Ssal Bori Ssal

营业中

休息中

去尖沙咀食地道韓國菜，今次選了Ssal Bori Ssal，看見不少港韓語的朋友，應該算是非常正宗了。先花蛤大醬鍋 ，有點份量的石鍋上枱就已經非常吸引，大醬味道濃郁，有大大隻花蛤，再配上足料蘿蔔、豆腐等，正！再來炖首爾牛肉，份量非常大，牛肉醃得也很入味，湯底鮮甜，粉絲仲索晒汁，非常回味。最後朋友試了Ma So Sa ，算是韓式Cocktail，用米酒、燒酒同雪碧等混合而成，是易入口的，不過始終不喜歡飲燒酒，試一試算增加知識。

呢家店鋪位於尖沙咀韓國街，裝修走極簡風路綫。我地兩條友嗌左牛肉餃子湯同土豆絲煎餅。坐定后店家就端上三碟小菜，有魚糕食添！牛肉餃子湯 490HKD新鮮的蟹味菇，平菇，肥瘦相間的牛小排肉，鷄肉餃子，滿滿一鍋，中間有韭菜，辣椒粉，甜豉油調好既蘸料汁。真係好大一鍋。我諗三個人都完全夠食！我個人非常中意餃子，同我地平時既餃子唔同皮好薄但好煙韌，内裏慢慢鷄肉餡料，食肉獸狂喜！因爲鍋物中加左菇既關係，湯底非常之鮮甜，煮牛肉更加好味。土豆絲煎餅 99 HKD因爲食左不少肉，我地嗌左土豆絲煎餅做主食，煎餅外表酥脆内裏軟糯，濃濃薯仔香味，有D似薯餅，不過更有層次同埋卜卜脆！

牛肉和餃子湯($490) + 土豆煎餅($99)(另加一) ★－:+:－:+:－:+:－:+:－:+:－:+:－:+:－:+:—★​話說有晚行經金巴利道見到呢間小店坐滿人，心諗應該口碑唔錯，又咁啱今日喺尖沙咀又想食韓國嘢，就嚟咗喇🍴Early lunch時段順利入座，坐隔離兩邊都係韓國客人🤓店員有禮夠主動，餐牌菜式選擇多，仲有十幾款睇韓劇成日出現嘅馬格利酒，好吸引；叫咗個牛肉和餃子湯，份量好大，應該4個人食都得😂牛肉新鮮，蔬菜爽甜，餃子都幾大隻，餡料飽滿，湯底清爽不膩，好味！土豆煎餅係薯仔刨絲煎香，中間軟綿，有好香濃嘅薯仔味，超香超脆好食😋用料同食材都睇到店家有用心，烹調夠正宗🇰🇷大好評👍🏻

🦑海鮮煎餅💰$149🍚韓式石頭飯（牛）💰$120🍖韓式豬手&五花肉💰$318.⚡最近睇《第六感》第3季，又挑起咗食韓國野嘅筋🥹即刻去尖沙咀韓國街覓食，見呢間韓國餐廳店仔細細內裏又骨緻，就決定食佢解下饞🤤店員大部分係外國人，但廚師係🇰🇷韓國人！店舖牆身痴滿唔同韓國poster同graphic，真係有啲似去咗韓國，小女子6點入座，好快就坐滿人+大排長龍，仲有枱食客係韓國人，睇嚟真係揀啱咗餐廳🤣.⚡本身以為呢到嘅價錢偏貴，點知其實性價比勁高，🍖韓式豬手&五花肉勁大盤！😱3-4個人share都得，豬手軟霖有咬口，配上醬料+生菜勁夾；五花腩都出色，除咗就咁配生菜食配白飯都好一流～.⚡🍚韓式石頭飯同樣好！大！份！要3個人先食得晒嘅節奏😂仲要有飯焦勁香口，撈埋拌飯醬（定辣醬）味道好正宗🥹另外仲有雞/豬/素嘅款揀～🦑海鮮煎餅超足料，肉眼可見每粒魷魚有拇指咁大+厚，粉漿唔會過多、食完唔會漿口，大推！👍🏻.⚡呢到嘅酒品選擇都多，真露、米酒、馬格利酒都有，唔飲酒試下酒品都好正，下次冬天嚟一定會試埋個豆腐海鮮湯😍

和朋友慶祝生日由他決定光顧這家裝修帶點懷舊的韓式小店。 點餐後服務員先送來三碟泡菜當中辛辣的大白菜最有韓國風味。 我們二人享用了以下食物: 燉首爾牛肉 ($340) 侍應把這個鍋送來時，我們感到很驚訝。它的洋蔥和椰菜疊起，像一座塔一樣。主角牛肉是生的，要開著火把湯底煮滾，再把牛肉灼熟。它份量很多，肉質細嫰可口，肉味濃郁。配菜的椰菜和洋蔥煮得軟腍清甜，再加上有嚼勁的菇類，平衡了肉類的味道，底下還有韓式粉絲吸收了湯汁的精華。這道菜十分精彩。 韓式雞肉石頭飯 ($120) 有大量雞肉、生雞蛋、芽菜、紅蘿蔔絲及菠菜，顏色豐富。把生雞蛋和飯粒及配料攪拌，更感惹味，飯粒濕潤，底下的飯焦相當香脆。 食物質素不俗，兩位店員服務周到。

海鮮煎餅（$149）是日MVP!! 煎餅煎得好脆口，雖然價錢唔算太平，但係勝在份量好夠，魷魚都俾得好多👍🏻👍🏻唔鍾意「蔥」浸味嘅人士就要注意唔好嗌呢個啦😹蛋捲（$133）蛋捲都係超級夠份量，本身蛋捲冇乜味，入面有Massarella，加埋面蕃茄醬加沙律醬，幾好食!!芝士泡菜炒飯（$120）泡菜芝士炒飯非常邪惡，超高碳水🆘面嗰浸芝士係燒過嚟，超級打卡able🫰🏻啲炒飯本身都冇乜味😹招牌海鮮拉麵（$105）海鮮拉麵係用辛辣麵做底，另外有蝦、蜆、青口等等嘅海鮮，味道都不錯~整體嚟講，餐廳好有去到韓國本地小店嘅感覺🤣嘢食份量非常足夠，今次平日夜晚去到都要排吓隊🫨呢間店應該深受大家歡迎👍🏻

尖沙咀韓國街應該無人唔識, 一條街最少十幾間韓國料理. 但真係唔係間間都係正宗好食韓菜. 今日又去食間長期人龍嘅正宗韓國料理. 見人龍唔係必然家. 真係要有高質食物先留得住人排隊.知道佢一向多人. 今晚約埋朋友早D 6:30 到, 未見人龍, 但入到去已經坐滿八成, 只有兩張吉枱.好彩唔使排. 店內裝修好有韓國小店FEEL , 有最少3枱係韓國人, 全店都足滿住韓國嘅氛圍. 枱枱都在暢飲談天, 好似置身於韓國當地小店. 我地坐底后店員就已經送上3款開胃前菜, 最愛泡菜.仲可以無限refill,  又辣又甜清新解膩. 我地叫左3個菜 豬手同五花腩雙拼,  芝士粟米甜辣炸雞,  純豆腐海鮮湯 . 點少得叫米酒呀, 一大版嘅米酒menu, 我地最後點了 MAK SO SA  配豬手, 五花腩,炸雞都好啱. 1) 豬手同五花腩雙拼 - 我地貪心想一次試曬兩樣, 超大碟. 豬手超軟淋入味 膠質勁多.  而五花肉肥瘦適中,爽口.  配埋生菜連埋醬料 記得加片泡菜一口一啖. 真係完美.  2) 芝士粟米甜辣炸雞 - 一座炸雞山用鐵板上,份量好大.   芝士仍在慢慢溶化流動好正, keep住可以拉絲🤭

🍲 SSal Bori SSal 🍲今天光臨尖沙咀的SSal Bori SSal，準備享受一頓豐盛的韓國料理盛宴。走進餐廳，迎接我的是滿滿的韓國風情，讓人彷彿置身於首爾的街頭。🥞 泡菜薄餅首先端上的是熱辣辣的泡菜薄餅，餅皮薄而鬆軟，配以豐富的泡菜，入口彷彿一股韓國的風味。份量十足，絕對是開胃的好選擇。🍜 豬肉湯接著是清甜可口的豬肉湯，湯底鮮美，入口即化。湯中還有蔥和豬肉，搭配上店家提供的調味料，味道更加豐富，令人回味無窮。🍲 炒年糕煙煙韌韌的炒年糕配上濃郁的汁，帶來了滿滿的滿足感。每一口都充滿了嚼勁，讓人愛不釋手。🍗 蒜蓉醬油炸雞最後上桌的是熱辣辣的蒜蓉醬油炸雞，外脆內嫩，咬下去肉汁鮮美，讓人不禁一口接一口。雖然份量豐盛，但小心火熱的溫度，別讓美味的口感帶來不必要的焦慮。總的來說，SSal Bori SSal不僅提供道道美味的韓國料理，還有滿滿的韓國風情，絕對是一家值得一試的餐廳。📍 地址：尖沙咀金巴利道78號金輝閣地下B號舖

一年一度生日宴，我哋每一年都會去食韓式餐廳，今次想揀一間正宗韓國餐廳，環境想坐得舒服啲，可以傾吓偈，話晒一年都係見得個一兩次，好想有去咗韓國嘅感覺☺️原來店嘅位置係喺韓國街嘅尾段，我都搵咗好耐，要行過晒成條婚紗街去到盡頭先係😂現場都幾多韓國人，加上佢成個環境都係一啲木枱同木凳，店員都係外國人，要用英語溝通，個氛圍都唔錯！我哋今次揀咗蒜香炸雞，份量唔算太多，幾精緻，非常之香脆，石頭鍋飯係真係有好多飯焦，同埋佢入邊都有好多蔬菜配料，呢一點認真一流，我哋仲嗌咗一個海鮮煎餅，材料十足，煎得香口，淡淡海鮮，幾推薦！小菜方面佢有三款，有芽菜、泡菜、仲有一隻好短嘅筍，唔會太辣，好似我呢一啲唔係好食辣嘅人都食得，芽菜好味到仲再添，好開胃！最後叫咗個瑪莉酒，米酒燒酒加七喜，飲落甜甜地嘅易入口，但會有後勁😂兩個人食剛剛好，難得冇浪費食物😆

食過幾次，都覺得呢度份量足又好味，好啱gathering❗️해물파전 海鮮薄餅 $149😍之前黎食過已經覺得佢煎得好好，海鮮難得地新鮮，超好的下酒菜해물 순두부찌개 純豆腐海鮮湯 $103辣辣豆腐湯，餸飯一樓呀！소꼬리찜 韓式炆牛尾 $198牛尾炆得好夠淋，落埋蘿蔔令個甜更甜味소고기잡채 牛肉炒粉絲 $133🙈呢個真係點多咗，佢係好食的，但前面幾道菜好足份量，令佢要打包😂唔想喺門外排隊就要提早訂位喇🤭呢度份量足又好味，好啱gathering❗️해물파전 海鮮薄餅 😍之前黎食過已經覺得佢煎得好好，海鮮難得地新鮮，超好的下酒菜해물 순두부찌개 純豆腐海鮮湯辣辣豆腐湯，餸飯一樓呀！소꼬리찜 韓式炆牛尾 牛尾炆得好夠淋，落埋蘿蔔令個甜更甜味소고기잡채 牛肉炒粉絲 🙈呢個真係點多咗，佢係好食的，但前面幾道菜好足份量，令佢要打包😂💡唔想喺門外排隊就要提早訂位喇🤭

👨🏻‍🍳Ssal Bori Ssal (尖沙咀)📍尖沙咀金巴利道78號金輝閣地下B號舖 「Super Hot and Authentic Korean Cuisine😋」 Super nice staff, hoping you guys can read, I wrote this in English😝Busy Friday night, walk-in around 15-30mins I thought.But it deserved!! 👍🏻🍽️Korean side dishes 拌菜Super yum!! Authentic Korean Banchan🤤Not too salt, quite tasty.Kongnamul Muchim (seasoned soybean sprouts) 芽菜、Kimchi 泡菜、?Green beans 豆角😋 👍🏻🍽️Seafood pancake $149海鮮煎餅Crispy edges😻Many seafoods inside!!Can u see the octopus??🐙😆😆 🍽️Seafood tofu soup $103純

我估大家可能都有聽過喺尖沙咀有一條韓國街，出名有好多韓國人開嘅韓國餐廳。早2日同friend喺尖沙咀行完街，諗起想食韓國嘢就喺韓國街附近搵到呢一間韓國小館。餐廳係一貫傳統韓式嘅裝修，果晚咁啱聽到隔離有2台都係韓國人嚟嘅，睇得出餐廳嘅口味都好貼近正宗韓國菜。😋芝士粟米原味炸雞雞皮炸得香脆，入面嘅肉質嫩滑多汁，再撒上一層層絲滑嘅芝士同大量香噴噴嘅粟米粒，入口嘅口感更加豐富，啲芝士仲要拉絲勁邪惡。😝花蛤大醬鍋湯底滋味濃郁，韓式大醬汁與花蛤鮮甜的完美搭配。啲花蛤肉質飽滿，與湯底的融合味道，令到湯底滲透住濃郁嘅海鮮味，相當一流。🤩韓式炆牛尾啲牛尾炆得好入味，肉質軟綿，湯汁濃郁。牛尾的骨髓入口即化，好鬼滋味。鍋入面仲有其他蘿蔔等等嘅蔬菜都吸收晒牛汁同埋湯汁嘅精華，好啱送飯。🥳

尖沙咀金巴利道係著名既韓國街，遍布著各式各樣的韓國餐廳。@ssalborissal 餐廳裝潢簡約，以木系風格為主。當晚有好多韓國顧客，感覺猶如置身於韓國一樣。美中不足係餐廳有限時🤣，唔可以同朋友傾耐啲。泡菜薄餅 $109薄餅好大塊！微辣迎合香港人既口味，沾上自家調製既酸辣汁，增添味道層次感。雞蛋卷 $133雞蛋卷蛋味香濃滑溜，一切開芝士滿瀉，仲可以拉絲，面頭加左沙律醬同蕃茄醬，酸酸甜甜，邪惡!🐔醬油蒜蓉炸雞 $120炸雞冇骨啖啖肉，肉質嫩滑，外皮薄脆，醬油蒜蓉沾滿炸雞，香甜誘人。🐮韓式牛肉石頭鍋飯 $120鍋飯底微焦，鍋巴好香，將牛肉連同伴菜蘿蔔絲、蛋絲、青瓜絲、芽菜等撈均，再加上辣椒醬但份食，份外惹味。

尖沙咀正宗韓國料理，位於金巴利道韓國街，有獨特韓國菜式供選擇，環境坐得闊落，份量也大，週末來享受正宗韓國美食，是不錯的選擇。叫了韮菜薄餅、韓式炒粉絲、韓式炆牛尾、蛋卷大大推薦韓式炆牛尾！！ 炆得好淋好入味，望着牛骨巳看到滿滿的骨膠原，一口吃落去軟滑，再配以一口白飯，掂！內裏仲有冬菇白蘿蔔，索晒湯汁。這樣一鍋二人分也可以韓式炒粉絲，這是素菜版的。口味偏清也重麻油味，趁熱給它拌開，然後趕緊吃，不然容易坨掉！韮菜薄餅清香，旁邊的醬汁配搭得剛剛好；蛋卷有滿滿的芝士在，趁熱食非常滿足～

朋友帶我黎到尖沙咀既韓國食街,呢度有好多間韓國菜,今次黎到呢一間係好屋企FEEL正宗韓國料理入面有好多唔同既韓國POSTER同LABEL好有韓式風味,好似置身韓國甘我地叫左一罐甜米露, 呢罐係好好飲既韓國特色飲品,甜得黎入面仲有D米粒好有咬口我地叫左呢度最出名既韓式豬手,豬手D肉好多好厚身唔會好肥又好有骨膠原,好大份,配埋生菜同櫻花蝦醬,燒烤醬包住黎食唔會好油膩另一款叫左海鮮湯配白飯,白飯淋上熱辣辣既海鮮湯好好飲,熱辣辣。