Season Plus

营业中

休息中

我又食大餐了！一眼看到餐牌我便決定要吃牛柳，但點菜時侍應告訴我們點慢煮牛柳的話需要等候一小時。朋友見我想吃，果斷決定等！等一小時絕對值得！我不好酒，但摸著酒杯傾計，氣氛會比較好，所以我亦點了一支手工啤酒。每人一隻生蠔，海水味很重，很新鮮，好吃！因爲預計要等，所有我們點了一份巴馬火腿拼盤。可以一次品嚐火腿的不同部分，有的帶果實香味，有的帶濃郁的油香，不同部位，味道竟有如此大的差別！蘇格蘭煙三文魚，質素很高，我喜歡這種煙熏的味道。還有小食拼盤，我們小食當正餐，哈哈！拼盤很豐富，5款小食都非常美味，兩款牛肉粒調味沒有太多差別，但食味道分別很大，有一份比較滑，油香比較突出；另外一款則肉味較濃。鰻魚燒得很出色，不會乾，肉質很滑。豚肉亦好好味，豬肉肥瘦適中。慢煮美國安格斯厚切牛柳，好靚的粉紅色牛肉，切開完全沒有血，入口非常嫩滑，肉味相當濃郁，非常美味。餐廳位置比較難找，要不是朋友介紹，我大概沒有機會到這餐廳。環境很舒服，十分適合知己談心。食物方面，是意想不到的出色！其實我進入餐廳之前有擔心過，飲酒的地方食物質素會一般，沒想到這裏的食物如此的高質素，真的是驚喜。

今晚同男朋友去咗尖沙咀行街，之後係附近食海鮮搵咗間係山林道既餐廳，樓梯一上就到，附近又有得泊車，非常方便食物選擇都給幾多，好多唔同既海鮮，小食，仲有好多款紅白酒燒海膽多士 $88 & 凍柚子蜜 $28揸車唔飲得酒，所以我地叫咗柚子蜜，味道都幾濃，唔會太甜多士十分脆口，不過冇咩海膽味，反而好重芝士味，仲可以拉芝士，都幾香脆黑松露牛肝菌薄餅 $128薄餅比較硬身，不過好香黑松露味，份量都幾大，用料十足熱海鮮拼盤 $398依間餐廳有三款海鮮拼盤，包括冷熱&烤焗熱海鮮拼盤有半隻龍蝦，原隻智利石蟹，小龍蝦四隻，大蝦四隻，加拿大藍青口六隻，加拿大翡翠螺四隻 (配粟米、紅蘿蔔、洋蔥) 我哋選擇咗牛油蒜蓉味，味道唔太濃郁，鍾意食濃味啲嘅可以選擇辣醬或麻辣味各款海鮮都唔錯，不過味道比較淡其中青口、蝦、翡翠螺都較新鮮

放工約左同事食飯，佢就book左呢間係尖沙咀新開嘅西餐廳。餐廳嘅位置都有啲難搵，路痴嘅我地係問人先至搵到😂餐廳成個裝修都幾有氣氛，位置亦都幾舒適，幾岩傾計飲野。餐廳食物嘅選擇都幾多，我地首先就當然揀左個蠔set喇，可能因為係非繁忙時間，佢有個平啲嘅餐牌，我地就叫左個198嘅蠔set，有12隻蠔加一枝白酒，好抵呀!生蠔都好新鮮，唔知果日嘅精選蠔係咩蠔呢？食落非常清甜。我地仲叫左海膽多士，食落好有芝士味，海膽味就略淡，但都食得出果種鮮甜嘅感覺。炸物拼盤有七款唔同嘅脆炸小食，有雞翼、魚手指、芝士波、紫薯波、炸帶子、炸蠔同薯條，份量非常之多，食落味道亦都想當唔錯😄意大利飯有好香嘅忌廉味，飯嘅軟硬度剛好，可以一試。整體黎講呢間餐廳食物質素都想當唔錯，特別係蠔set，相當抵食，推薦大家去試下

同朋友去尖沙咀行街，夜晚搵野食，朋友話一定要食西餐，尖沙咀邊有平靚正嘅西餐，左諗右諗，朋友話介紹去試下一間 ，之前佢喺觀塘食過， 一於再來試下。先黎法國kry no1 生蠔， 生蠔即開即食，海水味道夠重， 完全唔腥， 大大隻夠曬好肉地。海鮮拼盤，熱食黎， 入面有龍蝦仔，大龍蝦，青口，蟹，粟米，蘿蔔， 包羅萬有。估唔到一個海鮮拼盤，入面竟然有蔬菜。 海鮮估唔到咁鮮甜，完全my飛佛。小食拼盤， 牛肉粒同豚肉重有鰻魚。 牛肉粒都分兩種，估唔到玩得咁刁鑽。不過當中最正嘅都係豚肉，完全冇一陣豬臭味 ，味道簡單已入口。慢煮安格斯牛柳配煙三文魚沙律， 慢煮嘅牛柳梗係出色，最重要七成熟啱啱好，完全冇多冇少， 牛肉入口夠曬林，最緊要係配上煙三文魚， 淡淡肉，正。意大利巴馬火腿拼盤， 3款唔同味道嘅火腿， 如果可以有舊多士嚟一齊食， 更加分外滿足。鹹檸啤，手工啤，自家釀製係唔同啲，充滿咸檸嘅味道，最重要不失手工啤最重要嘅苦澀味，飲落去好似帶出咗人生嘅啟示。葡萄梳打， 其實好普通 ，雖然都係用葡萄汁，但係見到幾粒葡萄。下次再食餐好既

新開張既 season plus在尖沙咀山林道比較偏僻既位置，但反而更有個性！柳暗花明又一村既感覺餐廳出面前園非常闊落！食環境食鮮味黎呢度無錯啦生蠔拼盤送枝意大利既白酒！生蠔有12隻~精選生蠔，有幾款雖然細隻左 d~但全部都鮮味十足！無腥味！只要落少少檸檬汁已經好好味啦有幾款好 creamy既生蠔好味呢燒海膽多士，見到特吃焦黃色的就是海膽所在非常香脆熱辣辣半溶芝士非常香口！巴拿馬火腿沙律~火腿鮮嫩~沙律菜有 d黑醋更開胃慢煮西班牙黑毛豬~非常厚切！肉質嫩滑，彈牙既香軟~~碟上既蘋果汁醬好開胃~非常正既主菜

之前係觀塘都食過SEASON PLUS, 都幾好食, 拎住打電話去訂枱之餘, 留意到OPENRICE度見到TST 都開左分店, 就腳好多, 就一於訂新店啦!環境幾大, 吾會迫, 食得都開心D!首先點下啲剌身先啦, 盤用了好多冰盛住, 令到魚生保持新鮮!日本帶子刺身好厚切 味道鮮甜, 有海水味道, 搭配日本魚生豉油及WASABI, 又滋味又有口感阿根廷紅蝦夠長身, 而且仲打孖上, 蝦口感肉質結實有彈性, 帶著淡淡的甜味踏入秋季是海膽盛產的季節, 海膽刺身色澤橙黃，帶淡淡的海水鹹味,由爽脆的青瓜跟順滑帶微鹹的鹽水海膽拼湊出多重口感日本霜降一口和牛粒，份量好多, 肉質鮮嫩富口感，牛味濃郁, 一口牛能夠鎖住肉汁，外層燒至焦香，別有一番風味

今晚去左佐敦問朋友拎notes，之後佢提議話想食下山林道新開既西餐廳 ~餐廳叫 season plus !一坐低先睇睇 menu ~ 勁多野食，款款都好吸引呀！ 點左個烤焗海鮮拼盤～海鮮拼盤非常豐富，有：蒜蓉大蝦、巴馬臣芝士焗扇貝、芝士黑松露大磨菇、蒜蓉翡翠螺、岩鹽焗秋刀魚..每樣都好滋味，巴馬臣芝士焗扇貝既芝士係拉絲既，而芝士黑松露大磨菇好juicyyyyy，正！ 另外仲叫左個燒海膽多士，海膽原來同多士既味都幾夾，而且多士超脆！不過海膽份量較少 >< 建議可以加多d ！ 最後再加個芝士辣肉腸pizza ~Pizza 賣相吸引，而且份量岩岩好！辣肉腸0向高溫下焗出來既辣油，同香濃芝士混合後，變成超惹味既芝士辣肉腸 pizza，食到停唔到口！ OVERALL味道：★★★★☆環境：★★★★★服務：★★★★☆衛生：★★★★★抵食：★★★★☆

本身約左朋友係山林道食韓燒，點知間野冇開到，就去左附近依間season plus食晚飯。愛爾蘭No.0生蠔生蠔雖然唔係好肥美，但係食落幾有海水味，而且好鮮甜，食落一啲都唔腥，即使唔食生蠔既人都可以一試。日本一口和牛粒就咁食落都幾重牛味，點埋佢個黑椒粒會更好食。最緊要係食落啖啖肉，過足口癮呀！芝士牛油焗日本元貝個元貝上面鋪滿左芝士，食落仲會拉絲架！個元貝好厚肉，食落好juicy。黑松露牛肝菌薄餅個薄餅一黎到已經聞到好香黑松露味，配埋芝士同牛肝菌好夾，加上脆卜卜既餅底真係好好食。意大利肉醬千層麵個賣相好靚，食落就同平時既肉醬千層麵分別唔大。鹹檸啤依枝啤酒飲落有淡淡既鹹檸味道，幾特別。而且包裝好有香港特色，鍾意飲啤酒既人可以一試。整體既用餐經歷唔錯，食物都唔差，有機會會再去食。

細佬慶生，當然要帶吃最好的西餐，甜媽媽說上星期山林道開了一間環境優雅的西餐廳，就是 Season Plus我覺得佈置很優雅，我們馬上叫了一個生蠔拼盤，一共有一打生蠔，有愛爾蘭生蠔和法國的Kry No.1 及法國Gillardean 連一枝白酒才198元，最重要生蠔每一隻都很鮮甜而且很美味!另外燒海膽多士很特別，弟弟和我也是第一次品嘗，海膽很濃很香和多士特別的夾，而且也特別脆，真的停不了口!我們另外叫了意大利巴拿馬火煺，賣相一流而且入口又香，配白酒品嘗真不錯!日夲一口和牛粒煮得很香，而和牛粒很很滑，吃得出和牛獨有的肉香!今天我們都吃得很開心，因為食物質素不錯!

朋友介紹黎到尖沙咀新開ge西餐廳“Season Plus”咁啱落雨，傍晚黎到見餐廳入面仲未系好多人，即刻入去就有得坐低啦~見距d餐牌都睇得出餐廳主推海鮮，等等一於試下距d海鮮：P最後頭盤要了意式巴馬火腿沙律（$88）巴馬火腿香口滋味,沙律上面有dd黑醋汁酸酸地幾開胃,蔬菜新鮮,食落非常freash~法式鵝肝帶子配黑松露醬($168)法式鵝肝帶子配黑松露,擺盤已經非常之吸引人眼球,雖然細細件,但咁先顯得精貴!!鵝肝香煎之後非常香口,而且口感creamy!好正好香!同埋個帶子又夠曬新鮮,基本上真係唔需要任何調味料都非常好味!仲要加多小小黑松露醬,令成道菜式升華!正!海鮮叫了石蟹x2($148)石蟹非常靚,肥美ge身形,拆開之後果然系爆膏,而且肉質唔會好淋,代表都幾新鮮,而且蟹味濃,特別d膏!真係好肥,好香,正到一個點!法國KRY no.1($29/1)法國Gillardean No.0 ($39/1)2款生蠔都好新鮮,而當日gillardean就大隻肥美d,而KRY就濃郁蠔味,都好好食.主菜要了威爾斯羊仔架($268)羊仔架烤得啱啱好,有4件,每一件都唔會好多肥膏,而且烤得都好平均,食落啖

呢排上Openrice揾D新餐廳，而且揾D未有任何食評的新餐廳，挑戰自己一下運氣。今晚就揀左間食西餐名叫"Season Plus"上大學第一課已經提到Location Location Location……生意成功與否是最大原素。但是"Season Plus" 的地點超級隱蔽，如果沒有GPS的協助下，相信好難揾到。甫進餐廳不得不反映地點問題，店方原來都做左個地圖都客人前來。餐廳原來在觀塘及銅鑼灣都有分店，尖沙咀這家店是第三家，只是剛剛開業數天。原以為地點超級隱蔽加上當晚天氣下大雨，人流不會太多。意外地7點過後，餐廳都有差不多坐滿七成。"Season Plus" 以海鮮生蠔作招徠，但是沒有一個放滿各國入口的生蠔吧，難免吸引度被降低。相反紅酒櫃就放在門口當眼位置。店員放下3張Menu. 餐廳有不少海鮮選擇，生的熟的都有。另外，又有不少熱食如Pizza、Pasta、牛扒、炸物……等。可能新開張，餐廳有這張"Special offer"...呢個真係超優惠，沒有任何做假。好難想像在尖沙咀食海鮮可以如此經濟實惠，可以開懷大叫。今日有四款新鮮生蠔，款式不多相信當餐廳站穩腳後款式會更加多元化。是日精

這間隱蔽的＂Season Plus"找了一會才找到，但一轉上樓梯別有洞天，門外佈置得很有文藝氣息又舒服，裡面播放著柔和的音樂很有氣氛，看看餐牌還有很多不同種類的海鮮，一於和朋友一起試試😊意式巴馬火腿沙律- 沙律擺碟精緻，沙律菜新鮮爽脆，巴馬火腿夠鹹鮮👍🏻海鮮拼盤(熱) 龍蝦半隻，原隻智利石蟹，小龍蝦，大蝦，加拿大藍青口，加拿大翡翠螺(配粟米，紅蘿蔔，洋蔥) 配上牛油蒜蓉汁材料很豐富，滿滿的一窩👍🏻見到已興奮極了，所有海鮮相當新鮮彈牙鮮味，所以連湯汁也鮮味無窮，只是智利石蟹有點瘦。炸物拼盤(手羽雞翼，一口炸芝士，美國粗薯條，紫薯丸子，吉列廣島蠔，日式炸帶子，蘇格蘭魚手指配蛋白松露醬)炸物即叫即炸熱辣辣很新鮮，很喜歡炸芝士和紫薯丸，芝士綿密紫薯甜蜜，廣島蠔和帶子也很鮮甜，配上白松露醬真的一絕👍🏻

去完中亞國家旅行返黎，真係餓到人都瘦，所以返黎即刻揾人去食野，睇下有咩好食。朋友推介去佢食開的西餐，但去到發覺已經轉左新店，既然來到，不如試下新野，因為新張期間，生蠔好抵食。 餐廳位於山林道的街尾，不特意去揾，真的頗隱秘。餐廳旁就是一大片露天空地，營造了開揚的感覺。 內裏座位充裕，座位和座位都寬落。餐廳裝修簡潔，門口位有標誌性的酒樽擺設，還有一幅大的壁畫，為餐廳添上一份藝術感。一坐低，先點左一份生蠔套餐。＄198的價錢包括12隻生蠔和一枝白酒， 好抵食。 然後便立刻點了一份慢煮美國安格斯牛柳和慢煮西班牙厚切黑毛豬套餐。因為這兩個套餐製作需時約1小時。而跟餐則附送六款小食，我們選了蘇格蘭煙三文魚和黑毛豬火腿沙律。 蠔上得好快，一打12隻，需談不上十分肥美，但卻十分新鮮而且海水味濃，很有蠔味。配上白酒同食，性價比其實很高。 跟餐的蘇格蘭煙三文魚想不到份量很多，橙紅色的外表誘人，而且肥美肉厚。黑毛豬火腿薄切，鋪在沙律菜上，淋上黑醋汁，清新健康又好味。白酒煮馬拉蜆肉肥大冇沙，清酒淡淡，蜆肉爽口，好快就俾我哋清左碟。原條的蒲燒鰻魚很肥美，鰻魚上鋪了滿滿的紫菜絲，淋上滿滿的醬汁。鰻魚不走爽口