Simplylife The East The West (已結業)

相信大家一提到SIMPLYLIFE一定會想起又一城的分店吧!因為每之經過都一定有一條長長的人龍!但奧海城的分店比較不同! 因為是可以預約的!當天一早預約七時半 入坐時看到門口已經有長長的人龍了!幸好預約了,否則一定有排等了!!坐下來氣氛不錯! 每張枱都有蠟燭, 在昏暗的環境下特別有格調! Waiter 很有禮貌, 而且十分快手!MENU有分EAST & WEST, 我們都ORDER了WEST的食物, 感覺上這樣的格調比較配合西餐!我們二人ORDER了三個餐, 因為是PRE BIRTHDAY DINNER,所以想豐富一點! ORDER完WAITER很快就送上麵包麵包麥味很重, 不錯! 可是外層有點過硬了!套餐配有沙律或餐湯加是日餐飲我們選了一個沙律和兩個餐湯!我本身不太喜歡太生的西蘭花, 所以沒有把它KO >///<餐湯是南瓜湯, 是由南瓜打成的! 南瓜味很濃! 最先來到的是Beef Burger!!上桌的時候是熱辣辣的! 份量十足! Burger 的牛肉充滿肉汁! 絕不死實的牛肉!煙肉也十分香口卻不會吃得滿口油!配上半溶的芝芝實在無敵!薯條是剛新鮮炸起的! 粗薯條一咬好

剛開張時食過一次夜晚泰菜，味道不错，相隔甘耐再黎試西餐 當晚雖然系平曰但都有七成滿，亦被要求個半鍾交臺，我自己覺得西餐個半鍾略為急，浪费左個氣氛同環境，餐厅燈光昏暗，臺放有臘燭，好舒服，但亦因为人多臺之间距离太近，傾密偈難d

大家用幾多錢食早餐？近年明白的道理，每個人心裡其實都有一把尺，是一把自己都沒有察覺的尺，但呢把尺每每掌管個人既行為及消費模式，對每件事都有自己既睇法，願意既花費，同自身既財富並不一定成正比！有一次與上司到北京工幹，一起到M記食早餐，我選擇早晨全餐，用刀叉來享受，他選的是豬柳蛋漢堡，席間他向我問道，為什麼要選擇全餐？其實都是同一樣食材，只是擺放不一樣，但要多付$2，所以我並不及他精明。我只能笑，亦唔知點回應，或者是不能回應……回正題，今早閒來沒事，雖然只是孤身一人，但當然要享受人生，就由早餐開始……我點了Egg benedit+咖啡，食材只是muffin，蛋，smoked salmon,番茄……連咖啡 $72 ，與M記比，只是豬柳換了煙三文魚，但價錢……按我老細準則，我就是水魚了。對於我來講，出但街食野， 最重要當然是味道， 錢是花在食材，廚師手藝，環境氣氛，服務，所有都要一併考慮。Simplylife是集團式經營，雖然不是我食過最好的egg benedit，但已是中上之作，而且是水準穩定，咖啡則是大路之選，近年興起的all day breakfast，動不動都過百，simplelife

都成大半個月之前食，所以有D唔係好記得，不過係好食的~應該都會再幫襯貪佢有中有西所以黎試下~裝修幾靚幾好feel~不過太暗唔係好影到相我地2個都幾大食架~首先嗌左一個水牛芝士pizza set dinner~頭盤麵包好有質感，配淡牛油~pizza薄薄地唔會好滯，蓄茄配芝士好香包一杯餐飲，我另外揀左熱情果smoothie~咬到果D熱情果粒粒酸到傻散叫左個泰式肉碎炒飯~order時員工有問我地辣O唔OK，之前係greyhound食過，諗住果度擺明泰式都唔辣所以不以為意，點知估唔到係辣到咁的!! 原來佢撈埋D辣椒碎入去炒，堅會食到噴火…但香草好香，好好食唔想放棄，所以我地嘗試撩返D辣椒碎出黎~好好多XDD 不過本身碟飯都深色，係咁暗既環境真係要落足眼力，諗返都好笑好彩我地另外叫左個好似係芒果蟹肉米紙卷~凍凍的，配個好清的汁，正好解辣 份量算唔細，不過如果唔點汁就淡左D可能因為碟飯要慢慢食，所以比預期飽，要打包半個pizza~不過我地仍然想食cake 望住個蛋糕櫃真係心大心細呀! 最後揀左朱古力橙同藍莓芝士~本身唔係好好cream, 所以朱古力橙略嫌大pat cream左少少~但2個都叫好好

食Simplylife不下10次，每次都心滿意足，捧腹而歸。又一城個間由舊舖開始已經排長龍，搬到新舖後條龍更係長得誇張。奧海城好少少，但都係遲少少黎都要等，但一邊等一邊望住好靚既麵包同甜品，等都等得開心D。今次好好彩，唔使等位，一去到就入得啦。幾鍾意個越式拼盤，好豐富。肉碎炒飯都唔錯，但濕炒河就普通。今日想食西式，選擇困難，pizza唔錯，芝士又夠多，但太大食唔哂。定係辣肉腸糙米飯，飯粒有咬口而且份量少D，egg benefit都做得唔錯。諗左好耐最後決定雞肉蘑菇burger。沙律成日有唔同sauce，每次食都有驚喜。賣相好靚，burger好大個。厚厚一塊雞肉，肉質完全唔嚡，上面一塊融左既芝士，連埋個鬆軟既包一齊放落口，好滿足。 酸瓜，grilled tomato同洋蔥分開放，可以自己揀放入burger到，對唔鍾意食既人黎講LI個做法都幾窩心。薯條炸得好脆，唔使點茄汁都好好食。本來想食埋甜品，但實在太飽啦，都係下次啦。

簡單並不代表沒有選擇！標榜有東亦西的 Simplylife，相信最能與時並進，迎合不同的口味需要。商場內的櫥窗，設計如一幅西式廚房的立體畫，更將 Simplylife 為人熟悉的麵包呈於眼前。靠門口的部置擺放了麵包，再向左前行，不同款式的蛋糕即呈現眼前，必定吸引一眾愛甜的女士。老公與我同時拿起餐牌，立即 "想東又想西"，您究竟喜愛哪一款？東方的選擇來自東南亞一帶的越南、泰國、馬來西亞等地，而西方也離不開意大利麵、牛扒、漢堡等。老公不久便敲定了西菜，而我經幾番猶疑後，最終也看上了西式的套餐。這樣我倆的選擇便形成了麻將檯上的雙番西局面，大家要小心呀！點好菜後，侍應隨即為我們送上麵包和牛油。包心呈現出粗大的氣孔，可想像得到其軟綿、彈性充沛的質感。可是麵包皮異常繃韌，雖帶著討人歡心的焦香，但牙齒確實難以與其抗爭，只好用手撕開麵包皮，光嚐著包心的滋味。當晚套餐所提供的飲品是果茶。果味與茶味平衡，甜度亦適中。蕃茄湯濃稠度恰好，洋溢著自然的蕃茄味。湯底內浮沉著橙紅而幼細的蕃茄蓉，滲出醒胃的酸甜味兒，效果要比想像更理想。小碗盛上沙律雜菜、蘆筍和橙肉，再配上輕甜的沙律醬汁，正好將蔬菜的青草味兒與水果的甜

愛麵包愛蛋糕也愛餐 @ SimplylifeTHE EAST THE WEST 大角咀海泓道1號奧海城3期G19-21號舖Simplylife 中午吃過無數次, 今晚來到是為了幫朋友慶祝生日呀。原是訂了對面間德國餐廳, 但早到了15分鐘問可否先入內座著等竟遭拒絕(明明店多有很多位),又因未買蛋糕被simplylife的糕點吸引就轉移了用餐地方。Menu 基本上和中午的差不多, 價位百來元已包湯/沙律, 主菜及飲品,這價錢確是很吸引人。見晚餐多了個東南亞的menu,都是叫西式實際穩陣。Salad 都是同一個模式, 只是今趟把生果換成橙肉,加上火箭菜、生菜及像四季豆的東西, 伴以油醋。4個人比足一條包份量, 法包好硬加上是冷的,冷包塗上牛油, 不融的牛油塊好嘔心。牛油是淡牛油, 沒加什麼鹽,固此香味欠捧, 這是我一直認為要改善。Salami picante and smoked mozzarella cheese pizza $118Pizza好多莎拉美腸片但好鹹, 火箭菜味帶苦, 影響了整個pizze 味道, 帶苦味的食材還是不適宜加進pizza。 水牛芝士味淡, pizza 底只加了少

曾經幫襯過又一城嘅Simplylife Bakery Café，對其味道有頗好嘅印象，所以，今次老死Ivan兄搵我食飯，就大家方便定晌奧海城，問我揀Simplylife The East The West定Berliner German時，沒多考慮，就揀咗前者。其實兩間餐廳我都未試過，兩間都甚有興趣，只喺覺得去Berliner German得我哋兩個麻甩佬，點都唔及一大棚人去咁夠氣氛嘅 。又一城嗰間Simplylife經常大排長龍，我上次都戇居居排咗成個鐘，不過，奧海城依間Simplylife就好好多，雖然老友已經訂咗枱，不過去到所見，唔使排都就有位 。之但喺，坐吓坐吓都一樣「全院滿座」。門口放有可零售嘅麵包櫃，再入啲側旁就喺甜品餅櫃，跟住一列半開放式廚房，睇到晒啲廚師埋頭苦幹。而環境裝修以簡約為主，木枱木椅，都無咩太多餘裝飾，燈光柔和，部份位置會比較暗，對小弟部DC仔影相極有啲難度。餐牌分為The East同The West，顧名思義，大概你都估到佢一個賣東方菜式，另一個賣西方菜式。因為老友本身已食過佢依度嘅西菜，有啲心水推介，所以，就決定揀晒西方菜式。餐牌內，以套餐形式為主，包

今日公司有新order送貨 , 去到見到間餐幾特別 , 決定今晚同太太黎多次試下 同太太六點半到餐廳,唔駛等位就可以坐低,之後就叫左個手撕雞湯河粉,青咖哩配羊鞍加多個特色薄餅  !! 大約等左5-6 分鐘左右碗河粉就上枱,碗河粉熱到出曬煙 , 香氣撲鼻 , 食落去0既時候河粉爽口,芽菜同香料份量分配剛剛好,雞絲好好食 , 一啲都唔"鞋"口 , 只係河粉份量較小 , $68 一碗價錢都算合理 .跟住特左25分鐘, 個羊鞍先到 , 一碟有三件 , 都幾大件 , 食落口完全唔"un" , 啱啱熟勁好食 ,而青咖哩亦唔太辣 , 羊鞍下面仲有茄子放底 , 啲茄子吸曬啲青咖哩差啲仲好食過羊鞍 ,之後薄餅先到 , 我就用埋啲青咖哩送薄餅 ,簡直絕配 !!!咁0既價錢抵吖 !!有咁高0既質數 , 我一定會再去 

年尾又是清假的時候 難得閒日樂得清閒 就到男友工作的地方附近和他共晉午餐這兒的環境舒適寫意 靠𥦬而坐能享受冬日和暖的陽光聖誕新年期間沒了西菜平日的午市菜單 取而代之的是“Brunch menu”價錢平均貴了＄20 但偶一為之還是算了跟餐的沙律首先到來 又橙又綠的看得人心花怒放沙律是你我都能想像的味道 想說的反而是那伴在旁的一片法包別以為它其貌不揚 它塗過牛油後香脆又有麵粉香 就是簡單味美車打芝士煙肉牛堡伴香辣薯條（餐配沙律和冰茶） ＄108離遠看見店員端來已見滿滿的一大碟 份量十足只淺嚐了一小口 味道挺不錯 不過沒有讓人留下深刻印象的地方沒有什麼胃口 來一碗粉麵好了生熟牛肉河（散點）＄68上場滿滿的一碗 湯底呈深啡色 面頭灑上不少炸過的蔥頭、洋蔥、薄河葉、芽菜和其他香葉而牛肉軟淋帶肉香 不會過肥 份量也下得大方 整碗麵的味道是令人驚喜的 想不到在這也吃到這美味的越式牛河臨走時看見餅櫃內的甜點真是異常吸引 感覺貴精不貴多 有機會的話會再來

第一次去哩度食晚餐可能早到的關係 唔洗點等位 哈哈叫左哩個闊條麵仲要配埋蒜蓉包真係好好味蒜蓉包好香好脆闊條麵的麵質岩岩好可以試下之後試左三款蛋糕有藍莓、士多啤梨另一款好似係豬古力橙酒味真係好好味 三件cake都好有味道賣相都好靚的!!

顧名思義，「The East The West」同其他一般既Simplylife有D唔同。雖然都有同其他分店一樣既西式menu好似egg benedict、pasta、burger同埋pizza等等，但呢度最特別既地方係同一時間會供應一D亞洲菜既dishes，而今次有幸終於可以試下佢既特式lunch menu。點心拼盤+濕炒豬片河($73)︰唔好睇點心拼盤既portion好似好細咁，其實每樣野都有少少，唔覺唔覺就會好飽，個胃細D都食唔晒！除左串燒沙爹、炸蟹鉗、炸春巻等等之外重有泰式沙律添，呢個全亞洲mix and match既組合真係非常新鮮，但係卻又出奇地非常之夾，唔同既食物之間激起左微妙既化學作用，入口時既感覺真係一流！至於濕炒豬片河方面，老實講都係D大路基本野，冇乜難度可言。唯一要讚既係D肉片真係煮到好腍好易入口，而份量方面亦都相當generous，老實講都係第一次見炒河既餸係會多過河粉本身呢！而個sauce方面，本身惹味得黎又唔會落好重味精，鹹到好似茶記出品咁，絕對睇得出係誠意之選。Egg Benedict ($73)︰呢個幾乎係每次黎Simplylife既必食之選。唔好睇佢雖

lemon meringue pie真係好失望。。。因為呢度啲蛋糕好靚感覺好似好好味咁簡簡單單一個lemon meringue一啲味都無，得啲cream係面同pastry做底，除左外形一樣之外，味道真係好淡麻麻地。

麵包一共兩塊，很硬差點兒咬不開麵包，中間部份柔軟青瓜salad 正常個湯辣辣地幾好飮份量不多，賣相吸引， 忌廉汁極creamy和菇味重，自家製的闊條麵厚身，好味 but會膩外層酥脆，內層軟熟，滿足

可能是星期一的關係, 7:30到達餐廳都尚有好多位, 所以不用等便可直接入座. 之前已經知道這餐廳有兩個MENU - "THE EAST"主要是泰國菜以散叫形式, "THE WEST"是西餐以套餐形式. 感覺上食套餐抵食點, 所以選擇左食西餐. 套餐包主菜, 湯/沙律, 麵包, 特飲/汽水. 主菜選擇頗多, 有沙律, 扒, 意粉, 薄餅. 當晚主菜選擇左雜菌忌簾闊條麵及煙肉莎樂美腸薄餅 - 各$108.首先送來一盤麵包, 一共4片, 每片都是厚厚的, 我們兩人各吃兩片, 已經飽左1/3, 之後上枱的是隨餐附送的沙律, 份量亦不少, 尚未食完麵包及沙律, 主菜便已送來了. 待我們食完麵包及沙律, 主菜已經放涼了, 此點希望餐廳會留意一下. 薄餅一共有8件, 意粉份量也不少. 兩人分食完意粉再食一件薄餅已經吃不下了. 餘下的就只能打包做早餐.整體來說: 食物都非常美味, 價錢屬於適中, 份量則頗多, 可以算是抵食夾大件.