Soi.29

营业中

休息中

同朋友約食飯，上OpenRice搵餐廳搵到呢間睇相見到好有泰國大排檔feel既餐廳因為係happy Friday，所以我哋都早少少去拎位點左馬拉盞炒椰菜苗、串燒、炒河同泰式奶茶，最後仲外賣左豬手飯同埋芒果糯米飯，埋單後會有泰式雪條贈送食物：菜式都好有鑊氣，泰式奶茶唔會太甜啱晒我口味，而外賣嘅豬手飯豬手烹調得唔係好入味，芒果糯米飯芒果很甜椰奶好香服務：侍應最初都好有禮貌招待，但因為只有75分鐘進餐時間，侍應會走過來叫你食快啲離開，亦因為咁我同朋友都冇食到贈送嘅雪條，而收銀方面一錯再錯，原因係因為部份菜式加價後沒有更新到每一張餐牌，導致埋一張單要改兩至三次，服務態度有待改善，收銀員應該再三檢查先好出單，避免不必要的時間耽誤環境：泰式大排檔感覺總括：豬手飯需在調味及烹調上稍作改善，如果唔係其實呢道菜係唔值得加價，服務方面需要再調整侍應對客人的服務態度，收銀準確度需要注意及更新餐牌價錢需一致。如喺尖沙咀想食泰菜都會再選擇依間，因為除咗豬手飯當日所點嘅菜式其實都唔錯，會再想嘗試其他菜式，但可能會揀平日1-4先去，希望冇咁多人會食得舒服啲

想搵泰國嘢食，行過見到間野咁岩食泰國嘢，裝修又幾得諗就入左去食價錢唔貴，樣樣都係幾十蚊但好大份，而且都幾好食服務態度都好好，職員們幾有禮貌又識做餐廳裝修風格好cute，有啲懷舊style大家可以去試吓，唔會中伏會再返去食

✧.* 𝗧𝗦𝗧, 𝗦𝗼𝗶 𝟮𝟵 @soi.29_chef.key .ೃ࿐想食咗呢間泰式大排檔超級耐！之前見佢淨係開晚市，到疫情期間直程冇開到，近期終於開返啦🤪今次食lunch都幾抵食，而且上菜速度好快，啱晒想食個quick lunch嘅朋友仔～希望遲啲都keep住有lunch啦！😇ღ 炒金邊粉 - 蝦 $62都幾大碟幾抵食！炒得幾乾身，味道就好似我之前喺泰國食過嘅感覺🤪酸酸甜甜，總之就好味啦！╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 泰式乾炒河 - 雞 $58比起金邊粉更加鍾意呢碟乾炒雞河～好有鑊氣，好香，但又唔會好似平時炒牛河咁好油膩！特別喜歡呢種好寬好大片嘅河粉👍🏻╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 燒豬頸肉 $98雖然lunch兩個人叫呢個小食有少少貴，但worth！肉質爽口彈牙，味道香口，點埋旁邊嘅辣醬更加惹味😋╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟰/𝟭𝟬𝗦𝗼𝗶 𝟮𝟵 @soi.29_chef.key✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟴/𝟭𝟬╰┈➤ 📍#BELLYwongs

有無人都好鍾意食大排檔！貪佢有鑊氣夠香口！而今次尖沙咀呢間泰國野 主打鑊氣泰式小炒，仲由泰國人主理。無論係裝潢、碗碟枱凳、食物，都有啲泰國夜市大排擋嘅感覺。價錢就一定無係泰國當地食咁平，但勝在味道唔錯，每一碟上枱個時都係岀晒煙🌬 炒河好有鑊氣呢~ 不設加一之餘，環境企理，唔會坐得好逼夾，可以一戰▪️醉貓炒河 $88完全係因為佢個名而嗌！呢碟醉貓炒河就用左啲肉碎、豆、菇、青椒炒寛河粉。係充滿鑊氣嘅一道。河粉有一定厚度，唔會炒得太腍，微微煙韌有咬口，大大塊食好爽。少少辣越食越惹味▪️燒牛肉 $138火喉岩岩好，呈粉嫩嘅紅色。肉質軟腍有咬口，仲成功鎖住肉汁。牛肉本身已有調味，有少少甜甜地，唔蘸旁邊帶酸辣嘅醬汁都無問題。▪️串燒拼盆 $158有雞、豬、雞軟骨、腸仔四款，每款各三串~ 串燒比想像中岀色，燒得好香口！唔蘸沙嗲醬都好食！豬肉軟彈唔乾柴，仲有啲肉汁同肥膏添~ 雞肉肉質偏紮實，但都唔會好乾。廚師腸正正常常~ 但雞軟骨真係硬左啲 (究竟係咪我啲牙有問題) 建議大家嗌串燒沙嗲 $88！可以揀半豬半雞，各三串~▪️馬拉盞通菜 $88雖然menu到有隻辣椒仔，但食落完全唔辣。係一道食得舒服、唔會太鹹太重

好有泰國大排欄風味牛扒好正 好Juicy 超推薦好抵$128甘大碟 牛肉好嫩 好夠味 完全唔洗點汁都好好味炒河 好夠鑊氣 正！豬手飯 都好味 真系好似系泰國食既豬手飯仲要有小小酸菜 好開胃 蛋都好香好夠味飛天炒通菜 好有鑊氣 好味 仲有個椰青真系好正 好新鮮🤤我覺得呢間店所有食材都好新鮮值得推介 💕

今次食午餐，唔洗等位，叫左泰式無骨豬手飯（$68），加$8配龍眼冰（小冰）。環境：懷舊泰國風，有啲泰國車牌，汽水箱睇下，啲泰文都幾得意，有泰國大排檔嘅感覺，輕輕鬆鬆。食物上菜速度：適中，平日午餐半席滿座唔算忙，落單快手，執枱快手泰式無骨豬手飯（$68）：肉量多，淋度適中，大份飽肚，有配菜加熟蛋，豐富，特別鍾意肉汁撈飯食！龍眼冰：好多龍眼粒，甜甜地，大大杯食極都仲有，有泰式地道風遮仔做裝飾幾得意，岩曬影相！跟餐加8蚊配都幾抵～

評分：🌕🌕🌕🌗（3.5/5）總評：店舖嘅環境設計得幾似泰國街頭小店座位就稍為有啲迫服務ok遇到問題都有即時處理呢樣都欣賞價錢方面以尖沙咀區泰國菜來講，我覺得唔算貴可惜個泰式拼盤冇乜泰國風味之餘啲雞翼仲要生嘅😥——————————個人好鍾意食呢種泰國好闊嘅河粉佢都炒得好香口係份量比較細啲燒牛肉好好食肉質嫩滑、易入口同埋佢本身都有醃過其實就咁食已經好夠味點埋個醬反而會鹹咗少少呢個泰式拼盤我一見到已經覺得有少少伏感覺好唔泰式似係將啲街頭炸物擺上碟再加啲泰式酸辣醬春卷同酒樓嗰啲冇分別蝦餅正正常常但係雞翼真係好有問題因為五隻中間都係生嘅有即時同店家反映咁佢都即刻free左呢一碟拼盤嘅價錢不過都希望再注重多少少出品嘅質素

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴醉貓炒河（$88）因為個名好過癮又唔知咩黎所以就叫黎試下🤣上網話係用隨意嘅配料炒出黎嘅河粉，通常會有魚露、辣醬同九層塔。哩間嘅醉貓炒河比較辣🌶️不過好惹味牛肉生菜包（ $98）唔食牛肉的話可以揀豬肉🐷牛肉粒炒完都唔會乾，辣辣地，配埋爽口嘅生菜一啖咬落去一流👍🏻不過性價比就有啲低😂咁樣就差唔多成舊水……香芒蟹肉炒飯（$98）唔知你地鐘唔鍾意炒飯落生果？🤔我個人就好鍾意炒飯有芒果啊菠蘿啊之類🤪佢個芒果並唔係切左丁咁炒埋入啲飯到，而係大大方方咁切左半個芒果攤係個飯上面😎個飯炒得幾乾身，但係蟹肉存在感相比之下好弱…串燒拼盤（$138）拼盤裡面包括有豬肉、雞肉、雞軟骨同腸仔各兩串。跟碟沙爹醬沾黎食。啲肉唔會燒得柴，連條廚師腸都可以保留juicy嘅感覺🤣炒金邊粉（$88）正常發揮嘅金邊粉。食之前記得擠啲青檸汁，撈埋啲花生碎先好味😋個人認為合格嘅炒金邊一定要有豆乾🤪所以哩個合格，仲有好幾個蝦球比我地！抵玩過生菜包😂炸蝦餅（$78）啖啖肉！足足有八粒🤩雖然熱氣但係都係想食😂可以沾啲泰式辣醬食。仲有幾片青瓜片同蕃茄伴碟，稍為清新下？馬拉盞炒通菜（$78）份量都足嘅

save 低左呢間泰國餐廳都一段時間 今日終於有機會試到 一入黎話要限時75分鐘 不過最後食完冇人等都可以坐耐啲✨生菜牛肉包 $98好好食😋😋 平時食開譚仔三小嘅我都覺得辣左啲 但調個味好唔錯 牛肉又唔un 又少啲肥肉 推薦要食👍✨醉貓炒河 $88睇個名完全唔知係咩黎 原來係青紅椒加啲肉碎炒河 炒得夠乾身 都唔錯✨串燒拼盤 $138有豬肉 雞肉 雞軟骨同腸仔 最鍾意食串燒雞軟骨 脆卜卜 雞肉同豬肉都唔會話燒到好乾 有返啲肉汁🧉椰青 $45好清甜好多汁 👍🍹青檸薄荷梳打 $38比較酸 但食得飽嘅時候飲幾好會覺得冇咁膩總括全部野食都唔錯嘅 我覺得生菜包特別好食 不過真係好辣 食到我會流鼻涕 晚餐人均～$200味道❤️❤️❤️❤️價錢❤️❤️❤️❤️服務❤️❤️❤️環境❤️❤️❤️

聽聞呢間充滿大排檔風味既泰式餐廳成日都full，又無得book位，見今日咁早就即管去試試，大概6點半去到好好彩地唔使等位，裝修風格果然夠晒特別今次叫既野唔算多，但上菜速度都幾快，全部熱辣辣▪️泰式炒雜菜 ($78)貪佢咩菜都有啲，唔使諗😂 都算幾大碟，味道正常，唔辣既。▪️炒金邊粉 ($88) 偏甜，不過金邊粉算幾乾身，唔會好油，仲有好幾隻彈牙大蝦，好足料👍🏽▪️串燒拼盤 ($138)有4款串燒，包括雞軟骨、雞肉、腸仔同豬肉，肉類配埋佢地既沙嗲汁都好夾，仲有粒粒花生喺入面添。成個拼盤黎講係個腸仔比較一般😅其他都好食！▪️椰汁雞湯 (細) $98偏辣既椰汁雞湯，略嫌啲雞唔夠嫩滑，不過整體都好夠味，而且入面好多雞肉，仲有菇，即使一個細既都夠晒份量。雖然係大排檔風味，但餐廳好乾淨，而且啲staff既服態度都好好🥰全日不設加一，食完仲會送泰式雪條，分別有洛神花同提子味，不過天氣凍我就無食🙈

Soi.29 (尖沙咀)📍尖沙咀寶勒巷29寶昌商業大廈地下尖東呢頭唔算多泰國菜餐廳，今年就新開左一間，味道都唔錯，所以推介比大家🙌🏻✨燒牛肉重點推介燒牛肉！牛肉既熟度啱啱好，入面仲有鮮嫩既粉紅色。牛肉柔軟嫩滑，肉味濃郁，加埋祕製既醬汁，食落酸酸辣辣，減輕左膩既感覺。✨泰式炒椰菜苗呢到既菜都可以百搭，姐係泰式/馬拉盞/勁辣/蒜蓉都可以搭椰菜苗/芥蘭/西蘭花/通菜/雜菜，泰式炒菜落左麵豉，所以咸咸香香。✨鹽燒魚鹽燒魚出面包哂一層厚厚既鹽，咸味滲哂入魚肉到，調味啱啱好。條魚既肉質嫩滑，唔會鬆散，不過比較失色既係魚既味道比較淡。點左汁之後，酸酸地既味道吊出魚既鮮味，而且少少辣更加開胃。✨酸辣鳳爪沙律係所有餸之中最辣既一道，鳳爪去左骨，食落啖啖肉好方便。仲有蕃茄仔、青瓜、生洋蔥等配料，非常豐富。✨泰式拼盤有蝦餅、春卷、雞翼，每款四件，啱哂同朋友share。全部野都炸到脆卜卜，加埋泰式辣醬，都唔錯。✨芒果糯米飯佢係少數上檯嘅時候仲出緊煙嘅芒果糯米飯。芒果夠甜，份量唔少。糯米飯煲到比較稔同濕潤，但係椰汁既味道唔夠香甜。最後每位客人食完飯都會有泰式冰棒送返架，我地食個晚係洛神花同提子味，非常有風味～

星期五嚟咗呢間餐廳食飯冇得book位所以Walk in排咗幾分鐘就入到座 安排入座嘅員工好好人入到去裝修非常泰國風味食物方面就嗌咗沙嗲$88 可以相併雞肉同豬肉 唔錯 好滑好入味生菜包(豬/牛)$88/98 份量好大 生菜都俾好多 而且味道非常不錯豬手飯$78 呢個正! 豬手超級淋同埋入味 但又唔會太肥 好好食！勁辣炒椰菜$68 呢個就普普通通 無勁辣咁誇張不過都合格飲品方面就嗌咗 青檸梳打 同埋泰式凍奶茶 好有泰國嘅感覺 唔錯！最後臨走 員工有問我哋食咗雪條未 超級nice

今日同我高太食飯，左揀右揀終於都揀左soi 29食泰國菜對於一年去十次八次既高生黎講，依度真係滿滿既泰國風味餐廳用左好多泰國飾物去做裝飾播既歌都係新啲既泰國音樂餐牌都有好多泰國地道菜色今日同高太得两個胃試唔到甘多野，下次試多两樣先同我高太食飯，一定要嗌個菜先泰式炒雜菜真係完全泰國地道風味，令人懷念睇左好多食評都話要試依個燒牛肉雖然其實好多泰國人都唔好牛肉，但係依個牛燒到生熟適中，非常好食串燒拼盤靈魂係個醬度，唯一美中不足係啲腸仔芒芒芒果糯米飯超好食唔食甜野既高生都要食除左糯米飯熱左少少，但係已經完勝過香港好多泰國餐廳抵食又好食，好快再反黎

其實如果有人喺尖沙咀飲嘢 都可能有人叫外賣食過呢一間！兜兜轉轉 地方終於喺尖沙咀開返實體店舖㊗️ 仲記得幾年前 第一次食過佢嘅燒牛肉就覺得好好食 所以同同事係公司補食生日飯 我就提議食呢間叫個外賣先（發泡膠盒嗰啲串燒同燒賣係華記嘅 大家可以忽略）咁當然一嚟到要叫呢個好出名嘅燒牛肉啦！😈但係我都想知同呢個嘅燒牛肉沙律有咩分別（下次問吓人先 ）燒牛肉依然好食！因為仲有叫附近嘅舖頭串燒（牛柳肉） 一對比呢⋯呢間嘅燒牛肉當然係好味好多啦😂😂 點埋呢個醬汁就好泰式味道啦 正生蝦依然好味道好怕唔夠飽 叫咗個醉貓炒河！呢個都好好食好夠味 不過略嫌份量有啲少 哈哈😂😂但係呢一個生菜包呢就覺得普通 還好！味道爭少少😛 個人覺得唔夠濃味下次推介大家去舖頭食 比較有氣氛！舖頭裝修都好靚 好有風味👍🏼👍🏼👍🏼祝生意興隆

今次試咗呢個大排檔風嘅泰式餐廳 最鍾意就係食泰國嘢(๑˃̵ᴗ˂̵)و 尖沙咀寶勒巷嗰邊就最多好嘢食啦~~~~呢間餐廳嘅裝修顏色都好eye catching 估唔到平日去都座無虛席🤰牆身d鐵皮+colourful ge poster同d枱櫈都有大排檔feel，舖頭細細來講佢都唔算坐得迫燒牛肉 $128呢個真係必嗌!! 牛肉生熟啱啱好脂香感重 而且嫩口牛肉好嫩滑配埋酸甜醬汁好食好開胃(๑˃̵ᴗ˂̵)و 串燒沙嗲 $88我哋就揀咗雞肉串🍢食串燒最正嘅就係啖啖肉唔使lur骨 再加埋佢嘅沙嗲醬٩(ˊᗜˋ*)و✧*｡果然美味是卡路里的朋友馬拉盞通菜$78 不嬲都覺得出街食飯炒碟菜其實都好貴 不過出嚟食嘢就係咁(´ . .̫ . `) 馬拉盞個醬汁好入味 美祿雪條 免費贈送有個鐵做嘅傳統雪條爐製 埋單之後每人一條免費贈送細細支食飽再食都唔會太Heavy