影片
更多
2020-11-15
1615 浏览
一個星期六嘅晏晝，雖然要排隊，但都唔算等得耐，15-20分鐘左右就有位。叫左兩杯野飲，一份Tiramisu pancake。Tiramisu pancake 好快就到，賣相10分，味道0分(無誇張，敢講係我食過最難食嘅pancake)，首先塊pancake好似麵粉未熟咁嘅味，但都order左，唯有照食，然後食多幾啖，個pancake有酸味，唔識形容嘅酸味，但我唔expect Tiramisu Pancake會有酸味，所以我地都唔敢再食(慶幸我地肚仔頂得住之後無肚痾)。之後等左一段時間，兩杯野飲仲未到，我發現附近幾枱都係野飲好遲先到，無野做咁我周圍望下，bar枱出野飲同收污糟杯係同一個位之餘，個位係幾窄下，d污糟杯擺左響果度好耐佢地都未得閒收落去洗嘅同時，新整好嘅飲品又擺埋響同一個位等出，其實都幾唔衛生下。然後要講嘅係餐廳入面有唔少蚊同昆蟲飛黎飛去，唔知係近門口大玻璃有植物定其實間餐廳唔多乾淨嘅關係，另外目測地板又唔多乾淨咁。等左再多一陣，野飲仲未到，我地問過staff果兩杯野飲如果未整就取消，佢地回答係未開始整所以幫我取消，咁佢地係有道歉。埋單時我有反映過個Pancake麵粉未熟嘅味
叫左兩杯野飲，一份Tiramisu pancake。Tiramisu pancake 好快就到，賣相10分，味道0分(無誇張，敢講係我食過最難食嘅pancake)，首先塊pancake好似麵粉未熟咁嘅味，但都order左，唯有照食，然後食多幾啖，個pancake有酸味，唔識形容嘅酸味，但我唔expect Tiramisu Pancake會有酸味，所以我地都唔敢再食(慶幸我地肚仔頂得住之後無肚痾)。之後等左一段時間，兩杯野飲仲未到，我發現附近幾枱都係野飲好遲先到，無野做咁我周圍望下，bar枱出野飲同收污糟杯係同一個位之餘，個位係幾窄下，d污糟杯擺左響果度好耐佢地都未得閒收落去洗嘅同時，新整好嘅飲品又擺埋響同一個位等出，其實都幾唔衛生下。
然後要講嘅係餐廳入面有唔少蚊同昆蟲飛黎飛去，唔知係近門口大玻璃有植物定其實間餐廳唔多乾淨嘅關係，另外目測地板又唔多乾淨咁。等左再多一陣，野飲仲未到，我地問過staff果兩杯野飲如果未整就取消，佢地回答係未開始整所以幫我取消，咁佢地係有道歉。
埋單時我有反映過個Pancake麵粉未熟嘅味道加口感，同埋個pancake有酸味。兩個staff都困惑點解會有酸味(意思即係真係唔應該有酸味出現)，佢地口講話幫我問下，但實質語氣上係hea我，俾我感覺係想我拿拿聲埋單走。當然我亦無得到答案，不過算喇，反正都無諗過要再幫襯。
間餐廳雖時係有唔少打卡位吸引人，但食物同餐廳環境真係好差好差。。
Tiramisu Pancake
41 浏览
1 赞好
0 留言
张贴
