影片
更多
2021-06-13
934 浏览
想飛但又冇得飛，應該係好多人呢一刻嘅心情寫照。網上見到呢間餐廳，佢嘅佈置，佢嘅裝飾，全部都充滿咗異國風情，我第一眼就已經愛上佢，嗰日就相約朋友一齊去試。一入到餐廳，感覺好寬敞舒適。牆上嘅壁畫，配襯上充滿民族色彩嘅通化佈置同埋燈飾，令你猶如置身於印度當中。由於係平日關係，餐廳只有數枱客人，我哋被安排喺靠窗嘅梳化位置，柔和嘅陽光透窗而入，有一種寧靜同融合大自然嘅感覺，完全遺忘左自己身處喺香港呢個繁華鬧市當中。佢哋嘅lunch set 只係$68-$78，包括餐湯或沙律，主菜，飲品。我哋叫咗炸魚薯條，同埋咖喱羊配薄餅，另外加多個沙嗲雞肉串燒一齊分享。因為價錢平嘅關係，我本來對食物冇乜期望，但食咗之後完全係超乎我嘅預期，所以有時真係唔應該太先入為主。前菜嘅燒雞沙律，燒雞有淡淡嘅咖喱味，唔會好辣，肉質嫩滑，蔬菜亦都新鮮。炸魚薯條，魚柳被炸漿緊緊地包圍，非常香脆可口。魚肉依然濕潤多汁，唔會乾爭爭，亦都完全冇一般茶餐廳魚柳嘅雪味及腥味。薯條係我最喜歡嘅粗薯條，外脆內軟，入面係熱辣辣嘅薯仔蓉，美味非常。淨係呢個薯條，已經比好多貴價嘅西餐廳好食。另一個咖喱羊配薄餅，聞落去已經充滿香濃嘅印度香料味，食落味
一入到餐廳，感覺好寬敞舒適。牆上嘅壁畫，配襯上充滿民族色彩嘅通化佈置同埋燈飾，令你猶如置身於印度當中。由於係平日關係，餐廳只有數枱客人，我哋被安排喺靠窗嘅梳化位置，柔和嘅陽光透窗而入，有一種寧靜同融合大自然嘅感覺，完全遺忘左自己身處喺香港呢個繁華鬧市當中。
佢哋嘅lunch set 只係$68-$78，包括餐湯或沙律，主菜，飲品。我哋叫咗炸魚薯條，同埋咖喱羊配薄餅，另外加多個沙嗲雞肉串燒一齊分享。因為價錢平嘅關係，我本來對食物冇乜期望，但食咗之後完全係超乎我嘅預期，所以有時真係唔應該太先入為主。
前菜嘅燒雞沙律，燒雞有淡淡嘅咖喱味，唔會好辣，肉質嫩滑，蔬菜亦都新鮮。
燒雞沙律
17 浏览
0 赞好
0 留言
炸魚薯條，魚柳被炸漿緊緊地包圍，非常香脆可口。魚肉依然濕潤多汁，唔會乾爭爭，亦都完全冇一般茶餐廳魚柳嘅雪味及腥味。薯條係我最喜歡嘅粗薯條，外脆內軟，入面係熱辣辣嘅薯仔蓉，美味非常。淨係呢個薯條，已經比好多貴價嘅西餐廳好食。
炸魚薯條
11 浏览
1 赞好
0 留言
另一個咖喱羊配薄餅，聞落去已經充滿香濃嘅印度香料味，食落味道豐富，一啲都唔馬虎，辛辣味不太重，只係羊肉略嫌有啲靭。薄餅配上咖喱，真係食好多塊都得。
咖哩羊配薄餅
12 浏览
0 赞好
0 留言
至於雞肉串燒，沙嗲醬有好香嘅花生味，醬汁唔算好濃，但雞肉似乎烤得比較耐，所以有啲乾。
沙嗲雞串燒
16 浏览
0 赞好
0 留言
餐廳內嘅侍應都係亞裔人士，非常有禮貌，服務妥貼。見我喺餐廳自拍，更主動話我知邊個地方影埋去會靚啲，幫我喺餐廳唔同角落留影，拍攝角度仲要好好，真係超贊！
估唔到喺香港仲可以搵到一個茶餐廳價錢，但環境、服務都一流嘅地方，食物質素仲要不賴，又唔會俾人趕走，我諗呢度將會成為我與不同朋友嘅落腳地。下次有機會要去試埋晚餐，相信餐廳喺夜晚又會加添另一番神秘嘅味道。
张贴
