Simplylife Bakery Cafe (已結業)

中學時期已經好鐘意simplylife每間Simplylife 環境都好舒適,非常適合約三五知己食飯傾下計我相信Simplylife最有特色一定係橙茶，最近仲新出西柚茶，能夠保留水果的味道，甜度適中，我個人十分喜愛。由於所有食物都係即叫即做，所以每次上菜都一定熱騰騰！ Simplylife 的麵包蛋糕都十分出名，好多人都會額外買麵包！由麵包，湯，主菜，蛋糕 至飲品，我都覺得Simplylife 配搭得十分好

好友相聚傾計多過食嘢 ；只求環境舒適， 食物味美固然更好！ 今次揀咗九龍灣 Simplylife， 貪佢放工就在附近😍食物方面揀咗3款 ：- 燒黑鱈魚。薯蓉。燒意大利黃瓜。酸豆橄欖醬- 美國自然穀飼豬扒。奶油瓜蓉。牛油松子。自家製意式乳清芝士- 烤蘑菇忌廉汁手製闊條麵。香草燒雞胸。醋漬野菌配 紅蘿蔔忌廉湯 / 沙律 + 冰柚子紅茶/汽水份量似輕食🤪 但每款味道都不錯😋其中最愛烤蘑菇忌廉汁， 就算食豬扒、薯蓉都要沾上一併舔乾（但由於朋友點餐時要求汁與意粉分開上，影相時又忘了一併同影， 今次就只能聞其美味而未能看到了🤪）🤣🤣🤣

今日難得同媽咪，我1家5口，加埋我妹全部人去到德福行街，行到咁上下喺度諗因為係假日，怕會好多人等位不如早啲食飯，咁又咁岩諗起早排我喺葵芳新都會嘅simply life 食咗幾件好好味嘅蛋糕，想喺度試吓再食多次，所以就黎左呢度食晚飯。點知入到去其實啲侍應嘅招呼都麻麻哋，好似唔係好想做生意咁，一眼望落去冇放蛋糕嘅雪櫃，得返一堆堆嘅麵包，原來呢度係冇蛋糕食只係有麵包買。有少少失望，不過唔緊要啦入邊嗰個裝修好靚，氣氛一流。有一種fine dinning 感覺.一坐低等左大約幾分鐘侍應先至將餐牌拎上嚟，我哋等咗好耐都唔見到有侍應針水但係枱面呢就每人都會有一隻水杯，我哋呢就諗住睇吓係咪遲啲先會有人針所以我哋決定叫咗嘢食先。點知落完單之後侍應將所有杯收起。每一個主菜加＄18就可以得到餐湯或沙律加飲品。呢一個係是日沙律，沙律嘅醬汁係油醋汁，但係偏酸，食到個個都me埋眼。佢有少少沙律菜，加上面嘅橙肉同埋一塊青瓜就冇其他啦。是日餐湯係要我地問侍應係呢佢先至答，今日嘅餐湯係甘筍湯，上到黎見到甘筍湯入邊除咗甘筍之外仲有藜麥，有芝士粒，有一兩塊嘅薄荷葉。湯幾重甘筍味，感覺不錯。老公叫左個芝士煙肉漢堡包，佢話中間

高格局，高品質！這個母親節相信媽媽無意見喇掛餐湯尚算滑口，醒胃沙律酸酸甜甜正好打開悶熱天氣的胃口👍$38 跟餐價凱撒沙律，今次有點不同，我平常最喜愛這裡的蟹肉沙律青蘋果，這家的口味與沙田個間分店有些不同可能師父各有不同喇。白酒煮蜆辣肉腸手製意大利粉煮蜆鮮甜，辣肉腸有口感，最意外係個意粉果然手製係有點不同，口感煙煙韌韌咬落仲好香麵粉味道😋$138茄香燒虎蝦手製螺絲粉，汁料香濃虎蝦彈牙👍$138牛扒為左就阿媽所以要七成熟，好彩都太鞋口仲豐潤而不膩添😋$208

父親節晚飯，為了避開長長人龍，我們選擇了食個 early dinner 慶祝。由於開飯時間尚早，等了3分鐘左右，就有位了。正！先來一個 Simplylife 招牌餐包，麵包自家製，出咗名好食，每次食完都會好滿足又開心。「慢煮紅酒肉碎手製闊條麵」本人覺得太鹹，一路食，一路飲水。其實佢啲牛肉、芝士、闊條麵，各自都好食。未知是否廚師今日開心得滯，所以重手左。「燒紐西蘭羊扒 · 燴茄子 · 香草燒薯」羊扒非常好食👍🏻👍🏻👍🏻，今次點左七成熟，初時有點擔心過熟，因為以往在其他餐廳嘅經歷，order七成有時會太熟，浪費左啲羊扒。今次啱啱好，真係好好食。配料都好正！其實 Simplylife 一向啲配料都好有水準，本人每次都好放心。

今晚去完觀塘問米🧞‍♂️ 請喬布斯🧛‍♂️上黎解答完問題後 同老公返九龍灣食飯 佢就想沙bu 🍲🍲沙bu 但我又唔想 去下就近he simplylife 🥐🍤🍝都唔錯 於是冇聊猜 ✋🏻✌🏻✊🏻 猜贏話事 ✌🏻✌🏻哈哈睇標題就知係我贏啦 呢到唯一唔好就係灯光唔好 影出黎毫冇吸引力🤧🤧🤧

位置上 simply life 係德福成個商場最尾端 好像你搵完成個商場都冇野好食個陣 都仲有一間點都唔會難食又質素好好 gei 留比你 星期六 就係係以上情況次下 再一次走進 simply life 不過 weekend 冇 tea set 又係貴左 D 叫左 一個午餐 138 HKD  面包保持水準 加牛油點湯 食極唔厭 牛油果 牛肉 burger 配搭幾新鮮 burger 份量都滿足到食肉獸  

之前一直好喜愛佢地既西柚冰茶 裡面真係有大大舊西柚 今日去買佢地既早餐 叫左西柚冰茶居然轉左款冇西柚 話得番又一城分店有 成杯野得冰 同 糖水既味 賣緊同樣價格 非常冇誠意 以後不會再幫趁

今日係公司附近經過simplylife，比門口既牌寫住"每日新鮮手工麵包"既字吸引，於是入去看看有什麼麵包款式。入到去見到麵包玻璃櫃中排列各式各樣既麵包，每款麵包都會寫上用什麼麵粉製造。他們用的麵粉分別是日本麵粉及法國麵粉。我選了蘑姑金必文芝士包，並叫員工幫忙翻焗，因為芝士饀既包一定要熱呼呼才好味等了五分鐘就完成翻熱。立即坐係附近好好享受，麵包微熱岩岩好，摸上手好挺身，咬一口包身外脆內軟，芝士餡半溶，包面仲有些少黑椒碎點綴，與入面既蘑姑好夾。不經不覺就ko了一個包，而且食完仲更加開胃同肚餓，唯有拿拿臨返屋企食晚餐醫肚

因為本身都幾鍾意呢間餐廳，（係，我知佢係美心既，因為我用美心親友優惠😂😂😂）因為環境裝修幾靚幾好坐，基本上我早晚三餐都會黎食。但係幾鐘意佢都好，可唔可以轉下menu🙈幾鐘意食都會厭送既包包，依然係兩黑糖，一芝麻😂使唔使咁貫徹始終呀。包芯軟但包皮韌左喇🙈連餐飲既冰茶都仲係西柚冰茶😂😂雖然好飲但可唔可以多個選擇呀紅酒牛尾紅米飯，個汁做得幾好，肉味濃得黎啲肉唔韌（但得幾舊）有塊山羊芝士響面但個飯唔夠熱令佢溶，唔熱個basil leaf發揮唔到味道。個匙一插落去，又被fake🙈個碟係無深度架😂😂😂😂😂呢個份量真係雞仔胃既女仔食都唔會有飽既感覺羊膝個賣相真係愈來愈hea~本身鐘意食羊，肉汁味同羊都夾，肉質都軟，size唔算細但都唔大份，個薯蓉係薯粉開既，無所謂，夠滑身就好但牛油味再多少少就更好。之前都仲有片炸煙肉而家無埋。用美心員工親友優惠平左，晚餐都係唔夠飽🙈

今日午餐在九龍灣食，經常經過，但一次都無食過，所以入去試下。午餐時間都要等下位，但餐廳都幾闊落，所以好快有位。有午餐set，所以選了雜菌寬條麵餐，餐湯跟麵包，麵包外脆內軟，都唔錯，餐湯都幾濃。但寬條麵有點失望，麵份量有點細，麵質太稔，而且醬汁同餐湯的差不多，所以感覺有點單調。餐湯要了西柚茶，足料但有點澀。期望太高，失望就越大。

happy Friday 諗住食好啲， 全班同事就去simplylife度食晏 唔會講笑真係超多人， 門口企咗大概二十個人左右， 好彩我哋有人一早用app攞咗飛， 等咗十分鐘左右就到我哋啦set lunch 劃一收費， 全部都係92蚊，主菜加湯/沙律！ 有鱸魚， 意大利飯， 意粉同burger， 我就揀咗個芝士牛肉漢堡！ 分量超大， 見到都即刻俾佢嚇親 塊牛肉勁厚勁juicy, 而且側邊有勁多薯條， 加埋佢連湯送嗰個包， 呢一餐食真係食咗超多碳水化合物！！ 環境幾好，服務都幾好， 不過張枱真係太細，擺唔曬啲嘢食

終於在屋企附近開了simplylife, 以前呢個位既舖頭咁多年來總是黑黑暗暗，而家終於「見光」了。屋企一行四人在星期日的早上來食brunch, 已退休的爸媽話平日星期一至五similar menu 平二三十蚊。oh...是日餐湯係磨菇湯～明明叫了香草雞肉沙律，但成碟野好似一堆菜咁杯冰茶店員話係「橙茶」，淡而冇味；牛油果醬牛肉漢堡不過不失啦～南瓜栗子有機糙米飯香煎鰽魚茴香有機糙米飯食物水準比其他分店遜色，現場環境唔算太多人，星期日多一家大細，細路們難免嘈到拆天

本來預備去Mega Box食早餐！！但經過九龍灣嘅Simplylife Bakery Cafe覺得係這裏食早餐都好似幾吾錯吖！！環境優静又寬敞！！今日可以係到睇吓書, 嘆吓咖啡啦！！我叫左草莓丹麥酥同Latte, 草苺丹麥酥外形又靚又好味！！甜味剛好！！香香脆脆的！！仲有糖霜灑滿係草莓丹麥酥表面, 中和左D酸味！！好細心呀！！Latte好Creamy, 好幸福呀！！男友人就要左牛角酥同香橙吉士包！！仲加埋杯Cappuccino, 因為一個酥對男士來講真係吾多夠食！！牛角酥好夠牛油香！！香橙吉士包都好味道！！Cappuccino 就甜味不太夠！！不過只係用左幾十蚊, 兩人渡過左休閒嘅半天！！我覺得抵晒囉！！

如果唔係有朋友搵位，應該都唔會有機會食呢間野，呢間野何止長龍咁簡單，簡直係打晒蛇餅🤦🏻‍♀️好彩咁啱有朋友唔使返工，過嚟搵埋位約我哋食飯所以我哋先唔使等，不過佢等左幾耐我就冇問🤭大家又係每人一個餐share下啦凱撒沙律最緊要D菜夠新鮮意大利飯啖啖芝士有咬口波菜麵最驚喜，雖然個份量就少咗啲🙁魚枊漢堡個麵包好鬆軟仲有個汗咗嘅蕃茄餐前個湯都好好味，夠熱，仲有小小芝士碎係面賣相其實嬴哂，味道當然不俗，環境又舒服又寬敞，所以點解打蛇餅囉