Soi.29

营业中

休息中

小弟本身好酒，因為餐廳開酒要收150$所以諗下來唔來試好。入到來環境幾唔錯如果三五知己來飲酒食野氣氛幾好，因為得一個人所以就唔叫太多嘢食，點了一個燒牛肉和海鮮濕炒河粉+一支象啤不過佢來錯泰式濕炒後來改返感覺麻麻不過燒牛肉燒得唔錯，係調味重咗少少。至於象啤和平時飲開嘅啤酒口味上有少少分別(不過我不是專業食家所以講唔出分別)口味上可接受但價錢上偏貴46$細支。後來再加上一個燒魷魚燒得好靚再加上個汁十分惹味👍平均而言適合唔飲酒嘅人來食，而且燒烤比小炒出色。但這只是第一次幫襯嘅個人意見，只供參考。

【尖沙嘴好食泰國菜🇹🇭checked✅】前幾日見咗好耐冇見嘅舊同事 佢提議我哋可以食泰國菜🇹🇭 之後就揀咗呢間 由於我呢排唔可以食太多熱氣嘢 所以揀咗菜為主 少辣 原本以為冇咩特別 點知發現非常有驚喜同真係好好食😋 舖頭入邊嘅裝潢仲特別有工業風嘅味道 加點懷舊復古氣息~*生菜包（牛）🥬🐮 $98好似韓國啲生菜包豬肉咁樣 不過佢就係變咗牛肉碎包生菜煙煙韌韌 好有嚼勁 好爽口 主要係啲牛肉粒炒得好香配埋喺生菜 包住一齊食會令人忍唔住食完一舊又一舊 好邪惡啊🤣～*青檸梳打🍋🥤 $38 我份人好鍾意食啲酸酸甜甜嘅嘢 呢個青檸配埋梳打簡直係我嘅絕配 再配埋餸一齊食 可以消濟*椰青🥥 $48見我同事飲得幾開心 應該都ok*炒金邊粉🥡🥢 $88個金邊粉都好有驚喜@好好食配埋少少甜嘅蕃茄醬落去炒 唔好小睇全部都係菜 但三個餸都已經好夠我哋兩個人食*泰式炒雜菜🥦🥬🌶 $78呢個餸就係最能比到驚喜我 原本以為炒雜菜就好似平時炒雜菜🍲咁冇咩新意 口感麻麻 點知發覺佢又真係炒得幾好食 有埋芥蘭 木耳 同埋西蘭花 加少少辣椒 應該有用蒜爆香佢 好好奇係點樣炒得咁好食 配埋火候 成件事啱啱好 最衰我今次唔可以食太

成日經過都見到佢哋舖頭門口排晒隊認真睇清楚，入邊啲裝修同埋餐具都幾特別喎，真係好有泰國夜市街邊檔嘅feel，嗰啲粉紅色同埋淺藍色嘅膠碟，去泰國旅行嘅回憶全部喺一個腦海度徘徊一個星期五嘅晚上成功book到枱不過要齊人先入得，大熱天時喺門口等隔離喺條馬路都真係大汗淋漓，不過老細都醒，見到有吉枱都即刻俾我哋，一坐低即刻叫咗最出名嘅蝦餅皮蛋，仲有生蝦刺身不得不讚賞真係有泰國嘅味道，仲要係好接近香港好難食到呢一種味，認真啲望吓個廚房，原來入面真係有泰國一家人喺度煮，係正宗嘅泰國人煮泰國餸，而服務員嘅侍應都係香港人，溝通完全冇難度。期待下次

泰式風味✨🦥地道泰國大排檔的風情！不論是裝修，還是食物質素，也有像去了泰國的感覺！食物方面，廚師推介的款式真的很吸引！《燒牛肉》$138賣相極吸引！牛肉燒得很粉嫩，口感亦很軟腍，肉質是鮮嫩美味！而且份量也不少。👍🏻《串燒拼盤》$158串燒種類多，拼盤包括有牛肉、雞肉、豬肉、腸仔、雞軟骨，配上美味的沙嗲醬，令燒物更加惹味！《炒金邊粉》$88簡單而好味的！金邊粉不會炒得太濕，酸酸甜甜的感覺，是一味非常開胃餸菜。至於飲品方面，有多款解渴的沙冰，非常吸引！《西瓜沙冰》$48《青檸薄荷梳打》$38梳打的造型很有趣，插住了一把舊式紙傘。離開前更消暑的雪條作飯後小吃，是自家製的，放在一個大的鐵盒內，很有創意！總結：感覺就像去了泰國一樣的餐廳。

鐵皮嘅門面、店內嘅裝潢、加上週末熱鬧嘅氣氛，我真係以為自己身處泰國大排檔😆泰式生蝦同冬蔭功湯稍稍俾我驚艷嘅感覺🥰蝦肉不但新鮮，佢嘅醬汁惹味但唔嗆喉👍🏻冬蔭功湯嘅酸辣比例調較得恰到好處😋條鹽燒鰂魚大得有啲嚇人🤭泰式燒魚我通常食烏頭，鰂魚都係第一次食，肉厚嫰滑，值得一試👍🏻最後仲送雪條，剛好為當日 34 度降溫😌（溫馨提示，請預時間排隊，當日星期六我排左大約半個鐘，食完已經九點幾門口仲有一條長長嘅人龍，但其實可以訂檯；當日入座後限時 75 分鐘；而呢度係星期日例休，勿摸門釘🤭)

📍SOI.29🗺 尖沙咀寶勒巷29號寶昌商業大廈地下裝修真係好有泰國大排檔feel🇹🇭🤩 ⚡️醉貓炒河 $88見個名幾得意就叫左，佢係一塊塊好闊嘅河粉食落幾辣（唔食辣人士）有肉碎，但係唔算特別⚡️串燒沙爹 $88可以雙拼雞同豬，每樣三條沙爹醬好味，雞同豬都幾嫩，唔乾硬👍🏻⚡️燒牛肉 $138呢個用左靚嘅牛肉所以唔燒到咁熟，入面仲係粉紅色，牛味十足，而且燒得好香！推薦😋⚡️鹽燒魚 $168好大條魚，魚肉嫩滑，不過嫌佢唔夠入味😕⚡️椰青 $48最愛椰青！又大又清甜😍⚡️樽裝忌廉 $15

每次經過呢間泰國嘢都見到佢哋門口大排長龍，絕對係尖沙咀人氣餐廳之一💥 事前我有打電話訂枱先因為我哋係星期五嚟食晚飯，當晚到咗餐廳等咗一陣人齊就可以入座，用餐時間就60分鐘～餐廳主打泰式小炒，裝修勁有泰國大排擋嘅感覺，好似即刻飛咗去泰國咁✈️ 每次食泰國嘢我都一定要叫豬頸肉🙈 呢度嘅燒豬頸肉 ($108) 係廚師推介菜式之一，肉質都幾爽口彈牙，比平時出面食嘅豬頸肉更厚身，重要係有好多件🐖泰式乾炒河粉 ($88) 炒得乾身得嚟仲好有鑊氣，配料有雞肉，椰菜，同蛋絲，幾鍾意呢度嘅河粉好闊好大條，食落都幾口感👅串燒雞軟骨 ($78) 一碟有6串，不過雞軟骨就硬左少少有啲難咬～建議同我一樣唔食得辣嘅朋友仔可以唔駛點醬食因為醬汁都辣，就咁食都好夠味👍🏻 除咗食物種類好多之外仲有好多泰式特飲，我同朋友都叫咗龍眼冰 ($42)，不過都幾甜下，要等啲冰溶咗先好啲🙈整體嚟講呢度食物份量大份得嚟都幾高質，店員都幾友善！埋咗單臨走之前餐廳仲送咗每人一條雪條比我哋🍧

這是第二次去，平日放工後1830分不排隊，第一次去是週五九點，好多人排隊！.我們選了醉貓炒河粉，很好吃，肉碎如果多點就更完美了，冬陰功金邊粉味道也不錯，酸辣開胃，豬手軟糯！.飲料有點甜！要少甜比較好

同朋友約食飯，上OpenRice搵餐廳搵到呢間睇相見到好有泰國大排檔feel既餐廳因為係happy Friday，所以我哋都早少少去拎位點左馬拉盞炒椰菜苗、串燒、炒河同泰式奶茶，最後仲外賣左豬手飯同埋芒果糯米飯，埋單後會有泰式雪條贈送食物：菜式都好有鑊氣，泰式奶茶唔會太甜啱晒我口味，而外賣嘅豬手飯豬手烹調得唔係好入味，芒果糯米飯芒果很甜椰奶好香服務：侍應最初都好有禮貌招待，但因為只有75分鐘進餐時間，侍應會走過來叫你食快啲離開，亦因為咁我同朋友都冇食到贈送嘅雪條，而收銀方面一錯再錯，原因係因為部份菜式加價後沒有更新到每一張餐牌，導致埋一張單要改兩至三次，服務態度有待改善，收銀員應該再三檢查先好出單，避免不必要的時間耽誤環境：泰式大排檔感覺總括：豬手飯需在調味及烹調上稍作改善，如果唔係其實呢道菜係唔值得加價，服務方面需要再調整侍應對客人的服務態度，收銀準確度需要注意及更新餐牌價錢需一致。如喺尖沙咀想食泰菜都會再選擇依間，因為除咗豬手飯當日所點嘅菜式其實都唔錯，會再想嘗試其他菜式，但可能會揀平日1-4先去，希望冇咁多人會食得舒服啲

想搵泰國嘢食，行過見到間野咁岩食泰國嘢，裝修又幾得諗就入左去食價錢唔貴，樣樣都係幾十蚊但好大份，而且都幾好食服務態度都好好，職員們幾有禮貌又識做餐廳裝修風格好cute，有啲懷舊style大家可以去試吓，唔會中伏會再返去食

✧.* 𝗧𝗦𝗧, 𝗦𝗼𝗶 𝟮𝟵 @soi.29_chef.key .ೃ࿐想食咗呢間泰式大排檔超級耐！之前見佢淨係開晚市，到疫情期間直程冇開到，近期終於開返啦🤪今次食lunch都幾抵食，而且上菜速度好快，啱晒想食個quick lunch嘅朋友仔～希望遲啲都keep住有lunch啦！😇ღ 炒金邊粉 - 蝦 $62都幾大碟幾抵食！炒得幾乾身，味道就好似我之前喺泰國食過嘅感覺🤪酸酸甜甜，總之就好味啦！╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 泰式乾炒河 - 雞 $58比起金邊粉更加鍾意呢碟乾炒雞河～好有鑊氣，好香，但又唔會好似平時炒牛河咁好油膩！特別喜歡呢種好寬好大片嘅河粉👍🏻╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 燒豬頸肉 $98雖然lunch兩個人叫呢個小食有少少貴，但worth！肉質爽口彈牙，味道香口，點埋旁邊嘅辣醬更加惹味😋╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟰/𝟭𝟬𝗦𝗼𝗶 𝟮𝟵 @soi.29_chef.key✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟴/𝟭𝟬╰┈➤ 📍#BELLYwongs

有無人都好鍾意食大排檔！貪佢有鑊氣夠香口！而今次尖沙咀呢間泰國野 主打鑊氣泰式小炒，仲由泰國人主理。無論係裝潢、碗碟枱凳、食物，都有啲泰國夜市大排擋嘅感覺。價錢就一定無係泰國當地食咁平，但勝在味道唔錯，每一碟上枱個時都係岀晒煙🌬 炒河好有鑊氣呢~ 不設加一之餘，環境企理，唔會坐得好逼夾，可以一戰▪️醉貓炒河 $88完全係因為佢個名而嗌！呢碟醉貓炒河就用左啲肉碎、豆、菇、青椒炒寛河粉。係充滿鑊氣嘅一道。河粉有一定厚度，唔會炒得太腍，微微煙韌有咬口，大大塊食好爽。少少辣越食越惹味▪️燒牛肉 $138火喉岩岩好，呈粉嫩嘅紅色。肉質軟腍有咬口，仲成功鎖住肉汁。牛肉本身已有調味，有少少甜甜地，唔蘸旁邊帶酸辣嘅醬汁都無問題。▪️串燒拼盆 $158有雞、豬、雞軟骨、腸仔四款，每款各三串~ 串燒比想像中岀色，燒得好香口！唔蘸沙嗲醬都好食！豬肉軟彈唔乾柴，仲有啲肉汁同肥膏添~ 雞肉肉質偏紮實，但都唔會好乾。廚師腸正正常常~ 但雞軟骨真係硬左啲 (究竟係咪我啲牙有問題) 建議大家嗌串燒沙嗲 $88！可以揀半豬半雞，各三串~▪️馬拉盞通菜 $88雖然menu到有隻辣椒仔，但食落完全唔辣。係一道食得舒服、唔會太鹹太重

好有泰國大排欄風味牛扒好正 好Juicy 超推薦好抵$128甘大碟 牛肉好嫩 好夠味 完全唔洗點汁都好好味炒河 好夠鑊氣 正！豬手飯 都好味 真系好似系泰國食既豬手飯仲要有小小酸菜 好開胃 蛋都好香好夠味飛天炒通菜 好有鑊氣 好味 仲有個椰青真系好正 好新鮮🤤我覺得呢間店所有食材都好新鮮值得推介 💕

今次食午餐，唔洗等位，叫左泰式無骨豬手飯（$68），加$8配龍眼冰（小冰）。環境：懷舊泰國風，有啲泰國車牌，汽水箱睇下，啲泰文都幾得意，有泰國大排檔嘅感覺，輕輕鬆鬆。食物上菜速度：適中，平日午餐半席滿座唔算忙，落單快手，執枱快手泰式無骨豬手飯（$68）：肉量多，淋度適中，大份飽肚，有配菜加熟蛋，豐富，特別鍾意肉汁撈飯食！龍眼冰：好多龍眼粒，甜甜地，大大杯食極都仲有，有泰式地道風遮仔做裝飾幾得意，岩曬影相！跟餐加8蚊配都幾抵～

評分：🌕🌕🌕🌗（3.5/5）總評：店舖嘅環境設計得幾似泰國街頭小店座位就稍為有啲迫服務ok遇到問題都有即時處理呢樣都欣賞價錢方面以尖沙咀區泰國菜來講，我覺得唔算貴可惜個泰式拼盤冇乜泰國風味之餘啲雞翼仲要生嘅😥——————————個人好鍾意食呢種泰國好闊嘅河粉佢都炒得好香口係份量比較細啲燒牛肉好好食肉質嫩滑、易入口同埋佢本身都有醃過其實就咁食已經好夠味點埋個醬反而會鹹咗少少呢個泰式拼盤我一見到已經覺得有少少伏感覺好唔泰式似係將啲街頭炸物擺上碟再加啲泰式酸辣醬春卷同酒樓嗰啲冇分別蝦餅正正常常但係雞翼真係好有問題因為五隻中間都係生嘅有即時同店家反映咁佢都即刻free左呢一碟拼盤嘅價錢不過都希望再注重多少少出品嘅質素