Suage北海道湯咖哩

营业中

休息中

好多年前食過北海道湯咖喱之後念念不忘，原來香港都開左湯咖喱專門店！😍🥘湯咖喱可以配飯/烏冬/拉麵，仲可以自選辣度同追加自己想要嘅配料。我地叫咗湯咖喱芝士韓式肉碎拉麵同生炸雞髀湯咖喱，裡面仲有好多蔬菜均衡營養，有齊南瓜🎃、薯仔🥔、茄子🍆、西蘭花🥦、椰菜同粟米🌽！炸雞髀🍗即炸出嚟超級Juicy，韓式肉碎辣辣地食完好暖胃🔥！拉麵吸咗咖喱湯精華每啖食落去都好邪惡😆！我地仲點左份shake shake炸雞，燒烤粉食好有風味😍！食完辣嘢我哋仲叫咗甜品，牛乳Oreo朱古力芭菲🍨同開心果雪糕筒🍦！雪糕筒可以外賣買，而家咁熱食行街食返杯雪糕真係岩哂！鍾意湯咖喱嘅朋友一定要嚟朝聖！

今日經過朗豪坊見到呢間北海道湯咖喱好似幾吸引，叫咗一個芝士漢堡湯飯做午餐，等咗大約15分鐘終於上菜了，午餐嚟講略嫌時間較慢。午餐附送一杯冰茶，味道出乎意料幾好飲喎，本來以為通常送嘅冰茶都係好淡，但係佢酸酸甜甜有幾開胃。然後漢堡湯咖喱，漢堡裏便有好多洋蔥，我非常喜歡。湯咖喱質地較稀，加入咗檸檬果然又比較清新。雖然冇其他食評中講得咁經驗，但係都值得一試嘅。職員亦都好有禮貌，我叫咗杯冰茶少冰，但係仍然覺得太多冰，職員即刻俾個匙羹同埋吉杯我。

來自北海道札幌嘅湯咖喱專門店，超過10款口味選擇，可跟飯/烏冬/拉麵，可揀原味咖喱湯底或者加錢揀限定口味湯底，跟住揀辣度同追加配料，非常flexible~ 🔘生炸雞脾湯咖喱 (跟拉麵 微辣2) 店員好貼心，另外俾咗隻碟我放雞髀，可以好優雅地用刀叉切雞髀，不得不讚吓隻雞髀好有水準，超嫩滑雞肉，揀選咗原味咖喱湯底，用大量蔬菜熬製，味道好鮮甜，比想像中輕盈嘅湯咖喱~ 🔘韓風八爪魚串湯咖喱 ((跟烏冬 小辣5）期間限定嘅韓風口味，加入咗泡菜，湯底辣味出啲更惹味，除咗魚糕同八爪魚串，仲有茄子、椰菜花、粟米、紅蘿蔔、薯仔同南瓜等等大量蔬菜，健康又飽肚~🔘海苔魷魚天婦羅 🔘風味香辣泡菜煎餅 追加嘅小食價錢唔貴，估唔到份量都幾多，自己鍾意泡菜煎餅多啲，冇咁熱氣，點韓式辣醬一齊食，味道唔錯~🔘扭紋雪糕 限定口味係開心果味，配搭日本3.5生乳軟雪糕，雪糕質地軟滑，星期六日外賣，仲有第二杯半價嘅優惠~

呢間被稱為北海道No.1嘅湯咖喱，而家喺朗豪坊都有得食😎湯咖喱好多款式選擇，辣度都可以揀（唔食辣可以試吓原味），除咗配飯仲可以配烏冬同拉麵，湯底仲可以加錢換湯底🍛另外仲有得外賣或者堂食甜品添～🔸酸辣粉絲沙律 (HK$28)而家有韓式主題，呢個酸辣沙律好開胃，有蔬菜同埋好多粉絲🥙🔸泡菜煎餅 (HK$28)呢個價錢都算好大份，煎餅薄薄的，外脆內軟，泡菜味都幾突出🙂🔸 炸雞髀湯咖喱飯 (HK$92)炸雞髀好大隻，雞肉都好嫩滑，咖喱底下有好多唔同嘅蔬菜😁🔸 Suage Special 湯咖喱 (HK$128)另一款揀咗呢個招牌，咖喱配烏冬都好夾，配料都好豐富，有大條嘅司華力腸、炸雞同埋豬肉🙌🏻🔸日本3.5生乳Oreo朱古力芭菲 (HK$58)甜品就揀咗呢個芭菲，層次好豐富，最底有涼粉中間就有朱古力脆脆，最上面就有藍莓香蕉朱古力醬🤪

這間湯咖喱專門店在北海道一直廣受好評，今日終於有機會食。咖哩湯底是由日本直送，湯咖喱可以加錢換湯底，辣度由BB 辣到99級辣度，提供十多款主菜，搭配各款肉類、時令蔬菜及海鮮，如脆皮雞腿肉串野菜湯咖喱、炙燒豚角煮湯咖喱、原隻脆雞髀湯咖喱等，仲有兩款韓風系列。點了韓風八爪魚串串湯咖喱配烏冬及芝士漢堡扒湯咖哩配飯，他們的湯咖哩酸甜香辣，不膩口。每一份湯咖哩除了主要的肉類，還放有不同已經烤過的蔬菜，有茄子，紅蘿蔔，薯仔，西蘭花，雞蛋及南瓜等。前者的八爪魚爽脆，魚糕厚身。後者的漢堡扒夠juicy.另外餐廳亦有供應小食，甜品雪糕及飲品。點了一份風味香辣泡菜煎餅，唔會太過厚粉漿，煎得金黃煙韌。

二月去完北海道，好掛住湯咖喱!!好彩香港有日本過江龍Suage，係旺角就食到(⁎⁍̴̛ᴗ⁍̴̛⁎)見到除咗湯咖喱，仲有外賣飲品同(日本)雪糕提供~▫️日本廣島蠔湯咖喱 $108廣島蠔粒粒飽滿脹卜卜，食落好鮮，一啲都唔腥!!湯咖喱獨特香氣惹味，撈飯真係一流!!湯底有辣度可以選擇，要BB辣已經好惹味!!食唔到辣嘅可以加錢換其他湯底(櫻花蝦濃湯)▫️生炸雞脾湯咖喱 $88成隻雞脾上，大大隻，雞皮炸到好脆!!裏面材料好豐富，本身配嘅菜都甜~最喜歡茄子同西蘭花~▫️風味香辣泡菜煎餅 $28▫️SHAKE SHAKE 炸雞 $48兩款韓式新菜單。泡菜煎餅唔會好酸泡菜味。熱辣辣炸雞，放入燒烤粉一齊shake好咸香惹味!!▫️柚子乳酸梳打 $26▫️百香果乳酸梳打 $26兩款飲品都好清新解膩，唔會好甜~

呢間位於朗豪坊嘅餐廳，環境開揚，主打食湯咖喱。價錢唔算貴，所以去咗試。叫咗和牛湯咖喱烏冬湯底，香濃帶微微辛香，和牛片份量夠多。烏冬彈牙，吸盡咖喱湯，湯有好多配料，有蛋、粟米、南瓜、茄子等。另外韓風八爪魚串串湯咖喱，創意十足！八爪魚彈牙，串串造型方便食用，咖喱湯底加入韓式風味，味道層次更豐富。 小食SHAKE SHAKE 炸雞🍗，炸雞外脆內嫩，跟餐附送調味粉，自己shake勻，更加惹味。 飲品香桃蘋果茶幾清爽！

今日約咗朋友出旺角行街,咁啱見到呢間北海道湯咖喱幾特別~Suage special 湯咖喱咖喱湯底係比較水狀, 唔會好漏～味道唔會太辣~ 呢款咖喱有好多餸, 賣相已經好豐富! 有條司華力腸, 雞腿肉同埋好多蔬菜~ 配埋咖喱味道都幾夾~將白飯倒入去咖喱度食好似湯飯咁, 啲飯吸晒啲汁超好食! 😋炙燒豚骨煮湯咖喱豚肉肥瘦均勻肥膏同埋肉一層層, 同埋肉質好腍, 幾好食! 仲有好多蔬菜添~ 配埋白飯好掛汁, 成個配搭同咖喱好夾~ 🥰韓式燉煮牛肋條牛肋條剪到細細條, 肉質幾彈牙～仲有啲蘿蔔同埋薯仔做配菜～味道甜甜地幾好味!Shake Shake 炸雞(燒烤）炸雞炸到好香脆, 雞肉好嫩滑~真係好似食Shake Shake薯條咁! 將粉同埋雞肉加入紙袋搖一搖😝就變咗燒烤味嘅炸雞, 趁熱食超好味!呢間店啲咖喱都幾特別~職員有禮貌同helpful~下次有機會再試埋其他款🤩

行開朗豪坊Pop up Store 隔離開咗一間北海道湯咖喱未入去已經聞到陣陣咖喱味圖片好吸引，一於入去試一試店家仲提供外賣飲品和雪糕🍦❣️和牛湯咖喱 加配漢堡扒、脆皮雞腿肉串首先選擇湯咖喱，再選配米飯、烏冬或拉麵，另配有日本南瓜、茄子、蓮藕和2款時令蔬菜，我地揀咗原味和牛湯咖喱米飯，一上台已經被滿滿的材料震驚🤩和牛的份量簡直好驚人～先將檸檬汁擠在飯上襯托出湯咖喱嘅層次和香氣，再嚐一口湯咖喱🍛最後將米飯倒進湯咖喱裡，讓每一粒飯都沾上咖喱，真系好滿足！*湯咖喱可以加錢換其他湯底，多種辣度可以選擇❣️Shake shake炸雞熱辣辣的雞塊，趁熱食口感最佳～兩件雞塊炸至金黃色，肉質嫩滑外皮酥脆，吃咖喱最佳配搭❣️蔥香烤牛舌牛舌切至薄片，用大蔥爆炒，陣陣牛味，鍾意食牛舌的朋友絕對不可以錯過！❣️海苔魷魚天婦羅魷魚天婦羅經常食得多，今次加入海苔，有另外一番風味～份量依然好充足，外脆內軟，食到停唔到口❣️北海道薯蓉芝士年糕呢款年糕啱晒我心意，薯蓉混合幼滑的香濃芝士，超吸引～炸至金黃脆卜卜好軟糯，每啖都嘆盡薯蓉同煙靭年糕的豐富口感👍❣️雪糕新地日本的雪糕當然唔可以錯過，雪糕好香牛奶味🐮加入士多啤梨和藍莓，又酸又

未食過北海道名物咖喱湯🤣可以配飯、拉麵或烏冬🍜仲有多種辣度供選擇😊見呢間餐廳喺朗豪坊都開咗一段時間，搵日放工就去試吓啦👍🏻❣️韓風八爪魚串串湯咖哩 配拉麵材料好豐富，有唔同嘅蔬菜🥬例如茄子，粟米、西蘭花、薯仔、蘿蔔等等，另外仲有長條型魚餅😇仲有主角八爪魚串🥰咖喱湯底超濃郁有少少辣，加埋泡菜更加惹味🤤拉麵都好掛湯🫶🏻咖喱湯喺呢度必叫嘅菜式👍🏻⚠️如果驚太濃味，可以加錢轉湯底❣️韓式燉煮牛肋條配菜有蘿蔔同薯仔🥔牛肋條同配菜都炆得好入味😋牛肋條有少少肥肉嘅部份就比較腍，瘦嘅就有啲嚼口❣️黑松露極旨蛋拌烏冬 加糖心蛋、炙燒豚角煮有兩隻蘭王蛋黃好邪惡🫣旁邊有三碟配料，意大利買松露油、牡蠣木魚醬油、脆海苔碎，放入烏冬撈埋一齊味道唔錯，烏冬好滑身，整體清清地幾啱夏天食😋❣️香橙菠蘿蜜茶橙加菠蘿酸酸地感覺幾清新😊另外餐廳仲有外賣飲品同甜品雪糕🍦不過嗰日太飽😮‍💨下次再食雪糕新地🍨

脆皮雞腿肉串櫻花蝦濃湯烏冬湯底濃厚蝦味，鮮甜無比。烏冬口感彈牙，沾滿美味櫻花蝦濃湯，讚 (湯咖喱可加錢轉櫻花蝦濃湯)日本廣島蠔湯咖喱拉麵 咖喱湯香氣撲鼻，非常惹味，與拉麵非常匹配，廣島蠔鮮味飽滿，不錯熱香桃蘋果綠茶清爽的綠茶伴隨着陣陣香桃和蘋果香氣，消暑佳品，非常清新熱日本特濃抹茶紅豆牛奶香濃抹茶配上粒粒紅豆，中和了抹茶嘅苦澀味宜家仲有外賣雪糕啊🍦Suage 北海道湯咖哩📍旺角亞皆老街8號朗豪坊4A樓1號舖

來自北海道既過江龍Suage湯咖喱，就係旺角朗豪坊，地點超方便，以濃郁清甜的日式湯咖喱聞名，而且標榜係用日本自家農場蔬菜熬煮12小時既湯底，甜味自然，咖喱香料溫潤不嗆喉，帶點日式咖喱的醇厚，但比一般日式咖喱更清爽，可以根據自己口味而選擇辣度。炙燒豚角煮湯咖喱豚角煮燉得極其軟嫩，肥瘦比例恰到好處，油脂甘香但不膩，豚肉表面經過炙燒，焦脆的邊緣帶出微微炭香，豚肉浸泡在Suage的獨門湯底中，吸收左番茄、洋蔥同咖喱香料既精華。韓風八爪魚串串湯咖喱如果鍾意濃郁辛辣既風味，呢款韓風八爪魚串串湯咖喱非常有驚喜。呢款湯咖喱融合左北海道湯咖喱的鮮甜同韓式辣醬的辛香，食落非常有層次感。八爪魚口感極佳，彈牙爽嫩，完全唔會韌，另外仲有串串魚板，非常彈牙，魚肉味香濃。SHAKE SHAKE炸雞炸雞外脆內嫩，撒上燒烤粉後鹹香惹味。藍莓乳酪特飲藍莓乳酪特飲酸甜清爽。香桃蘋果茶而香桃蘋果茶果香自然，解膩一流。

品牌於2007年喺札幌創立，招牌菜為湯咖喱，由北海道直送，採用大量當地出產嘅洋蔥、番茄等蔬菜熬製，再加入薑黃、豆蔻、丁香、月桂、辣椒、馬薩拉等香料而成，湯底香濃而不膩，可按個人口味選擇辣度，老少咸宜，值得試試。選擇困難症可以要Suage Special 湯咖喱，樣樣有齊唔使諗，司華力腸、雞肉串、炸雞等，淨係賣相都贏咗，重點推介司華力腸，大大條，外皮脆身，啖啖肉，味道鹹香，好味道。性價比高有唐揚雞湯咖喱，四大塊，外脆內嫩又Juicy。另可加點配料，蓮藕片、西蘭花、翠肉瓜、白菜、芝士等，個人喜歡茄子，大條軟嫩，感覺更健康。主食有三款，麵條吸滿湯汁，掛身，惹味十足，尤其是係拉麵，烏冬正常發揮，鍾意湯飯嘅話就要白飯啦！最近推出一系列韓式料理，風味香辣泡菜煎餅超大一份，性價比甚高，外皮微微脆，唔辣唔油，適合分享。酸辣粉絲沙律醬汁分開上十分貼心，淡淡香氣，不過要趁早食唔係嘅話會黐住。另外佢哋仲有外賣飲品同雪糕，經過口痕可以叫。

日式咖喱飯就食得多，湯咖喱你又有冇食過呢？最近試咗朗豪坊呢間湯咖喱專門店，有新推出既韓國風菜單。Menu 有多款不同材料配搭的湯咖喱，可以選擇配飯、烏冬或拉麵。而且提供多式小食，甜品芭菲，外賣飲品和雪糕，價錢親民，值得一試。餐廳推薦湯咖喱配飯的配搭。建議先把檸檬汁擠在飯上面，品嚐一口湯咖喱，再將飯浸入湯咖喱中，增添風味。除咗湯咖喱湯底，可以加$10換成櫻花蝦濃湯，味道更特別。餐廳提供多種辣度選擇，有辣有唔辣，非常任君選擇，肯定可以滿足你嘅需求！新菜單入面，我好推介Shake Shake 炸雞，份量大，炸雞外脆內嫩，配上黑松露shake粉，陣陣香味撲鼻。另外酸辣粉絲沙律好清新，有超多配料，蛋絲、青瓜絲、紅蘿蔔絲混合而成，口感清爽彈牙。小食款款都好吸引，而且價錢親民，試多幾款都唔怕。最後食埋個甜品牛乳雪糕，十分滿足！總括來講，湯咖喱食落好似中式嘅湯飯，咖喱唔會話太鹹，有一陣洋蔥嘅甜味，食落比較輕盈。餐點選擇好豐富，推薦可以試下👍🏻

我平時都鍾意食日本咖喱，貪佢唔辣又帶點甜味。而且有外賣飲品及雪糕提供。今日揀左呢間過江龍#Suage北海道湯咖喱 ，食完另有一番日本咖哩新體驗。✅Suage Special 湯咖喱飯視乎自己的口味，提供多種辣度選擇。碗內有雞肉串、炸雞、司華力腸、脆肉瓜、唐心蛋、茄子、南瓜等。份量夠多之餘，樣樣都食到，對呢碗湯咖喱贊不絕口，可以試下加錢換湯底，用嚟送飯簡直一流呀！✅日式唐揚雞湯咖喱烏冬 當然要先嚐嚐原汁原味湯底，味道濃郁醇厚。拉麵Q彈有勁，而湯中更配上了日本南瓜、唐心蛋和茄子等，為拉麵增添了多重口感，新鮮炸出來的雞塊沾上湯汁，入口雞肉多汁細嫩，，非常惹味。✅韓式燉煮牛肋條入口淋身，牛味濃郁，系日式餐廳都食到韓式小品，幾有驚喜!!✅SHAKE SHAKE 炸雞-燒烤味店員提供左紙袋，比我哋親自調較口味。Shake 一 shake好味自然來，而份量蠻豐富！