Soi.29

营业中

休息中

同朋友慶祝生日🍾️，想去下小店，唔想去連鎖，見到尖沙咀有得食泰國🇹🇭菜，朋友本身都喜歡泰菜，見餐廳🍴地點都方便又容易搵，就試試佢先😋😋😋當去到好多人，OpenRice book 左都要等一陣間先有位，坐座唔算舒適但以小店黎講，算幾好👍🏻食物方面好食😋尤其係串燒拼盤✅，叫左一份，再外賣🥡多一份添，朋友拎返屋企宵夜😂泰式鳳爪，我同朋友都覺得辣嘅，一路話辣但係不停繼續食🤣🤣乾炒河好食😋生菜包都有少少辣🔺整個用餐體驗很多❤️有機會會再去呀☺️✔️

聽講尖沙嘴開左間好特別既泰國菜，鋪頭內籠好似港式大牌檔。雖然似大牌檔，但坐落唔逼同都算舒服。我地今日好肚餓，叫左四樣野食，分別係冬陰功湯金邊粉 / 燒牛肉 / 酥炸皮蛋蝦餅 / 蝦膏炒飯。冬陰功湯金邊粉好多人推介依個，但我覺得佢唔算好驚喜，算係正常味道，佢味道偏甜酸，冇咩辣味，個人比較鍾意酸辣重D既冬陰功湯，下次黎就未必會再叫。燒牛肉依個真係必食同埋一定會再食，牛肉燒得岩岩好，唔會太熟好淋，唔使點咬已經食到，而且本身調味都好夠，真係會食唔停。酥炸皮蛋蝦餅今晚最驚喜既一道菜，完全冇諗過皮蛋同蝦餅係咁夾，但記得記得一定要點泰式辣醬，成件事係即刻變滿分。覺得依道菜會係伏既朋友，你叫完一定唔會後悔。蝦膏炒飯依個算係正常發揮，略嫌D飯未算好乾，但都有好香既蝦膏味，算係醫肚唔錯既選擇。

餐廳成個環境闊落 裝修顏色好鮮艷 用黎影相打卡好唔錯 好有泰國嘅感覺 好似真係去咗泰國咁樣除咗裝修之外 食物唔算貴 食完仲有雪條送食物質素平平無奇正常發揮 1.串燒拼盤 有肉汁都幾嫩口 幾抵食 有豬肉串有雞肉串仲有埋燒腸仔 有配沙嗲醬夠野味？2.泰式生蝦 蝦肉爽口彈牙 中間嘅醬料都有少少辣3.生菜包 不過不失 冇咩特別驚喜飲品方面 嗌左香茅荔枝冰同埋龍眼冰 荔枝冰香茅味過重 一般般 但係如果鍾意香茅味嘅人應該會好鍾意 但係荔枝肉幾甜唔錯

完全冇諗過星期一都可以坐無虛席, 食到我地差唔多走都仲有人啱啱先坐底😅 呢度成個裝修都係走泰式街頭風, 枱枱凳凳都係大排檔會見到, 而且都坐得幾逼, 真係有大排檔既氛圍🙃 食物同飲品既選擇都幾地道, 質素都比想像中好添🥰酸辣龍鳳爪沙律🥗($78)食泰國菜必點, 有別於平日食到既酸味比較重, 今次呢個係勁辣, 鳳爪勁彈牙爽口, 沙律勁多, 係一個超refreshing 既前菜, 但係如果唔太食得辣既朋友就唔好挑戰喇🧐串燒沙嗲🍢($88)豬同雞每樣三串, 燒到香噴噴同埋夠熱辣辣, 點埋個沙嗲醬絕對係無懈可擊😎 我覺得叫呢個串燒會好過叫串燒拼盤, 因為見到隔離枱叫左除左肉之外仲會有燒腸仔, 但係腸仔好似普通左啲, 所以想啖啖肉又平啲既話我建議叫呢個🙂香茅燒雞半隻🐓($88)半隻既份量都算多, 雞整到好有色澤感, 而且肉質好滑, 就算係雞胸既部分都唔會”鞋”，再點埋個特製辣醬同隻雞超夾😎 不過香茅味就欠奉, 但係都係一隻好食既燒雞👍🏽醉貓炒河🍲($88)見到個名以為有酒去煮, 但其實一啲關係都冇😂 個名有兩個唔同既說法, 有人話係起源自有個廚師飲醉酒求其炒出嚟, 亦有人話專門係煮畀醉咗嘅人食😉

繼續係呢啲尋找旅行的感覺嘅餐廳由泰國夫婦主理 菜式感覺再「平民」啲 店舖裝修再加啲粉紅藍膠碟令成件事再有feel啲😂🤍冬陰功湯金邊粉($72) | Rating: 8/10係濃郁同味道幾正宗嘅冬陰功湯!!辣度同酸度都適中 揀咗配牛肉牛肉片幾嫩幾香 但牛肉粒就比較普通🤍燒牛肉($128) | Rating: 8.5/10會話係必嗌!! 呢個質素仲要唔貴牛肉生熟啱啱好 未到好嫩身但都易咬肉味幾濃 脂香感都唔錯 配嘅醬汁都好食!🤍鹹蛋魷魚($118) | Rating: 6.9/10其實唔係難食 但就比較失望因為食落唔算太香口 整體味道少淡鹹蛋味亦都唔太出 有好多改善空間🤍馬拉盞椰菜苗($88) | Rating: 6.8/10比較普通嘅一碟 正常發揮咁如果可以多翻少少鑊氣同馬拉盞嘅存在感會比較好🥲🤍泰式奶茶($38) | Rating: 6/10雖然差唔多倒曬成杯落細妹條褲到😅但飲過幾啖都仲記得咩味 好水好淡(?)茶同奶味都唔出 但同時又唔會好甜😂總結就係倒瀉咗都唔太心痛🤍美祿雪條(星期四五六贈送) | Rating: 7.5/10用傳統雪條爐製作 埋單之後每人一條!雖然係免費但都冇hea

冇得去泰國 真係好掛住芒果糯米飯及馬莎廚！  九龍城泰國菜係好食， 但問題冇得book位， 人多好難咁樣等法， 好彩尖沙咀呢間泰菜有得book，不過book咗都係要等，可能星期六啦，最終等了大約半小時入座先來一杯西瓜沙冰， 好有誠意有塊西瓜同有把遮仔，感覺都泰泰地馬拉盞通菜 炒得都幾惹味 唔算好油泰式乾炒河 （雞肉）ok呀！有鑊氣 唔錯唔錯 菠蘿炒飯啲飯炒得算乾身 加啲肉鬆 菠蘿粒都算新鮮 呢個好好味 船麵喜出望外 最好食係呢個！ 湯同麵都好泰呀! 泰式炒雜菜少少辣辣地 真係唔知點解會系辣 串燒兩碟遲咗好多先嚟 肉係好食的 但最大問題係凍冰冰 唔熱點會好食？ 真係大打折扣！芒果糯米飯 $68芒果都幾甜 糯米飯暖粒粒 連埋椰漿very骨！ 飯後餐廳送每位一條 " 泰式雪條 " 當晚有咖啡味同阿華田味  我哋是阿華田味 都幾唔錯！整體都可以， 係限時90分鐘太急，座位亦比較迫， 但都值得一試

偽泰國之旅～夜市大牌檔風@soi.29餐廳細細，鐵皮牆、膠櫈鐵皮枱、彩色鐵門牌，仲有大桶雪條，真係有d旅行feel🇹🇭肉碎奄列$78: 蛋煎得好香但不油膩，有蠔餅feel,加埋肉碎，正串燒沙嗲$88:有3串雞3串豬，算抵。肉類烤得剛好保持肉汁又帶焦香。沙嗲醬有粒粒花生碎，yummy青咖喱雞$78: 青咖喱好味，不過雞肉極少，同埋冇配飯或包，差少少蒜蓉包$58: 夠晒份量，又厚又多件，點咖喱一流泰式奶茶$38:朋友話麻麻椰青$48: 唔算甜，不過清新最可惜泰式雪條星期四、五及六先有供應，唯有下次再食

尖沙咀開左間新既泰菜～之前ig見唔少人去打卡，一入到去好似去左泰國market既小檔，裝修都好地道嘅泰國🇹🇭泰式奶茶 $38 🌟🌟🌟天氣咁熱，入去叫杯泰式奶茶解下暑先🌞杯奶茶有茶味，但味道比較淡，可以改善下菠蘿炒飯 $88 🌟🌟🌟好地道嘅菠蘿炒飯，同泰國街邊食既差唔多，有別其他泰國菜既，但都比較普通，唔值得推介串燒拼盤 $138 🌟🌟🌟🌟🌟 全晚最推介既係串燒拼盤，有4款串燒（雞肉、雞軟骨、豬肉、腸仔），每款3串，好抵食燒得夠熱，配埋沙嗲汁，個沙嗲汁好香花生味，粒粒花生粒，好正

💚Soi.29💚小編見餐廳新開就去試下。餐廳有規定75分鐘用餐時間，坐位比較少，可能book位會比較好。上菜速度都幾快，而且態度幾好，所以第一印象唔錯。馬拉盞炒椰菜苗椰菜苗好新鮮，爽脆。一上其實好香，但食落會有少少失望，因為唔夠馬拉盞味，小編覺得可以再濃味啲。串燒拼盤有雞軟骨，豬肉，雞肉同腸仔，再另外配上沙嗲醬。沙嗲醬味道比較淡，但所有串燒都有幾香嘅炭燒味。雞肉：好嫩，juicy，而且唔乾，幾好食。豬肉：小編就覺得有啲肥，咬到肥肉嘅位會多少少，同埋肉質唔夠滑，呢個麻麻。雞軟骨：爽，脆。幾好食，但呢個就明顯食到好油。腸仔：因為喺廚房腸關係，所以會幾咸，呢個都麻麻。泰式乾炒 （河粉）份量正常，入面包咗雞肉。好香，有鍋氣。河粉都有咬口，唔會炒到好‘林’，所以呢個幾好食。小編會推介呢個。椰青就係正常椰青😂但要留意係呢間餐廳嘅餸菜都比較多油，可能叫野飲會好啲。另外，今日小編咁啱撞正餐廳有免費雪條食嘅時候（逢星期四五六就會有雪條食🙈 店員亦會主動講，走都會問你有冇食到），所以食完飯就食咗條泰式奶茶雪條，滿足，順便去埋油🤣

你估我唔想鴛鴦戲水就浸死，比翼雙飛就撻死呀？咁問題係你當人乾柴烈火，人地當你干炒牛河呀麻。講真對單身狗黎講，鍾意我節奏定係鍾意我結構都好，Now the time 7pm ，呢間新派泰菜「Soi.29」就係我地今晚target，HEY! i am on the way，Dim dim sum with my gang gang！👇📌廚 師 推 介 -▪️ 燒 牛 肉 - $128▪️ 泰 式 生 蝦 - $128▫️ 第一道必食廚師推介之一「燒 牛 肉」，大廚將牛肉燒到medium rare，中心位相當軟腍嫩滑，食落肉汁豐富，邊位帶少少焦香；加上餐廳自家製醬汁，鹹香十足，份量亦對得住價錢，呢個一定要試；而另一款推介「泰式·生蝦」係必點之一，生蝦咬落質感鮮甜爽彈，每一隻賣相都夠哂晶瑩剔透，點埋泰式辣醬，帶少少辣勁，夠哂風味。📌飯 · 麵 -▪️ 炒 金 邊 粉 - $88▫️ 泰國野又點少得「炒 金 邊 粉」啦，大廚炒得非常乾身，唔會好零碎，賣相乾淨；加上金邊粉調味適中，入口帶少少酸甜；大蝦入口尚算新鮮，無果種雪藏味，肉質彈牙，整體唔錯。📌泰 式 小 菜 - ▪️ 肉 碎 奄 列 - $78 ▫️ 估

俾佢嘅裝修吸引住，每次經過都要望下究竟呢一間係食乜嘢嘅餐廳，開頭以為佢係大排檔😂經過兩次之後就知道原來係食泰國菜，佢啲裝修完全係泰國feel,終於約咗朋友三個人嚟咗試，我哋訂咗枱一入到去已經有位，一坐低應該係老細就同我哋講張枱生銹係佢第一個特色叫我哋唔使擔心，其實我真係好想話俾佢知就係鍾意你哋呢啲裝修先入嚟啊！😂見到個餐牌所有嘢都想叫，最終我哋揀咗炒公仔麵呢個公仔麵完全係泰國mama面嘅味道，入面有菜同埋有啲雞肉好好味😍😍泰式牛肉沙律呢個牛肉沙律好味到喊，啲牛肉好似唔駛錢咁多到不得了，牛肉好林我哋叫咗小辣因為朋友唔食得辣，連佢都食到就唔會冇咗泰式嘅味道，入面有青瓜生洋蔥同埋芹菜，好開胃夏天食好正泰式串燒雜錦拼盤入面有腸仔，雞肉，雞軟骨同埋豬肉，我只可以講佢嘅味道係同泰國嘅一模一樣，同埋佢個沙嗲醬真係好好味入邊好多花生，忍唔住叫佢比多一碟我😂泰式炒椰菜苗椰菜苗唔會好似有D泰國餐廳食嗰啲個獻好杰，唔會炒到好淋，口感剛好每人再叫一杯野飲，龍眼冰，泰式檸茶同青檸梳打😍想講佢哋服務好好！已經急不及待再book左去食😍

係openrice見到新餐廳,而作為泰菜fans即預約食下!環境裝修好有心咁用泰式大排檔做主題,痴左好多泰國海報,日曆!有種去左旅行感覺,睇得出佈置用心!太熱拿拿聲飲杯野,香茅荔枝梳打好濃香茅味,兩種味都飲到!唔會過甜豬頸肉份量上台嚇親,好大兜,外脆有彈性,點唔點汁都oj最後食唔晒椰菜苗味道可以再濃d,有d偏淡生蝦又係大大碟蝦身彈牙爽脆個汁好辣好過癮比出面食的更有狠辣度炸蝦膠皮蛋停唔到口,3重口感佢每人仲有雪條送,係泰式風味簡左泰茶味,偏淡身,可以濃d就好了大滿足服務態度又好好!!會再光顧

🔹以泰國夜市做主題嘅泰國菜，成個環境加晒分❤️ 仲有老闆店員們都好nice，又特登係泰國飛個夜市整雪條嘅工具黎香港🥳 難怪近排咁多人支持😆⁡1️⃣ 冬陰功湯 $78 (7/10)成餐哩個cp比相像中高😍 酸酸地咁，又多海鮮🤤 會越飲越想繼續添😏 叫個細嘅都夠分4-5碗🥳 唔算太辣，人人都啱飲😆 如果可以多少少蝦味就perfect了🦐⁡2️⃣ 酸辣豬頸肉沙律 $128 (7/10)咁多野食哩個係唯一辣嘅🤣 辣辣地幾開胃，好多片豬頸肉，又夠爽口🐽 沙律黎講，就以青瓜粒為主😛 仲有生洋蔥，不過未必人人啱🤣 ⁡3️⃣ 蟹肉黃咖哩 $88 (6.5/10)抵食之選🌟 蟹肉份量超級多，真係每啖都有🥳 蟹肉都係真蟹肉，唔係俾啲蟹柳敷衍你👍🏻 成碟咖喱好多，點晒8塊蒜蓉包仲有好多淨🥰 不過Pooh同朋友略嫌唔夠辣，建議食得辣嘅朋友可以叫佢加辣🌶⁡4️⃣ 蒜蓉包 $58 (6/10)蒜蓉包叫黎點咖哩啱晒🤪 都有大概8塊，唔算太重蒜蓉味😗 不過唔會太硬，唔驚刮口😛 ⁡5️⃣ 泰式炒粉絲 $88 (5/10)炒粉絲相對有啲失色😕 味道食落普通，都幾多蔬菜😳 揀咗雞肉，份量唔算多，有少少老🙈 ⁡6️⃣⭐️泰式夜市雪條 $免費 (7/10

想食正宗泰國菜仲洗乜去到九龍城，今次嚟到位於尖沙咀寶勒巷嘅「𝚂𝚘𝚒.29」，餐廳裝修佈置神還原泰國大排檔嘅感覺🤩 有泰國嘅日曆、門牌，色彩繽紛嘅壁畫、椅子，除咗冇係泰國咁熱咁多烏蠅之外，哩度真係有8成似當地🥴 再加上泰國廚師同店員，食物味道都好正宗👍🏻 《 飛天通菜 》 $78 4.5 / 5泰國菜好出名嘅一道菜，雖然睇唔到飛天嘅絕技，但係食落都好有鑊氣👍🏻 蒜香撲鼻，辣度就r唔重算輕手，配合返唔食得辣嘅朋友😋 《 醉貓炒河 》 $88 4 / 5冇考究過「醉貓」到底有啲咩配料，原來係辣肉碎青紅椒炒闊河粉🥴 炒得乾身唔會太淋，味道微辣好惹味🤤 不過略嫌河粉份量細左啲，好多都係洋蔥青椒🫑《 串燒拼盤 》 $138 5 / 5 🌟🌟🌟🌟🌟全晚𝙼𝚅𝙿😍😍😍 有腸仔、雞軟骨、雞肉、豬肉，每款各三串，算係幾抵食👍🏻 雞軟骨爽口、雞肉嫩滑啖啖肉、豬肉就好重肉味肉質較爽🤤 特別要讚自家沙嗲醬👍🏻 花生味好濃郁，又唔會太鹹嵌着啲肉味😋《 青咖喱牛 》 $78 4 / 5可揀雞或牛，第一次試青咖喱配牛肉，又出奇地配搭！😲 牛肉大塊有厚度，青咖喱清新唔辣，椰汁香滑，唯獨單點無飯麵跟，於是就叫左份蒜

本身係一個食海鮮素嘅人，泰菜有大部份都未必係素食，去到比較大型嘅連鎖泰式餐廳亦都唔會為你改變餐牌，但係Soi.29係好樂意Custom-made for Vegetarian。佢哋個蒜蓉包同泰式炒公仔麵真係好出色，超級惹味呀！個椰青都好抵讚，最怕已經好老或者食唔到椰青肉嘅椰青，青檸梳打酸酸甜甜都好正，值得一試。我仲試埋佢哋個蝦膏炒飯，比起好多地方都好出色，加多個鹹魚炒芥蘭，勁有鑊氣仲要可以堂食到12點，呢個時勢真係冇得頂！