Sky726

🔺Sky726呢間餐廳位於旺角彌敦道位置方便之餘景觀一流 有落地大玻璃😀係呢度食西餐真係一種享受🤘🏻.香煎美國頂級安格斯西冷扒🥩Order左5成熟 端出黎個下好香🤤食落充滿肉汁 肉味濃郁☺️伴菜嘅薯蓉好creamy 露筍輕輕炒過👌🏻.意大利手卷意粉拌野菌辣肉腸&巴馬臣芝士 手卷意粉好特別 味道就唔算好有驚喜 建議再濃味D會更好食😆.香草炸原粒磨菇入口香脆juicy 送啤酒一流🍻粉漿好薄 唔會食到成口粉👍🏻.Wild Rose🍓賣相好靚 感覺幾似奶昔 所以非常岩唔太好酒嘅女仔飲💁🏻‍♀️.Flea (Blonda Ale) Lager🍺正常發揮 果香味略嫌唔夠🤘🏻

今日同朋去食法式菜，呢間餐廳既環境非常好，位於大廈既頂樓，可以望到好遠既旺角景，而餐廳入面就有好靚既燈飾，夠哂浪漫。餐廳經常都好full，如果想坐窗口位就要早啲預約啦！食物方面有好多唔同既選擇，亦都有set dinner。不過我地想試多啲唔同既菜，所以今次就單點。首先，我地點左呢個牛酒白酒煮藍青口伴法式薯條。青口好新鮮，又大隻！另外，仲有呢個脆皮鴛鴦炸雞，香脆既炸雞配上沙律醬真係好夾啊！主菜方面，我地點左墨魚汁意粉伴茄燴海鮮及虎蝦，好有鮮味，不過食完就一定要記得抹嘴喇！仲有法式油封鴨伴紅酒橙汁，鴨脾整得入味又嫩滑！最後，當然要黎返份法式甜品啦！火焰朱古力球既好味，又可以滿足視角上既享受！

能夠以一個合理嘅價錢喺高層一度食一度俯瞰旺角鬧市，我諗唔係好多餐廳能夠做到。趁住有優惠，我同朋友放工之後好早就嚟到餐廳，一睹旺角既夜景。黑松露薯蓉（$88）人生食過最好食既薯蓉！一向都好中意食薯仔類既野，嚟之前見到其他人推介呢款薯蓉，諗都無諗就叫咗。果然冇令我失望！黑松露味好重，配有奶味既薯蓉入口即溶。雖然睇落有啲貴，但係質素完全值呢價錢！慢煮黑毛豬鞍扒配意大利黑醋汁及牛肝菌醬（1pc $188）開頭見有少少紅驚豬唔熟唔太好，不過食落豬鞍厚度適中，反而太熟會令到口感太硬。另外好中意食配菜個啲酸酸地既莓，好開胃！香煎露絲瑪莉羊架伴薄荷汁（4chops $238）一向都中意食羊架，但係成日都驚羶味好重。今次都冇令我失望，調味適中，有羊味之餘又唔會太羶。我同朋友都好中意食呢度既蘆筍，份量多之餘又有少少烤味，正！火焰朱古力球（$88）最後嚟到甜品。上次食完火焰雪山，今次到火焰朱古力球，賣點依然係火秀，被燃點既球慢慢起火融化。好中意佢濃濃既朱古力！望住日落夜景，配住美食，只可惜服務略嫌不足，感覺上可能太繁忙所以侍應感覺有啲唔耐煩，不過都值得再嚟！

今日來到彌敦道726 25樓頂層嘅Sky 726，登上高處，望着出邊開闊的風景，心情豁然開朗。藍色燈飾令成個餐廳氣氛變得溫馨同浪漫，彌補了座位間距離不足的小小遺憾。我哋三個人總共嗌咗五樣嘢，包括2個前菜，2個主菜及一份甜品。前菜之一嘅『牛油白酒煮青口伴法式薯條』，青口鮮甜，有牛油及些少酒味豐富了呢道菜嘅口感，而『脆皮鴛鴦炸雞』除咗原味炸雞，仲有一款就係墨汁炸雞，幾特别同新奇。主菜嘅『墨魚汁意粉伴茄燴海鮮及虎蝦』海鮮有青口及魷魚圈，而吃完每個人的嘴唇變晒黑色，相對而笑。『法式油封鴨伴紅酒橙汁』呢道主菜令我哋回憶起那年10日的波爾多之旅，真係太地道了。最後甜品『火焰朱古力球』賣相實在超級正，好唔好吃已經唔係太重要啦，但都係好吃嘅。

食物好細件，價錢都幾貴。。帶咗件豬，實到不得了。馬上取消。失望好彩有半價。。火腿沙律就幾好。。件豬胺一啲汁都無晒，就算半價都唔抵食。我唔會再來。所以我都唔知點解咁多人話好食

----------呢度嘅裝修幾靚，有曬落地大玻璃，晏晝自然光可以透入嚟，而且一望無際，完全估唔到旺角都有咁嘅好地方。而且餐廳嘅佈置好浪漫，好適合紀念日黎食餐好。-記住嚟之前book位，記住要訂窗口位，先可以更有feel。另外用app訂位更加可以半價就食到!!! (app同openrice都會有優惠，記住2個App都要睇，睇下邊個抵d💸💸💸)----------😋黑松露野菌意大利飯 $168面頭有好多一片片嘅芝士，加埋陣陣黑松露香味，一上枱已經好吸引，意大利飯軟硬度適中， 濕度都啱啱好， 所有飯粒都沾滿醬汁。-😋英式早餐 $168All Day Breakfast有德國香腸、煙肉、多士、小蕃茄、雜菌、蛋，蛋可以揀炒蛋/水煮蛋/煎蛋。炒蛋好滑身，蕃茄仔係慢煮一咬就爆汁， 全部食物都係雙倍上所以都幾飽肚。-所有brunch都係單點，加$48可以變套餐，套餐包湯、沙律、飲品。----------🚩Sky726🔎旺角彌敦道724-726號25樓

話說朋友生日想係旺角食西餐，咁我就係openrice碌左陣就見到呢間😎上到去，同旺角完全唔同feel，好似中環個啲sky bar咁，可以望到出面既影，情侶去一流！❤️環境都算幽靜，美中不足係位置之間空間不足，同隔離枱都幾近，所以大家都會細細聲傾計😶價值係抵食，加上生日月有85折，都幾優惠❤️我地兩個人嗌左三樣野，前菜為白酒煮青口，都幾大兜個價錢又平民，胃細啲都可主餐食🤣之後朋友就嗌左野菌意大利飯🇮🇹不過不失，唔係特別突出，少少咸，建議可以試下其他野😋而我就嗌慢煮黑毛豬，有分一或兩件，唔怕食唔哂😌都算幾好食，如果可以多少少配菜會更好🖖🏼最後埋單都係5百幾，真係幾抵食！

是日係食生日飯 叫左兩個dinner set 加半打生蠔 兩個dinner set都唔平 般黎間餐廳有慢煮menu dinner set 都係離唔開頭盤 本人對西餐已經冇咩要求 黎個粉紅色開胃菜 幾特別 我心諗以為係用黎搽麵包😂味道唔錯 之後沙津呀 西湯呀 都唔算有驚喜 去到main course終於都有返少少驚喜 佢個慢煮雞肉加乜野開心果 幾好食 排靚靚咁 充滿少女心 黎個菜要打下卡先得 牛排黎講 冇咩根 幾林 夠香 炭香味 真係好正 都係叫well done 都算係心目中 唔太血 . 甜品係雪糕卷 出面包住蛋糕 成個莎莉蛋糕咁 冇咩特別 特別硬😂景色ok 都易book到 不過失望ge係隔離本身冇人坐 靜靜地食餐飯 點知有d內地遊客要求坐窗口位就可以坐 唉 失色 本身間餐廳已經冇咩人嫁啦 下次我都調位先 廁所 女廁lock住要去男廁😑 哈 好奇怪

臨近聖誕節約埋三五知己食聖誕大餐，朋友比較喜歡吃西餐，上 Openrice 見到旺角的 Sky 726 餐廳食評不錯，就即管試下。餐廳位於佈滿食肆的大廈頂層，一打開電梯門就見到法國餐廳，最重要係有無邊天際景觀，大愛。餐廳的裝修有情調，燈光昏暗讓客人帶一點輕鬆舒緩的感覺。食物餐牌以平板電腦展示，食物圖文並茂，非常吸引。來到必定要飲杯Cocktails 加享受一點海鮮先為最 Match。先點了一份海鮮拼盤，大約有六七款海鮮，非常豐富。當中的龍蝦有我手板咁大隻，蝦肉鮮甜無比，點一點醬汁更加滋味。很少餐廳會有 Oyster Soup ，食法國菜必定要試一試。Oyster Soup中間還有一點魚子粒粒，飲落去除咗很有鮮味之餘，還很有口感！Peri Peri Chicken 賣相很吸引，兩大隻雞髀燒得很香，還有半個蒜頭和一些蔬菜，很豐富呢。雞髀肉質很鮮嫩，非常Juicy。還有Wagyu Beef Conchiglioni，濃郁的鮮蕃茄汁做底配上肉醬，貝殼粒很有咬口，而且入味。甜品Marinated Mix Berries 配上藍莓及士多啤梨等水果粒，食落去更有口感更濃郁。最後四個人埋單都只係$19

為咗慶祝朋友生日就揀選位於旺角有海景睇的西餐 - Sky 726，預先book了四個位，由於餐廳好爆滿，所以去到都等左一陣。差不多黃昏時候餐廳望出去的景色好靚，可以俯瞰整個旺角鬧市，而且臨近聖誕節，餐廳佈置得很有氣氛。原來而家做緊優惠，餐牌上的飲品全部八折優惠，而且生日月部份食物可享有全單八折。而我們之前在openRice訂座，所以有九折優惠。呢度嘅飲品實在太吸引，我就揀選了 Tropical Punch，啱晒鍾意飲橙汁嘅我，估唔到橙汁味都幾濃郁，仲飲到一點果肉。朋友選的飲品也很吸引呢，當然要相機飲先。前菜點了一份蟹餅 Crab Cake，外脆內軟的口感，而且食到啖啖都係蟹肉，真的是非常足料。由於唔夠喉，所以再encore左一份。當中有一位朋友是海鮮迷，他就提議點 Sea food Platter ，價錢唔貴，入面嘅生蠔有我手板咁大隻，食落去好新鮮Creamy。主菜的 Sea food Squid Ink Spaghetti 🍝 很有份量呢，當中有兩大隻蝦及青口，蝦肉肉質爽口彈牙，意粉很入味。女士們當然不忘叫幾份甜品一起開心Share 。Lava Cheese Tart 包含一些水果

This was my first time coming to this restaurant, and I gotta say that I loved it!Staffs are super friendly and nice, very attentive to our needs and super welcomingWe tried their Mushroom Risotto, Stuffed Cannelloni and Caramelized Foie Grass as main dishes: all were exceptional and had great presentations!Then we shared a delightful Cheese Tart as dessert! It felt as if my mouth was going to explode with all the delicious flavours!I will definitely come back again and 100% recommend this place

The food was quite good, we ordered random dishes and drinks. They have quite a nice cocktails and mocktails menu. The staff, especially the lady at the door who confimed our booking, was extremely considerate of our needs and helpful. Would definitely go again.

今晚兩個人去 Sky726 食晚餐. 係 openrice 見到有好多好評, 睇相覺得環境好有格調, 所以期望都頗高. 一打開電梯門, 見到個現實環境同 openrice 既相差好遠, 裝修好求其, 完全無高級餐廳既格調. 餐廳都幾 full, 好多人黎慶祝 anniversary, 生日, 所以我對佢仲有少少期望. Menu 上既食物價錢偏貴, 我地無叫 dinner set, 散叫左 3 樣食物: 辣肉腸芝士手捲意粉, 黑松露薯蓉, 燒雞.  辣肉腸芝士手捲意粉 3/10... 佢係餐廳既推介菜式, 但我覺得自己煮都無咁唔好食... 黑松露薯蓉 6/10, 味道還好, 不過份量好細, 性價比好低 (佢用 le creset 整 creme brulee 個 d pot 裝) 燒雞 4/10, 肉質 juicy, 不過調味太鹹, 太油, 同埋稍微煮得唔夠熟. 埋單 $500 幾蚊, 我覺得好唔值, 唔明點解咁多人食.

難得與太太都有空，我又要去旺角報告，之前來過同一大樓用過西式晚饍，感到這裡高層的景觀不錯，所以這下午便再來這大樓，選擇一處比之前再高些的餐廳，最後便到了最高的這間。幸運地，兩人可坐在窗旁的位置，景觀確是實不錯。如果不是下雨天，便更好了。員工態度很好，比之前去過在樓下的餐廳更好。吾駛多花巧，有笑容，說話有禮和怡到好處便可，這恐怕可以使萬事都可滿足。食物方面，味道，賣相，份量和價格很合理。我們用了牛burger 和牛排。其實樣樣加起來，算是不錯。再來便試試晚餐，是比午餐貴一點，但相信食材會更好。容後再評吧。留下當天景觀和前菜的桌面模樣作記念。

今天是我們的結婚週年日 ，我特別揀了一間浪漫的餐廳 ， 可以望到旺角的景色。 開始時看到價錢都十分昂貴 ，但服務員同我講經openrice訂的， 散叫會有九折， 但生蠔同海鮮就沒有 。 同老婆兩人叫了一份羊扒， 高級的安格斯牛， 羊扒方面肉質鮮味 ，一共有四塊分量雖然小但味道十分好 ，其後安格斯牛非常多汁，師傅在牛扒上只加了一點點的海鹽 ，完全沒有其他的醬汁 ，可以食到牛肉的原汁原味 。我們也叫了一份生蠔 ，不過生蠔方面味道就不是太好 。湯方面我們叫了一碗南瓜湯 ，南瓜湯非常之甜 ，之後我們又叫了魚子醬湯， 兩款湯我在其他地方都未飲過。 餐廳之中環境非常之浪漫 ，枱上有蠟燭 所以非常之適合情侶夫妻拍拖 ，不過可能要早一點訂枱太遲的話位置會不佳。