SONIA COFFEE

营业中

休息中

一間新得無法在新的日式過江龍，由朋友所介紹才給發現，由於朋友誠意拳拳，所以就決定一行幾個人中午時間去排隊，對於自己要去排隊先可以入座的餐廳近幾年已經絕跡，無他由於以自己嘅經驗來講太新嘅餐廳好有可能水準會比較預期為差，首先預告這個看法是絕對不會失準。。。咖喱肉碎意粉HK$78.拿玻里意粉HK$68.蝦肉牛油果醬日式牛角包HK$68.波子汽水雪糕梳打HK$28.原味鬆餅HK$58.忌廉焦糖吉士布丁Caramel latteFlat white焗芝士蛋糕HK$70抹茶疏乎厘芝士蛋糕首先要講這一碟《咖喱肉碎意粉》，個人覺得味道很薄很淡咖喱味道只是輕輕在味蕾中略過，賣相方面我覺得自己應該做得比他更好另外一碟《拿玻里意粉》，偷偷吃了身旁「蝦子餅」的幾口，個人覺得稍稍勝於自己這一碟，不過賣相真是有待改善~至於熱飲由於可以自己揀杯所以就走出餐桌前挑選一隻自己認為比較漂亮的杯子點選了一杯Flat white ，咖啡豆對於自己來說是整杯咖啡的靈魂，這杯咖啡雖然不似預期的有一般的拉花，可以說自己沖也比他更為好看，但是味道真的不俗~當日最可選的可以算是忌廉焦糖吉士布丁,甜到恰好而且綿綿細滑~一款最失望亦都可以

新開餐廳，朋友想試，於是去試一試。見條隊唔係好長，點知一等等左2個鐘。環境裝修係幾靚，不過幾逼，枱與枱距離好近，如果想傾偈未必好合適。叫左個鬆餅、布甸和吐司share。野食一般，唔覺好突出。反而個招牌鬆餅仲有啲失望。食落唔覺得話好好食，剰係覺得好大份好飽，覺得食左個普通蛋糕，無嗰種食完甜品有既歡愉。店員服務態度幾好，有禮貌、亦願意協助。以呢個價錢，質素算係咁啦。不過要排2個鐘就絕對唔值得。行過，見到無人排隊可以入去試下既。

依家無得去旅行，見到依間約有50年歷史嘅日本咖啡店在海外開第一間分店，當然要去試吓，當日約四點三開始排隊，排排下，有職員走過來跟排隊人士說五點後無熱食供應，班㦸也沒有，雖然有啲失望，但好彩佢其中一樣人氣甜品仲有，忌廉焦糖吉士布丁，所以都決定繼續排，入到去除了叫了布丁（$38）仲叫了抹茶疏乎厘芝士蛋糕（$44）及熱紫薯拿鐵（$42）吉士布丁賣相不錯，打卡必叫，味道不錯，但略嫌焦糖味不夠濃，抹茶疏乎厘芝士蛋糕，本人唔太鍾意個質感，唔似疏乎厘蛋糕，唔夠鬆軟，抹茶味可以濃啲，至於杯紫薯拿鐵，賣相顏色也幾靚，味道也ok，有啲紫薯渣在內，價錢也算合理，服務方面我覺得有待改善，唔係話佢哋無禮貌，係我覺得行動比較緩慢，有枱也未能及時清潔安排客人入座，其實果度地方並不大，又忘記俾餐具給客人，另外聽到佢哋落order有啲亂，睇得出是新手，不過整體問題不大.

不能飛日本，就去日式咖啡店解癮啦！櫃檯真的是昭和喫茶店的感覺。我們試了：1. 三文魚牛油果醬牛角包（3/5分）整體份量不少，牛角包鬆軟，算多牛油果醬，不過三文魚有少少腥。2. 焗芝士蛋糕（5/5分）是我喜歡的美式芝士蛋糕般的結實口感，但又夠creamy，沒有太甜。3. 抹茶梳乎厘芝士蛋糕（2/5分）介乎美式芝士蛋糕及日式芝士蛋糕中的口感，沒有想像中似梳乎厘的輕飄飄的感覺，但都夠creamy，不過完全沒有抹茶味...4. 焦糖吉士布丁（5/5分）好香濃、好軟滑，好香蛋味，非常好食😋5. 抹茶latte (1/5分）同樣沒有抹茶味....6. 虹吸咖啡 （4/5分）今次是mocha咖啡豆，男友話聞落有淡淡朱古力香氣，比較香濃、full bodied，適合喜歡heavy/medium roast的朋友，我就覺得有點太苦啦

放lunch經過見到呢間來自京都嘅Cafe滿心期待咁入去試原本排隊等位入座時打算試佢嘅檸檬忌廉雞胸蝴蝶粉但很可惜只係下午1:30已經賣晒於是唯有叫另一款意粉最後叫咗蒜香意粉一嚟到見到個賣相已經心感不妙食落似只係”saap”完嘅意粉 再加啲油、再加圖中見到嗰塊唯一的蒜片同埋辣椒炒埋一堆無論橄欖油還是蒜香味都冇只有少量辣椒味最後要問餐廳拎芝士粉大量灑落碟意粉才能入口之後決定俾多次機會佢加錢試埋布甸布甸甜度適中 唔會太膩侍應會好細心問需唔需要cream 哩個位係加分嘅But overall it was quite a disappointing experience

上星期食完嘢路過, 見到長長嘅人龍, 諗住今個星期日早啲去排隊, 點知都係等到天荒地老先有位 排咗大概 40 分鐘之後入座. 原本係想試佢個 hotcake, 但係已經賣曬.... 最後兩個人 order 咗兩杯 drinks 同埋焦糖布甸焦糖布甸 ($35) 真係好好食, 焦糖味蛋味都好出, 好滑, 甜度啱啱好Order 虹吸咖啡可以揀咖啡杯, 佢啲杯都幾靚. 同埋佢杯咖啡都幾香, 不過 $80 都算幾貴.另外 order 咗 Ice Mint Mocha ($44) 無影到相, 因為杯咖啡唔特別靚 😅 薄荷味都算出, 不過唔夠咖啡同埋朱古力味.店員們都非常友善, 但係可能因為試業期間未上手, 排隊嘅時候見到執好枱廿分鐘都未叫人入去... 唔怪得咁長龍. 希望之後有改善

日本癮起又要食日本菜！這間日本喫茶店裝修用上深木色，很有日本舊式咖啡廳的風格。坐位不多，幸運地只等了30分鐘。忌廉焦糖吉士布丁$38布丁充滿蛋香，質感軟滑，忌廉與焦糖完美搭配，難怪是招牌甜品，大大力推推推！！！Cappuccino $36記得要向店員要求用靚杯，否則只能用普通杯。咖啡配靚杯，即時level up!原味鬆餅（1pc）$58餐牌上註明是用鮮雞蛋及楓糖漿用慢火細烘。由於我較少食hot cake，不能評論質素，但個人覺得這個很鬆軟，而且價錢合理，份量充足，叫一塊已很足夠。

Sonia Coffee @soniacoffeehk📍 旺角太子道西193號MOKO新世紀廣場MTR層M52號舖.日本京都昭和風喫茶店Sonia Coffee終於嚟到香港🥰 呢間日式復古cafe於1970年創立，有一定嘅歷史～ 店內裝修走復古風，食物以日式西餐為主，各樣食物簡而美，有咸甜點，可惜新開張時段冇甜品set同鬆餅供應🥺.🍮 忌廉焦糖吉士布丁 $38: 布丁蛋香味濃，口感滑溜，焦糖味甜度適中，仲要用埋布丁杯盛載，夠哂儀式感😍.🍰 抹茶梳乎厘芝士蛋糕 (切件) $44: 抹茶味較淡，不過蛋糕夠濕潤🍵.🌰 和栗磅蛋糕 (切件) $36: 磅蛋糕牛油味重，加埋一粒日本和栗，但蛋糕較為鬆散，配忌廉食會好啲😌.🍹 昭和雪糕梳打 (白桃) $68: 夏天當然要飲杯凍飲refreshing吓！白桃梳打加一球雲尼拿雪糕，夠哂邪惡🤪.☕️ Cappuccino $36

源至日本京都的昭和懷舊喫茶店來到香港。一看到shop front已經是日本珈琲店的感覺。以前一年兩三次到日本，星乃、丸福、UCC總有一間在附近，現在真是十分掛念。Sonia coffee創立於1970，焙煎不同產地的珈琲豆供應給同業。現在來到香港，店子從裝潢擺設到餐盤器皿都盡量還原傳統日式喫茶店的復古風格。這裡house blend是印尼和巴西豆拼配，日本焙煎較dark roast，口味濃郁醇厚。我今次點了rose latte ($38)，rose syrup配合珈琲深沉甘甜香氣，口味正是日本喫茶店喝到的精品珈琲。食物方面中規中矩，今次點了蝦肉牛油果醬日式牛角包 ($68)，如果牛角包烤得更鬆脆便更好。不過似乎甜品比主食出色。下次來再試試布甸和梳乎厘。總括而言，在不能「回鄉」的時間，有一間傳統的日式喫茶店在香港開業，的確令人很振奮。

Sonia Coffee雖然響日本只有京都及北海道小樽共兩間餐廳，但其實原本佢已經有超過50年既歷史! 而當中發源地京都店以虹吸式咖啡為招牌咖啡調製方法，同時老闆亦會到處尋覓特別既茶杯，於客人用餐可以讓大家欣賞。知道旺角新世紀廣場開設首間海外分店後，小編亦唔執輸去朝聖一下。響餐廳外面已經有壁紙介紹Sonia Coffee既由來，雖然係以日文介紹但相信單憑漢字或Google翻譯一下亦不難明白吧。響門口一邊睇餐單既時候，店員就即刻行出黎睇睇有無野可以介紹下。但由於小編到達時已經晚上7點，基本上所有熱食或甜品(尤其著名既原味鬆餅)都已經沽清了。店員都非常好禮貌既建議我下次可以4-5點前到先可以品嚐到熱食吧。既然入唔到去品嚐，就唯有買杯薄荷朱古力鮮奶咖啡($40)，試試咖啡既質素吧。 (餐單可以直接參考評價最底既圖片)付款完等候期間，就係最好欣賞店內環境既時候：響咖啡機附近﹑以及門口既裝飾都可以見到不同款式既茶杯，同時亦都留意到店內每位客人所用既茶杯款式都有少少唔同，即刻令我有期待下究竟自己會遇到咩款式既茶杯呢!5分鐘左右咖啡到手了，雖然外賣紙杯既賣相的確差少少，不過咖啡沖出黎的確幾好飲：可能

西式咖啡店去得多 開到成行成市 日式嘅就比較少最近 soniacoffeehk 喺旺角moko開左 係佢地第一間海外分店 5月頭開始試業留意餐單同營業時間都有調整今個禮拜星期一至四6點閂 五六日就8點-我地星期六黎食lunch 大約排左30-40分鐘整體食物比較普通 上菜都慢 人手不足不過明白餐廳新開 啲嘢仲未上軌道而且店員就算好忙 服務態度都好好食物選擇其實都好多 三文治有五至六款甜品都有好多 我見最多人叫嘅係布丁 芝士蛋糕平時有供應意粉 不過我去嗰陣時就冇-☕️Flat White $36☕️Cappuccino $36 呢個價錢算抵飲 但係咖啡味道普通唔夠濃郁面頭有薄薄一層奶泡 入口唔算棉密細膩整體口感有啲似咖啡機製成品😢-🥪#高湯雞蛋捲煙肉丹麥吐司 $52日式三文治俾我嘅感覺係賣相第一 味道其次呢份吐司就比較失色 首先丹麥吐司冇烤烘過跟著麵包切口明顯地凹凸唔平均 高湯蛋煙肉餡料太乾身 冇任何三文治醬😞旁邊嘅沙律菜夠新鮮爽脆 加咗醋都幾清新不過我建議用薯條代替沙律 會搭配啲個蛋一邊厚一邊薄 整體有好大嘅改善空間