Siam 28

营业中

休息中

.發現銅鑼灣高質泰國🇹🇭菜午餐仲要唔駛加一好抵食又坐得舒服又唔係好迫.我揀咗招牌船麵 (小辣)好大碗好足料有豬紅有菜有豬肉丸有牛肉片仲有啲脆脆湯底濃郁只係有少少咸隨餐可以以優惠價加配小食分別叫左蝦餅，串燒，白鳳爪，豬頸肉串燒我覺得係必點的 🍢🍡唔知點解可以咁lum 同juicy 😜豬頸肉都燒得岩岩好小食都好惹味 🤤🤤.野飲都包埋！！！所有野加埋每人都唔駛$100!!食到好飽！性價比極高 🤍😊可以做午市飯堂

因為要去捐血，所以中午要食得豐富啲，Siam 28之前晚飯食過一次都唔錯，估唔到星期六日都有午餐，平均$100一個人，非常抵食，地點仲要好方便，可能樓上鋪少宣傳，中午只得幾枱客。🥢檸檬茶+蝶豆花茶 （餐飲） ⭐️⭐️⭐️⭐️我淨係試咗蝶豆花茶，有蜜糖跟，加咗幾香幾清甜，感覺好健康養生，不錯選擇。🥢冬蔭雜菜湯 (餐湯) ⭐️⭐️⭐️⭐️識揀梗係揀冬蔭雜菜，好香好濃又多料，唔食辣嘅我都飲到。🥢泰式咖喱軟殼蟹配薄餅 $78 ⭐️⭐️⭐️⭐️雖然係泰式咖喱，但一啲都唔辣，仲好香好惹味，媽咪食到lam lam脷，軟殼蟹有3件，炸得香脆可口，而薄餅就有5塊，夠酥脆唔油膱。🥢椰汁肥牛金邊粉 $78 ⭐️⭐️⭐️⭐️個椰汁湯係超級泰式同超級香濃好味，金邊粉仲非常掛湯，肥牛有6、7塊但就肥咗啲啲，配料幾豐富，有豆腐、菇、生菜、車厘茄等，成個餐份量都幾大。🥢炸蝦餅 $25 （追加小食) ⭐️⭐️⭐️⭐️加少少錢就可以試到好多款少份量小食，炸蝦餅又熱又脆又爽口彈牙，size都唔算細，最緊要係有蝦味，好好味。🥢芒果配煎糯米飯 $28 (追加甜品) ⭐️⭐️⭐️⭐️貪心試埋呢個甜品，因為唔係周圍食到煎嘅糯米飯，感覺幾香口同無咁膩，最重要係椰汁夠香夠杰身，而芒

店員服務細心貼心非常週到，menu好多特色泰菜，泰啤亦有優惠，整體食材服務都係幾高質。經典生菜包，今次就簡左特別d既鴨肉做base, 感覺更加重肉香，鴨既油香感覺夠濃郁。好入味！還有其他香葱洋葱等配料，味道超正，比起豬或雞做base更加香濃，超推！泰式蟹肉冬菇冬筍羹，個羹幾香甜又夠熱，冬菇相當入味！蟹肉亦有提鮮感覺。份量都幾多可以飲到幾碗，相當滋潤！馬莎文咖哩牛腩配薄餅，牛腩有好多，粒粒都幾大粒，唔會乾身亦無痴牙，用薄餅包住食幾入味，而咖哩亦唔會太辣，帶有陣陣既花生香味！總之幾好食幾惹味！炒鮮蝦金邊粉份量又係大大碟，鮮蝦夠大隻亦幾彈牙，金邊粉炒得幾有鑊氣，味道夠濃郁，加上青檸汁更加提鮮，不得不提旁邊既泰國芽菜好清爽，好有水份。

約朋友食飯，朋友推介呢間😗叫左個SIAM 28 小食層層架（二人份），有5款小食：芝士蝦餅、素春卷、泰雞翼、沙嗲雞、泰豬肉腸芝士蝦餅好邪惡好正🤤，春卷同雞翼炸得夠晒脆，沙嗲雞串好惹味，豬肉腸酸酸地味道幾特別青木瓜沙律平時好常見，炸青木瓜沙律真係未食過😳，青木瓜沾上薄薄粉漿，炸得酥脆，再點埋自家製酸辣醬汁，越食越開胃🤤泰式濕炒海鮮”停頓”之麵，賣相夠晒特別🤣麵炸得好香脆，海鮮同蔬菜超多👍🏻甜品揀咗榴槤春卷，榴槤味超香，春卷皮好脆，一咬落去榴槤餡咇晒出嚟😋飲品揀左冬瓜龍眼茶，甜度剛剛好，龍眼味好夠👍🏻喺OpenRice book 枱，啤酒半價，點可以唔叫😌連杯都雪埋👍🏻👍🏻👍🏻埋單仲送coupon 下次可以用😱

今日夜晚有啲想食泰國菜，所以嚟到呢度食飯😆Siam 28係喺樓上，窗口位可以望到銅鑼灣夜景，佢哋嘅食物款式都幾多，今次食嘅全部都好高質☺️燒豬頸肉🐷$99豬頸肉煎得焦香，肉質肥美，配埋個醬食一流🤤炸軟殼蟹伴紅咖喱蟹肉汁🦀配薄餅4件 $188軟殼蟹份量好多，炸得啱啱好，而且仲食到蟹膏，真係好好食😍個薄餅就可以配埋紅咖喱一齊食蝦醬炒飯🍚$122落咗蝦醬嘅炒飯香辣惹味，令人忍唔住一啖接一啖🤩另外仲配埋炒蛋、臘腸、腰果、肉鬆等嘅配菜芒果煎糯米飯🥭$89食泰國嘢一定要嗌芒果糯米飯😆但呢間就比較特別，糯米飯係煎嘅，食落幾得意，而且芒果都幾甜😋配埋椰汁食夠晒經典

今日天氣轉冷想食啲熱辣辣嘅嘢，去左銅鑼灣呢間泰國餐廳食個me time午餐🍱🥢餐湯要冬陰功湯，酸酸甜甜，正宗泰國風味🥢泰式船粉配豬- 船河最試到一間泰國餐廳嘅功夫，呢個船河同我響泰國食嘅風味差唔多，水準好高👍🏻份量都好足，配料有豬紅，魚蛋，豬腩肉，特別係面頭嘅炸豬皮，非常香口，配合船河獨特湯底，暖粒粒，好味道❤️🥢追加小食要雙拼，叫咗炸蝦餅同沙嗲雞串燒- 蝦餅新鮮炸起熱辣辣，好厚肉，蝦膠成份好高🫶🏻沙嗲雞串燒燒得啱啱好，雞肉唔會柴，面頭食得沙嗲花生香味😋🥢飲品，梗係要試吓佢嘅泰式咖啡少甜- 店員細心，俾我自己加糖加奶，咖啡香濃好精神🥢甜品係芒果配煎糯米飯- 呢個係佢嘅招牌甜品，基本上每台食客都一定會叫😆糯米飯煎到煙煙韌韌，配埋酸甜芒果，係一個好好嘅飯後甜品，回味無窮🍧

午市套餐送湯：冬陰功 或 泰式清湯 另外仲可以 $22加兩款泰式小食。湯每樣叫左各一 另外+$8 叫左菠蘿青檸同苿莉綠茶。冬陰功夠sour 有好多蔬菜 又唔太辣 非常開胃 。 泰式清湯第一啖令我諗起媽媽牌湯麵慨湯底 後勁胡椒味重。 今次都係叫返 泰式咖哩軟殼蟹配薄餅 $78Curry 比較杰身keep 到水準 唔算太辣 點手抓餅食一流 如果一個人食慨話好易就會飽炒鮮蝦金邊粉 $98炒金邊粉好正宗好夠味 仲有三隻新鮮大蝦哈哈哈🦐🦐🦐最愛芒果糯米飯 呢度仲要煎香左一塊塊糯米餅 夠哂特別～

黎咗咗多年，都一直保持良好水準😆 最開心係佢飲品做緊優惠，抵飲好多🥢炸青木瓜沙律配自家製醬汁今次就轉食呢個炸青瓜沙律🥗擺盤精緻，旁邊自家製醬汁仲有兩隻大蝦肉。 炸青瓜咬落脆脆地，再連埋醬汁酸酸甜甜，清新又開胃🥢香茅雞脾菇蛋碎生菜包用上了雞脾菇一來可以當做素食，另一方面又不會似肉碎乾爭爭，再用來包生菜葉，食起黎剛剛好。🥢紅咖哩燒鴨 配薄餅甜都甜地不太辣，用上燒鴨令味道散發與別不同香味和口感。配薄餅食起黎味道都唔錯👍🏻🥢芒果煎糯米飯香煎後糯米比較乾身，減少了黐立立感覺，食起黎冇平時太滯感覺。果然值得order～ 🥢飲品半價，茶類特飲味道唔錯

今次同朋友去到呢間餐廳食泰菜，好正！餐廳就係銅鑼灣MTR站附近，地點非常方便，而且餐廳環境舒適，菜式 & 飲品有多款選擇，食物都好大份，今次大飽口福！
香茅雞脾菇蛋碎生菜包 一款好特別嘅生菜包，以香茅雞脾菇代替肉碎，香辣又美味！用手拎起生菜，放配料係上面，再捲好放入口食，一啲油膩感都冇，而且有多重層次口感，正！脆炸牛舌伴泰式海鮮醬好推薦呢款小食！非常惹味，配啤酒一流！
外脆內厚實的牛舌，再沾上美味泰式海鮮醬，超級邪惡！令到味道更加香口，酸酸甜甜好開胃。黃咖喱牛腩配薄餅黃咖喱香而不辣，味道香甜，食到淡淡嘅椰汁香。而且牛腩煮等軟腍，香氣十足。烤薄餅酥脆香口，點上咖喱汁，十分夾配又美味！炒鮮蝦金邊粉十分有賣相嘅炒鮮蝦金邊粉，上面有新鮮又爽口嘅大蝦，仲有一片雞蛋網包住金邊粉，製作得非常有心思。另外，仲配備咗辣椒碎、青檸、花生配料，可以按自己喜好口味加入。金邊粉炒得乾身， 質感帶點彈牙，酸酸甜甜好開胃！
飲品
有好多選擇，晚市餐廳仲有做Singha 啤酒、紅白酒半價，我哋今次點咗泰國啤酒口 & 蜂蜜香茅茶，泰國啤酒口感清爽又解膩，食泰菜最佳配搭；蜂蜜香茅茶養生首選，可以自行加入蜂蜜份量，味道清香

二人小食層層架泰國菜最愛的炸物和串燒拼盤!首先有兩個超巨大的芝士蝦球,啖啖都是蝦肉!沙嗲雞串沾上醬汁好惹味,另外還有素春卷,泰式單骨雞翼和泰豬肉粒,每一樣都十分美味,誠心推介的前菜。泰式牛舌芯原來泰國菜都有牛舌的菜式,這間餐廳相當有心思,將4種配料額上奉上,牛舌芯就切成片,自行決定醬汁的搭配和份量,令人大開眼界的創新泰國料理~帕能咖哩雞配薄餅鹹鹹甜甜的帕能咖哩少不了椰奶和檸檬葉的調味,配上健康的西蘭花球及雞肉,再用香脆的薄餅包住食,比青紅咖哩更為出色~芒果煎糯米飯這道甜品是此店的招牌,年輕的老闆極力推薦!把糯米餅裹上雞蛋汁,像年糕一樣輕煎,形成金黃色的酥脆外皮。內部的糯米飯非常柔軟香口,而配上椰汁突出甜中帶咸的口感。甘甜的芒果切成條狀十分清新,作爲今晚泰國菜的甜品簡直是完美👍🏻Follow餐廳社交平台可以$22加冬季特飲，揀左龍眼冬瓜茶&青檸菠蘿蜜。

喺銅鑼灣想食好味嘅泰式料理，今晚我同朋友都想食辣嘢，又想坐得舒舒服服，今晚嚟到Siam 28，價錢合理，食物款式選擇都多，最緊要係份量足夠，啱晒我同朋友都算大食！呢度嘅夥計都好有人情味，同佢哋傾多幾句，都唔會覺得有拘束嘅感覺，我就搵佢哋推介咗幾款唔同嘅小食同主菜，食落都幾啱心水，大家都可以參考一下。入門之前嘅感覺有啲似西餐廳嘅浪漫氣氛，因為12月嘅時候仲掛咗唔同嘅燈飾，配襯返泰式嘅爐頭等等，我個人就一定介紹食吓佢哋嘅咖喱雞同生菜豬肉，夠晒香口，而且咖喱甜甜地襯埋薄餅真係好滋味濃郁，同埋個青檸魷魚真係冇得輸，作為前菜真係鮮甜得來又帶有青檸香辣嘅酸酸地，會令到你更開胃！沙津亦都係每啖帶嚟香濃嘅滋味。我當日就點咗馬沙文咖哩（牛腩，雞，豬或什菜）配薄餅，我揀咗咖喱雞。甜品點咗芒果糯米煎餅，香煎出嚟嘅糯米煎餅真係好少喺出邊食到，淨係呢個甜品已經足夠令我返嚟食多次！而且芒果好有質素唔會因為冬天而太酸，仲食到果肉甜甜地！睇嚟老闆有揀過🫶🏻呢樣真係10分抵讚👍🏻

最近發現銅鑼灣食lunch好地方，味道幾好之餘重要唔使加一！❣️lunch有迷你鍋選擇，雖然話迷你鍋，但都好足料！雖然免加一，但服務好好🥣套餐配上冬陰雜菜湯，估唔到係幾出色！湯底多料，好多菇，唔算好辣，味道偏酸，入面仲有大大粒菇，真係幾好飲！🍲泰式鍋物- 椰汁湯底 配 豚肉片$78- 迷你鍋配上椰汁湯超濃香，味道甜甜地帶有椰香味。估唔到$78有成5-6 片豬肉，肥瘦均勻、肉質唔錯- 鍋內仲有好多配菜：金菇、生菜等，將粉絲放落去，吸曬湯底精華，正！🌟炒鮮蝦金邊粉$98- 賣相精緻之餘，炒得夠香口，同樣酸味較重🥭芒果煎糯米飯（2件）（加$28） （推介！）- 真係幾特別嘅甜品，煎糯米飯外層脆，但口感煙韌，配上甜甜地，果香味濃嘅芒果，味道唔錯飲品仲可以點椰青同青檸soda 等，驚喜嘅係，青檸soda好香青檸味，夠refreshing！

今晚同朋友去銅鑼灣澳門逸園中心28樓Siam28吃泰菜，滿意。今晚有人訂了枱慶祝生日，餐廳氣氛很熱鬧。年青的侍應有效率，服務態度好，亦樂於介紹食物給客人，座位舒適。平時食泰式生菜包都有肉，今日揀了一個素食版本。香茅雞髀菇蛋碎生菜包比預期好味，香辣有新鮮感又較健康，值得一試。食泰菜怎少得小食拼盤。二人小食層層架好抵食，有芝士蝦球，素春卷，泰雞翼，沙嗲雞串和泰豬肉腸，各有特色風味，都好惹味。平時睇食評見到泰式濕炒海鮮停頓之麵好吸引，今日终於有機會試下。這麵除了打卡一流，食落都好味道，海鮮配料足，麵有咬口淋埋海鮮汁啱我口味。飲品推介龍眼冬瓜茶和青檸菠蘿蜜。食到好飽人均消費$200左右，性價比高。

食物美味且定價合理，菜式較其它泰菜餐廳特別，因此會回頭試其它較少見的菜式。青咖哩以鍋上，用火烘著，個人非常喜歡青咖哩的味道，因此必定好評，雞肉亦嫩滑，稍嫌雞肉份量偏少。沙嗲半打，有豬、牛、雞各兩串，份量有看頭，醬料惹味，當中以豬肉和雞肉的肉質尤佳。泰式濕炒海鮮停頓之麵的賣相滿分！食物上枱後先讓客人打卡，打卡過後侍應生會幫忙移走筷子，建議先試香脆的炸麵，之後才蘸汁同吃。芒果煎糯米飯超讚！！芒果香甜，糯米飯外脆內軟，必試之選。無酒精飲品荔枝花園一般，這回重手了，過甜。泰式凍奶茶美味，濃濃的手標茶香。力推芒果煎糯米飯，其次泰式凍奶茶和泰式濕炒海鮮停頓之麵亦值得一試。服務方面，有一位年輕小伙子特別有禮勤快👍🏻

週日氣溫快速下降至十度左右，又要吃火鍋取暖位於崇光百貨附近一食廈的泰國餐廳最近推出泰式小火鍋大大的落地玻璃窗，空間感十足，更可欣賞到鬧市景象主打創意泰菜，裝潢柔和舒適，清雅得來富時尚格調聖誕佈置別出心裁，讓人沉醉在節日節氛之中泰式鍋物自選湯底、主菜及配料！海鮮內有大蝦、青口及魷魚等午市套餐Siam海南雞可配油飯、白飯或湯金邊粉餐湯可選泰式清湯或冬陰雜菜！清湯湯汁清澈追加小食炸蝦餅即叫即炸熱辣辣，外脆內軟無油膩燒豬頸肉肥美爽口，加上少少酸辣汁很開胃芒果煎糯米飯外層以蛋汁煎過，充滿陣陣蛋香套餐加$8可挑冬瓜龍眼茶，不會太甜，冬日之選加$12有凍龍眼茶，龍眼肉粒甘甜爽口，解膩又消滯