Stage Cafe (已結業)

今天中午食飯，一早打了電話去呢間餐廳預約午時間，聽電話個哥哥已經重覆問我３次電話同時間，點知當我地去到餐廳問個支客姐姐，見佢個ＬＩＳＴ完全搵唔到我登記個名同電話，跟住佢走入去問完之後話叫我等一陣，咁我地咪問要等耐囉，點知佢話要等５－１０分鐘；我同事就話訂都冇位架，唔知等幾耐，又要趕返工，不如問埋其他餐廳有冇位啦，個支客姐姐當堂俾個好衰的面色我地睇，於是我地好嬲去另一間食晏；明明佢地冇留俾我地要我地等，係佢地唔，，但仲好似我地錯訂唔去咁．．．．．以後都唔會再去啦

同朋友兩個人去食晚飯元綠同Stage之下揀o左Stage，見佢有$68-88蚊套餐仲要加一都預o左唔會平。我地兩個一個叫o左三文魚唔知咩跟薯蓉，一個叫咩瑞士雞柳長通粉，兩個都跟湯同甜品。先o黎個蘇皮龍蝦湯，個皮OK啦(齋爐，大慨都好難唔OK)個湯就真係麻麻喇…第一啖就感覺到三樣o野，係咸o既，唔係中湯，好清冇乜渣。龍蝦去o左邊？勁"畢"之下終於發現底底有幾粒比蝦米更細o既肉粒，OK啦，小店而已。主菜出現，三文魚唔知咩跟薯蓉，原來D三文魚係炸o既，想保養喉嚨o既朋友即時皺眉頭，都試兩啖啦…少鯹，冇乜味道…瑞士雞柳長通粉出現，咦～乜得個汁咁中式(啡式)，加埋切到一舊舊o既雞(係一舊舊雞、唔係雞柳)，真係好似…碟頭飯，不過跟長通粉，真係中西Crossover。呢個價錢，呢個質數，普通啦～甜品，焦糖燉蛋+上面有幾粒藍莓o既唔知咩蛋糕，好味呀！(o係成個Set Dinner入面…)，不過個蛋糕…真係唔知點形容好…係…好似食自助餐時冇人揀食剩晒o既甜品(成盆好整齊o個D呢)呢餐飯，OK啦，又唔係話勁差o既～但埋單時再打多個拆扣囉，成餐差唔多200蚊，正常地俾兩張$100佢，找返幾多呢…$9.7，心

今日夜晚行完街走去食,可能早,唔駛等即有位,叫左2個set dinner,個湯我朋友話有d怪味,咁之後到主菜,都ok,d甜品就差少少,但d服務都幾好wo~

Tea Set $ 24蚊Club Sandwiches 包餐飲想點?雖然有加一,收貨,味道O.K.

某個晚上跟朋友到這裡食飯，我吃燒汁雞扒餐有so 皮湯、餐飲and 甜品~~個餐件雞扒好大塊而且幾難切，湯都ok~甜品是一小塊檸檬cheese 餅．水準不過不失啦~ 唔算差亦唔算好好但咁既質素要加一~ 我覺得唔係咁值!

間野都唔係咁差,去過幾次都ok,waitress d service 都ok啊,同埋而家新城市轉左形,好多餐廳都好貴,又唔食得煙..我覺得咁既價錢,又有冷氣又可以食煙都算唔錯...同埋佢d ribs 整得唔錯架..

本人對食物的要求不算高，只要不太難吃就覺得ok。但日前到該店吃過其西冷牛扒，覺得味道很怪，有陣膠味....另外侍應生的服務態度也很一般，有些還心不在焉的樣子，根本不把客人放在心上。他們大概是part-time或是暑期工吧，但也應該加強traning，不應該因爲一兩個人而影響餐廳的聲譽。這次是因爲想不到吃甚麽才選擇該餐廳，相信不會再光顧了！

和男朋友去吃，其他食物一般，但西冷扒就很難吃，有怪味.....服務真的不太好。（除了在門口的那位小姐挺有禮貌，又幾可愛。）侍應生很心不在“言”....叫埋單時明明應了你，但過了很久還不來，望一望看見他很清閒，大概是忘記了。再叫另一個，卻在買單時顧著跟另一個同事說‘要去廁所’，完全不把客人放在心上的樣子。

其實自己食野覺得最緊要是好味, 其實Stage的食物一向都OK, 所以一路都有幫襯, 但可能d Waiter可能換左D太Young的人, 冇Training, 對客的態度都不大好! 自己7:30pm到, 因事前沒有訂位, 等了一會, 本來叫到我並已經通知我有檯準備入座, 殊不知個有一個之前叫左冇出現的客, 個知客都立即比檯佢! 一般情況是叫她等一補下一張給她, 心諗算!下一張入座後, 馬上叫食物, 叫左2個$68set dinner, 有湯有主菜及甜品,再加叫多一客軟殼蟹! 首先到的是軟殼蟹,味道ok.然後來的是主菜,食完好耐都未有湯,於是問waiter, waiter反而好似唔相信我地未飲湯咁,不過都跟返兩個湯俾我地。飲完個湯,8:00我地就叫跟餐既甜品(芒果班卓戈+藍莓芝士蛋糕)1杯飲品。8:05我又叫多杯飲品俾女朋友,等左5分鐘左右,俾女朋友果杯飲品黎左, 我又等左5分鐘問個waiter仲有甜品同飲品未到, 個waiter先話我叫果杯飲品冇晒,於是我又叫了另一杯,順便叫佢跟個甜品。多快呁俾左個甜品,不過唔係我地叫既, 於是我地又問個waiter啦, 佢話係送既!送都應該講聲架!!

剛和母親大人看過戲后8幾左右，遇淘大stage cafe被門外的人群和牌吸引了我们入去.....一家五口都等了差不多半小時才有位,我们order 了五晚餐(包捨西冷兩客,焗反,扁意粉,羊扒...還有湯,蒜茸飽,茶及甜品(甜品還可加$２９轉小時候最想吃的香蕉船)埋單不用三佰蚊真係超值.......到震(唔記得話俾大家知果日重係母親節!!!至於飲品質素和茶廳差不多比酒店差Ｄ,服務方面理服務滿意.其他员工好壞參半(已我觀察較差的员工可能是暑期工,冇心作)清潔尚可環境都不俗...........總括黎講....值得再去

下午同傻鬼來食lunch, 2個人點左個雞扒意粉同煎豬扒薯菜加2杯熱檸茶; 仲有2個湯送.湯同茶都係普通貨啦, 唔係太好味.主菜就叫ok, 意粉亦唔會煮得過淋, 不過縑薯條唔夠多啦.環境比起淘大其他茶餐廳叫做好好坐, 不過佢地亦會有d想趕你走既意味, 所以自己都唔好意思lunch既時間坐太耐.服務亦只係一般

星期日晚8點度去食飯，好快有位，但係嗌左野食，等成四個字先上個湯，主菜又等左半粒鐘，最後甜品又等左四個字，淨係等都成粒鐘，都唔知係咪唔夠人整野食!我就叫左個set din，瑤柱菠菜雞粒飯，淡貿貿的，唔多好食。前面叫左酥皮忌廉湯，好一般，唯一好食既係甜品--焦糖燉蛋，好甜可滑應該都唔會再去!

這裡食品不知所謂，我們一行三人（二男一女）在這裡食完全無味，加上的粉不是炒粉是撈粉，牛扒太淋（可能淹過梳打粉太多），飲品O茶無味，真失望。我們在06年1月來過不是這樣，因在外地回港。stage cafe失敗！！

前幾日同個friend o係呢度食飯,叫o左pasta餐.餐湯係酥皮焗龍蝦湯,味道比較鹹,龍蝦肉很少,但酥皮ok;pasta係炸龍魚大蝦天使麵,看起來份量很少,亦好似人地食剩咁樣,但其實唔係,食落其實都幾大碟,大蝦很彈牙,但炸龍魚只係魚手指,魚肉好滑但係太少!甜品係紐約芝士蛋糕,size真係好薄,大約係正常既一半咁薄!!味道夠濃,但係係凍既!!waiter都唔算好鈍,service 都算ok啦!如果包埋餐茶就最好!!

之前同男友約左其他friend去沙田,一早起身冇食野,所以就走左上去連城搵食.唔係成日黎,所以周圍望下D野食睇睇...本身想約埋朋友去StrawberryPlus食住等,點知佢話果間d野唔好食得個樣,咁就轉左去對面哩間StageCafe.間野我之前都黎過食tea,不過今次個tea唔同左,少左選擇.入到去坐左個4人梳化位,ok舒服啦,不過D燈光好暗囉!如果情侶就好有氣氛囉.我地4個人order左個highTea,一個焗飯同公治.個highTea幾好呀,好多野食,雖然對好肚餓既我來講唔多夠,不過都算係咁啦!個焗飯同公司三文治好抵食,22蚊,份量同質數都高過哩個價^o^期間d Service都好好,可能佢地D侍應都幾後生,好有活力又笑笑口咁,幾nice! 總評:幾好, 適合D情侶同三五知己去既地方.