Séan Café & Lounge (已結業)

梳乎厘班戟係我最愛既甜品之一, 香港暫時我最推介既餐廳係J.S.Foodies, 唔止班戟好食鹹點都做得十分出色。上網見到Séan Café & Lounge有賣梳乎厘班戟, 而OPENRICE食評也不錯, 一於去試下比較下。佢地絕對係一間打卡餐廳, 非常夢幻的裝修, 散發出陣陣濃厚的粉紅可愛少女氣息。男仕們去用餐需要D勇氣我地叫左黑松露忌廉汁野菌意粉, 拿破崙意粉, 脆薯角配黑松露醬, 梳乎厘班戟配楓糖牛油同芒果乳酪冰沙。黑松露忌廉汁野菌意粉 - 無黑松露味咁滯, 忌廉汁亦唔夠香滑濃郁。拿破崙意粉 - 佢地既意粉有個同樣既問題, 就咁望落去顏色唔錯, 但食落口味道單薄, 唔知落少左邊樣調味咁。脆薯角配黑松露醬 - 個醬調較得唔錯, 似係有黑松露味既沙律醬, 但個薯角唔掂, 大部份既薯角都切得好大件, 令到每一條薯角脆脆既部份好少, 好大部份係無味而較硬身既薯仔。梳乎厘班戟配楓糖牛油 - 呢個真心唔好食, 完全沒有空氣感和蛋香。生麵粉味仲要好重。失望。芒果乳酪冰沙 - 唔明點解香港仲會有咁多餐廳要整有藥水味既飲品比客人, 點解會覺得客人飲唔出, 定覺得客人鍾意食藥Séan Café &