Simplylife Bakery Cafe

营业中

休息中

今天約朋友到沙田看一個展覽，順便到我們喜愛的Simply Life 吃個brunch。十一長假期的沙田新城市廣場人流不算太多，今天竟然不用排隊就可以入內用餐。🥩牛扒三文治配煎蛋.辣根醬薄薄的一件牛扒好有肉香配上一隻煎蛋和底層的辣根醬法包，味道不錯，還有沙拉醬和味沙律菜，味道令整份餐食更清新醒胃。今天餐湯是甘筍湯，清甜美味，顏色漂亮，餐包是香脆香脆的法包，塗上厚厚的牛油，太著迷了。🥓All Day Breakfast 如果選擇唔到食邊個早餐，我會揀all day breakfast，有我喜歡的豬肉腸，肉質結實好味，煎得香脆唔會遇過火的煙肉，焗豆，炒蛋，烤蕃茄和蘑菇，食材豐富。好喜歡在這用餐，空間比較寬敞，是聚餐的理想地方。

同屋企人係沙田Shopping，lunch time 小朋友話Simply life 麵包好食，見得幾個人，唔使排長龍就去啦！一共叫左4個Lunch set：野菌黑松露忌廉手製闊條麵鮮蝦茴香香濃汁有機糙米飯煎鰽魚.炒雜菜.香草燒薯.芥末籽汁水煮蛋伴菠菜牛油果藜麥野菌黑松露忌廉手製闊條麵，唔記得影相😅忌廉濃香，黑松露味不太岀，但手製闊條麵非常好味，麵質煙靭👍🏻大人小朋友都鐘意食。鮮蝦茴香香濃汁有機糙米飯香濃汁好濃蝦味，但份量好少。有機糙米飯唔算硬，口感可以。煎鰽魚.炒雜菜.香草燒薯.芥末籽汁魚肉鮮甜，夠嫩滑，煎到好香口，雜菜同薯仔都好味，汁有少少辣。水煮蛋伴菠菜牛油果藜麥食材配搭本身已perfect match，蛋煮得半熟，蛋汁流岀，令muffin冇咁乾。整體好味😋餐配嘅冰茶都好好飲，每個main course 都好精緻，每位$126 再加一，都算可接受嘅，好味、都好享受。飯同麵的份多少少就更好。

每次行沙田都見好多人等位，星期日放假就諗住去試吓，點知去到同佢講4位，門口個帶位已經黑口黑面話要自己㩒飛，都算喇，因為我唔知要自己攞飛，等左半個鐘可以入坐，入到去個個侍應都係口黑面黑，問佢攞隻碟完全無反應都唔知佢聽唔聽到，最後個芝士蛋糕等左20分鐘都未到，問左3次都話就嚟，個蛋糕又唔好食唔夠soft，主食和甜品賣相都勁差，原來香港人而家未食野先要食氣咁賤咩？以後唔會幫襯，今時今日咁既服務態度香港人要Say No.

好耐冇去沙田了，前幾日同朋友行街行到攰坐低食下野先，選擇了食西餐😎門口好多麵包🥯好靚好吸引😍買左幾個反屋企🏠四個人叫左4個set dinner ～慢煮肉碎手製闊條麵🍝 🔺中規中矩😜 ～車打芝士🧀️牛肉漢堡🍔配煙肉🥓伴薯條🍟 🔺芝士味濃牛肉入味🤩 ～燒黑鱈魚🐟薯蓉🥔燒青黃瓜🥒酸豆橄欖醬 🔺鱈魚有驚喜😘正呀 ～燒美國安格斯肉眼扒🥩(10 安士) 🔺我地叫左7成剛剛好🫶🏻 ～鼠尾草薯條🍟燒蘆筍／伯納西醬汁 ～沙律🥗／蘑菇🍄湯 🔺正常發揮🙃

基本上次次嚟新城市都會食呢一間因為set lunch我買嘢飲好抵而且今次嚟仲要轉左Menu 可以試吓新嘢叫咗個三文魚羽衣甘藍沙律超級大份入面仲要有啲水果好新鮮佢哋嘅果茶都不嬲好出名今次係士多啤梨❤️

燒黑鱈魚.薯蓉. 燒意大利黃瓜. 酸豆橄欖醬菜式名字好長啊！ 黑鱈魚非常嫩滑有魚味，魚皮煎得非常香脆，魚肉鮮爽，一瓣一瓣的，配上酸味味的酸豆橄欖醬，鹹鹹香香很配合而且能提升魚味。燒意大利黃瓜還保持翠綠和鮮黃的兩種顏色，入口軟糯多汁，魚下面放著幼滑的薯蓉，入口滑滑的帶點奶油香，份量很足夠，好味又健康。車厘茄將蟹肉製扭紋粉醬汁酸甜醒胃，滿滿的蟹肉加上有咬口有嚼勁口感的扭紋粉，簡單而美味。晚餐時間客人滿滿的，服務員保持一貫的有禮。

同朋友係沙田shopping行到攰攰地，經過見到唔使大排長龍既simplylife緊係食個tea先啦，期望不大，皆在搵個地方坐下休息下☕️士多啤梨芝士蛋糕🍓🍰賣相真係打卡一流，士多啤梨份量唔少，芝士蛋糕同士多啤梨中間有一層好厚既鮮忌廉，中和左芝士蛋糕既濃厚口感，每一啖都食到士多啤梨同蛋糕，味道唔錯，但唔會令人下次再想order😄

星期一放工等朋友收工到8點，諗緊唔知食咩，就見到呢到唔多人等位，就揀咗呢間。一坐低落完單，職員就送上麵包配牛油。外脆內軟好味，如果暖暖哋應該會再好味啲。其中一個餐加咗頭盤和紅酒🍷呢個沙律🥗嘅醬汁令人開胃。再加上少少黑胡椒和炸蒜頭調味，感覺幾香口。主菜方面，烤蘑菇忌廉汁手製闊麵配上香草燒雞胸和醋漬野菌的搭配都幾特別。面條有著濃郁的忌廉汁與蘑菇的香氣，雞肉都算嫩滑，配上野菌的微酸味道，我個人比較喜歡個濶麵夠al dente嘅質感。而燒美國安格斯肉眼扒配上鼠尾草炸薯條和燒蘆筍都唔錯。肉質鮮嫩多汁，薯條炸得恰到好處，蘆筍則十分清爽。伯納西醬汁的酸甜味道更是為整道菜增添了層次感。

一覺醒來， 肚空空，咁就去"SimplyLife"吃早餐。 一向有買佢既麵包, 雖然少貴, 但比一般"空氣麵包"優勝. 前天吃咗佢既BAGEL ， 咁今天就堂食吃"Sourdough Toast"。 揀咗煙肉蘑茹芝士奄列. Sourdough Toast, 跟咖啡. 雖然今日是閒日, 但可能這店在沙田新城市廣場內, 近民居,車站, 辦公室, 所以到逹時都巳有不少客人, 好彩舖面都大, 不是太噪, 環境舒服. 安安静静咁嘆個早餐, 奄列夠滑, 煙肉蘑茹都多，但個 Sourdough Toast 凍咗，有啲硬， 失色了!

亞女今個星期測驗放早，所以周圍搵早餐食，順便等放學。呢度正好7:30am開門，簡單買一份黑松露炒蛋三文治🥪、嘆返一杯熱Mocha咖啡☕️，已經好滿足☺️😌《 Simply life 》

同屋企人去食下午茶嘅好去處！去到門口已經見到好多人，最後等咗半個鐘左右！見到食物後即刻開心返，好適合打卡！我嗌咗車打芝士牛肉堡，屋企人嗌雞堡，d薯條真係好好味🤤店員都好有禮貌，值得推！！

舊同學聚會 係新城市地下個層兜左一圈呢間等一張飛就入得🤩拎左飛 眨吓眼就已經入得🛎️餐廳用餐時限75分鐘晚餐餐牌只有一張紙 14款晚餐 有輕盈既沙律🥗 有豐富既all day breakfasts 🍳 亦有濃味既肉眼扒都幾好唔同既選擇💲價錢由$125至$278 不等➕3️⃣0️⃣有餐湯/沙律 配 汽水🥤➕4️⃣5️⃣有餐湯/沙律 配 紅/白酒🥂🍴餐包麵包偏乾身 可以搽多少少牛油🧈🍴是日餐湯🎃南瓜湯🎃杰身 南瓜味夠濃 唔錯🍴烤蘑菇忌廉汁手製闊條麵 •香草燒雞胸 •醋漬野菌係特濃烤磨菇忌廉汁🤤🤤每條麵都吸哂 菇菇🍄既味道 雞胸唔會鞋口 👍🏻面頭幾舊醋漬野菌 帶有少少酸味 幾特別🍴燒黑鱈魚 •薯蓉 •燒意大利黃瓜 •酸豆橄欖醬鱈魚都幾大塊 調味剛剛好 唔會太咸配上一大堆薯蓉 夠哂飽肚 🍹本季限定冰茶酸酸甜甜 帶有少少熱情果既味道 開胃消滯食左超過75分鐘都無被趕走🫣🫢食完仲可以吹多陣水先

沙田間simply不至有lunch set 還有麵包還有精美的甜品，今日去坐，我覺得環境舒服，舖面夠闊，而且還有精美的甜品，今日叫了藍莓丹麥酥食到最中間最層果位還有少量吉事及芝士,中和了之間件餅的甜味，另外我和朋友叫了個烤雞意粉及煎罏魚加上忌廉的味道，魚會很清爽而不油膩。

晚餐時間又到啦，諗緊食咩之際，睇到呢間餐廳出面門口好多人，但多人原因原來係買麵包，不過唔緊要，試吓又無妨，入面氣氛環境都幾好，晚餐有唔同類型，例如有沙律,飯,burger,扒類,全日早餐等，最後點咗羊膝同burger，好快就有食物到，先到係麵包、跟住是日例湯南瓜子南瓜湯，再嚟係羊膝唔羶，肉質軟腍，而burger就配有牛油果蓉，食到好滿足，不過杯本季限定冰茶石榴伯爵就較為失望，冰多又過甜，似飲糖茶多啲，最後要攞杯熱水飲，唔知係個杯清洗問題定佢哋個熱水壺問題，杯中有沉物，呢方面要留意吓。

Simplylife性價比真係幾高$143有餐湯，飲品，主菜。（今日得brunch menu貴咗🥲)好彩份量都唔少！今日食呢個-紅菜頭醃三文魚班尼迪蛋三文魚厚身，都好多跟湯的包，如果係微温會更好，原本都幾好食，好新鮮，只係差啲温度😢食物水平ok平日不用等位可以慢慢食坐在旁邊的位置仲有日光照入嚟，好舒服😌