SPICE Restaurant & Bar

营业中

休息中

好耐都無打過食評了，亦都好耐無點出過街食好嘢，疫情令我瘦咗唔少呀！餐餐外賣咗好耐喇，食外賣食到口都寡埋。襯住而家個市況好啲，要好好咁填番飽個胃呀！今日同家人一齊出嚟分享吓美食，都好耐無見過面了，嚟番呢間尖沙咀嘅印度嘢食，今日好多人出嚟食嘢呀！諗咗陣終於都叫咗個比薩、燒羊腿、仲有份烤雞添，餓咗陣都逐樣逐樣咁嚟到了，大碟到張枱都放唔哂咁濟，初頭仲諗食唔食得哂㗎！點知咁耐無食好嘢嘅我哋，好快就清哂。咁講吓啲嘢食先，個比薩比起出面啲連鎖嘅好食喎！皮薄餡靚，又少少脆邊，上面啲芝士份量適中，唔會太濟；另外個燒羊腿係三款食物中最好味嘅，又唔羊騷味喎，份量預到兩個人啱啱好，配合底下嘅薯容就一流；最後係個烤雞，因為之前兩款都食到咁上下飽，所以呢味烤雞就可以填飽埋最後嘅位置，我一向都好鍾意食烤雞嘅，尤其係印度嘅菜式，真係賣飛佛呀！！！好耐都無試過咁滿足味蕾了

大家好啊！好耐無見呀，應該都有成年嘛！嘩！～～今日終於都踏一步出嚟食吓大餐，肺炎出現咗都成年幾，平時喺屋企唔係自己煮就係叫外賣咁，都食到厭啦，所以今日難得哥哥肯叫就出嚟同佢食晚餐啦！呢間之前食過都覺得不錯，又同佢來食下了～首先山長水遠喺荃灣放工嚟到尖沙咀再要等多陣位先上到嚟，咁緊係要飲番杯嘢先啦，渴到暈了，飲番杯我致愛呢間嘅無酒精嘅雞尾酒，WOW～真係好清新嘅感覺啊，我極度推介呀，咁先有力氣去睇食咩嘛！咁就叫咗個烤雞同Pizza先，因為我哋兩兄弟都好細食，咁就夠喇個份量上。先行係個重芝士嘅Pizza，又幾好味喎真係，又唔會太厚，芝士又唔會太重口味，做到咁都好少食到；另外係個烤雞，中東嘅烤法都真係好好味㗎喎！雖然唔知用咗咩香料去醃製佢呢？每次食都覺得好特別～仲有呢個烤羊小腿～土豆泥超濃郁，感覺好唔同，羊腿好軟，唔韌～最後食到我哋兩個都飽住走，雖然今日好多人，不過餐廳度都有足夠人手去處理唔同客人需要，果然服務至上呀！

今天是我住了在香港這麼久的第一次吃的印菜，比起我想像中的好味道，所以才在這向大家分享卡邦尼意粉：想不到西餐都如此出色，汁同麵質都好出色，先講汁，夠濃而且材料係好多的，特別是煙肉，以致撈埋食冇咁寡，份量都唔少，share食都仲得，好開胃Buffalo Chicken Wing呢度既水牛城雞翼都是咁好味，炸得脆脆的，一客有6隻，份量都唔少，起碼對得起個價位！即叫即炸呢一點我是非常的欣賞，外脆內軟，口感十足下次會黎試下不同的印度菜式，更地道的！

今日去既呢間係位於尖沙咀既印度風餐廳，一入門口就已經感受到印度獨有既文化同氣氛，當日餐廳正進行party，很多傳統印度服飾的印度人在跳舞，場面非常的歡樂我點左既係啤酒炸魚薯條，呢度既出餐速度都幾快，而且係即點即炸的，所以口感同味道都很不錯，配上啤酒一起吃超好味炸魚薯條的份量超大，光是炸魚已有2大塊，薯條是超厚的那一種，口感外脆內軟，不錯不錯朱古力奶昔，呢度既奶昔係同出面既好不同，味道更香濃而且大大杯，好抵飲，價錢唔算特別的貴

想飛但又冇得飛，應該係好多人呢一刻嘅心情寫照。網上見到呢間餐廳，佢嘅佈置，佢嘅裝飾，全部都充滿咗異國風情，我第一眼就已經愛上佢，嗰日就相約朋友一齊去試。一入到餐廳，感覺好寬敞舒適。牆上嘅壁畫，配襯上充滿民族色彩嘅通化佈置同埋燈飾，令你猶如置身於印度當中。由於係平日關係，餐廳只有數枱客人，我哋被安排喺靠窗嘅梳化位置，柔和嘅陽光透窗而入，有一種寧靜同融合大自然嘅感覺，完全遺忘左自己身處喺香港呢個繁華鬧市當中。佢哋嘅lunch set 只係$68-$78，包括餐湯或沙律，主菜，飲品。我哋叫咗炸魚薯條，同埋咖喱羊配薄餅，另外加多個沙嗲雞肉串燒一齊分享。因為價錢平嘅關係，我本來對食物冇乜期望，但食咗之後完全係超乎我嘅預期，所以有時真係唔應該太先入為主。前菜嘅燒雞沙律，燒雞有淡淡嘅咖喱味，唔會好辣，肉質嫩滑，蔬菜亦都新鮮。炸魚薯條，魚柳被炸漿緊緊地包圍，非常香脆可口。魚肉依然濕潤多汁，唔會乾爭爭，亦都完全冇一般茶餐廳魚柳嘅雪味及腥味。薯條係我最喜歡嘅粗薯條，外脆內軟，入面係熱辣辣嘅薯仔蓉，美味非常。淨係呢個薯條，已經比好多貴價嘅西餐廳好食。另一個咖喱羊配薄餅，聞落去已經充滿香濃嘅印度香料味，食落味

一個好chill好有特色既餐廳 雞翼同印度烤餅好好食！特別係芝士味 夠濃香 又唔會好漏既感覺。仲有咖哩都好香 辣度剛好三五知己飲酒吹水，岩哂！ 環境舒適 又可以食水煙 梳化位又夠舒服 預早訂枱會比較好

臨時臨急揀咗一間印度餐廳去食，入到餐廳真係好似置身於印度一樣，好多印度人我想信一定好正宗叫左啲撚手菜，確實好有印度風味，香料好重，嘢食唔差，心血來潮想飲Sangria，點知佢又真係有❤️食完晚飯仲可以shisha，興起又可以出去同啲同胞跳下舞非常有氣氛😆價錢又唔貴

We booked through Openrice to enjoy 20% off when spent over $500.It's our first time to this place and the decor was very lovely. It's a restaurant / shisha bar. They serve both Indian and other kinds of food (e.g pizza pasta burger etc) We ordered a vegetarian platter to start with. It came with 9 different nibbles for us to share, we liked everything but the ”pita bread” that came with the platter was pathetic, it came with only one small very thin ”pita” (which isn't pita at all it's thinner

,酒吧西餐印度菜SPICE Restaurant & Bar 網址: 地址: 尖沙咀諾士佛臺1號2樓電話: 21919880=====================原來係飲野happy hour 再去食飯，上樓無地下架酒吧咁熱同嘈，坐得舒服d 呢度侍應是印度人，所以餐版上有西餐仲會有一半是屬於印度菜。$155 canabian chicken 我雖然唔知canabian 係乜風味，好奇咪點來試下，話唔定有驚喜。雞扒好嫩呀，而且香料運用得宜，有時怕亂點印度菜，唔知用了什麼香料，香港人口味未必會慣，呢個fusion菜好有驚喜。Pesto paneer tikka,paneer 係印度水芝士，通常切細一粒粒，白色淡味口感像豆腐，是素食者蛋白質來源。用了意大利青醬煮，而paneer 質地似蛋白加豆腐，醬會比較濃味，岩曬用來配nann

多國菜SPICE Restaurant & Bar 網址: 地址: 尖沙咀諾士佛臺1號2樓電話: 21919880====================一入到來d 吊燈好靚呀，彩色好夢幻fancy,入門口見到有兩個女生係門口影在好耐先入坐！我好肚餓就唔理啦，入去坐定定點野食。Menu 好多美食，多國菜睇到花多眼亂。$178 salmon tagine 三文魚，未試過架菜式一整個三文角扒,而個紅色汁呢，燉煮好長時間。個汁要形容，係甜酸蕃茄汁，加小米食。有汁架野當然要有麵包啦$40 ，一籃點下汁，放上魚塊，輕屬食曬所有nann加返杯飲品紅酒扮下有品味，有happy hour price

尋晚去左試呢間位於尖沙咀嘅印度菜。內裹裝修好靚，同埋啲擺設都好有特色，呢個擺設唔是平面黎，是有好分明嘅凹凸，側面睇仲靚。之後好肚餓就即刻同朋友叫左份好有印度特色嘅菜。Chicken Tikka Masala+Lacha Paratha ($187)本身想就咁叫個瑪沙拉雞串黎試下，點知原來一定要叫多個烤餅，如果唔是就唔可以叫，有啲老屈嘅感覺。不過好在個烤餅都好食嘅，而且瑪沙拉醬有微辣，幾惹味，正。Leffe ($61)之後見hapy hour有優惠就叫左杯Leffe黎試，黑啤嘅麥味好濃，幾好飲﹗

今日約咗三五知己一齊去食好嘢，我哋想搵一間有格調又可以安安靜靜傾偈嘅餐廳，我個好姊妹就介紹咗呢間印度菜俾我哋，環境真係好好又方便又就腳，嘢食方面我哋都嗌左幾樣唔同嘅嘢食！🍳炸魷魚—一上枱熱辣辣香噴噴，佢嘅炸魷魚好新鮮，配上佢嘅酸忌廉醬，好開胃好夾😍🍳辣肉腸pizza —滿滿嘅芝士，仲有拉芝嘅效果，加埋辣肉腸嘅口感呢個Pizza真係好好味🍳松露risotto —我個人一向就唔係好鍾意食松露嘅，但係呢度嘅松露就令我改觀啊，真係好香松露味，而唔係我之前一向討厭嗰種感覺，有一種煥然一新嘅感覺🍳海鮮pasta—呢個海鮮意粉真係好出色，意粉做得啱啱好，有朔晒海鮮嘅汁，我哋大家都讚不絕口😘

尋晚約左屋企人食飯，去左尖沙咀諾士佛臺，見到第一棟就入左去，懶得再搵。上到二樓一出lift，就見到充滿印度氣息嘅裝飾，好靚。由於是星期一嘅關係，客人唔多，令到私隱度提高左好多，而且店鋪有強勁印度式音樂，唔會聽到隔離枱嘅對話。Chicken Tikka Pizza (12") ($149)呢個印度燒雞薄餅好大件，幾個人都完全食唔晒，淨是食得一半。個薄餅用左San Marzano醬加上超多芝士，香香甜甜幾得意，亦好邪惡哈哈。另外印度燒雞切到好似叉燒咁，幾搞笑，不過又唔會燒到太乾，唔錯。Lamb Tagine ($204)另外仲叫左款薩哈拉嘅野食，呢個羊肉塔吉鍋用左杏子、梅子加埋糖汁橄欖黎燉羊肉。再配埋磨到超碎嘅薯仔，撈埋黎食真是一流﹗

Weekend 做完facial一條友 係尖沙咀食晏，心血來潮想食印度菜，見到附近有間就去試下。一出𨋢就覺得個裝修好有印度氣氛，環境又大，好多卡位，仲有個bar。因為週末所以無lunch menu, 要a la carte。價錢就中上，唔算太平。Chocolate milkshake martini ($80) - 天氣咁熱好想試下佢哋嘅signature cocktail，呢杯朱古力奶昔martini用咗雪糕、vodka、忌廉同朱古力酒整成嘅雞杯酒，啲vodka 味都幾strong。 勁好飲。Butter Chicken ($130) - 去食印度菜必食嘅牛油雞，最鐘意佢甜甜地嘅醬汁，仲好creamy同rich。雞嘅份量都好多，仲好嫩滑。Garlic Naan ($40) - 食butter chicken一定要配薄餅，呢個蒜蓉薄餅焗到好香脆，蒜蓉味有濃郁，好夾。好豐富嘅lunch!

今日約咗朋友係呢間印度餐廳傾偈食嘢，呢間餐廳大概係幾年前幫襯過，今次再食唔知有無咩大轉變。餐牌價錢竟然三年都無加過 😱 今次叫咗檸檬胡椒炸魷魚、阿拉伯特色小食同四色芝士薄餅。Hummus : 未食過所以就叫嚟試下，口感好似豆蓉嘅感覺，味道幾特別而且幾有特色，就咁食味道就濃咗啲，所以要配烤餅食。檸檬胡椒炸魷魚 : 薄薄嘅炸粉食落酥脆可口，魷魚肉質彈牙，另外重有兩款醬汁提供，小食首選。😋四色芝士薄餅 : 芝士控開心死，成個薄餅都係芝士 😍 味道咸香又濃郁，自己同朋友都覺得幾好食。😋