Studio Caffeine (廟街)

营业中

休息中

年初三，其實第三次幫襯不過今次順便叫多個甜品因為冇其他食物供應 所以揀咗個Tiramisu 外賣($78)啲手指餅仲係硬冇浸過咖啡酒，支外賣木叉篤極都篤唔入完全食唔到淨係食cream🫣

夜晚想同朋友慢慢食下飯傾下計，上網搵到呢間餐廳可以慢慢坐，冇限時。餐廳野食種類唔算好多。冬陰公醬配虎蝦意粉 $145蒜香本菇配帶子意粉$135意式煙肉卡邦尼配巴馬火腿意粉 $135意大利奶油芝上醬配蟹肉意粉$135黑牛安格斯西冷配 蜜糖芥末醬 $138呢到意粉味道都幾好，不話份量就少左d。蒜香本菇配帶子意粉覺得偏油，冬陰公醬配虎蝦意粉覺得最好食，辣辣地，蝦都好食😊沙律就普普通通，冇咩特別。另外仲叫左幾款是日蛋糕，不過最好食係個TIRAMISU🤣🤣想傾計呢間餐廳幾好，野食就性價比唔太高。

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯週末最休閒瞓到黃朝百晏先起身，之後就係同朋友一齊去Cafe嗰度食all day breakfast,今次搵個方便大家嘅位置喺佐敦，然後飲杯靚咖啡，大家講吓八卦嘢笑吓咁😅佢哋個all day breakfast真係非常之豐富，見到已經好大碟，有齊以下材料沙律菜，煙三文魚，煙肉，紐倫堡腸，芝士大啡菇，炒滑蛋，車厘茄，新鮮水果，秘製焗豆 法式奶油餐包，成個配搭同埋組合都好豐富班尼迪蛋配巴馬火腿飽滿又大隻嘅班尼迪蛋，切開會見到流心啲蛋黃，同充滿咸香嘅火腿一齊食好邪惡呀。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Studio Caffeine (廟街) (佐敦)佐敦廟街284號地舖⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

食過呢間餐廳幾次，食物質素keep到唔錯。近排好似因為tiramisu會有再度掀起佢嘅人氣，夜晚同朋友嚟食飯，冇限時入座真係好好！（不過比較可惜呢間冇Tiramisu🥲）沙律叫咗2款：黑牛安格斯西冷配蜜糖芥末醬、經典凱撒獎配煙三文魚；意粉方面叫咗：意大利奶油芝士醬配蟹肉、牛肝菌本菇配帶子意粉沙律有驚喜！份量好大，醬汁好夠味，安格斯牛肉煎得好好，配上新鮮沙律菜，呢個沙律好豐富。意粉方面，個人比較喜歡牛肝菌本菇配帶子意粉帶子意粉，醬汁掛汁而且味道濃郁。飲品方面，朋友點咗latte，評價唔錯，幾滑身。餐廳唔限時入座，可以同朋友傾偈傾耐啲，會再encore！

🔸Studio Caffeine🔸🔆今日係廟街附近嘅一間cafe，享受咗一份好滿足嘅lunch！入去我地見到係open kitchen，但聞唔到有任何嘅油煙味，抽風做得幾好，令成個食嘢過程唔會比油煙disturb！Cafe大部份都係室內座位，亦有一枱室外座位。🔆美式全日早餐 $125🐭一直覺得All Day Breakfast唔係咩高難度菜式，唔太考廚藝，最怕係蛋鞋，腸又油。但！今次食嘅絕對無上述情況出現。All Day Breakfast包括有煙三文魚，煙肉，妞倫堡腸，芝士腸，芝士大啡菇，炒滑蛋，車厘茄，焗豆同餐包。佢所有煎嘅食物都唔會好油，炒蛋亦好夠滑得嚟唔會太水，大啡菇保持Juicy。係唯獨個餐包略嫌乾咗小小，唔係太夠牛油香。但整體都好好食，唔會食完個嘴油淋淋，好滿足😇！🔆意大利奶油芝士醬配蟹肉意粉 $135一上到枱，見到個蟹肉的份量真係嚇左一跳，因為真係好多！蟹肉無雪味，亦唔會過鹹，有蟹肉的鮮味加埋微微嘅鹹香！意粉嘅硬度適中，加上薄薄嘅忌廉醬汁包住每條意粉，唔會好似某啲cafe嘅意粉，一有忌廉/芝士2個字，就又杰又鹹又濟嘅口感，醬汁更加唔會蓋過哂蟹肉的鮮甜，有好好平衡各方的味道

第二次到訪呢間精品咖啡店，上次夜晚去飲唔到佢嘅咖啡，今次揀咗中午到訪，嘆返個lunch同回魂啡！佢呢度嘅主打一定係全日早餐，夠晒豐富，而且可以自己加配食物，另外仲有唔少沙律、意粉同三文治組合，仲新增咗牛角包窩夫🥐，選擇夠晒多！裏面嘅木系裝修，夠光猛幾溫馨坐得都舒服！小店嘅精品咖啡好有質素，真係有一個咖啡豆單，對咖啡品質有要求，有唔少客人特登為咗杯啡過嚟！🔖凡購買任何主食，飲品有半價優惠，仲要唔洗加一，抵食又高質！------------------------------🍳◖超級全日早餐◗ $135佢呢度淨係全日早餐都有三款可以揀，呢個All Day Breakfast有沙律菜、煙三文魚、煙肉、紐倫堡腸、芝士大啡菇、炒滑蛋、車厘茄、新鮮水果、焗豆同埋法式奶油餐包，好豐富，加$15仲可以將個餐包轉做牛角包！好鍾意佢個大啡菇，鮮嫩多汁；煙三文魚煙熏味好香，份量都唔少～即叫即整，仲可以根據個人口味加配食材，整體發揮都唔錯，乜都可以試啲！🥩◖黑牛安格斯西冷沙律◗ $138沙律配上安格斯西冷，滿滿嘅蛋白質，有營養又好食！原塊安格斯西冷牛扒已經切成條狀，食落牛味香濃，可能肉質比較瘦，口感會比較

餐廳以簡約深木色木調及黑、白為主! 入門口處有個小打卡位置💕有兩排木長檯比人坐同望住街邊飲飲咖啡☕️不過就會少熱🤣🤣 餐廳主打all day breakfast同各種輕食，都有唔少意粉可以揀~ 不過當日冇晒 All day breakfast 🥲所以冇得試~ .黑牛安格斯西冷配蜜糖芥末醬 $138安格斯牛排煮得岩岩好, 帶有肉汁之餘仲唔會難咬🤤沙律有車厘茄、麵包脆脆、芝士粉、沙律醬同菜！都好豐富~ 而且牛肉嘅量好多,唔怕唔飽！牛油果蓉配煙三文魚 $105叫包類可以揀配酸種麵包或者panini~ 今次揀左酸種包,口感好煙韌😋😋牛油果蓉滿滿🥑主食可半價配飲品，cafe嚟講都算良心價啦~ Iced Hojicha Latte +$27 (原價 $54)好濃郁😍焙茶味道好足,唔會太水而又唔會太甜！好喜歡！Lemonade +$23 (原價 $46)味道酸甜清新,夏天消暑一流~~

周末嘅時候去左位於佐敦嘅《Studio Caffeine》，門口採用棕紅色嘅設計，更加設有半開放式嘅座位，帶埋寵物嚟都啱哂。超級全日早餐英文名叫Monster，你就知道係怪獸級。材料非常豐富，有沙律菜、煙三文魚、煙肉、紐倫堡腸、芝士大啡菇、炒滑蛋、車厘茄、新鮮水果、 秘製焗豆和 法式奶油餐包。身為怪獸級別嘅我可以輕鬆食完。冬陰公醬配虎蝦 足足有4隻虎蝦，每一隻都香煎過，口感非常彈牙。而意大利粉相當掛汁，有濃郁嘅冬陰公味道，酸酸甜甜好過癮。食得cafe，當然唔少得飲下coffee。佢地嘅咖啡拉花都有好多款式，打卡嘅你一定唔可以錯過。Studio Caffeine (廟街) (佐敦)佐敦廟街284號地舖

今日放假日，突然諗起想食all day，對上一次黎如果無記錯已經好似係2014定2015年🤔舖面同入面既裝潢已經唔同，快將十年，不過十年人事幾翻新，十年前同我一起黎食既人都已經無再聯繫，突然重來有點感慨。▪︎美式全日早餐▪︎$125黎個close up📸📸📸美式全日早餐 有 煙三文魚 紐倫堡腸芝士大啡菇 車厘茄炒滑蛋 秘製焗豆 法式奶油餐包*但由於我唔食三文魚緣故，我問店員可否走三文魚，店員好好問我會唔會三文魚轉其他食物，所以揀左牛油果片。炒滑蛋好好味，唔會太乾又食到好綿密，送bread配茄汁豆一流。芝士大啡菇都幾入味同juicy，牛油果正常質素，車厘茄清爽微酸，食到鋪頭用既食材都係新鮮。腸類就都係正常味道，質素ok，反而臨尾真係太飽無食到個煙肉。影到靚相同 好食 已經滿足到我🤣👍▪︎Cappuccino ▪︎本身$44，跟野食+飲品有半價。最近終於飲返杯好飲既Capp，豆偏nutty我鍾意，比例好順口好味道。奶泡好綿滑👍☕️（餐牌）（餐牌）（餐牌）（餐牌）（餐牌）本身都想坐耐少小，但今日行程好緊密，有機會會再黎，不過all day breakfast 真係幾大份，2個人可以食一份，再叫其

呢日嚟到廟街嘅cafe 幾型格嘅裝修仲有個好chill嘅戶外位 相當pet-friendly🐾超級全日早餐🥗 $135沙律菜 煙三文魚 煙肉 紐倫堡腸 芝士大啡菇 炒滑蛋 車厘茄 新鮮水果(提子) 秘製焗豆 法式奶油餐包賣相吸引 用料豐盛 份量十足 咸食咸淡剛好🥓 咸甜比例得宜 蔬果可以refresh下味蕾 輕食唔會太重口味😉法式奶油餐包比一般all day breakfast特別 奶油香幾出 外層烘到微脆 內層口感鬆軟🍞牛肝菌本菇配帶子意粉🍝 $135三隻帶子相當新鮮 煎得好靚 香草加上微微焦香醬汁香濃 意粉每條都掛晒汁 加埋牛肝菌本菇非常有口感😆Classic Chocolate $50Hojicha Latte (L)🍵 $54呢度嘅咖啡誠意十足 仲會不定時舉辦咖啡體驗workshop☕️

喺佐敦呢個鬧市入邊有一間細細間嘅咖啡店經過朋友介紹先知道呢間咖啡店星期六朝頭早去到諗住嘆返個all day breakfast ，點知原來已經人頭湧湧。All day breakfast 超級全日早餐$135沙律菜 煙三文魚煙肉 紐倫堡腸芝士大啡菇 炒滑蛋 車厘茄炒滑蛋 車厘茄 新鮮水果秘製焗豆 法式奶油餐包啲青提子睇落去有啲唔新鮮但係其他食材就都還可以份量都幾大份最鍾意食茄汁焗豆有菜，又有肉，一次過滿足晒你所有願望。飲品方面，我選擇左當日嘅特調咖啡玫瑰拿鐵飲落去玫瑰味都好濃郁最新奇嘅係有一個玫瑰嘅拉花好特別

假日多人walk-in嚟到要等一陣位，嚟之前可以電話book位📞或者OpenRice度book位。呢度可以俾狗狗同主人坐室外位置，室外位置只有兩張枱，大家預先book位比較，仲有記得帶定風扇阿🪭，出面多車會熱啲☀️～意式煙肉卡邦尼配巴馬火腿 $135Parma ham炸到乾身脆卜卜，脆口帶咸香味😋。意粒質地煙韌掛上卡邦尼醬汁，如果蛋香味同芝士味重啲就更好。意粉入面有煎香咗既煙肉粒，食到有黑胡椒既微辣。意大利奶油芝士醬配蟹肉 $138上面有滿滿既蟹肉🦀，鮮甜美味。意粉份量多，質感同樣煙韌，掛上creamy既奶油芝士醬汁🧀，幾好食。抹茶拿鐵抹茶味道濃郁🍵，味道不錯。焙茶拿鐵香濃嘅焙茶味，牛奶同焙茶既比例剛好👏🏻。📍 Studio Caffeine (廟街) (佐敦)佐敦廟街284號地舖

環境新淨 衞生也不錯 木系的裝潢設計 🚪門口也有打卡位置 🍴食物質素也不錯🍝🌶️ 泰式冬蔭功配海蝦扁意粉 這配合原來好好吃🤤 喜歡有點辣味的可以試一下 很惹味 😋份量很足夠 🦐🍅蝦子和小蕃茄都很足夠 🐮🥗 牛扒蜜糖芥末沙律 上桌時有點牛香 🥩牛扒很鬆軟可口 配沙律就解膩 ☕️ pourover 🍶手沖咖啡 $80/杯 這需要問咖啡師/店員取菜單 點了 ☕️哥倫比亞 El Mirador 和巴布亞新幾內亞 Nebilyer plantation介紹說杯子不同喝下去也有不同 很新奇長知識了🤓酸杯是闊杯 口大過杯底 甜味散髮快點甜杯 窄口闊底就易留甜味我就比較喜歡用甜杯品嘗下去也容易入口 特別是巴布亞新幾內亞是有羅漢果味甜甜的🤭

我同朋友都係平日放假，諗住搵間cafe 坐下，見到呢間Cafe 有All Day Breakfast ，兩個女仔諗住傾住計，食個All Day Breakfast Chill 下😍Monster All Day Breakfast 超級全日早餐 份量十足，有沙律菜、車厘茄、水提子、煙三文魚、煙肉、腸仔、芝士大啡菇、炒滑蛋、茄汁焗豆、法式奶油餐包American all day breakfast 因為我唔中意食水果，所以揀左呢個American all day breakfast ，有煙三文魚、煙肉、炒滑蛋、腸仔、芝士脆皮腸、車厘茄、芝士大啡菇、茄汁焗豆 、法式奶油餐包經典凱撒醬配煙燻三文魚沙律煙三文魚份量好多，啱埋中意食三文魚嘅我😍Btw 兩個女仔每人食一份All day Breakfast 已經好夠，再食埋個沙律飽到上心口🙈🙈📍Studio Caffeine (廟街) 佐敦廟街284號地舖

之前已經黎過幾次ꜱᴛᴜᴅɪᴏ ᴄᴀꜰꜰᴇɪɴᴇ @studiocaffeine 一直都覺得佢嘅咖啡同食物都好出色今次再訪依然水準好好 難怪假日9點已經滿座( *˙0˙*)依家仲有套餐優惠 凡購買任何食品 即可以半價換購飲品$40就可以飲到超高質嘅ʜᴀɴᴅ ᴅʀɪᴘ 簡直抵到爛(⁎⁍̴̛ᴗ⁍̴̛⁎)𓈒𓂃 𓈒𓌉◯𓇋𓂃 𓈒❀ 超級全日早餐 ‣ $𝟙𝟛𝟝♡呢個ᴍᴏɴꜱᴛᴇʀ ᴀᴅʙ真係超級豐富簡直係要咩有咩 而且每樣野份量都唔少食完真係飽足全日 ᴄᴘ值勁高.ᐟ.ᐟ❀ 意式煙肉卡邦尼配巴馬火腿 ‣ $𝟙𝟛𝟝係正宗無落ᴄʀᴇᴀᴍ嘅ᴄᴀʀʙᴏɴᴀʀᴀ不過略嫌乾身 應該係落得唔夠蛋除咗炸得好脆嘅ᴘᴀʀᴍᴀ ʜᴀᴍ 仲有啲切粒煙肉 而且意粉都好煙韌整體而言都係好唔錯❀ ᴄᴏʟᴅ ʙʀᴇᴡ ‣ $𝟛𝟘 (50% ᴏꜰꜰ ᴡɪᴛʜ ꜱᴇᴛ)ᴄᴏʟᴅ ʙʀᴇᴡ用咗哥倫比亞同印尼兩款豆浸泡 比單品豆更有層次嘅同時仍飲到青蘋果味嘅主調❀ ʜᴀɴᴅ ᴅʀɪᴘ ᴄᴏʟᴜᴍʙɪᴀ ᴄᴏᴇ 2022 #15 ‣ $𝟜𝟘 (50% ᴏꜰꜰ ᴡɪᴛʜ ꜱᴇᴛ)♡呢隻ᴄᴏʟᴜᴍʙɪᴀ有少少發酵味 咖啡風味好突出酸杯飲落櫻桃味會較重