Simplylife Bakery Cafe

营业中

休息中

之前已經去過金鐘覺得吾錯，事隔一年回港同朋友慶祝生日到此食餐飯。價錢合理，主食份量Ok大，我就叫左個車打芝士磨菇雞肉漢堡，人面塊夾心內算幾大份，而且磨菇都有兩大塊好多好食。配埋舊番茄岩岩好，芝士就咁食多幾啖就覺得有d重口味，蕃茄減淡返芝士既膩！

個看門口的着淺藍色衫的侍應服務態度超差，佢話如果淨係食甜品，只可以食九個字，食lunch可以坐個半鐘，ok！之後我地坐低左，見個餐牌冇野好食，我之後叫另一個侍應攞另一個餐牌過來，我仲睇緊嘅時候，個看門口嘅侍應又行過來，收左我個餐牌😡喂，發生咩事！但咁嘅服務態度真係唔得。啲野食都好麻麻😰，我仲整得好食過佢。我就一定唔會再黎，你們也不要受害呀！

假日想食個簡單brunch, 我們通常都會來這裡，喜歡這裡食物質素平均，又喜歡這裡的冰茶。先來沙律與餐湯，沙律新鮮，味道清新，喜歡有水果，令人更開胃。今天是蘑菇湯，有香濃蘑菇味，配麵包一流冰茶走冰屬指定動作。主菜來了，德國啤酒醬炸魚配沙律和薯條👍🏻幾乎每次吃brunch都點這個，它的脆漿較厚，但不是一層粉和油，很少吃炸外皮的我也喜歡吃，外脆內軟。每次吃這個炸魚，我們必向職員取一碟他他醬，配炸魚柳一流，不點的話會失色哦！沙律和薯條也值得一讚的，椰菜爽脆當中又配少量柚子，平衡了炸魚的熱氣。另外一份是牛肉漢堡，份量不少，牛肉加煙肉芝士蛋，厚厚的，加條酸青瓜同樣平衡了肉的油膩。這個相對於另一款墨魚雞肉漢堡來說是較油也更飽。👍🏻吃飽飽後，有時我們會再買蛋糕回家品嚐，同樣出色，下次再同大家分享。

最愛到沙田的simply life, 環境舒適，服務不錯，最重要是食物質素好，性價比高外，吃東西最重要還是岩口味吧👍🏻今日shopping完又想休息下飲杯野，首選都係呢到， 我們4時多來到，等了數分鐘便有位了。我點了芝士菠菜磨菇農夫包👌🏻$58（tea set)這個比想像中油膩，因為農夫包上塗了一層欖油，但味道也是不錯的。還有這裡的薯條比一般的更有質感，炸得比較硬身，我們都很喜歡👍🏻👍🏻先生每次都是選選了芝士雞肉墨西哥餅$58這個果然值得每次必吃，軟軟的很香口，濃濃的芝士很好吃😋😋最愛這裡的冰茶，比檸檬茶好喝，走冰會比有冰甜少少。休息過後可以繼續再戰😁

Simplylife的蛋糕和麵包櫥窗總是令人垂涎三尺，每每經過也忍不住駐足購買，而對於經常大排長龍的Simplylife，外帶似乎亦不失為一個好選擇。芝士蛋糕有兩款，另一款為藍莓芝士蛋糕，不過相對士多啤梨芝士蛋糕，藍莓味似乎更為常見普通，而且賣相方面亦是士多啤梨味更勝一籌。 士多啤梨芝士蛋糕 ($32)只買一件蛋糕同樣會以輕巧方便的紙盒包裝，裡面更會以紙圈防止蛋糕移位，十分貼心！士多啤梨數量絕不吝嗇，味道微酸，緊貼在厚厚一層鮮忌廉之上，但是實際上芝士蛋糕的部分並不多，只是薄薄一層。與其說是芝士蛋糕，倒不如稱之為切件芝士撻更為貼切，底部其實是較薄的紐約芝士蛋糕質地，結實濃厚。撻底部分並不香脆，質感彷如沾濕了水的泥土一樣，牛油味道亦不算濃郁。不過整件蛋糕的比例也就有點失衡，忌廉份量之多甚至比底層芝士撻部份更厚，雖說士多啤梨的清新能夠中和不少，但是整體而言也未免過份膩滯了。賣相的確是美得令人心花怒放的一道甜品，不過味道方面就有點令人失望，但是其實餐廳其他蛋糕和麵包味道亦不錯，只是相對之下這次嘗試的士多啤梨芝士蛋糕便更顯失色了。

環境： 裝潢高雅不俗套， 似高級餐廳和優閒cafe 的混合版，給人舒適的感覺。座位間保持適當距離，不會擁擠。光線微暗，足夠營造高雅感。食物：+30蚊有湯同果茶送。前菜面包用上自家bakery 部們的法包。面包挺鬆軟，不過胃小的朋友別吃太多，易飽。餐湯係蘑菇湯，用料十足。蘑菇味夠但稍嫌太“杰”。感覺似飲蘑菇汁，少少失望。餐飲橙茶，只用左1/4 個橙。橙味唔夠。不過都算係比凍檸茶特別既。意大利飯的煮法。用上糙米配牛尾。 口感出奇地配合。平時唔係太鐘意意大利飯，因為每次都覺得膩。同時本身都食唔慣糙米，因為總覺得“孩”口。呢個飯完全唔會有呢D感覺，非常開胃。可惜缺點係份量太少， 睇落好似好多但其實只係一個平面咁多既飯，稍為大食D都唔夠食。推介汁好有松露味，唔會覺得太稀或太結配料蘑菇份量足夠，啖啖蘑菇肉。闊條面係咪自家製就唔知但口感十足， 面也充分吸收左醬汁既味道。推介賣相在配菜的襯托下有8，9 分叫左medium cooked, 切開之後的確差不多。熟度做得ok。肉眼雖然唔係prime grade, 肉味充足，唔會“孩”口，肉汁亦豐富。選材冇馬虎。配菜方面顏色紅綠橙配合非常好，有D心思。蘆筍略

未夠鐘睇戲食個下午茶先環境舒適蘑菇雞肉漢堡雞肉唔'鞋' 好juice好似薯格既薯條 最鍾意食素黎新鮮菇法包午餐$55麵包軟熟 唔好睇佢咁多芝士好似好漏咁其實一d都唔漏架凍熱咖啡各一杯飲咖既人最怕飲到苦澀既咖啡呢到既咖啡就唔會啦兩個字 香滑！！順帶一提 員工服務都好好呀

生日飯，一早用app 拎飛，去到就有位。限時個半鐘！ 入到其實好嘈。唔打緊，熱鬧。四個一人點左一個set!今日星期六有brunch set清一色叫左沙律，有塊橙幾fresh, 青瓜酸酸的，開胃，至於包就普通，不太好。Beef burger 薯條超好食！不油！個漢堡好大份，勁飽。個可以再香d.冰茶幾特別。茶味出

吃過晚餐後時間尚早，想起simplylife晚上會有麵包特價，便來買麵包做早餐。八時來到時麵包pack已只剩3袋，二話不說就買了，原來價值$35-45，晚上特價一律$25就有三個漂亮麵包。若早點來可能還有其他麵包款選擇呢。三個麵包都是酥皮：朱古力可頌: 朱古力coating包裹著半個包的底面，是將焗好的croissant dip落去朱古力fondue。用上不算濃的黑朱古力，微甜而帶點澀身，不會太膩。Croissant富牛油香，酥皮做得夠層次分明。朱古力香蕉酥: 朱古力碎撒面，方形酥皮香脆，絲絲內層包裹著新鮮mashed banana，處理得宜不但沒變色，還很軟綿，加上朱古力跟香蕉是好拍檔，這個是三個中我最愛的麵包。奶黃雪山: 雖叫奶黃，但裡頭的涵料更像吉士，是較乾身的那種，味道完全不artificial不過甜，反有點奶香。外層酥皮一貫香脆，其圓身的造型令酥皮絲也隨圓心方向轉，面層有一些更脆的幼圓硬條加添口感。買麵包時被蛋糕吸引過去，每款都很大件和足料，忍不住買了件回家。 就算只買一件，員工也很好態度幫你入盒還給了印花袋，包裝得很漂亮。簡單利落的紙盒貼上印有店名的膠紙條，一打開看見蛋糕完

今日下晝整完頭髮後，食左嘅朱古力丹麥條，丹麥條系好多層，鋪上糖漿，朱古力醬和朱古力粒，一齊食口感好酥脆，食到朱古力嘅味道。系好食嘅，不過好熱氣食完喉嚨疼了，要多飲水先得。

好彩有apps 攞飛！係沙田最好嘅嘅！原來佢地嘅包要再叫係要加錢！覺得有d 寒酸lor, 好小餐廳要咁！牛尾會飯！會忍約食到.....牛尾碎! Wahahahaha ha! 真心覺得佢地要寫明係碎lor! 唔夠細心！係食唔到嫁😂 個飯好有咬口，口感唔錯！因為用左2-3種米！ 但太咸！係好咸下！再叫左2個 creamy past! 冇錯！好似樣！味道都好似！其實simply life d 野食個味係真係唔差！但係越黎越冇heart! 服務態度又唔好！

今晚想食牛柳，決定到simplylife食左個牛柳晚餐 牛柳我要7成熟，出黎效果好正，外圍可以用脆口形容，裡面好琳好滑，每一口都濃濃嘅牛味，好滑加埋黑松露汁，和胡椒，更加惹味薯仔好琳好原味，南瓜好正，，外皮脆嘅，南瓜肉好琳，好甜，平時⑤食南瓜嘅我都食曬，呢個面包我好嚼頭，煙煙韌韌，裡面有粗糧，好健康

今日路過simplylife，好多精緻嘅麵包，賣相好靚，一定要滿足自己嘅口福朱古力栗子包鬆鬆軟軟，口感好有嚼頭，表面有原粒朱古力豆，豐富了整體口感，朱古力味好濃，裡面嘅栗子蓉甜甜地，好重栗子味超正吖

老公知我一向想食Simplylife 既面包，今日一次過買左5個比我！首先食既係吉士條。 以為只係普通面包包住d 吉士醬， 點知一咬脆扑扑，點解呢？！ 原來吉士條上面果d 横紋係焗脆左既芝士！成個包變到好有口感！好驚喜！！！其他包等到第2日先食，朝早用焗爐焗熱左個牛角包做早餐。 非常鬆脆，而且唔太油。 相比東xx , A 數字果d 都10 蚊以上一個，我會揀呢個9蚊既simplylife 牛角包放工番屋企就焗埋呢個吞拿魚穌。 吞拿魚包，成日食，但 吞拿魚穌就唔係成日食到。 d 吞拿魚唔會太乾又唔會成啖罐頭咸水， 但略嫌吞拿魚唔夠多。 但個包都係好好食！最後試呢條榛子千層穌。 老公話排佢前面買包既個個都買呢條。 果然， 穌皮好脆，而且榛子醬濃，但又唔會好甜！ 難怪甘多人買！總括黎講， 我最怕面包太咸/太甜， Simplylife 真係非常適中，好岩我口味。 其實依家落街市買個老翻豬柳漢堡都要8~10 蚊，又大塊咸豬柳同大pat 沙律醬， 我寧願揀有誠意少少既simply life!

今日差不多兩點半先有機會吃午餐，朋友提議去 Simplylife，估不到過了午餐時段仍然大排長龍，不過朋友想吃唯有餓着肚子等位吧，幸好取飛後可以周圍逛逛。每次踏進帶有歐陸風味的 Simplylife 最期待的便是他們新鮮手製的麵包，配以是日餐湯 — 蕃茄湯，酸酸甜甜很濃郁，感覺開胃健康。主菜共有十幾款選擇，雖然來過好幾次，也未能完全試過他們所有的主菜，今次選擇了以前從未試過的香煎鰽魚茴香有機糙米飯。 曾試過購買茴香烹調食物，細細個的茴香價錢並不便宜，這裏卻絶不吝嗇竟然不是把茴香切碎象徵式放在碟上，而是把它切成小塊上碟，我當然不會浪費，以它伴與煎得香脆的鰽魚一同吃，另外也很喜歡有機糙米煙煙韌韌的質感。朋友則點了炸魚薯條，賣相不錯，炸魚的粉漿也不太厚，朋友給我試了一口，卻發現已經擠了檸檬汁的炸魚完全沒有味道及幾重雪味，如果可以配以Tartar Sauce 味道應該會好些。另外想彈的是不知何解這裡飲品的杯子總是又花又殘的， 雖然不會影響飲品的質素，但一向走型格而不失高雅感覺路線的 Simplylife，無謂因為這些小瑕疵而被降格吧！