Sodam Chicken (已結業)

平日中午時段韓式炸雞放題，可惜時間短 90min,食到 60min已截單。時間有些急。但是服務也幾好。上菜時間也算快。建議加$20任食 pizza，前菜同沙律。酸蘿蔔&泡菜可解炸鷄的油。炸雞與烤雞相比之下，炸雞更出色，肉質滑又 juice。推介“青檸柚子炸鷄“。莞茜炸雞只有外面莞茜，食下去莞茜味不足。鹹蛋黃炸鷄，味道奇怪。同行友人覺得(好聲)，食唔落。pizza 一塊4件，不同味道，算 ok. 飲品買1送1，大大柸，好抵飲。食物整體滿意。

薯條🍟炸雞🍗,肥妹仔最愛🤣番工吸收左好多負能量😂所以要食自己中意既野🤩今日黎左依間😂任食既😛想食幾多就食幾多😇.檸檬柚子炸雞 依個大推，因為好多柚子醬😇甜甜酸酸甘❗️炸雞啲雞唔老😀我都encore左佢.芫荽炸雞依個新推出😍芫荽唔叫好重味😂上面用左炸既芫荽，下面用新鮮既芫荽，芫荽控可以食埋佢😂芫荽味唔會好重.黃金鹹蛋焗雞依個鹹蛋味好重😍大推大推😌.菊花特飲 $58蜜桃🍑特飲 $58買一送一😍點可以唔叫，依杯野飲仲有一條雪條係入面😇乳酸味好重😋

突然想食炸雞，之前食過兩次sodam嘅炸雞放題都唔錯，決定再黎食多次!! 但萬萬無諗到居然會失望😞炸雞同烤雞都係熱辣辣咁送上黎，夠曬juicy🤤炸嘅外皮都唔厚，但d雞比以前細咗好多好多...👍炸雞推薦檸檬柚子味，酸酸甜甜👍焗雞推薦雙重芝士，芝士味重好香👍飲品買一送一好抵，嗌左熱情果啤酒同士多啤梨沙冰，兩杯都ok好飲! 不過啤酒個杯無咩熱情果味，飲到後尾得翻啤酒味👎練續兩round都漏單+送錯單👎送菜好慢，第二round等咗差唔多20分鐘先到，已經開始飽飽地無咩食慾👎小食好難食，冷麵完全無味，泡菜好乾亦都無咩味，海蜇好似有d生咁，得芝士薯條可接受以為加$20可以試到多d野，點知剩系得焗雞好食，試過一次唔會再食小食了☹️但漏單錯單送菜慢真係不能接受☹️兩個人埋單4百幾但唔係食到好多野覺得唔抵，寧願散叫

一樣的炸雞撒地唔同蘸料，芝士火鍋完全不對版，味道不對拉唔起絲可能水加太多價錢呢當然唔平啦，講係放題，加上七七八八小菜喇，飲品，肯定比KFC貴好多，但味道還遠不及KFC好食

90分鐘炸雞+Pizza放題💲128加💲28 可升級至焗雞加小食放題另有指定主菜及飲品買1️⃣送1️⃣優惠✅ 推薦墨西哥香辣焗雞，肉汁多到嗶出嚟💦，而且有濃郁嘅香料🌿✅ 一份Pizza會包晒四隻口味，啱晒心大心細嘅你🍕🍕🍕🍕而且都係新鮮焗起，個底仲係脆嘅✅ 小食嘅海蜇同水冷麵值得encore🤤 海蜇爽口，水冷麵可以解膩降溫🧊👅Taste：7.25/10💰CP值：7/10🙋🏻‍♀️Service：7.25/10👁‍🗨Stylishness：7.25/10

98蚊pizza炸雞任食任點，咁平的確好吸引，可惜唔係預期中嘅韓國炸雞， 我一路食開韓國炸雞係原隻雞斬件炸。今日食過啲就係急凍雞扒切件炸，炸完之後淋啲唔同味道嘅醬汁上面， 咁就可以變成唔同味道。 pizza食咗一客，實在太普通， 所以我哋冇再encore。 炸雞唔同味道每樣叫咗兩件。 真心有期望，就會有失望。最後我哋每位加咗20蚊食沙律同冷盤，加咗20蚊我淨係食咗一客凱撒沙律同埋炒雜菇。同我預期之中嘅韓國炸雞簡直係兩回事。

今日朋友話辛苦左成個星期，日日都趕工做嘢，無咩點食飯，今日完左個project後，要求去放縱甘大食一餐。既然成星期無咩點食，即係大把quota啦。甘就決定帶佢去食sodam chicken 既任食炸雞。一上到去，店員同我地講，原來只要每人+28蚊就可以任食小食，焗雞，pizza&炸雞。加少少雞就食多甘多嘢，唔加咪好笨。當然我地一開始就先點左炸雞先啦：炸雞就食左蜜糖芥茉香蔥炸雞，檸檬柚子炸雞，芫荽炸雞&黃金鹹蛋炸雞。蜜糖芥茉係甜而滑，檸檬柚子係酸而清，芫荽炸雞係香而爽，黃金鹹蛋係鹹而香。有點驚喜既係個芫荽同炸雞好夾到食焗雞啦：焗雞就食左韓風紫菜焗雞，BBQ香辣焗雞&墨西哥香辣焗雞。紫菜焗雞係紫菜香帶點甜，BBQ香辣焗雞係香甜帶點辣，墨西哥香辣焗雞係辣中帶有少少好似孜然味甘既香辣。整體而言，炸雞唔錯，肉質保持到嫰滑，味道都多選擇。而焗雞係另一口感，無炸雞甘油膩但保持到香口，但相對肉質會較乾身。小食放面我哋叫左柚子醋沙律，薯條（芝士粉&紫菜），海蜇&炸餃子。沙律酸左少少，薯條唔錯，海蜇不過不失，炸餃子幾爽口。最後個薄餅唔錯，一次上四種味，細細件而且薄身，試到味而又唔會頂肚，幾細心。同時亦要讚

好耐冇食炸雞啦今日嚟到銅鑼灣食炸雞放題，一次過滿足晒所有願望！平時兩個人想食多幾種口味都好難，今晚我哋就食咗唔同味道嘅炸雞同埋焗雞啦，係咁食都唔記得影曬呢～一坐低之後我哋梗係嗌返韓式前菜啦，點少得泡菜同埋酸蘿蔔，酸酸辣辣而且仲脆脆地，係夏天最啱嘅開胃菜呀。之後就開始炸雞大餐啦～左邊嘅係新出嘅芫荽炸雞＋蜜糖芥末香蔥炸雞，平時屋企芫荽多數煲湯先落，原來用嚟整炸雞都一樣好食，一上菜就聞到芫荽味，啱曬一班鍾意食芫荽嘅朋友，出面脆卜卜，而雞肉仲有雞汁 yumyum～而蜜糖芥末香蔥炸雞，唔單止有蜜糖甜甜嘅味，加埋少少芥末味，食完之後都忍唔住再加多件。右邊嘅係墨西哥香辣炸雞，呢個辣度太惹味香口呢～仲有黃金鹹蛋炸雞，外皮沾滿曬鹹蛋黃，超重鹹蛋黃味呀～食到咁上下，仲點咗粟米同菠菜，之後再做返食肉獸 仲有甜甜嘅蘋果酒同蜜桃特飲，兩杯甜甜飲品加埋食炸雞，一路飲嘢，一路傾計，好開心呀～ 

細佬今個學期考獲全班第二! 當然要出去食飯賀一賀佢! 鐘意食煎炸嘢既細佬決定食炸雞, 我就提議去位於銅鑼灣依間韓國炸雞放題~~ 本人覺得炸雞放題簡直係本世紀最偉大發明之一, 細佬鐘意食辣, Daddy,mummy唔食, 而我就鐘意食芝士, 炸雞放題既最大好處就係即時四個人都可以試到多達十種唔同口味!! 我地四個一致認為鹹蛋焗雞係最出色,好香亦有好濃烈既鹹蛋味, 其次青檸和蜜糖芥末 酸酸甜甜令人好開胃. 除了炸雞外,還有即焗Pizza, 芝士薯條和炸餃子都好好食,值得推介!

去左銅鑼灣  食$128 韓式炸雞放題+聊天，呢度嘅炸雞有成十款咁多，大概最深刻印象嘅有咸蛋炸雞、柚子蜜炸雞、紫菜炸雞。因為佢太多款炸雞，我驚食唔哂，所以每款味只係叫左一件😂😂影相出黎望落好無氣勢好唔養眼，但講真我地最後都真係食唔哂，因為每一件都好大舊，份量十足。佢呢度呢個炸雞係以放題形式，任食，另外佢仲有燒雞添架，不過我未影就比Toki食左啦🤣 而我又食唔哂所以都無再叫返黎。除左炸雞+燒雞，仲有Pizza可以點，但佢個Pizza賣相認真一般，因為切開一小件咁上檯，影相就真係唔多好睇，不過味道係好好食☺️ 我地兩條友傾計吹水多過食，真係不知不覺咁就夠鐘啦😆😆呢個炸雞放題都幾有趣，可以食到成十幾款雞雞口味。不過個人覺得都幾熱氣🔥，食完要啪返兩粒牛王解毒片下火先得😁

最近冇得去旅行好掛住韓國嘅美食呀🍻今日嚟到呢間韓國炸雞放題😍大家就食得多但係未食過放題， 究竟佢哋有啲乜嘢食呢🤔 原來佢仲會有好多唔同嘅味道😜選擇包括咗芝士啦鹹蛋青檸柚子 等等， 除此之外仲有pizza， 如果覺得唔夠喉嘅朋友可以加28蚊就會升級小食任食， 個人覺得都幾抵食嘅值得加！因為入面有好多唔同類型嘅韓國前菜同埋薯條 沙律等等， 我最鍾意佢哋個蜜糖牛油粟米同埋芝麻菠菜 我一個人都食咗各2份～炸雞方面最好味都係蜜糖炸雞～ 可以encore

喺某社交平台有廣告旺角買炸雞放題，心郁郁想食，就搵吓銅鑼灣有冇先！又真係搵到喎🤣🤣地點仲要唔難搵添😚😚‘Sodam Chicken’ $120任食8款冇骨炸雞🍗+Pizza 🍕，佢可以再+$20加配任食焗雞加小食，但今次我同🤴🏻就冇加啦，雞件細細件，可以試晒佢所有嘅味道！😄😄～～～甜酸炸雞🍗～～～正常甜酸味🙂🙂～～～蜜糖🍯芥末香蔥炸雞🍗～～～香蔥味重過蜜糖味，食唔到芥末味😀😀～～～辣味炸雞🍗～～～微辣，辣味可以再重手啲😊😊～～～黃金鹹蛋炸雞🍗～～～鹹蛋味好突出，有啲‘漏’，食一件已經夠啦😇😇～～～檸檬🍋柚子炸雞🍗～～～最好味呢個，因為檸檬🍋醬可以解膩，食多幾件都OK呀～～～濃蒜炸雞🍗～～～蒜香味重😁😁～～～大阪燒炸雞🍗～～～（期間限定）係章魚小丸子🧆味，味道幾特別😚😚～～～星洲咖喱炸雞🍗～～～（期間限定）以為係星洲炒米嘅味，但只食到咖喱味😅😅～～～四味pizza🍕～～～點都要食返澱粉質野‘浪’下個胃，Pizza🍕細細個但有4款味道，好唔好味？我哋共叫咗四個囉🤣🤣下次如果再想食我同🤴🏻一定會+$20食埋個焗雞🍗同小食🥳🥳

炸雞pizza放題，open rice睇相幾吸引，今日抽到時間去試下，差不多2：45去到，試下個$128，90分鐘放題不包飲品，叫左2人份，再加兩礶coke zero, 雞應該不是即炸，味道其實係視乎你要咩味加番個汁或調味係上面，底味沒分別，試左 期間限定大阪燒味，柚子，蔥燒，咸蛋，同一份四式pizza, pizza好似超市急凍自己翻焗，好麻麻，每人試了一人份及一份pizza已經沒興趣再吃，不會再試

有日無啦啦好想食炸雞啤酒 平時成日都想試好多味 但係又食唔到咁多碟 見到呢間有炸雞放題就去試吓～ 炸雞焗雞pizza 放題（$158/p.p)我哋加咗小食放題 所以要每位$158 就有多啲炸雞焗雞嘅味道選擇 仲可以有飲品買一送一 同埋可以叫小食😍Pizza一叫就一定要四隻味道 每隻味道都細細塊 嗰邊唔會好硬 好似麵包咁～ 🤔而炸雞都有好多款味道 可以一件一件咁叫 就唔怕食唔落🤗炸雞都好滑 反而仲好食過焗雞 焗雞就有啲乾啦😗小食都有好多款 又炸餃子 海蜇 冷麵 薯條 粟米 等等 全部都係少份量 可以食好多嘢😋 不過我覺得薯條嘅調味唔夠 變咗冇咩味咁 ☹️而涼拌水冷麵都係冇味嘅😢我哋仲叫咗蜜桃啤酒 （$75買一送一）飲落好似果汁咁 怕苦嘅朋友就可以試吓🤪

2個人去食炸雞放題，係咪抵食見仁見智 ，每人食到6-8舊以上都ok既 ，只因為兩個人去食叫唔得啲咩，放題會抵啲，樣樣可試下 ！ 另外+$20可以食埋小食！ 個海蜇真心不錯！ 我鍾意佢啲焗雞多過炸雞！個pizza真心唔好食 🙄🙄 又淋又無料！ 環境都乾淨，不過好迫好迫好迫，要講三次！ 我兩公婆都瘦架啦，都係咁撞到啲隔板 🙄🙄坐得好唔自在，食唔到一時時就走左！ 😂所以，對於我地兩個黎講埋單 $3xx 唔係咁抵食! 食食下都無心機影 ！ 因為迫到電話都無位放！