阿妹落左九龍灣附近搵野食，行入淘大商場食街入邊，經過Supernormal門口，見倒大大塊 餐牌，比佢嘅二人餐吸引，因阿妹真係超鍾意食燒羊架😋。因疫情關係，入門口已經有店員準備搓水液比客人搓一搓手，然後量埋體溫冇問題先可以進入；而安排坐位亦都要隔一張空枱先可以入坐，防疫措施做得咁好，令食客進餐都非常安心😃比讚👍🏻。🐟日本池魚仔 - 炸得好乾身，香口，味道超似多春魚。🥗前菜 - 日本櫻花蝦蟹肉沙律，櫻花蝦份量好多，好乾身；沙律菜都非常青綠，好新鮮。南瓜湯配脆脆蒜蓉包，南瓜湯唔算好熱，但勝在好重南瓜味；蒜蓉包蒜味十足，卜卜脆，呢個一定要趁熱食😋。🍴香草薄荷汁焗法式燒羊架，羊架真係超大份，兩大件，order左7成熟，真係做得好好，阿妹一路食都讚口不絕，羊架側邊圍住小小肥油，更加加重羊架羶香味，外邊燒得小小濃邊，但入邊仍然保持鮮嫩多汁，蘸埋薄荷汁一齊食，perfect match😋。🍝黑松露野菌扁意粉，意粉軟硬度適中，黑松露味道唔算好突出，野菌伴埋洋蔥粒、香草味道就非常好。🍹食完咁豐富嘅一餐，飲番杯梳打特飲，真係透心涼兼夾可以幫助消化。

已經有好幾年冇嚟過淘大喇。疫情期間， 一入門口侍應生就幫我哋量度體溫，幾有防疫意識。平日夜晚去到呢間餐廳，估唔到咁好生意。餐廳裝修幾cozy，約埋三五知己坐係高腳椅飲番杯都好有feel。先來一個頭盤巴馬火腿紅菜頭沙律（$78），綠色蔬菜好新鮮好脆，紅菜頭切到細細粒就算我本身唔鍾意都幾易入口，火腿就正正常常幾好味。主菜要咗西班牙海鮮燴飯（$118），海鮮種類同份量都唔少，飯粒做到 al dente，值得一試。燒春雞係非常之有驚喜。一嚟到已經聞到好香香草味。切開肉質鮮嫩，燒得啱啱好。好味到想再叫多碟。

九龍灣呢間super normal真係環境一流，除左日本feel外仲夾埋英倫feel，真係一D都唔normal 😂打開menu見到個明太子軟殼蟹burger已經超吸晴👀👀，我地又展開眼濶肚窄既點餐行動😂，主菜仲叫左個帶子意大利飯、其餘串燒就選左金菇牛肉卷、雞軟骨、牛舌、釀雞翼.....軟殼蟹burger真係要用刀叉先食得到，大到個口都咬唔曬、呢度既串燒不得不提，真係ぜっびん（絕品）我同朋友係夾雜左日本同英國既環境下暢快咁講左差唔多2個鐘，真係好正，雖然在疫情底下，旅行無望，但間中黎食下飯感受一下置身於外國咁，自娛一番都幾好架。值得一提既係，店員相當之盡責，每當有客人進入必會為客人量度體溫，保障食客的安全，呢點係值得👍🏻

好耐冇見過啲朋友啦，今晚想出街輕鬆一下。約朋友談天說地，選址方便大家嘅九龍灣，淘大商場嘅supernormal係放鬆下，食下野，傾下計嘅好地方。環境夠chill 夠輕鬆，坐在高椅上，邊享用美食，邊談心。牛油果沙律非常清新，牛油果份量不少，沙律菜新鮮，連沙律醬都好好味。鵝肝多士讓我驚艷，一份有兩件，鵝肝煎得剛剛好，多士同鵝肝中間有片菠蘿，係好聰明嘅做法，可以平衡鵝肝嘅油膩感。us頂級西冷扒肉味香濃，水準好高，大家都食得好開心💞❤️

Supernormal一啲都唔normal，除咗有西式食物例如漢堡，意大利飯，意粉等，仲有日式串燒，一定有一樣啱你食。經典鮮蠔湯好大碗🥣，可以兩個人share飲，蠔味爆燈，食到啖啖蠔肉碎。牛油果脆魚漢堡也值得推介，魚柳炸得香脆，配牛油果食，感覺唔會好heavy。仲叫咗啲日式串燒，茄子，一口甜蕃薯，雞軟骨，都係囡囡嘅至愛。而士多啤梨香橙梳打果味清新，好解渴。餐廳環境好chill，好適合同朋友慢慢坐慢慢歎😋

約左閨密食飯😊 佢比較鍾意食西餐，經過佢千挑萬選之後決定黎九龍灣呢度試下～兩個人叫左三款串燒，西班牙海鮮燴飯，安格斯牛肉漢堡同一杯熱肉桂丁香檸蜜🤤串雞腎一放低就聞到好香，好爽口唔乾身唔痴牙👍個燒菠蘿面頭有層焦糖，好脆，超甜超多汁超好食！！😱😱西班牙海鮮燴飯有啲creamy嘅口感，飯粒軟硬適中帶啲趙口，海鮮種類同份量豐富～個漢堡包上下層外脆內軟，裡面嘅生菜同蕃茄幾新鮮爽口，牛肉juicy😋好似比較少喺其他餐廳見到呢個配搭嘅飲品，又丁香又肉桂又檸檬又蜜糖😂咁特別決定一試！飲落口層次好豐富，有肉桂淡淡既香味，撞埋丁香咁突出既香料味，特別得黎估佢唔到又幾夾，成杯飲品唔會太甜，岩我👍呢度仲有自家製嘅手工啤同室外座位，相信如果大時大節或者有足球轉播應該都幾旺場👏👏

某天朋友話想食西餐，見到一間叫supernormal既餐廳响淘大商場入面門面幾靚甘就入左去，之後坐低左仲見到入面環境企理，燈光比較暗牆身有一幅好靚既畫畫左一個好靚既街景，飲野傾計好去處因為唔太嘈，我地叫左原隻德國豬手，香脆外皮，肉厚，之後叫左個香煎鵝肝露筍牛肝菌意大利飯，鵝肝好香滑，露筍爽口，意大利飯好軟熟creamy，好好味，同埋叫左一杯pom wow雞尾酒，價錢合理，杯身造型特別用左一個古代人像做杯，幾吸睛嫁，味道清新好香果味同rum酒味。仲有好味燒茄子。

難得遠征淘大逛完街，看到這家餐廳說貴不貴，就進去試試。單點不太抵吃，二人餐每人$200，感覺性價比不錯。食品：前菜炸日式池魚仔加上蛋黃醬，惹味得來又香口，蛋黃醬夠Creamy，配酒喝真的一流櫻花蝦蟹肉沙律超惹味的沙律，因為櫻花蝦超多，蟹肉有用醬油調味，配上清新的雜菜口味滿不錯的。松露湯出奇地好喝！沒有一塊一塊的糊狀湯感夏威夷安格斯漢堡好吃！賣相一流，超juicy 的菠蘿就代表著這夏威夷漢堡，比加入什麼煙肉，火腿清新多了，而且汁液還流個不停呢！牛肉漢堡也夠飽！燒油甘魚飯團九分熟的油甘魚還帶一點嫩，沒有太乾身的感覺，不過配咸醬油有點奇怪，也罷！反正油甘本來的味道就不俗。

都有一排冇去食西餐，今日揀咗一間比較有氣氛嘅西餐廳，位於九龍灣淘大，因為有朋友食過覺得唔錯，推介我去試，就帶另一半去。環境門口有個户外位，望落餐廳幾有外國feel，推門入去，就見到餐廳以磚牆做設計，有英倫風格，bar枱旁邊嘅牆仲有燈管樣貌嘅燈，好特別。日本阿波酢橘雞尾 $34(2串)首先嘆咗2款串燒先，第一款試咗比較特別嘅雞尾，外形同質感都有啲似雞軟骨，當然冇軟骨嘅咬口，但都彈牙，有啲似食肥膏咁，但又唔會覺得膩。燒安格斯牛肉 $44想食下牛肉就叫咗串安格斯牛肉，都幾大串，口感不韌，牛味足，仲帶點肉汁。麵包卜卜蜆鍋 $138呢款係西餐廳比較少見，份量都幾多，仲有魷魚、西蘭花，估計有加少少酒去煮，湯底清甜，卜卜蜆每隻都好肥美，亦滲到清湯，美中不足係有部份有蜆有啲沙。香煎鵝肝露筍牛肝菌意大利飯 $128自己都幾鐘意食Risotto，貪佢有咬口而且都比較濃味適合我。鵝肝好大塊，煎得幾香身，外層微焦脆，內裡近乎入口即化，唔太膩，Risotto 加入牛肝菌提升香氣及整體口感。青瓜薄荷青檸梳打 $38對青瓜製成嘅食物同飲品都好有興趣，我覺得青瓜飲品好清新，入落去好舒服，呢杯都唔例外，推薦！配晚飯一流

真係好耐無去九龍灣啦🙈今日去左淘大商場入面既一間餐廳食晚飯。由於我地都係懶得揀，就直接叫咗一個dinner set.最先會上一份小食，日本炸池魚仔，好香脆！亦好入味。前菜方面我哋揀咗份沙律，佢係比較日式嘅，上面有啲蟹肉同櫻花蝦。另外我亦都好欣賞佢嘅南瓜湯，煮得好入味而且蒜蓉包好脆！主食我地揀左牛扒同黑松露意粉。可惜牛扒煮得過熟，不過好彩未至於韌，味道亦都唔錯。黑松露意粉就比較乾身，松露味更濃一啲就更好！

因為疫情嘅關係就算出街食飯，都唔會去到好遠,好彩屋企附近有唔少餐廳,呢間我小朋友其中最鍾意食嘅一間餐廳之一，而我都鍾意嚟呢度除咗因為價錢合理之外，最重要係個個店員都好好，每次入到去都好有禮貌咁招呼，有時仲會同我小朋友傾吓計，所以我特別鍾意幫襯呢類型小店。我好鍾意食呢度嘅牛油果帶子沙律，帶子大大粒超肥美，牛油果好新鮮，沙律蔬菜好多，最緊要醬汁足夠，好怕食出邊有啲沙律唔夠醬汁，所以我每次黎都會叫呢個沙律食，真係好好味。主菜叫咗白酒煮蜆，白酒汁永遠都係咁好味，配埋蒜蓉多士一齊食，蜆肉粒粒好大粒，最重要係冇沙，好鮮甜。小朋友一碟黑松露雜菌意粉就可以令到佢好滿足，黑松露醬好香，意粉軟硬度適中，我小朋友一個人可以食一碟，證明味道真係唔錯呢。

上一次吃過這間不平凡餐廳已經對它念念不忘，主要是因為性價比高，份量多又好吃，而且環境不錯，餐牌選擇超多，再去吃多幾次都可以完全不重複地點菜🤟🏼1️⃣炸魷魚圈炸粉不厚，炸得十分香口，魷魚鬚好正，點一點沙律醬，完美的配搭💕2️⃣川香麻辣豬手豬手外皮燒得香脆，吃入口完全不肥膩。肉質嫩滑煙韌，而且麻辣味香濃，比起原味豬手更juicy更惹味🔥3️⃣西班牙海鮮燴飯超級豐富的海鮮燴飯，海鮮非常足料，有青口、蜆、蝦、魷魚。。鮮味濃郁，而且飯粒分明有咬口，蕃茄味很開胃，粒粒飯都很入味😋超級推薦的西餐廳🍴已經想好下次要點什麼了😛