Sky726

最近真係好忙啊，今日出開旺角難得有時間可以休息下。即刻諗起呢間Sky726，係鬧市入面可以飽覽城市景色，安靜進餐，靜靜地settle一下～泡菜煙肉意大利粉～味道好夠！多料！ 泡菜同意大利麵既組合簡直就係韓式同西式嘅結合，見佢咁特別諗住試吓佢！原來佢哋組合埋一齊有另有一番風味！泡菜辣辣的帶點酸，意大利粉索晒泡菜汁，撈埋煙肉同菇類～的確味道不一般～口味較重，喜味濃人士必試！跟着set餐～有湯、面包🥯、同沙律～ 望住個景慢慢食，真係好舒服～嘆杯熱檸茶，覺得這個下午非常不錯！

22/12 星期日中午去食，比想像中少人，好似得兩三台客。餐廳冇開燈，全部靠自然光。感覺上裝修一般， 同樓上Cafe差唔多，但個景就幾開陽。就到聖誕節所以水bar佈置左唔同嘅聖誕裝飾。餐牌個設計好似一般般，睇咗好耐有似唔夠吸引。羊架唔so唔un。好食！簡單製作但已經好好食，黑松露同薯蓉係絕配。呢個食法都幾得意，田螺有牛骨髓嘅味道。牛骨髓嘅精華仲可以配小多士食埋。臨近聖誕同男朋友都想打下卡，request係甜品上面寫Merry Christmas~ 檸檬蛋白炸彈幾值得試！因為出邊食唔到，同埋佢呢隻黃色好靚，影相一流。有蜂蜜、檸檬、蛋、cream嘅味，好食的，仲會俾埋一個錘仔你，要自己博爛佢先可以食。叫咗一杯有薄荷、vodka、雲呢拿、棉花糖嘅signature cocktail，不錯不錯，但個人覺得棉花糖唔好咁焦好味d。最後買單兩個人$600，整體來說性價比OK的，post上story都有啲睇頭。星期日晏晝唔多人所以可以坐到窗口位。

同朋友在旺中行完街，朋友仔話行過去太子食飯，話有間餐飯唔錯，所以就跟住佢行去到太子，朋友帶左我去726號25樓，一家叫sky726既西餐廳，入面氣氛真係唔錯，有落地大玻璃，可以飽覽窗外景色，台上仲有蠟燭，好浪漫💕！生蠔見到生蠔menu好似幾吸引咁，6隻都係$198，加$78仲有兩杯白酒，真係幾抵！6隻生蠔中有兩個品種，左邊既係澳洲蠔，右邊既係美國蠔澳洲蠔味道較淡味，配上餐廳特製既醬汁，帶點酸甜，味道幾得意！美國蠔既海水味比較濃，口感爽口，食完飲返啖白酒，味道好配！白酒白酒一開始飲時覺得味道有啲淡，但配埋生蠔，味道慢慢出黎，味道帶酸，味道口感都唔錯，同生蠔幾配！生蠔餐加$78就有兩杯白酒真係好抵！香煎美國頂級安格斯肉眼扒我叫左五成熟，上枱時已聞到好香～ 塊扒好高質，唔需要特別既醬汁，只需要加小小岩醫鹽就足夠，肉味濃郁，好juicy，肉質鮮嫩，五成熟岩岩好！墨魚汁意粉伴茄燴海鮮及虎蝦大大隻虎蝦，配上青口，鮮味十足！意粉充滿住墨魚既香味，軟硬適中，再配埋茄醬，更令味道豐富！72%朱古力心太軟最後又點少得甜品呢～72%朱古力濃度剛好，味道唔太甜，一切開仲見到暖暖既朱古力流出，再配埋雲呢拿雪糕，

琴日同朋友慶祝生日，專登揀左間有格調既西餐廳靜靜地傾下計。因為餐廳係大廈頂樓，所以景觀好開揚，落地大玻璃望出去就係旺角既夜景。我早一個星期前已經打電話book定窗口位。餐廳環境幽暗，每張枱都放左蠟燭，好有氣氛。適合情侶慶祝特別日子或者約fd飲返杯傾下計。餐牌菜式以西餐為主，主菜既款式都幾多。飲品方面叫了一杯有菠蘿汁味的飲品😇我地前菜叫左份香草炸原粒磨菇，外脆內軟，裡面仍然保留好多磨菇汁，再配埋兩款甜酸醬，一口一粒，轉眼間已經食晒成碟。叫了一個龍蝦汁帶子意粉，帶子超級大粒！意粉煮得剛剛好，不會太軟，配上龍蝦汁吃很好味！主菜我點了一份香煎羊架配蘆筍薯蓉。羊架香而不羶，熟度剛好，配搭蘆筍，份量也不少！這裏的裝修非常浪漫，而且很有聖誕氣氛聖誕節可以再相約朋友來光顧。

同男朋友紀念日揀咗呢間位於彌頓道726號頂樓的高級西餐廳食飯，待應安排了靠窗的位置，可以觀賞晚上的旺角人來人往的大街同高樓，好浪漫。慢煮黑毛豬鞍扒配意大利黑醋汁及牛肝菌醬黑毛豬鞍煮得夠腍身，切落去能夠感受到濃濃的肉汁鎖在當中，放入口覺得軟硬剛好。牛肝菌醬落在豬鞍之間，廚師沿著碟邊點了意大利黑醋汁及紅寶石（紅石榴），十分有心思，兩種醬汁不會溝在一起，比人客可以按需要點適量的黑醋汁配豬鞍食，我個人喜歡酸，所以豬鞍扒點了相當多意大利黑醋汁，味道開胃。秘製雞軟骨雞軟骨炸得香脆可口，食得出加入咗孜然粉係當中，可口送酒一流。整餐飯環境同氣氛都好好，慶祝生日紀念日最適合不過，在場都好多情侶同埋姊妹幾個談心，是一個令人愛上的餐廳。

旺角區一向都好多唔同種類既野食早排朋友就帶左小編去左一間睇景既西餐廳到試下😋餐廳位於高層🏢所以如果坐窗邊位既話就可以居高臨下望到旺角區百樓林立 燈火通明既夜景 景色相當靚🌃.今次同朋友叫左一個set dinner再加多一個意粉🍝雖然份量唔多 但都夠飽肚🙈.Set dinner既價錢由$468-598不等係根據主菜而定🍽成個套餐就包括精緻小食 沙律 主菜 甜品同餐飲💁🏻‍♀.🐟三文魚mousse眼見係泡沫mousse🌬但食落係三文魚既味道 感覺幾特別🙈.🍖柏爾瑪火腿蜜瓜沙律清甜既蜜瓜 香脆既麵包粒🍞爽甜蕃茄仔🍅加上酸酸甜甜既沙律 清新開胃🥗.🦢香煎鵝肝伴鵝肝油寬條麵鵝肝外層煎得幾香 入口即融🔥而寬條麵係比教硬身 咬落幾有質感 加上鵝油香味質素頗高🤤但可能為左令麵條都沾上鵝油 所以用量較多🤭令麵條比較偏油 如果乾身少少應該會更好😌.除此之外仲叫多左個主菜🍝🦞虎蝦意大利飯伴龍蝦牛油汁（$198）虎蝦都幾大隻 食落爽口彈牙 🦐每粒米飯都沾滿龍蝦牛油汁🍴而且粒粒分明有咬口 表現唔錯🍚.黎得食西餐就緊係唔少得叫返杯特色飲品啦🍸🥃Godiva Delight（$88）一開始Baileys同冰係會分開

今年生日，老公在Sky 726訂左枱！其實我地之前都有黎過，就係鍾意呢度既環境，服務，食物又好食，所以決定encore！ Oysters $198 見menu 做緊生蠔promote， 6隻生蠔，2種不同品種，加$78仲有兩杯白酒，見咁抵點左個試下！細啲果隻係澳洲蠔，大果隻係美國蠔，澳洲蠔比較淡味，美國蠔口感較爽口，海水味濃！配埋餐廳自制既醬，加埋一齊食，酸酸甜甜咁，好特別呀！Drinks $ 78 for 2白酒配生蠔🦪，仲加埋呢個咁靚既夜境，心情都靚好多～ 呢杯白酒一開始覺得比較淡，但慢慢飲下飲下，酸味先出黎，配生蠔味道幾配！Pumpkin Soup with Crab Meat $78食西餐，湯更加不能少！上次飲過呢度既湯覺得唔錯，今次再次encore呢個南瓜湯！南瓜湯有濃濃既南瓜香味，口感creamy幼滑，仲飲到一絲絲既南瓜纖維，味道鮮甜，因為有好多蟹肉在內，真係好好味啊Prime Ribeye $358我就最鐘意食安格斯肉眼扒，我點左五成熟，端上枱果下真係好香～ 切落去見到仲有少少血，真係五成熟，師傅煮得岩岩好！肉味非常濃郁，好多肉汁，非常juicy， 配菜有露筍，有種清

Overall 食物唔錯 環境都理想。我地叫左a la carte menu, total 1x salad, 1x starter(crab tart), 4x main course(beef sirloin, pasta, risotto, duck leg), 1x jar sangria, 4x dessert 。我地突別鐘意個mango and shrimp salad ,duck leg同佢地嘅Italian cheese with strawberry sorbet。但係risotto ,crab tart 同佢地好岀名果個famin’chocolate bomb 就麻麻地，不過影相嘅話效果not bad。即使佢個鋪位唔大，但係環境都唔會好嘈，我地request window seat佢地都俾到我。價錢我覺得有d貴，因為佢有d食物唔係好對得住個價，但係環境又搭救左d，都可以黎試下。

忌廉蠔湯蠔味爆燈! 配簡單牛油麵包，無得輸。炸蟹餅有圖有真相，蟹餅外層脆卜卜，切開裏面大量蟹肉，絕無偷工減料，啖啖肉，無得輸 !Prime Grade肉眼扒優質高質素牛扒，無需要任何醬汁，亦無需要任何調味，只需要配上一點點岩鹽就足夠。Medium做到剛剛好。肉味、油香皆充足，相對西冷牛扒比較軟諗。用 Chargrill 代替 Panfry, Perfect !和牛Cannelloni 呢個我自己喺意大利食過，香港就唔係經常見到。個製作概念有D似腸粉，但塊皮變咗做意粉，餡料就變咗西方口味，非常出色。檸檬蛋白脆炸彈裏面有檸檬醬，配合打起咗嘅蛋白，加上外面蛋白脆糖。好睇又好食。

因為臨時決定和朋友第二天一早到旺角睇戲，所以早一晚就book我在旺角經常會選擇午膳的sky726。我地12點到了，安排了最好view的窗邊4人枱，原來星期六是沒有午餐套餐的，叫餐牌上的食物滿400就有7折，但(+)錢的食物就不算在內，例如+$50變套餐就不算數了，相比起我平日去食午市套餐，真的貴了很多。我每次一定點豬鞍扒的，雖然是慢煮的，但因為有炭火烤過，變得很香很爽口，保持水準。另外叫了牛柳，比之前個次做得好，熟度剛好，很淋二塊扒剛好過400，有7折，折後350，但在平日已是套餐了。我們食了一小時多，一枱客也沒進來過，比著以前，一早已座滿了，我試過一樣也是星期六食，因太多食客，等出主菜等了1小時呢！現在只有我們一枱包場咁，希望佢可以堅持到香港再度繁榮吧!p.s. 呢個時勢，午市一碟扒218+48先可以變套餐既話，真的小貴了，其實索性連星期六，日都推套餐啦，收平番DD，D客好評，客又會多番DD，好過一枱客都無啦……

放工去太子始創做facial，做完舒舒服服，離Sky726好近，就上去食個dinner relax 吓。意式蕃茄水牛芝士沙律伴帕爾馬火腿（$138），直徑大約有2吋至2吋半嘅蕃茄及水牛芝士，悅目紅白鴛鴦配搭，上面放上兩大片Parma Ham，作為頭盤真係胃口大開。燒焗南瓜湯伴蟹肉（$78），南瓜味濃，口感滑如奶昔，加入蟹肉更獻身價，啖啖矜貴。意大利手卷意粉伴野菌巴馬臣芝士（$168），手卷意粉以為係類似大貝殼意粉或意粉皮卷住野菌，原來係用手卷出來的小意粉，煙煙韌韌，QQ口感，配合多種菌類、洋蔥、蘿蔔、巴馬臣芝士等等，芝士味重，全部配搭得好好食，而且大碟到可以足夠三個人分享，大大啖開心share。

喺旺角呢間餐廳食晚飯，貪佢環境幾好，有夜景睇之餘，啲食物質數都幾好。香煎露絲瑪莉羊架配薄荷汁，有四塊羊架($238)同埋六塊羊架($348)可以揀，我覺得四塊羊架都好夠食，所以咪叫咗四塊呢個羊架main course，前菜都想食得開心又開胃嘅嘢，喺menu見到有墨西哥芝士薯條($88)，餐牌上面寫住話有混合芝士、蕃茄、牛油果🥑、sour cream，即頭好似港式nacho 嘅配料一模一樣，呢啲都又開胃又啱食，嗱嗱臨叫咗一客，跟住同侍應講要1個火焰朱古力球($88)做甜品，上次喺度食過呢款甜品，今晚再食一次都冇令我失望，依然保持水準，首先賣相絕對一流，藍色火焰燒住個朱古力球，好吸睛，朱古力球裡面又放左雪榚球，加上酒香，正呀。

今晚黎到彌敦道 726 號嘅 Sky 726, 餐廳室內掛滿燈飾, 好有氣氛由於位於 25 樓, 所以可以以高角度一覽旺角景色香煎蟹餅伴藜麥蒜泥蛋黃醬外層非常香脆, 用上大量蟹肉整成, 啖啖肉, 口感結實, 無論就咁食定配蛋黃醬食一樣咁好味和牛乳清芝士釀珍寶長通粉外型似腸粉, 中間卷入牛肉碎, 外皮有半溶嘅芝士, 配上味道清新嘅蕃茄醬, 蕃茄嘅酸甜味中和左飽飽滯滯嘅感覺 檸檬蛋白脆炸彈非常 IG-able 嘅甜品, 附上一個小槌仔, 用黎卜開外層卜開外層嘅脆餅後, 一邊係裝滿檸檬味嘅蛋白慕絲, 另一邊係檸檬醬 + 莓乾, 味道酸酸甜甜, 超好味, 簡直係又睇得又食得

Sky Dinning Experience at 726!Sky726位於大廈頂樓，餐廳安排左我地坐落地玻璃位，居高臨下加上燈光襯托，顯得十分有情調同浪漫，枱面上仲有蠟燭，好有氣氛。1.Oysters (1/2 dozen) 估唔到餐廳有生蠔食！$198半打，平均一住隻都係$30/蚊！望住個靚境，又有咁好服務，終於可以係緊張既時勢下放鬆一下心情，生蠔配白酒，真係好chill好relax！2.Pumpkin Soup with Crab Meat南瓜同蟹肉擺埋一齊好特別！南瓜湯好有Halloween 氣氛! 個湯偏稠身，有龍蝦湯味，亦加左好多蟹肉，味道剛好！3.Crab Cake蟹餅好足料，外面既麵包糠好脆又唔會太厚！蟹味好夠，食得出係新鮮既蟹肉！配埋菜食就完美地平衡油炸既油膩感。4.Iberico Pork Chop黑毛豬有兩個汁，分別係黑醋汁同牛肝菌醬，酸甜、濃厚既味覺享受一應俱全！呢個極厚既黑毛豬鞍扒係慢煮既，所以肉質食落都仲好嫩，望落紋理都好靚！5.Tiger Prawn Risotto大大隻虎蝦!呢個意大利飯都幾正宗，飯粒偏硬，好有嚼口，飯粒完全嗦哂龍蝦牛油汁，超級香濃，一啖

萬聖節應該是大部份香港人都很期待的一個節日這天在朋友口中得悉在sky726有聖誕節MenuNana和我最愛就是萬聖節當然要來這裡朝聖一下進到店內是滿滿的萬聖節裝飾而且在餐廳內燈光昏暗十分有萬聖節氣氛坐下後直接來份萬聖節套餐吧先上來的是一隻手指造型的前菜還有眼睛造型的沙津手指是用餅乾杏仁和茄汁做成的看起來十分像一隻斷指而眼睛造型的沙津其實是荔枝沙津加上點芝士塊看起來更加怪異荔枝的味道也十分甜加上酸酸甜甜的醬汁十分開胃之後的是鬼怪造型的餐湯用西瓜做的湯我還是第一次喝到還要是凍湯喝下有很濃郁的西瓜味帶點咸味而且有蝙蝠造型的西瓜塊在裡面整個配搭都很鬼怪可以感受到滿滿的萬聖節氣氛配搭起餐包上來也十分合適主菜有幾種可以選擇有羊膝有牛扒有意粉有三文魚最後我選擇了紅油燴羊膝羊膝的份量超大份而且肉可以用刀輕易的切下紅酒汁的味道令到整個羊膝更美味在底下的薯蓉幼滑得很吃著吃著把整盤主菜都吃完最後還有朱古力蒙布朗蛋糕在蛋糕旁有個用白朱古力做的白色棺材和白色小幽靈 Nana看到也少女心爆發稱讚這個很可愛而蛋糕朱古力蒙布朗外層的慕絲幼滑而內裡的忌廉更香這個結尾十分完美