SUKIYA すき家 (亞皆老街)

营业中

休息中

由初開幕到依家仲keep住有人龍 難得行過唔多人即刻排隊食！今次叫左三重芝士牛肉飯(L) + 香蔥溫泉蛋牛肉飯(M) + 布甸抹茶我個人比較喜歡香蔥溫泉蛋牛肉飯，鐘意食蔥既人一定好鐘意 因為真係超多蔥🤤 溫泉蛋係完整俾你自己打落去 感覺好日本亦都乾淨d😋飯既份量真係好多 女仔既話應該食S size都夠飽 M size食哂係飽到上心口跟餐配左個唐揚雞就淋哂凍哂 非常麻麻 唔洗加錢試！至於飲品方面 係幾有抹茶味 但成杯就偏甜 有興趣試既話可嘗試問店員有冇得減甜度

唔知大家會唔同我一樣，喜歡多汁牛丼，我很喜歡，所以多數都會叫加。可是係SUKIYA食，超乎我想像我叫左一碗S牛丼，上台面後我見到無汁，waiter話攞入去幫我加…加完，變左湯飯…圖1我禁鐘仔叫waiter黎：我想加汁，但唔使變成湯飯掛Waiter：咁你想點我：（無奈）可以俾個碗仔我倒返d汁走嗎？Waiter:嗯倒完出黎如圖2其他不評論了

想當年我都好中意食吉吉，無論系牛肉飯定系一人邊爐都成日去食，但唔知點解宜家個心已經唔系佢到Sukiya 款式多，配搭多，早餐營養豐富，仲可以選擇分量，最平一碗牛丼都只系$25 (S), 連LL size都只系$45仲有唔同款色既丼飯例如牛肉，燒肉，咖喱，雞，鰻魚，仲有唔同期間限定既丼飯添，唔少得更系一人火鍋啦~每次去都大排長龍, 今次系lunch time再遲少少既時間去就唔洗排。香蔥溫泉蛋牛丼 (+$10套餐) $44聞說系日本，尼個系人氣之選，對於食蔥唔抗拒既我，更要要試下。可以見到新鮮既蔥粒已經佈滿曬成碗既面。超香呀！再加埋只溫泉蛋， 超級濃郁，系食蔥既樂趣啊~牛肉就正常發揮~😋😋UMAI：7/10 三色芝士牛丼 (+$10套餐) $44芝士碎都唔少，表面未溶，但將佢撈埋飯之後都可以用僅餘既熱力溶左d芝士。無野好講，芝士加咩都好食！芝士控舉手！😋😋UMAI：7/10 炒通菜尼個有驚喜，用蒜蓉炒，味道剛剛好，好過預期，menu寫就系青菜，無估到會系炒通菜😋😋UMAI：7.5/10 同場加映～～🎉Sukiya 都可以食一人小火鍋，暫時我同咩咩就食過牛肉壽喜燒鍋 ($65) 但就無影到

今日第一次食呢間嘅午餐，一如所往好多人排隊呀。正午時份都咁多人排，點都要試一試。等左十五分鐘到，終於入座。叫左個雙併飯，一次試晒兩隻口味，仲叫埋個抹茶特飲，炎炎下日，歎番杯，透心涼。個飯又幾好食播，夠哂多汁，牛肉味濃。

今日行經旺角 又買左牛肉飯食😋我成日都行經旺角分店 從來都未見過佢係冇人排隊 今日我買左溫泉蛋牛肉飯 唔想排隊 買外賣就基本上都好快就有之前食過泡菜牛肉 泡菜味好惹味但今次就想試下溫泉蛋 溫泉蛋配牛肉飯真係一絕 好夾 好好食隻蛋好大隻 個黃又大又多汁配上濃濃既牛肉汁 就咁送飯都一流而牛肉既味好濃 同一個價錢 但係係另一間連鎖店既高級版食完絕對會想返轉頭再食-今次我叫左s size 女仔食岩岩好 仲要啲份量都比想像中多 咁先係$31又抵食又好食❤️😋

Sukiya すき家 係日本人氣牛丼店之一！佢喺香港開左咁耐，排隊就排足咁耐。🥱所以小妹一直都冇去試！有日經過見到只有小貓三幾隻排緊。就即刻捉埋男朋友排隊試吓佢🤩可惜佢令我太失望了🥲叫左個溫泉蛋牛丼🤫溫泉蛋係自己打落個飯既手殘既朋友可以搵frd子代勞🤫飯係偏硬身，幾有咬口肉都夠入味😆可惜個飯冷冰冰，乾爭爭🥲食完真係食左個寂寞🥲無個種有啖飯落肚好暖既感覺。唔建議好餓既時候食，因為食完會仲空虛😂當下午茶都仲OK既。

12點放工，好肚餓食咩好呢？又唔想求期擺野入口，見到你仲開門，就你啦😙😙～～～三色芝士蘑菇多蜜醬牛丼～～～又係比‘期間限定’呢四個字吸引，蘑菇本身就麻麻哋，所以揀咗一個三色芝士嘅蘑菇飯，加芝士實唔會伏啦！😙😙返到屋企都成1點鐘，睇下個飯先😘😘先講牛肉都幾有牛，有5-6塊！睇到芝士🧀份量正常，唔多唔少！芝士醬同蘑菇醬分開配飯係幾好食😋😋，芝士有芝士味、蘑菇有蘑菇味😙😙，但建議兩隻醬唔好溝埋黎食， 因為會抵消咗兩邊嘅味！😔😔芝士味直頭消失咗咁🙁🙁飯嘅份量都好多，差啲食唔晒！😜😜整體來講都係好味嘅！合格之上🥰🥰

蔥牛肉飯+溫泉蛋+菜蔥牛肉飯好足料，啲蔥好新鮮，肥牛都有牛味，無雪味。略嫌個飯有少少乾，但都好食過同類嘅店舖☺️可以問佢拎牛汁令到個飯濕啲加少少菜就有菜同飲品，菜嘅份量唔少，仲用左中式蒜炒香，我認為係超值。

之前次次經過旺角呢間野都見到好多人排隊，條隊勁長，心諗一定係好食或者好扺食，所以決定一定要去試下😤難得今日平日放假，又出開旺角，所以去一試，不過無諗到星期一晏就2點去到都有四五個人排緊隊，好彩都算快見佢最出名係牛丼，所以試左温泉蛋燒肉飯同三重熱溶芝士燒肉丼，兩個飯都好快上，不過賣相就真係認真麻麻，燒肉都無咩特別，十分之普通，另外仲叫左個炸雞，送到黎係凍既，好似叮返熱既急凍炸雞咁，矲金錢都唔係算平，完全唔明點解咁多人排隊😨

最仲意食日本餐既我一早就想食呢間餐廳🥰而掛住湊囡囡既我都好耐無同老公出街撐下枱腳今次經過見到唔係咁多人排隊就即刻去試下以前大家想食牛肉飯就會諗到吉野家但依加愈來愈多日本人氣平民餐廳登陸香港多左好多選擇令大家忍唔住一窩蜂走去試吓而我就唔太仲意太多人要等好耐今次就終於等到機會冇乜人排隊去試🥰—————————————————🔸牛丼 (M) $29一開始見到個價錢以為會好細碗唔夠食所以先叫多個火鍋食🙈呢個價錢真係好抵食👍🏼洋蔥夠晒淋，而且牛肉同飯嘅份量都好足本身想要多啲牛肉汁，但係侍應話冇得另外添🥲💔不過食下食下就覺得其實啲汁已經好夠唔需要再另外加-🔸鰻魚牛肉丼（M) $79老公平時最仲意食鰻魚，就叫左呢個飯試吓鰻魚夠晒大條但係稍為有啲腥，所以感覺一般-🔸牛肉壽喜燒鍋 $60湯底好夠濃❤️有少少偏甜，好好食，但食耐左覺得有啲甜平時以往吉野家打邊爐都係有飯/烏冬選擇而呢到係飯同烏冬都包埋，夠哂飽而且價錢平民！另外想講碟菜比人感覺唔太新鮮同乾淨，所以無食到🙈-🔹珍珠特濃宇治牛奶抹茶 $32珍珠係黑糖珍珠🧋抹茶味夠濃，但係唔知係咪抹茶粉唔夠溶，飲到成口都係抹茶粉🤣整體來講唔會太甜亦唔會太淡-🔹牛奶紅

除左吉x家牛肉飯之外⋯都仲有呢間sukiya選擇👍🏼正！😍😍👍🏼第一次食味道方面個人覺得味道無對家咁甜⋯溫泉蛋蛋黃偏橙⋯應該系用左日本蛋？好味😋😋

每次經過都超多人排隊，所以心思思想試。最終排了35min左右，點了大燒肉丼套餐及中雞球咖哩套餐。燒肉及咖哩汁都不錯，但雞球普通，又不熱。唯一敗筆是套餐中的青菜過份地咸，要求換做沙律，但最終服務員照舊給我青菜及額外給我一碗水，說已重做一份給我(明顯份量多了，感覺是在我原來的菜中再加多點菜炒，籍此溝淡味道)，跟我說若仍覺咸，叫我可用熱水洗一下它。第一次有餐廳給我一碗熱水要求我洗菜，此餐廳真可愛。若朋友叫套餐，建議選擇沙律，因夠凍及配芝麻醬，安全不會輸。而我自己，會再光顧的機會非常微。

每次搭巴士經過都大排長龍，今次咁啱係附近做完野，十二點左右，唔多人排隊，抱住好奇心一試有主食仲有個湯，價錢黎講真係相當平。因此資素唔可以有太高要求。：：：三重芝士牛肉飯：：：牛肉好碎，雖然係肥牛，但feel到係比較次級既，自己係出面買68一磅既都比佢大塊。份量亦好少，感覺芝士既量仲多D。so far一般般。：：：香蔥牛肉飯：：：好鹹.......蔥本身調過味，牛肉又有鹹味，加埋真係鹹上加鹹價錢黎講係比吉*家平，套餐選擇亦比較多，無預算既情況下，可以選擇。但我覺得都係黎一次打下卡試試便算。

朝早食飯，真係去日本旅行先會咁做不過冇得飛，扮下去左日本都好三十零蚊，佢冇野輸，不過要大排隊就會黎食咁啱朝早經過，人少少，可以一戰叫左魚set三文魚太乾身了，不過佢夠鹹香，係架日本都係咁食，鹹香送飯嘛

永遠都係等無晒排隊人潮之後先去食嘅我，終於食Sukiya了🤣-🔻香蔥溫泉蛋牛丼(S) $34 + 炸雞套餐 $20因為嗰日唔太肚餓，所以叫左最細嘅size，但都比我想像中多😂女仔呢個份量連埋炸雞係啱啱好，單叫飯就可以叫M size😂蔥嘅份量比餐牌張相少🤣溫泉蛋生熟度剛剛好，撈埋蔥同飯一齊食好幸福☺☺不過醬汁太鹹，唔係好夠飯送😹炸雞雖然唔係新鮮炸起，但外皮仍算香脆。最驚喜嘅係冰紅茶！好多時紅茶係會太甜，但呢杯唔會過甜之餘仲幾清，餘韻嘅紅茶香都唔弱~-👅食後感：呢間比起吉xx多好多選擇，而且味道都唔錯，希望可以再開多啲分店😭-👀個人喜愛度：7.5/10-🚩SUKIYA すき家旺角亞皆老街31號地舖