Sense Cafe (已搬遷) 新店位置

星期四的晚上約7:30，店內未算多人，約半滿。環境不錯，木色梳化椅，坐得舒服。等待了約15分鐘的綠茶心太軟(Green Tea Lava Cake)，終於熱烘烘的送到台上，先品嘗它的美【色】：綠茶雪糕、紅豆忌廉、高杯狀的心太軟成一字型排開，賣相其實比較普通，雪糕看似是近牛奶味(即綠茶味不重)，心太軟是軍綠色。【香】：上台一刻，其實沒什麼香氣。然而，手掌放在心太軟2cm上，還感受到其熱力。【味】：先品嘗綠茶雪糕，有淡淡的綠茶味（但未能用香形容）。OK的切開心太軟，還沒有“岩漿”流出來。流心度：約只有3成外層脆口度：很弱，麵粉味。麵粉的外層，沒有綠茶味，沒有甜味。失望。紅豆：煮得未夠，硬了一點飽肚感：吃完有夠喉之感。（因為好麵粉）

第一次食分子甜品，隨意上openrice search ，見食評唔錯，即管試下！一行6人三男三女，剛KO火鍋放題，仍有食力！原本只打算叫咖啡～～但看完餐牌忍不住食！必須承認價錢係靠記憶，可能有差別，因掛住食！富良野牛奶布甸配芒果汁（忘了名堂）。。。其實比隻蛋狀物體吸引，因為原來是蛋膜經處理可以包含芒果汁在內（蛋膜都係芒果製呀！）牛奶布甸好食！同行友人邊食邊說超滑！之後呢個係朋友叫，棉花糖經處理脆卜卜，食到停唔到口。仲有一個叫灰白心太軟。。＄95..必須配心太軟和分子狀（不懂該製法）雪糕吃！非常美味！仲有花盆tiramitsu..chocholate icecream...一定要回來！極推介！

在附近晚餐後，女生總是有第2個胃放甜品，今次再去Sense，上一次是去元朗分店。佐敦分店比元朗更大，以心思黑板畫來宣傳食店及介紹甜品。因為點了變味系列之野莓乳酪雪芭，附送一份變味粉，店員教先呷一口檸檬，會覺得好酸，然後再吃幾口變味粉，待1-2分鐘後再呷檸檬，此時檸檬變得很甜，十分有趣！店員也叫朋友嚐辣椒仔汁，舌頭嚐到甜，但到喉嚨是辣的。野莓乳酪雪芭 $65，想試因為賣相相當吸引搶眼，看到已有種透心涼的感覺了。吃了變味粉，野莓雪芭味道會有少許甜甜的，因為沒有檸檬那樣酸，所以反差不是太大。而一粒粒紅色應是份子料理原理製成的野莓粒。抹茶心太軟 $55: 抹茶色澤不錯，而雪糕有幾款味道選擇，今次的蜜糖脆脆甜而不膩，相當不錯。一切開已有少許抹茶醬流出，合格！而抹茶味道十足，很濃郁，而心太軟質感是外脆內軟，配蜜糖脆脆雪糕一齊吃很滋味。除了食物外，還有吃得的潤唇膏售賣，gimmick 度十足。這裡還有咸食提供，值得再來～

過左10點係佐敦搵野食的確幾難~見呢間開到11:30pm就入左去食~見menu就知熱食唔多，叫左個黑松露帶子扁意粉，黑松露味好濃，濃到有少少鹹，可以淡返少少就最好~ 帶子有d細粒整體都ok。蜜糖雞翼好好食，層雞皮烤到黏黏地，唔“銀”，但有d痴牙~甜品草莓乳酪雪芭，佢有俾變味粉我試，唔太試到變化，總之個乳酪係特別滑，好味~

青檸雪吧乳酪分子芒果雪糕， 一個食完變味粉， 會由酸變做甜的甜品， 好得意， 又好食焦糖燉蛋泡沫玫瑰慕士， d 玫瑰慕士好fresh， 吾係用糖醬開出黎， 食得出玫瑰鮮花味， 女士一定好鍾意

不得不承認，很多朋友都喜歡飯後來吃個甜品，各式各樣的甜品店開得如雨後春筍，要在當中殺出重圍一定要有「兼覓」(gimmick)，這間就甚有噱頭。「Sense Dessert Café」原店在元朗，這次我光顧的是廟街分店，室內裝修簡約雅致：其實我來原本只是想喝杯「即磨咖啡」$25後來見到餐牌有不少特色甜品，那就相請不如偶遇喇，先來一客「Tiramisu」$45外形像一個盆栽，看見相片我已被它吸引到。表面的泥土原來是朱古力、爆炸糖混合忌廉雪凍而成的餅乾粒，吃起上味道沒有過甜，比較像吃濃朱古力粒，甚對我的胃口。在向下層發掘，就會見到意大利芝士餅的內心，柔軟而酒味不會太濃重，是屬於較輕盈版的芝士餅，不膩，我 buy !另外一樣特色食品叫做「變味粉 Magic Powder」，我看餐牌的描述，它是一種從非洲植物提取出來的蛋白質，先將「變味粉」放在舌頭上溶解，兩三分鐘後再吃酸的東西，就會吃到是甜味，有趣！忍不住叫了一客來試玩，它一定要跟一杯飲品，我就叫了一杯凍檸水走甜，試一試它的效果 $33隨「變味粉」附上的還有一片檸檬及一片西柚，讓食客體驗由酸味變甜味的效果。我跟着指示去做，先吃「變味粉」，過三分

黃昏時份路經此地…突然令我眼前一亮的…是那白色格仔的窗門…此時才發現這是一間甜品店呢…大概是時間尚早…內裡的環境清閒幽靜…微微聽到一點點悠悠悅耳的音樂聲…感覺很是放鬆…此情此景…實在有點兒情不自禁…不由自主的踏步進來了…掛在門口的牌板雖有著甜品推介…但相信總不及餐牌上的心太軟來得吸引…當然我的至愛也不可缺少…雪糕朱古力特飲和朱古力奶昔正在衝擊著我的腦袋…實在令我費煞思量…結果後者險勝…朱古力奶和忌廉的組合…混合後很有綿綿泡泡的感覺…加上添加了大小不一的朱古力碎…感覺就像朱古力份量加倍了…蠻不錯吧…真想一口氣吞噬了它呢…正當我回味之際…心太軟就活現在我眼前…所謂<活現>…就是那陣陣的迷霧…很像高空俯瞰下的雲海呢…彷彿就像置身於仙境之中…店員溫柔的對我作出提點：雪葩太冷了…要放一會進食比較好…當撥開雲霧見青天後…好奇的我還是按捺不住吃了一口…雪葩只會冷若無情的黏著我的舌頭…可是不消數秒…還不是給滿腔熱誠的我溶化了…所謂的<雪葩>是經過特別處理的…雪糕須加入負197度的液化氮當中…即時炒成粒粒雪糕狀…成為份子雪糕…這個造型引發了我的無限想像…是磒石撞地球的結果

以前在大坑吃過分子雪糕，覺得無乜特別啫，但今次嘅分子創意甜品，就覺得好滿意。位於佐敦嘅SENSE DESSERT CAFE，竟然有令人開心又驚喜嘅甜品感覺好似一位高貴的淑女望到但食落口又只嗅到玫瑰香但又食唔到野，好攪笑。ROSE MOUSSE但未算香滑，魚膠多咗D，未能做到入口即溶紅白心太軟一路食D凍煙霧依然強勁這個流心朱古力布甸配上凍到爆嘅乾冰般雪糕粒，紅色雪糕粒係紅桑子味，酸酸甜甜好正好正，不過白色嘅味未算突出，唔係太食得出咩味；可能雪糕温度太低，令心太軟變得微暖．．．全份窩夫揀咗芒果醬、芒果和綠茶雪糕，這個組合錯咗，顏色唔夠突出...芒果醬似乎淡咗D，但綠茶雪糕綠茶味都幾香濃，窩夫幾香幾脆。

今日好LUCKY~食甜品都唔洗等位~~15/16心大心細...結果睇左10分鐘終於諗好食咩~朋友叫左雜果格仔餅~好大份~!好足料~而且格仔餅好脆~有水準而我叫左玫瑰摩絲....上枱比佢嚇一跳~!好浮誇既造型...店員教先食左片花....好得意第一次咁食....泡泡係超正焦糖燉蛋味~食完唔膩但又過足食焦糖燉蛋癮...最驚喜係D 摩絲~原來超香玫瑰花味~!入面仲有粒粒花瓣~好滿足~!!!!下次一定試埋其他個D~

我好耐無去過廟街了  廟街給我的印象是 嘈吵喧鬧的地方  係食雞煲煲仔飯打冷大牌檔的地方  今次黎到發現原來變了不少  開了不了吃西餐甜品既食店  而且常聽朋友說呢度有間好有創意既甜品  個甜品好似整到一盆栽咁  好搞鬼  於是就黎一試一入到去人不多  可能是平日下午時間  中午又未落格  下午茶又好似太早的2點幾時間  呢度裝潢不錯  我被大型黑板吸引到  搞到遲遲都未睇餐牌落單  好多都想試  結果我同友人兩個每人都叫了兩個甜品  兩款係我的原來盆栽甜品係意大利凍餅  泥土係類似朱古力脆脆  脆中帶軟  可惜抹茶芝士個部分太少  慕絲又太多  我覺得分配得不好  食落太漏  口感普通  搞到得個樣  好睇唔好食另一個心太軟就好有驚喜  一上枱氮氣還在  散出煙霧效果好美  雖然煙一散   啲雪芭同雪糕一舊舊咁 好似碎了的骨頭咁  但好有口感  芝麻好香 配上抹茶心太軟味道挺新鮮 雖然旁邊圍著凍品  但流心效果仍然好好  呢個甜品水準不錯 店員還會提你不要即刻食  要等一會才吃   因為要等佢溶一溶化 如果唔係會黏住嘴唇呢^^  以下係我友人的友人嫌cream不夠多  叫佢額外再加

補祝好友生日見到sense cafe係佐敦開左分店 急不及待去試試3點多到達 店家剛剛營業吧 人不多不用等位Order左burger 芝士多到漏晒出黎仲有一個黑松露意粉 d蝦好suprise地大隻彈牙食完main course當然要甜品什果鬆餅 鬆餅比起咖啡弄 茶木 好食十倍好香好鬆軟 大概是即叫即做吧Last but not lease 招牌盆栽tiramisu因為好飽所以食唔晒 但個人覺得太甜本來叫老闆幫我插支蠟燭係盆栽上但老闆好甜心咁送多左個甜品比友人好驚喜 小小舉動令我地都覺得好溫暖好窩心送嘅甜品應該係木槺布甸唔知店裡有冇得賣 真心好好食埋單仲話送多個野飲比我地 不過我地實在太飽了有時間一定會再去！！！舒適的環境 好吃的食物 同埋員工都好有禮貌！仲有 冬季限定的甜柑沙冰的確不錯老闆話係日本甜柑😋😋😋😋

星期六食完晚飯就去左附近既SENSE CAFE食甜品，呢間CAFE一向都以分子技術作招徠，所以黎到都特燈揀左一個用分子技術做既甜品。我地未夠十點就黎到，但都差唔多坐滿，食完之後就已經要排隊啦。我叫左個富良野3.7芒果蛋黃牛乳布甸(HK$55)，佢特別既地方就係用左分子技術，將芒果汁外圍整成一層薄膜，外形就會好似一個蛋黃咁樣，幾得意。整穿左之後就撈埋牛乳布甸一齊食。整體黎講呢間CAFE都係食創意多過食佢既味道，如果叫普通既甜品就唔洗揀呢到。

和朋友慶生約了晚上在新斗記吃晚飯，距離晚餐8點尚有時間，便選擇了這家距離晚飯地點近的小店。 店子裝修有書院田園感覺，坐椅也不太互相靠近ok. 點了這裡出名的盆栽植物甜品，著實泥土就是朱古力粒，草是薄荷葉，而內涵點了綠茶霧絲，好香濃，就是拿來拍照也好而我則點了最愛的waffle很軟熟 雪糕很滑芒果肉甜。

係佐敦食完晚餐，當然想食番個甜品作結。就立即open rice ，見到人地推介呢個D waffle 好正，又唔貴就決定起行。當晚order左一份waffle , chocolate ice cream配香蕉，同杯棉花糖朱古力。見到個waffle 賣相好好，好開心,好想快啲食，但係....之後一食,一食唔知係咁岩我個份燶左定點，口感係好硬，連切開都有難度，真係有啲失望，個雪糕同香蕉都無問題,但係個WAFFLE真係..... NOT GOOD, 當時在場無人叫窩夫，所以都無得睇下係平時係咁定一時失手，食左一舊都唔係咁食到。不過個棉花糖朱古力真係好味，同唔貴38蚊，好鐘意。服務員態度十分好，見你無哂水都主動加個度環境都好好,唔會同隔離D人好埋,又有洗手間,整體環境好整潔

Sense在元朗開張的時候已經光顧過當中的盆栽甜品最為搶眼 幾年後sense更進軍jordancafe 裝修用心 環境寬敞 適合和三五知己聊天cafe不只提供各式的甜品 如梳乎里 奶凍 及其他分子甜品亦有提供輕食 如pasta等 不過今次主要都是食甜點1) 盆栽- green tea tiramisu (3/5) $50~賣相的確一流 幾可亂真 但索價偏高而面頭的朱古力脆脆 和 tiramisu 配合得宜吃得出green tea味 味道尚算濃但過於artificial 整體層次不分明 只有上層有脆脆 中心和下層太單調2) 紅白心太軟 (3/5) $60~老實說 外表非常一般 但出煙的甜品又的確少有加上脆脆的分子雪糕新奇有趣 決定一試白色的是vanilla ice cream 紅的則是berry味berry味開胃 中和了心太軟的甜 心太軟是朱古力味夠流心 一凍一熱 刺激味蕾 但雪糕溶得太快整體甜品有創意 質素可再進一步改善