SONIA COFFEE

营业中

休息中

日式休閒 Cafe-旺角 SONIA COFFEE係旺角 Moko 行到攰,想搵個地方坐下見到呢間日式Cafe 唔使排隊就去試吓佢杯咖啡啦,叫左Earl Grey Cheesecake、朱古力布甸、竹炭 Latte 同Iced Americano🙂Iced Americano 少少偏酸,入口回甘,竹炭 Latte 都有拉花架 Earl Grey Cheesecake都唔錯,茶味香濃,朱古力布就比較普通 有時都要等位㗎,有興趣可以試吓!😂

幫襯咗Sonia好多年，呢度d嘢其實好好食，但係就唔知點解越嚟越多小飛飛，初期年廚房位嘅枱附近會有蚊滋，上星期更加係烏蠅齊飛食肆除咗提共美味食品，衞生亦好重要，見到d烏蠅立喺隔離吉枱刀叉上、企喺枱面，飛來飛去。見到對面個男食客用手撥走烏蠅，我一路食亦都一路手撥撥，希望Sonia cafe能夠提供乾淨舒適環境俾食客，坐得舒服 食得開心🙏🏻

前排去咗旺角Moko呢間Sonia Coffee叫咗個二人套餐 兩個主食 + 甜品 連飲品 $278𖧧 蒲燒鰻魚玉子關西風意粉鰻魚幾嫩 但醬汁同意粉唔太夾🤢𖧧 喫茶店拿玻里意粉一碟味道普通到冇得再普通嘅茄汁意粉🤭唔推薦𖧧 是日蛋糕最後甜品係是日蛋糕～ 巴斯克芝士蛋糕味道比主食出色 口感幼滑輕盈

行街搵個地方坐下，諗住呢間過江龍都高討論度就入去試下。叫咗意粉同凍啡，賣相一般，亂七八糟咁求奇上菜就算，味道更一般，可能唔食到反胃就當合格。想靜靜坐下，但間舖最大噪音源頭就係班職員，口沒遮攔成班爛仔咁。快快手食完就走，連鎖咖啡店環境仲好。

每次去完花墟經過，都見到很多人在裡面喝咖啡及用餐，以為餐廳應該有點質素。我們點了咖啡及pancake 。 咖啡不難喝，但是 pancake 真的需要換另外一個 recipe , 我們吃了一口以後，真的已經不想再吃 😫

這家是來自日本京都的昭和風喫茶店迷上餐點賣相吸引，很有期望，所以挺失望～🥞 喫茶店原味鬆餅日式傳統班戟全部size都很大這份也比頭還大但厚度和日本隨處可見的喫茶店也完全沒法比比較像麥當勞的熱香餅，扁扁平平的班戟本身基本上沒味道就是一塊普通的麵粉牛油也只是一片普通的牛油，完全不香🍮 焦糖吉士忌廉布丁這份布甸賣相好質感也好，不容易散掉但不夠蛋味，而且不知道為何也有一股黑松露的味道（？）不知道是否其特色～

Mk MOKO 新世紀廣場 Sonia Coffee (輕食午餐）### 煙三文魚黑松露炒蛋日式牛角包Smoked Salmon Black Truffle Scrambled Eggs Crossiant首先，煙三文魚的鹹香與黑松露的獨特泥土香味相互交融，為炒蛋增添了層次感。炒蛋的質地綿滑，口感豐富，完美地包裹住了這兩種食材的風味。另外牛角包外皮酥脆，內部柔軟，與炒蛋的搭配形成了美妙的對比。當熱乎乎的炒蛋填入牛角包中，每一口都能感受到香氣四溢的滋味整體來說，這道菜品不僅視覺上吸引，味道上也相當出色，適合作為早餐或輕食，讓人感受到高雅與舒適的用餐體驗。飲品叫咗杯 ### 抹茶鮮奶是一道清新又富有風味的飲品，將香濃的抹茶與滑順的鮮奶完美結合。抹茶的苦香與鮮奶的甜美相輔相成，使得整體口感既柔和又不失層次感。這款飲品適合茶愛好者！

我們三人1月7日下午中段飲下午茶。侍應用心聆聽，落單清晰，招呼貼心。至於限時，也按客量有酌情處理。服務值得稱許。註：其他兩分店都是位於九龍呢邊，九龍人較方便。choices : expresso, americano, latte,  cappuccinno, flat white, mocha, chocolate, breakfast tea, earl grey, apple tea, peppermint ... also with deserts

第一次幫襯，選擇單點和風全日早餐，令人失望，蛋卷是凍的，味道欠妥，所謂紫薯，豆丁兩粒，也是凍的，炒蛋無味，even連兩塊bacon都無味，亦沒有煎香，兩塊多士，一點牛油都冇，最令人失望是一堆沙律菜，也是一滴dressing都冇，實在令人好奇廚房係咪沒有任何調味料！？ 索價過百元之劣食。餐後再單丁flat white, 味道尚可，但最奇異是沒有附上茶匙沒有糖，default客人不要糖，不攪拌，神奇！背住日本的名號，卻完全做唔到日本的標準！絕不會再光顧

兩年前食過正常，但今次成個用餐體驗嚇死人...一坐低，有陣好臭嘅味道，來自張枱🤢係酸宿嘅臭抹布抹過張枱🤢🤢強烈到要用酒精自己再抹一次先可以繼續坐。落柯打時，戴粗黑眼鏡嘅女店員服務態度不太友善，黑口黑面冇笑容，講嘢冇尾音，俾你嘅感覺係好唔耐煩😅個pancake一擺低真係嚇一嚇，舊牛油仲厚身過個pancake衰過麥當勞熱香餅😅十分硬食而味道又好奇怪難食到食一啖就食唔到落去唔知係個油唔新鮮定咩事... 真係食到一肚氣幾年前食過呢個pancake都冇問題，同menu上面個樣唔會差太遠！咁嘅pancake都敢出餐，真係好過份🤡👋🏼 永遠唔會再幫襯呢間Sonia Coffee

10月中終於食到朋友9月尾嘅生日飯😅佢揀咗呢間日式cafe，雖然座位唔多，但平日夜晚七點幾去到唔使等位直接入座～原本我哋想叫一個一人餐再加一個單點意粉，但係套餐包嘅巴斯克蛋糕指定咗口味冇得轉，所以就決定全部單點👅喫茶店拿玻里意粉意粉彈牙帶啲番茄味，無乜汁比較乾身香腸似普通雞尾腸，冇香草味亦冇乜油脂香味，非常普通😅👅浦燒鰻魚玉子關西風意粉呢個意粉味道同佢個名稱完全相符，不過原來呢個味嘅意粉我同朋友都覺得幾奇怪唔太夾😅😅鰻魚同玉子就係正常水準～👅焙茶巴斯克芝士蛋糕焙茶味唔算好突出，我自己會鍾意實少少，呢款係比較Creamy偏軟身👅Syphon (Yunnan)餐廳有張隱藏嘅虹吸咖啡餐牌，可以自己揀咖啡杯款式，朋友試咗中國製帶士多啤梨味個款，佢話都OK ，不過成$70一杯個人認為有啲貴🙈原本都想同朋友傾耐啲敘下舊，但係餐廳8:30已經閂門，同埋背景播住比較嘈吵嘅音樂😅😅如果唔介意都可以試吓#soniacoffee #日式Cafe #新世紀廣場 #moko #旺角餐廳 #旺角西餐 #西餐推介

🐯去旺角感受下昭和氣氛，扮下返鄉下啦！🐭⭐️按「更多」睇詳細食評😋懶惰二人組去旺角Moko行到對腳攰攰地，經過早年進駐香港嘅日本京都過江龍【Sonia Coffee】見有位，就入左去坐。懶惰鼠早兩年嚟過呢度坐，當時都有好多人排隊。今次好好彩我地可以即時入座，休息下。去日式喫茶店見到啲日式布甸，都心郁郁想上下。見到2:30後可以點甜品套餐，於是就點左一份餐，套餐包一杯$40以下的飲品。《特調咖啡布丁 Sonia's House Blend Coffee Pudding》$72 （套餐價）布甸本體唔算好大個，表面都好有光澤。擺放佢嘅餐具都幾靚。布甸質感唔錯而且有少少咖啡嘅苦澀味，平衡返布甸本身比較甜既味道。🐯：重咖啡味，不過一個人食會太漏。《蜂蜜鮮奶咖啡 Honey Cafe Latte ハニーラテ》（熱） $40 （跟套餐剛剛好，不用另收差額😜）🐭：一開始飲落去有淡淡的蜜糖味，不過感覺唔係咁出嘅？飲到最尾先發現原來未攪勻。🙄《美式咖啡・Americano・アメリカーノ 》（凍）$36🐯：感覺一般～未見十分特別。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️唔知係咪冇揀到一啲比較有特色嘅咖啡，

2024年10月3號3:15諗住飲杯咖啡，門口貼住繁忙時間用餐60分鐘，但係我冇諗過下午3:15都係繁忙時間，店員話俾我聽60分鐘交枱，我同佢講而家係繁忙時間咩？跟住佢話俾我聽多人都要交枱，咁一係你喺鋪面貼住全日都係繁忙時間啦，唔怪之得個個都北上消費啦。點解而家仲係咁嘅服務態度？我覺得你係一間Cafe點解會限時60分鐘，價錢又唔係平見到個店員嗰啲服務態度都已經唔想入去入邊唔係好多人數埋得八個人點解仲係要60分鐘？我真係好唔明而家香港食肆究竟係點樣知唔知道已經去到好惡劣嘅情況？

朝早經過諗住入去飲杯咖啡，一入門口服務態度勁差，俾個侍應喝狗咁樣喝，侍應冇行出嚟帶位，諗住自己行去坐埋邊個位，個侍應喺水吧位大聲喝我哋用手指住話呢個位唔坐得！差啲以為自己踩咗地雷，如果有啲禮貌，其實可以講唔好意思，呢個位唔坐得。個侍應呢個行為真係好冇禮貌，員工態度拉低餐廳嘅水平，老闆真係要正視。俾個侍應咁樣倒米，睇返食評都唔止我一個人覺得餐廳服務態度差，只可以話下次都唔會去，如果想感受一下呢種特別嘅服務態度，不妨一試。

點咗全日早餐，除咗沙律菜，蕃茄，煙三文魚，炒蛋係正常溫度，其餘應該熱的食物都係唔熱嘅。試想想雞扒，香腸及bacon只是微溫，切都切唔到底嘅實的的質感。上前去櫃檯反映，有小姐話「做過俾我」。 另外再加一句，「吓，紫薯係凍㗎喎！」。等咗一陣，小姐走過來拎走我已切過，堆疊在一旁小茶碟中的冷凍食物，將那整碟堆疊切過的一次過原碟拎去「翻熱」。完全令人不敢恭維的服務及食物質素。對比餐牌上show 住日本師傅嘅專業相片及字句，大家都明白本地食肆點解生意每況愈下。