Suage北海道湯咖哩

营业中

休息中

Japanese fried chicken soup curry 日式唐揚雞湯咖喱 🍛$78餐廳嘅咖喱絕對名物，今次叫咗日式炸雞🍗湯咖喱，除咗有日本白飯之外，仲成碗湯咖喱配埋來自日本嘅南瓜🎃、煮到好腍嘅茄子🍆、養生翠玉瓜、抗癌嘅西蘭花🥦、薯仔🥔同埋好粉嘅蓮藕片，配埋即叫即炸嘅炸雞，再將唔會太辣🌶️但creamy 嘅咖喱汁撈飯一齊食，性價比好高又飽肚啊Deep fried dumplings 日式炸餃子 🥟 $28熱辣辣嘅炸餃子外皮香脆，裏面有豬肉餡料、少少菜同埋蔥花🌿，點埋homemade 餃子醬一齊食，係個唔錯嘅小食Ox tongue with salt & leek 👅 蔥香烤牛舌 $38一碟有四片嘅烤牛舌確實幾抵食，面頭滿佈香蔥，香噴噴得來同牛舌🐮好夾，牛舌仲燒到粉紅色，望落去已經好吸引！Virgin pina colada 菠蘿椰汁凍奶 🍍🥛 $36酸酸甜甜嘅菠蘿凍奶同咖喱都好match，飲品嘅椰汁味好重🥥，奶味香濃，飲起上嚟口感幼滑French fries with black truffle sauce 炸薯條配黑松露醬 🍟 $28黑松露薯條好受食客歡迎，粗薯條每條都夠晒香

去完北海道掛住個湯咖喱, 第一時間諗到人氣日本過江龍北海道湯咖喱suage! 想食性價比高、選擇多、份量足嘅咖喱，呢度真係不二之選。🍛店長推介隻燒豚角煮湯咖喱豚角煮做到入口即溶, 兩件大大件, 非常邪惡. 湯咖喱選取原味, 冇特別加辣, 食到好重香料味，亦都有唔少洋蔥渣渣. 蔬菜配料非常多, 我仲額外加咗大啡菇~蔥烤牛舌牛味濃郁, 好有嚼勁. Mango Lassi淡淡乳酪味, 好解渴!最後梗係要食埋個甜品扭紋雪糕, 係期間限定嘅烤芋。買單嗰時順便外賣拎走，是滿滿的幸福感🤤

人氣過江龍suage北海道湯咖喱喺朗豪坊都開咗一段時間🥹今日終於有機會嚟食到佢啦而家做緊日本秋際 即係以黑松露為主打✨脆紫菜日本川海老$48海老顧名思義係蝦一碟滿滿嘅海老 連埋紫菜炸到脆脆咁蝦仔細細隻可以連殼食 十分之香口✨蔥香烤牛舌（四片 ）$38薄新嘅牛舌加上烤過嘅蔥香再配上檸檬汁 分外惹味✨海苔魷魚天婦羅$28個人認為呢個菜式嘅性價比係相當之高份量大之餘 菜式都相當有心思因為連埋海苔一齊炸每一啖都會食到紫菜加魷魚嘅味道 仲要脆卜卜✨帆立貝黑松露湯咖喱烏冬（多種辣度選擇）$108（湯底可以加錢換湯底味道）第一次嘗試北海道嘅湯咖喱（簡左少辣）同一般香港嘅咖喱味道有啲唔同咖喱湯味道偏濃厚厚再加上黑松露完全冇違和感✨炙燒豚角煮湯咖喱拉麵$110加唐揚炸雞兩件$18炸雞外皮相當脆口 而且無減肉嫩滑而豚角就係佢嘅招牌有少少似食緊五花腩嘅感覺享受到啖啖肉嘅滋味餐廳仲有多款飲品及雪糕 可以堂食或外賣但由於今次食得太飽 所以就冇試到嚕🥲

位於旺角的日式咖喱湯麵店，源自北海道札幌的湯咖哩專門店，拓展至海外各地都有分店。香港店在朗豪坊商場中層的開放式位置，門外也設有外賣飲品及雪糕。小食：炸薯條配黑松露醬薯條新鮮炸起，香脆可口，蘸點黑松露醬，散發淡淡黑松露香，味道頓時提升。湯咖喱：脆嫩柚子炸雞髀湯咖喱烏冬無論是湯底、辣度、主食都可以自由選擇，有多程度的辣度供客人挑選，主食配白飯、烏冬或拉麵也可，還可以額外添加配菜。雞髀大大隻，雞皮薄薄的，雞肉厚實，不過柚子味不太嚐得出來，可能被咖喱味掩蓋了。這碗額外添加了和牛片及多一份烏冬。湯咖喱：日本廣島蠔湯咖喱烏冬原味的咖喱湯底，小辣程度，濃香惹味。配菜有日本南瓜、白菜、茄子、蓮藕等蔬菜及溏心蛋半隻。另外還加了西蘭花、翠肉瓜以及一串脆皮雞腿肉串，十分豐富。每粒廣島蠔都蠻大隻，蠔肉部份脹鼓鼓，咬下去一下滿口蠔汁，鮮味非常。

估唔到咖喱同埋黑松露可以咁夾。Suage主要食北海道湯咖喱嘅餐廳，呢期有黑松露期間限定嘅特色食品。試咗最特別嘅呢款墨魚川海老釀大啡菇黑松露湯咖哩烏冬。湯咖喱加入咗黑松露，咖哩味道濃烈，但又唔會蓋過黑松露嘅香氣，無論配飯或者烏冬都咁好味。咖喱辣到又可以按你嘅需要轉成大辣或者唔辣。另外墨魚肉同埋蝦肉喺大啡菇嗰度再炸，呢個配料的確幾好食。大啡菇嘅Juicy，加入咗墨魚蝦滑嘅味道，的確係正。仲有小食脆紫菜日本川海老，啲蝦仔炸到脆卜卜，就咁食又得，加埋入咖喱食又得。或者叫一客黑松露薯條點咖喱一樣咁好味。佢哋外賣Counter仲有雪糕甜品或者特飲可以外賣拎走，咁就唔使嘥時間。

夜晚八點半去，叫咗一個炙燒咖哩跟飯同帆立貝咖哩湯拉麵，小食同一杯香燈菠蘿蜜綠茶。友人嗰飯份量好少（細過手掌size）男仔食一定唔飽，帆立貝嗰拉麵好似公仔麵，整體而言，平平無奇，唔值價錢。杯綠茶根本係濃縮燈汁溝大量水feel，又淡又難飲，但價值$26😅最嬲係食到9:00 last order完有個男人侍應過嚟叫我哋埋單先，我哋仲咬緊啲食物，正常都放低張單等一陣再收，但係佢又唔係喎，態度又差，直接問我哋咩payment禁埋機咁，嗰客仲食緊野咁催客埋單真係第一次見，完全無禮貌，仲要收service charge😅，絕對無下次

近年來香港多左好多湯咖喱，有別於我地香港平時食開既咖喱飯。湯咖喱顧名思義咖喱變成湯，與濃稠咖喱作法完全唔同。食之前有點擔心咖喱味會過重，幻想平時食開既咖喱汁飲落肚都幾係野🤯🍽️日式叉燒湯咖喱｜$82｜推薦👍🏻上菜啦～大大片既叉燒配搭各款各樣既蔬菜。叉燒唔好以為叉燒睇落去大大片實無死，我試過唔少拉麵店既叉燒都係大大片點知食落得一片又或者薄如紙好彩，今次呢間仲有好2-3大片叉燒講唔上係超級厚，但厚度可接受，食落非常柔軟。蔬菜配菜有茄子、蓮藕、翠玉瓜、和西蘭花湯咖喱總係伴隨多些蔬菜，自我感覺都健康D😆食物款式可以揀配飯、烏冬或者拉麵湯底可以揀原味、櫻花蝦濃湯(+$10)、特選限定(+$10)辣度更有8個選擇，包括原味、BB辣、小小小辣、中辣、特辣、極辣(+$10)、地獄辣(+$10) 、無語辣(+$20)🍽️海苔魷魚天婦羅 ｜$28雖然炸出黎好熱，但食落就無咩海苔味，調味亦算淡。再者炸粉厚亦唔係天婦羅炸法🍽️果香茶｜跟餐不用加錢的果香茶，茶味淡淡，當有味道的水飲便可環境：🌟🌟🌟地理：🌟🌟🌟🌟🌟賣相：🌟🌟🌟味道：🌟🌟🌟性價比：🌟🌟🌟推薦度：🌟🌟🌟（5星為最高）🍽️ Suage北海道湯咖哩📍旺角亞皆老街

嗌咗蠔湯咖喱烏冬，d蠔好肥美鮮甜，滿足到我想食蠔嘅慾望 。湯咖喱正嘅地方係唔會太濃太淡啱啱好，亦都唔鹹，可以當湯咁樣食，烏冬真係幾正。鍾意佢入邊有啲蔬菜，令到顏色豐富啲又可以轉換下味道。不過座位有啲迫，而且燈光直接射向頭，好「曬」。

今日過開嚟旺角朗豪坊，見到原來開咗喺北海道人氣湯咖哩，好多人食就試下先。 適逢餐廳推出秋祭小食，我哋都揀咗幾款，分別係脆紫菜日本川海老 （$48）、炸薯條配黑松露醬（$28），非常優惠抵食。 日本川海老：海老炸到脆卜卜，連個蝦殼都可以一齊食埋，味道鮮甜。配合香脆嘅紫菜，味道更為提升。 另外再叫咗個雞皮餃子，外皮金黃酥脆，內餡軟嫩多汁。雞皮油香十足，餡料亦都好飽滿。 炸薯條配黑松露醬：薯條炸得金黃香脆，而且熱辣辣，薯味濃郁，點埋個黑松露醬真perfect！ Suage Special 湯咖喱：有唐揚炸雞、司華力腸、日本厚切煙肉、脆皮雞腿肉串，非常豐富。唐揚炸雞炸得金黃香脆，食落有燙口感，咬落去亦好juicy。 炙燒豚角煮湯咖喱：如果第一次食，呢個絕對係必點。湯咖喱套餐方面可以揀白飯、拉麵或烏冬，再有3款唔同湯底可以揀，普通原味湯底就唔使加錢，至於櫻花蝦濃湯同埋特選限定就要加$10，大家亦都可以按照自己喜好要嘅辣度。另外可以另加配料同蔬菜。 一上檯先先嚐一嚐個湯咖哩，湯頭非常清爽，不算太過濃稠，咖喱味道恰到好處，唔會太過鹹味。湯底用咗大量北海道出產嘅洋葱、蕃茄等蔬菜熬製而成，並加入多種香料

自從去完北海道之後好鍾意食湯咖喱 原來北海道湯咖喱品牌都嚟咗香港位置就喺朗豪坊好方便除咗咖喱之外都 仲有外賣的甜品和飲品-午食之選價錢包含主食 、飲品雞肉串肉質嫩滑多汁，啖啖肉好好食湯咖哩可配芝士飯 或者 拉麵 或 烏冬可以選辣度有淡淡的辣香～賣相不錯，配菜豐富湯咖哩配菜有南瓜、翠肉瓜、茄子、蓮藕、薯仔、溏心蛋等。-黑松露季節限定系列一上枱已經好香黑松露味~薯條勁脆好食😋！脆紫菜日本川海老海老炸得香口 細細粒忍不住一口接一口-唐揚炸雞 我鐘意蘸咖哩🍛薯仔芝士餅 必食！煙煙韌韌

其實都真係第一次食湯咖哩，跟傳統食開的日本咖哩完全不同，質感無咁濃稠，咖哩完全是融合在湯底之中。湯底除有原味，還可以加$10轉櫻花蝦濃湯或特選限家的湯底。而且有多種辣度選擇，小女子自問都算是嗜辣者，第一次食先試大辣的Level 7，感覺辣味不算太勁，下次我要加$10挑戰極辣的Level 10或地獄辣Level 20。如果外賣的話，不知道辣味會不會有變呢，原來除了主食連飲品及雪糕都可以外賣，下次試試。炸薯條配黑松露醬 $28開正餐前先點了份小食醫肚，新鮮即炸的薯條切得幾粗身，外脆內嫩，配埋好香的黑松露醬，食到停不了口。墨魚川海老釀大啡菇黑松露湯咖喱 $118店家正在做黑松露季節期間限定，所以有好幾款黑松露湯咖喱的選擇。就湯底而言，咖哩味比較重，不過每一口都有少少黑松露香，都幾好飲。三粒大啡菇釀滿墨魚肉和蝦肉，彈牙的肉質加上軟淋的菇菇，口感幾豐富，配菜都算多，有溏心蛋、茄子、南瓜及蓮藕，拉麵麵身偏軟，但算掛汁，味道不錯。Suage Special湯咖哩 $98本身原價$118的Suage Special湯咖哩，因為最近做緊感謝祭減了$20。配料好豐富，有好大條的司華力腸、日本厚切煙肉、唐揚

自從去完北海道就愛上左湯咖哩凍冰冰食返個湯咖哩即刻成個人暖笠笠係北海道最出名嘅品牌Suage原來香港朗豪坊都有分店 天氣開始涼涼地 就去回味下先期間限定黑松露系列帆立貝黑松露湯咖哩帆立貝大大粒又鮮味黑松露唔會太濃 唔會蓋過咖哩嘅味道炸薯條配黑松露醬薯條新鮮炸起勁酥脆黑松露醬好Creamy 好香鮮野菜盛湯咖哩加灸燒豚角煮北海道一定要食野菜 因為佢地嘅蔬菜真係別好味自帶天然甜味 佢地嘅湯咖喱仲可以加錢換湯底有櫻花蝦濃湯同特選限定仲可以自己揀辣度 自己咖哩自己話事😋記得湯咖哩正確食法係將白飯加入湯咖哩入面食😋芒果乳酪特飲好濃乳酪味 好濃厚 加芒果好夾伯爵荔枝橙茶清爽之選 香橙同荔枝好平衡唔會互相搶左對方嘅味道佢地嘅飲品同雪糕有好多款式可以外賣 行住街食🥰真係好開心香港都食到北海道正宗嘅味道😚

餐廳位於朗豪坊，位置方便，鄰近旺角地鐵站，餐廳主打源自北海道札幌既湯咖哩，環境開揚舒適。炙燒豚角煮湯咖喱鳥冬選擇左Suage原味湯咖哩，睇番介紹湯底採用大量當地出產的洋蔥、番茄等蔬菜熬製成高湯，並加入秘製的混合香料，包括露黃、豆蔲、丁香、月桂、辣椒、馬薩拉等多種食材通過長時間熬製而成，使食材精華與湯底完美融合，散發出獨特的濃郁鮮味。墨魚川海老釀大啡菇黑松露湯咖哩湯底黑松露味頗為濃郁，與湯咖哩融合令其更為香口同時creamy，海老肉釀入大啡菇內，食落口感豐富，蝦肉肉質軟熟同時大啡菇十分多汁，整體味道有層次感。脆紫菜日本川海老川海老有別一般細蝦乾，海老外皮香脆，內裏蝦頭有膏，蝦油甘香純厚，是不錯佐口小吃，配搭脆紫菜特別爽口。青蘋果乳酸梳打菠蘿椰汁涷奶

呢間喺北海道嘅湯咖喱專門店，原來喺香港都開咗分店，之前去北海道旅行一直都好想試，但係好多人排隊，唔夠時間所以冇試到。今次嚟咗朗豪坊去食佢嘅湯咖喱，點左脆嫩柚子炸雞脾湯咖喱，湯咖喱比起普通嘅咖喱清淡，食完唔會又好滯嘅感覺，但係又有好香嘅咖喱味，除咗炸雞髀之外，仲有多款蔬菜，好豐富。除咗湯咖喱，今次仲點咗黑松露極旨蛋拌烏冬，烏冬上面有兩隻生嘅高級蘭王蛋，將意大利黑松露油、牡蠣木魚醬油同埋海苔碎加入，攪拌勻循，淡淡都有好香嘅黑松露味，好正。小食方面，點左脆紫菜日本川海老，好惹味！

話說爹哋媽咪同妹妹去咗北海道旅行返嚟買咗好多手信俾我突然之間我亦好想回味當地餐廳即刻約朋友去食北海道湯咖喱脆紫菜日本川海老 $48起初仲以為要自己剝殼，原來係細細隻好脆卜卜嘅蝦仔，撈埋紫菜食口感好特別！帆立貝黑松露湯咖喱 $107新鮮嘅帆立配埋香氣十足既黑松露，非常誘人～ 天氣越嚟越涼，食咖喱真係好暖胃！咖喱仲有唔同辣度選擇，我自己就點咗微辣，真係唔係好辣！另外加錢 + $28可以配埋炸雞，幾惹味！炙燒豚骨湯咖喱 $92朋友同我都點咗原味嘅咖喱，個湯用咗唔同嘅香料同埋煲湯熬製而成，配烏冬吸晒湯既味，豚骨煮肉夠軟腍腍，配料都好豐富，有蓮藕、西蘭花、半熟溏心蛋、茄子、南瓜！我仲加左 +$18 雞肉串！蔥香烤牛舌 $38牛舌烤得啱啱好，唔會太硬，加埋大蔥同埋檸檬汁幾開胃！外賣仲可以叫雪糕和唔同的飲品！下次試下先！