SuperNormal (淘大商場2期)

营业中

休息中

 今次去九龍灣搵食淘大花園一般都係連鎖店快餐原來比較隱蔽既角位有間酒吧餐廳有好多酒水選擇,串燒,牛扒,意粉,全日英式早餐 小吃,烤德國豬手酒類有好多款手工啤,大約$60蚊一款,另有BEER一杯裝,統一78蚊杯~另外都有幾款COCKTAILS  串燒有蔬菜,海鮮,肉類,另有沙律,餐湯選擇 西餐主食小吃 粟米片,白酒煮青口,芥辣雞翼,炸魚薯條,法式鵝肝多士,焗薯條法式羊架,果仁法芥豬鞍,US肉眼扒,香草黃油雞 醬燒豬仔骨等等意粉選擇都多,香辣番茄大蝦,蒜片大蝦意粉,經典卡邦尼意粉~假期食全日英式早餐都有~$128一客由於店家以前經營手工漢堡,所以也有幾款漢堡包選擇切餅費收50蚊~ 黑松露野菌意粉 $105上菜略慢,可能人手不足,但賣相不錯松露味偏淡,多野菌切片,素食之選味道偏淡,可能迎合返食素既朋友,無調到咁濃食開肉既我就覺得略欠香氣味道可以,份量都足夠多美國西冷牛扒 10安士 $228 5成熟 煎得剛好,仍然保有肉汁牛肉味濃香,份量十足伴碟有水煮蔬菜,配上自家製醬汁牛扒唔錯,有回頭食飯呢度幾好,慢慢上菜,唔會快餐咁可以邊飲邊食等,放慢腳步之選SuperNormal電話：2339 0112

今日個場都算係爆滿唔知係咪因為咁所以店員嘅服務態度就好差了首先嚟咗飲品個杯好細 比隔離枱嘅細好多就問店員點解會咁佢嘅回應就話係份量一樣嘅同埋隔離枱有一杯係加錢嘅但其實我哋杯latte都要加錢咖咁其實究竟係份量一樣定隔離枱加錢所以大杯d呢其實憑個杯嘅外型都一睇就知無可能係份量一樣嘅啦之後隔離枱走咗之後未有新客人店員執枱就刻意打塊膠板好大力咁搬張凳我媽媽就好嬲 食飯都要受氣講真其實係發洩情緒定真係唔小心我覺得側邊嘅人都睇得出我哋叫咗3成熟嘅扒究竟係咪3成就影相為憑了我個人就認為6,7成左右另外一份就比較好嘅會生少少張枱同我哋相距20cm左右你咁大力推一嚟真係嚇親二嚟塊板上面肯定唔抹咖其實餐廳係平價嘅但係我都覺得店員嘅訓練再改善一下就好好多了

剛下班的我，抱住孤獨美食家心情想試試這家店。看見近門口的位置有排空檯，心中準備品嚐美食的節奏。卻得老闆冷冷的一句，我們店沒位置🤦🏻‍♂️心想，那排空檯是給留座的嗎？不死心的我厚著臉皮，再問老闆一次，真的一個容納卑微的我的位置都沒有？老闆冷眼瞄了我一眼，更冷冰冰的回道。沒有，就是沒有。也許在下衣服並不光鮮，手錶不夠派頭，袋口沒有大疊金牛。不合老闆的味兒。雖然我面皮夠厚，但我不想勉人所難😉我唯有轉身離開，孤身再上我路😖

雖然位於牛頭角「淘大商場」二期樓下的西餐餐廳「SuperNormal」，「SuperNormal」裡面有很多「意大利麵」跟「意大利飯」食品，可惜「SuperNormal」「意大利麵」跟「意大利飯」食品裡面，始終沒有牛肉。所以我只能夠在「淘大商場」「SuperNormal」的熟食食品餐牌裡面，繼續發掘「SuperNormal」其他值得我享用試食的鹹味牛肉熟食食品，然後再尋找符合我期望口味的手調飲品。後來我在「SuperNormal」熟食食品餐牌裡面，找到真正適合我的牛肉「漢堡包」食品。「SuperNormal」的鹹味熟食漢堡包食品裡面，包括有三款不同口味，包括原味安格斯、三重芝士安格斯，還有另一款味道比較不同。這款「SuperNormal」的鹹味熟食「黑松露日本和牛漢堡」包，「黑松露日本和牛漢堡」漢堡包的售價價錢是「SuperNormal」三款牛肉漢堡包裡面最昂貴，每個未計加一服務費，已經需要港幣一百二十八元的售價價錢。結果我終於看到「SuperNormal」廚房親手製作的食品，「黑松露日本和牛漢堡」實際製成品的蘆山真面目，「黑松露日本和牛肉漢堡」雖然用上日本和牛，但是漢堡包實際面積不算

雖然佢個名叫Supernormal,但係餐廳入面既裝修同食物一啲都唔normal! 入去既時候，覺得啲餐廳既擺設幾靚，仲見到好多人嗌左二人套餐，所以我地都叫左個試下。哩個二人餐既性價比好唔錯，有好多野可以食到：我地揀左日本櫻花蝦蟹肉沙律，餐湯，主菜分別係燒羊架同烤雞焗飯，仲試左佢地一款推介既手工啤酒。先講下前菜，佢既沙律fresh得來又好香，因為加左櫻花蝦，雖然佢地細細隻，但係好香口，將碟沙律整到好有蝦味。佢仲送左一碟池魚仔，炸得幾好食，最岩送啤酒！餐湯係南瓜湯，甜甜地，又唔會好鹹，仲食到少少南瓜肉，真係唔錯。到主菜，一定要講下份燒羊架，因為佢好大舊同好好食，我地叫左7成熟，肉質唔韌，好易切好易咬，佢唔算好膻，點埋薄荷汁更加香！但略嫌有啲肥。另外一個主菜係烤雞焗飯，佢個汁冇咩特別，但係面頭就好多芝士，正！鐘意芝士既朋友可以試下！最後就係啤酒啦，個人覺得哩隻叫PALM既手工啤幾好飲！甜甜地又有適量既啤酒苦味！佢地仲有好多唔同款唔同味既手工啤！快啲約埋朋友去試下啦！

今天約了許久不見的朋友，因為大家都住九龍，便就近選了中間點淘大吃飯。朋友提前在網上預約7點，到了無需等候便可入內。一行四個人，位置算是寬敞，聊天也不會和隔壁互相干擾。點了這裡招牌柚子豬手、青口、芝士煙肉🥓大啡菇、大蝦🍤意麵、烤串（牛舌、肥肉金針菇、牛肉粒、雞腎、雞肉）、啤酒🍻及飲料柚子🐷豬手：味道還不錯，配上蛋黃醬入口相益得彰，味道更好，美中不足是肉部分烤太硬，有的根本咬不動。青口：不太新鮮，有的甚至沒開口。雖然醬汁還可以煙肉芝士大啡菇：保留大啡菇的鮮味，咬下去可以感受到磨菇汁溢出。再搭配芝士和煙肉，鹹鮮鹹鮮的，算是比較喜歡的菜式大蝦🍤意麵：味道還不錯，不失不過烤串🍢：因為本身不吃牛，牛肉方面不做點評。就雞肉而言，調味不錯，但是肥膏太多....下次不會點系列，但是雞腎反而覺得口感還有味道都不錯。

在九龍灣淘大商場中的這一間酒吧西餐廳頻頻滿座，每次經過都見到座無虛席，見到佢哋嘅餐牌食物都非常特別，應該係用心經營嘅西餐廳，所以今日特別試一試！呢間西餐廳裝修時尚，像在酒吧中晚餐感覺非常之relax！今次我被安排坐吧枱上面，都一樣舒適！呢間酒吧式餐廳主打很多酒精類飲品，有特色Cocktail，也有啤酒，若喜歡放工後relax一下飲杯啤酒，這裏真是不錯的選擇，但我同朋友反而喜歡佢顏色鮮艷嘅梳打汽水，亦都非常吸睛！我們選了「玫瑰荔枝梳打」與及「士多啤梨香橙梳打」，兩杯都非常之靚而且解渴，我特別喜歡玫瑰荔枝梳打，原粒荔枝加上淡淡的玫瑰花香味，真是不錯的選擇！首先我哋叫咗「芝士蟹肉大啡菇」，聽說是這間餐廳最多人點的小食，一上枱熱辣辣的非常惹味！大啡菇咬落去非常多汁而且很香菇味！加上上面溶化了的芝士，與蟹肉知味道非常之夾，這個小食確實好食另外串燒叫了「厚切牛舌芯」，這個牛舌果然厚切，我就最喜歡食牛舌的，咬落去很有質感，而且充滿肉汁，水準算不錯！最後重點的菜色就是這個「柚子德國鹹豬手」，呢個鹹豬手算是我食過鹹豬手當中最好食的，他廣告牌中也有介紹這豬手是用麥啤酒浸製！食落外皮非常之鬆脆，而肉質非常之

九龍灣淘大都幾多食肆，今日想食西餐，行過見到一間門口裝修唔錯嘅西餐廳，都幾有酒吧feel,所以入去試吓，入面嘅裝修都幾靚，都有吧枱，可以見到店員即時調酒。樣樣食物都好吸引，我地叫咗幾個main course試吓。炸魚薯條，有2塊大嘅炸魚柳排，炸到脆卜卜，佢地d炸粉好鬆脆，又唔太厚，魚肉都好厚身，而d薯條都係即時炸起，熱辣辣咸咸地送酒一流。明太子原隻軟殼蟹漢堡，隻軟殼蟹真係原隻炸起嘅漢堡包入面，都好大隻，漢堡入面仲有好多蟹子同有蝦，份量厚度相當大，一啖真係放唔到入口，而個包都焗到面頭有少少脆脆地，都好好食，仲配埋薯條，非常滿足。柚子豬手，佢地好細心，上碟已經幫我地起肉切開，唔使食得咁狼狽，個豬皮好脆卜卜，完全唔韌唔肥，食完之後覺得食咗好多骨膠原咁，我見好多人都點呢個菜式，都幾受歡迎。整體佢地食物都好好食，價錢又合理唔太貴，可以再encore

老公喺附近上完堂，就搵咗呢間無負評嘅意大利餐廳，真係唔錯👍因為本身食唔到西餐嘅牛油、芝士、同濃忌廉，呢度就好多其他選擇。我地叫咗:鮮蠔忌廉湯~蠔味好濃，唔會比忌廉味蓋過柚子麥啤浸脆皮德國咸豬手~本身好鍾意試唔同餐廳嘅鹹豬手，好多都講到幾咁脆皮肉嫩，多數名不副實，呢間真係做到啲皮凍咗都仲係脆嘅😋啲肉又唔過乾，啲柚子醬實在畫龍點睛刺身帶子蛋白露筍炒飯~帶子處理時間剛剛好，不會過火，炒飯夠乾身。另外叫了2個串燒: 1)黑松露金菇牛肉卷~黑松露味超濃，不會只放少少。2)燒安格斯牛肉~牛味濃郁油香，無筋玫瑰荔枝凍飲~荔枝味濃厚所以搶哂玫瑰味

呢間餐廳有少少酒吧風格，基本上座位都係高椅 。午市有套餐大概$60-$140不等。午餐包餐湯或薯條或沙律及飲品。我哋揀咗個湯及沙律。是日沙律係Parma ham沙律，沙律菜份量都多，而且幾新鮮。Parma ham有幾塊，唔會太鹹幾好。漢堡包好抵食，我叫咗藍芝士牛肉漢堡$68，加$10轉左安格斯牛肉。冇揀幾多成熟，burger嚟到都算唔錯，牛味幾香，牛肉夠厚。而且仲有少少沙律配菜。另一個叫做澳洲肉眼配雜菜，揀咗七成熟。牛扒大大塊，而且煎得幾香。七成熟都唔會好老，肉質唔錯。食得出牛扒質素幾好。

一點也不normal的西餐🥰同朋友都懶得諗食咩，就叫個2人餐吧 $438.日本池魚仔小炸魚好香口，唔會腥又冇乜骨，做開胃小食幾過癮.蒜蓉包呢個好好食呀！超多蒜，焗到啱啱好又唔會過硬.法式牛肉批酥脆的酥皮包住中間似大肉腸既牛肉，幾得意既前菜.香草薄荷汁焗法式燒羊架 羊架選了七成熟，燒得剛好軟腍，油脂分布平均又香，點埋薄荷醬好夾😍.帶子龍蝦汁意大利飯大大隻帶子新鮮香口，意大利飯creamy又好食👍🏻

已經係第二次嚟幫襯啦！我覺得呢度嘅氣氛唔錯，而且食物質素都OK，所以有同另一半你撐枱腳啦！二人套餐日本櫻花蝦蟹肉沙律沙律菜配埋沙律醋，醋酸地，山上邊仲有好多蟹肉蝦米，前菜食沙律10分開胃燒美國頂級肉眼牛扒配松露汁牛扒叫咗七成熟，對於我來講啱啱好，又唔會太生，又可以食到牛原本嘅肉汁，當然如果食得生嘅朋友叫五成熟，口感更佳更嫩😋黑松露野菌扁意粉食落口，濃郁嘅蒜香味，再有淡淡既黑松露，好開胃！意粉軟硬適中，配埋雜菇一齊食，口感豐富👍😋

食物款式特別,味道不錯, 價錢合理, 份量不算多。 下次Encore. 香煎鵝肝露荀牛肝菌意大利飯($128)首先一讚鵝肝的size, 厚和大塊, 外表煎得香, 咬落creamy,唔會太膩。 Risotto 飯唔會太軟太硬,味道剛好。明太子原隻軟殻蟹漢堡($98)包面外脆, 炸軟殻蟹大隻有肉, 食落脆口,配明太子沙律汁一絕, 只此鐘意食炸軟殻蟹😛薯條即炸夠熱。Chinese Hua Diao ($58)俾Menu 張相吸引左, 鐘意飲甜酒的我叫錯左, 只能用作打卡, 試完發現唔鐘意飲花雕。

其實都幾常黎淘大商場呢邊搵食，貪佢選擇多，幾乎咩類型嘅餐廳都有，食完野仲可以shopping或者睇戲，夠晒方便嘛。經過Supernormal，個lunch set啱口味喎，價錢又合理，今日就試下呢間先。外觀是西式酒吧裝修，餐廳內也十分酒吧格調，但牆上卻是日本街道的畫作，是因為fusion菜吧？感覺蠻不錯嘛。點了一份午餐，餐飲轉了特飲凍朱古力，而頭盤則選了蟹柳青瓜沙律。不知為何今日好想飲朱古力，因為好一陣無飲朱古力引又起？哈哈，呢杯好飲喎，香濃朱古力味，不過甜，上面再加了朱古力粉更濃郁呢，正。頭盤有餐湯，薯條或沙律選擇，是日想多吃一點蔬菜就選沙律了，呢份蟹柳青瓜沙律一點都不馬虎，鮮甜蟹柳絲加上爽口青瓜條，下層還有新鮮的沙律菜，醬汁是我喜歡的麻醬，好味好味。主菜點的是野味香辣羊仔柳漢堡，自己喜歡食羊，加上羊漢堡又少見，在門口看完餐牌就決定點呢款了。上枱時香噴噴喲～食慾都引起了。內裏夾著羊仔柳，生菜，蕃茄，醬汁是微辣的千島沙律醬。羊仔柳十分香口，咬落嫩滑多汁，淡淡的羊肉香好捧啊！配上這款微辣的醬汁特別惹味，好味好味～食飽飽好滿足，靜靜的欣賞埋杯凍朱古力先。

❤️520晚餐 鮮嫩多汁燒紐西蘭羊架520你地同愛人去邊到慶祝呢？🥰我地嚟咗呢間1啲都唔normal嘅supernormal呢間餐廳嘅裝修好有心思嘢食款式主要有西餐同日式串燒價錢公道 性價比高👍🏻當晚仲爆場好好生意因為生酮緊所以我叫咗羊架🐑羊架5成熟係剛剛好 唔會太生燒過嘅羊架滿口油香 外層肉微微焦香火喉控制得宜 非常多肉汁唔會乾爭爭鵝肝牛肝菌意大利飯份量多鵝肝煎得香脆 入口即化個飯底夠多汁 露筍同菇嘅份量好足我地都叫咗少少串燒試吓 點知好有驚喜我最愛嘅鹽燒雞軟骨夠乾身非常香口食牛舌 一定要食牛舌芯 因為係最嫩最香濃唔多餐廳肯做牛舌芯 因為成本好高呢到嘅牛舌夠厚 入口無渣👍🏻水準拍得住我最愛嘅日式串燒店👏🏻.🍚香煎鵝肝露筍牛肝菌意大利飯$128🐑法式燒紐西蘭羊架$188🐔雞軟骨(2串)$24🐄厚切牛舌芯(1串)$42📍SuperNormal (九龍灣)九龍灣淘大商場2期地下196-199號舖