SOFFEE (T.O.P This is Our Place) (已結業)

同姊妹喺旺角行完街，想搵個地方食件蛋糕飲杯嘢，經過TOP商場，見到櫥窗擺滿唔同款式又吸引嘅蛋糕，所以決定入去試吓。鮮果撻🍇呢個鋪滿提子嘅鮮果撻真係好有驚喜，先唔講提子嘅數量真係超級多，而且每一粒都好甜，加上吉士好香滑，餅底充滿牛油香，令人食完一啖又一啖。芒果拿破崙🥭呢度嘅拿破崙酥皮焗得好酥脆，但係一啲都唔油膩，芒果好甜好甜，連埋吉士醬一齊食，成件事好夾，所以好快就清晒成件😆Soffee鮮奶烏龍茶🧋招牌嘅鮮奶茶有三種茶底可以選擇，今次試咗烏龍茶，茶味好夠，但又唔會有苦澀味，仲可以少甜或者走甜，啱晒健康人士。手打檸檬梳打🍋而家手打檸檬嘅飲品好熱門，又估唔到呢度整得有幾好飲，溝埋梳打就更出色，一路食住蛋糕一路飲仲可以解膩添！

甜品於我比其他食物更重要，唔食飯都頂到但一定要食甜品蛋糕、食唔到果日會好惆悵！經常努力尋找甜品店去滿足甜牙齒。。。開喺旺角嘅精品蛋糕店，卒之親身嚟到、點都要食番個tea set，見到咁多款口味蛋糕簡直眼花繚亂唔知點揀，好在男店員有耐性地逐款介紹，心大心細嘅我都係鍾情朱古力口味蛋糕Bailey's Dark Chocolate 濃醇愛爾蘭甜酒朱古力蛋糕> 蛋糕體口感絲滑，朱古力味okay嘅、覺得cacao和酒味仲可以濃啲。餅底好脆唔錯 Earl Grey Tea熱伯爵茶> 食甜嘢配清茶中和一下甜膩舒服得多，okay

🫶🏻餐廳位於旺角T.O.P地下(彌敦道出口)，每次晚上路過都見到人氣十足坐滿座，今日一於食依間～一入餐廳正門有個蛋糕櫃，內有好多款精繳蛋糕，賣相勁靚。晚餐⭐️微辣蕃茄虎蝦意大利麵 (配沙律及熱伯爵茶)蕃茄汁調得剛好，唔會過酸配上軟身既意粉好夾。虎蝦幾大隻，又彈牙。🍵熱伯爵茶色澤係深啡色，杯底只有很少的茶葉碎。味道好濃茶味亦唔會苦，熱茶配蛋糕一流。🍰榛子朱古力撻榛子味好香，朱古力撻好好味，好脆口。

下午到訪要了件蛋糕和冰茶。法國72%特濃朱古力蛋糕蛋糕外觀精緻，蛋糕本身非常濃郁，結合了高質特濃朱古力，散發著濃郁而微苦的朱古力香味，質感如絲般柔滑，入口即化，蛋糕的甜度掌握得恰到好處，不會過於甜膩，有著豐富層次。西柚冰茶結合了西柚汁和濃香茶底，茶葉的香氣和西柚十分平衡，不會過甜，非常清爽怡人，很適合配搭蛋糕享用。這𥚃地點十分方便，環境舒適，很適合約朋友來個下午茶，享受一下咖啡，店員服務態度也很好。下次再來試一下他們的主菜和小食！

平時經過top都見到好多人食，啱哂shopping完去食，Cafe入面裝修簡約風，都幾多人，上菜要啲耐性，唔建議趕時間嘅時候食～適合行完街同朋友慢慢chill下焙茶麻糬蛋糕 呢個蛋糕細細個啱哂一個人食，好靚打卡一流，蛋榚外面係花生朱古力，口感有啲金沙朱古力，似而中間係焙茶蛋糕同低下有粒細細麻糬增加口感，整體個蛋糕好重焙茶味 北海道帶子墨汁意大利麵本身係叫咗北海道帶子墨汁意大利麵，後尾店員話冇哂墨汁幫我哋轉蒜汁，係餐牌好似揾唔到不過大家可以參考下～個意粉係口感偏硬個類幾掛汁，個帶子好新鮮同幾大粒！

榛子朱古力撻賣相：🐧🐧🐧🐧🐧味道：🐧🐧🐧🐧🐧朱古力撻外層撻皮鬆脆可口，內裡填滿軟滑醇香的榛子醬和軟潤綿密的朱古力蛋糕，加上表面的朱古力忌廉和脆脆，一啖入口，超濃厚的朱古力充盈著整個口腔，甜蜜迷人的滋味令人難忘又上癮。🐧❣️餐廳提供的蛋糕叉子有玫瑰花圖樣刻印作點綴，少女心滿滿。🐧❣️食完甜絲絲的朱古力撻後，飲返杯醇香味甘的美式咖啡就剛剛好了🥴👍🐧❣️蛋糕櫃內還有多款精美又雅緻的件裝蛋糕可供選擇🤩 環境：🐧🐧🐧🐧🐧餐廳設計簡約清新，純色潔淨的牆身配搭餐廳獨特的兔仔logo, 可愛又搶眼。另一邊設有精緻的月球燈和令人會心微笑的字樣，打卡一流。🐧❤️結語：各式蛋糕甜點美觀又可口，誠意推薦。

今日同朋友想去旺角行街無意中發現呢間COFFEE SHOP而裡面的環境好寧靜及擴闊我地試左呢度的甜點同咪野飲呢度的甜點好可愛同精美，件件甜點都好靚好難揀葡萄撻GRAPE H賣相精美, 而味道清甜而不膩而且撻面鋪滿新鮮青提整成花形，好靚啊新鮮的青提再配上奶油同曲奇餅底，口感好清爽好夾。香滑紫薯芋泥蛋糕Sweet Potato & Taro Cake成件強糕賣相好可愛啊, 而佢成個都用左紫薯黎做, 外面係紫色朱古力同用左白色及紫色忌廉做裝飾。內裡係用左海棉蛋糕同慕絲, 食落口唔會好甜, 仲有淡淡的紫薯香味走出黎啊….芝士奶蓋蜜瓜茶厚厚的芝士奶蓋鋪係上面, 而底下就係鋪滿一粒粒的蜜瓜, 茶味香濃, 搞混底的糖漿同蜜瓜粒粒, 中和左綠茶的苦澀味, 而且面頭的芝士奶蓋, 令到口感更加豐富。幻影青提梳打用左蝶豆花的紫色同青提的青色黎令列成杯野飲做左個漸變色的較果, 賣相好吸睛, 而味道清新唔會好甜。呢度的職員都態度好好, 仲好細心咁問飲杯洗唔洗少甜。

出左旺角買嘢，行經T.O.P. 俾 Soffee嘅靚靚甜品吸引住，見到行到攰攰地，餐廳入面又好似坐得幾舒服，所以就入去食個下午茶CHILL返一下啦！啲蛋糕真係好靚，每一件都好精緻又吸引，真係好想食晒落肚呢。除左蛋糕之外，佢都仲有好多選擇嘅，最後我就叫左一個煙三文魚沙律配凍烏龍茶嘅下午茶餐雖然係下午茶，不過佢嘅份量都好足，滿滿嘅沙律菜之外，煙三文魚都有約8片，而且每片都幾大嘅。另外配埋個酸酸甜甜嘅醬汁，所以食落特別醒胃。凍烏龍茶嘅茶味都好濃厚其實食完個下午茶餐SET都已經好飽，不過一場嚟到就當然要依埋個甜品。係眾多選擇下我就揀左抺茶麻薯蛋糕，抺茶朱古力脆皮嘅外層，入面就有抺茶mousse同蛋糕，加埋重點嘅麻糬，整體口感煙煙韌韌，而且一啲都唔甜，可以話係賣相同味道都令你無法抗拒嘅甜品呀。

soffee位於旺角top商場的地下餐廳以粉紅色為主非常典雅入門口位置係展示櫃櫃上有牛角包，丹麥酥，鬆餅櫃內擺放著多款造型精緻的蛋糕如：玫瑰荔枝蛋糕 士多啤梨忌廉蛋糕 法國72%特濃蛋糕等等蛋糕標明日本雞蛋製造，濃濃的蛋香叫晚餐可享蛋糕減$10所以我叫左泰式咖哩雞飯 $118飲招牌oreo芝士奶蓋特濃朱古力 ＜享有8折＞士多啤梨忌廉蛋糕$68泰式咖哩雞雞肉滑咖哩帶甜椰香味濃飯量大粒粒彈牙招牌oreo芝士奶蓋朱古力粒粒oreo餅碎朱古力香濃芝士奶蓋幼滑士多啤梨忌廉蛋糕忌廉滑蛋糕味香鬆軟餐廳係平日有提供午餐，下午茶下午茶有蛋糕或窩夫配飲品更抵食

旺角周圍都咁多人咁熱鬧，想搵個地方靜靜地飲咖啡都真係有啲難🙈今日午餐時間經過呢間coffee shop, 見到冇咩人就入去咗，環境好舒服仲有好多靚cake 😍但係因為我實在太肚餓嘅關係，所以我嗌咗佢哋嘅午餐，價錢有少少貴不過質素幾好😋😋卡邦尼意粉 $98味道好好，sauce 好creamy, 意粉口感好好，al dente😌😊跟餐有沙律或者湯，仲配黑咖啡或者茶，或者可以8折價錢order其他飲品我就揀咗latte😌😌 咖啡質素幾好，最緊係好難得喺旺角搵到個可以好好坐底嘆啡嘅地方🥰 staff 都好nice👍👍 下次再嚟會試吓佢啲cake

平時行街成日見到呢間，今日諗唔到食咩，就食呢一間。$138 黃金軟殼蟹意粉 + 蘑菇忌廉湯+熱蜂蜜綠茶呢個軟殼蟹意粉超正，軟殼蟹好大隻，勁多鹹蛋黃水，試過食過其他唔夠味，但呢一碟超正。每一啖都好惹味，食到停唔到。另外跟餐叫咗蘑菇忌廉湯，都好好飲，有打碎咗嘅蘑菇。跟餐仲包埋嘢飲，蜂蜜綠茶都好好飲冬天飲暖晒。+$58 日本宇治抹茶麻糬蛋糕跟餐加蛋糕可以減$10 ，佢哋所有蛋糕都好靚，揀咗好耐，最後揀咗呢一個抹茶麻糬蛋糕。外層有抹茶朱古力脆包住，軟綿蛋糕，仲有抹茶醬。主角係入邊嘅麻糬都好煙靭，唔會太硬。希望下次可以試埋佢其他蛋糕。

咁靚嘅Cafe冇諗過正餐都好好食！我哋叫咗兩個lunch set個餐會包一杯飲品，沙律或者餐湯超抵食，份量啱啱好我哋叫咗凍美式咖啡，凍綠茶，佢冇落堂，所以感覺都幾健康，都大杯的餐湯方面係蘑菇忌廉湯，濃郁蘑菇忌廉香味，佢將啲蘑菇打碎左，所以超香，另外我哋自己加咗少少黑椒，好飲🙌🏻微辣番茄虎蝦意大利麵 $128呢個意粉有少少辣味，真正嘅微辣，有三隻虎蝦好大粒，而且蝦肉好爽好新鮮！味道方面，酸酸甜甜，雖然蕃茄意粉，但係唔會好酸，汁方面唔算好多，但係都足夠👍🏻泰式咖喱牛腩飯$118係泰式黃咖喱，所以佢唔辣，有少少甜甜地，超鍾意佢個薯仔，切得好細粒，但係有薯仔嘅甜味，牛肉都係細細粒容易入口，而且都好多汁，好好送飯😍甜品我哋叫咗Tiramisu $58賣相超靚，而且係好食嘅，佢嘅cream 都廷身，唔會好流質👍🏻

下午茶味道ok，但服務一般。下午茶本身包了一杯美式咖啡（原價$42），我想轉其他咖啡，原價$48。店員態度一般地回應只可以原價8折轉其他飲品（即我要付$38）。但兩者的差會只有$6。這間店，態度差、價錢貴，難怪很多人北上消費。

真係未寫過食評，但會寫得既話一係極好….一係勁差，呢間係後者同2個小朋友黎到呢度，本身諗住叫2杯野飲+waffle,點知無waffle咁算啦～就叫左2杯野飲就算，比埋錢坐低埋。到職員放低兩杯野飲先講話要人頭計🙄...餐廳入面就無寫既，可能收銀有寫我唔知啦😏我即時叫小朋友出去睇食咩甜品就算！味道就可以….但絕對唔會有下次既餐廳

呢間cafe係位於旺角T.O.P商場地下。喺旺角市中心地帶。行完商場shopping完，就可以去呢度食下嘢，飲杯嘢！好方便！👍Cafe入面嘅裝修清新、簡潔、舒服。雖然係細細嘅一間cafe, 但係好驚喜佢哋嘅食物種類都算好多。甜品同飲品都有好多款色。仲要佢哋D蛋糕好多都好靚，好吸引。😍Cafe嘅員工個個都好有禮貌，服務好好。下次我去旺角行完街，想坐低杯野，食件cake🍰，我估我都會選擇再嚟呢度。