Séan Cafe (已結業)

難得 FRIDAY 心情夠輕鬆，打算同個朋友食搵間餐廳食下好西，之後去睇場戲既，點知去完呢間餐廳之後咩野心情都無晒。餐廳雖然佈置得相當有心思，各處佈滿花花海既佈置，本應會令人心鄺神怡的，但事實就偏偏相反了。首先，餐廳空間太少，在不足200尺的空間內，卻安置了20多個坐位，而且當時是全餐廳已經坐滿了客人，我和朋友被店員安排坐在其中一排的打對坐的坐位，但因為坐位都非常峽窄，稍為轉一轉腳放都會撞到隔離枱既食客，而且環境好嘈吵，氣氛令人喘不過氣來，非常不安，好似同人嗌交一樣。每和朋友說一句說話都褂常困難聽得清楚，最後唯有用WHATSAAP傳信息溝通才行得通。。。出街食餐飯食到咁為咩呢！所以我哋拿拿聲食完喲野食，就即刻埋單走人，呢次既不愉快經歷實在好難忘，NO NEXT！

Sean Cafe尖沙咀雖然好多食物選擇，但有時又會諗唔到食咩。.今日有friend帶我嚟呢間Sean Cafe，個名好熟但一路都冇試過。.一入到去wa咗出聲，因為餐廳嘅裝修真係超級夢幻，好多好多花，植物同氣球。餐廳入邊有一張高枱直情係打卡專用，原本有人坐嘅，我哋等左好耐終於見到佢哋埋單，就問吓可唔可以調去坐😛好彩呢度嘅店員都好helpful!.想特別推介呢度嘅嘢飲！🍧🥂玫瑰梳打🍧原本以為呢杯會有啲伏，點知飲落去出奇好好飲，玫瑰味好香但唔會過份人造，只係有果味嘅梳打多啲，而且好Fresh好開胃！🌹士多啤梨Smoothie🍧同樣有好靚嘅裝飾，士多啤梨味好用濃郁，足料嘅鮮果肉，連飲品都咁有心思，未食嘢已經愛上左呢間小店🍓黑松露薯餅薯條黑松露就食得多，薯餅點上黑松露醬原來都唔錯， 呢度嘅黑松露醬比出邊食到嘅更加重黑松露味。薯餅亦都炸得好香脆，入邊一粒粒細緻嘅薯仔肉，而且充滿水份，炸過後一啲都唔會乾柴。Dinner set 牛油果流心豚肉竹炭漢堡包呢個黑色嘅漢堡包係用左竹炭製成嘅包，餡料有豐富嘅沙律菜牛油果同埋煎豚肉，所謂流心豚肉係煎豬肉漢堡，咬開漢堡肉，入邊竟然係流心嘅芝士爆出，好有層次感，

第一次試,認真被吸引到,已經book定台下次帶埋fd一齊黎打卡食野吹水相對起其他類型的咖啡廳,尼間既裝修風格真係令我好滿意,一進入左餐廳就好似進入左另一個世界咁。睇得出店主對花既鍾情😊在擺設方面落左好多心機,特別係坐係花花吧台,對住美美的花飾又食住美味的早餐😋😋講到早餐,不得不提佢既英式早餐,份量岩岩好,即使我中午去食,已經當晒做午餐,但我都覺得份量係唔錯既,唔會食唔飽,但又有餘,份量掌握得岩岩好!後來又想做一個美美既結尾所以又加點左個朱古力脆脆班戟,配埋之前叫既Latte ,超級濃郁既體驗😍,班戟加左脆脆,夾埋一齊食口感真係好正😋😋配埋Latte一流☺️☺️

今日與好朋友來到尖沙咀的一間小cafe距離地鐵站大約5分鐘路程Cafe內的裝飾非常精緻，有各式各樣的花，非常有少女味！可見店主花左唔少時間佈置，絕對係打卡之選！今次點了一客烤雞凱薩沙律，分量唔算太多，但味道很清新，係一份輕食之選。另外點了一份牛油果流心豚肉竹碳漢堡，漢堡非常好味，肉汁豐富！加上炭燒過的漢堡包，有微微炭烤味道，加上入面醬汁非常好食，而且分量亦很足夠，非常推介！！另外點了2杯飲品，一杯葡萄梳打和一杯朱古力。葡萄梳打非常精美，而且入面仲有整粒葡萄肉。朱古力味非常濃郁，推薦！

經朋友介紹專程過黎尼間咖啡廳試新野,就一早book左台由照片中已經感受到這間小小的咖啡廳充滿少女氣息咖啡廳每個角落都可以作為打卡點,就唔洗角位置安排不佳導致影相唔靚喇😍講到食物,令我最驚喜既係燒春雞,肉質冇想象咁柴,相反皮脆肉嫩,表面的蜜糖燒得令整道菜色都昇華左,咸咸甜甜的感覺真係超吸引再配埋個德國香腸,真係岩晒我尼個食肉獸既口味呀!最後驚有小小膩,所以就選擇了配一個玫瑰花茶,淡淡花香味真係解膩神器呀!期待下次再黎試其他新野!

星期日去食東東，到這人氣sean cafe潮聖。空間不大，但佈置以花為主題，是美美的。坐上bar 台，後面直接是其他客人台，迫了點啊。翻著電子餐牌，追著甜品一頁看看。點了以下兩款甜品，落單前後都等了大概半小時，甜品才準備好。牛奶海鹽雪糕芭菲杯，精緻甜品，賞心悅目，心心眼。牛奶海鹽雪糕味道鮮明濃郁，旁邊的抺茶脆脆很好食。底下有朱古力海綿蛋糕。混著忌廉是不錯的。可是，整杯甜品，雖說是甜品，無奈地真的過甜。香蕉蜜糖班戟，賣相同樣都是美美的，蜜糖的甜都很撲鼻。兩塊班戟，都是實實的，然後夾上香焦，面頭的都是忌廉。吃落乾巴巴，沒什麼驚喜。

有日放飯經過呢間位於赫德道既sean cafe, 見到lunch set 好似幾吸引就決定試吓叫左一個all day breakfast 同埋matcha pancake餐湯既忌廉湯加左$28 飲Rose Latte, 玫瑰味好香，而presentation 都好靚, 有仿真玫瑰花, 拉花上面既玫瑰花瓣, 仲有coffee spoon 都好講究。因為製作需時，所以都等左陣先上菜。有腸仔，炒蛋，火腿，薯餅，croissant, yogurt, 茄汁豆, mushroom 同蕃茄。特別鍾意個牛角包，因為出面其他既all day breakfast 好少會比牛角包架。Matcha Pancake佢係薄身既pancake，淡淡抹茶味唔會太苦。配上cream 食唔會乾爭爭。環境方面雖然餐廳唔太大，但坐得算幾舒服既。

今日為咗同女仔朋友慶祝生日，所以揀咗呢間咁有少女情懷嘅cafe每人叫咗一個套餐，分別喺安格斯肉眼扒、海鮮蝶豆花燴飯同蟹肉意粉。首先牛扒一般，本來叫7成熟，但最後變全熟，口感比較硬，而且無任何調味，要點上醬汁先有味；燴飯嘅海鮮都算足料，但食蛽時發現有沙；意粉嘅蟹肉唔算多，味道唔錯最後叫咗個玫瑰pancake，份量極少，不過有濃濃嘅玫瑰香味，而且朋友嘅名可以寫喺隻碟上面嘢飲方面，三個都嗌咗熱嘅抹茶拿鐵，上面有心形嘅拉花，抹茶味尚算濃郁最鐘意呢間餐廳光線充足，加上𡃁𡃁嘅背景，影出嚟嘅相都特別好睇，而且店員都不嫌其煩幫忙影相

呢間餐廳應該係我等二次去， 佢哋既食物賣相依然好靚~係我中意，呢個chocolate pancake，真係冇叫錯，我中意食chocolate 但我唔中意食太甜，呢個pancake 真係剛剛好唔會話好流好甜！coffees 都好有心思，有個細餅乾同細花 同埋每一杯都有唔同嘅花好有心思，個人私心中意佢既木碟擺設。

今晚同朋友係尖沙咀甜品店食好東西店內的玫瑰pancake賣相非常吸引，切開是流心的CREAM，光看已經令人食指大動！pancake控的我即刻失控啦, 停唔到口添, HEHE有日式FEEL 既pancake, 以綿密的口感和香濃的蛋香味見稱，俘虜了一眾甜點迷既我！口感鬆軟的pancake，香氣十足, 好似搵到初戀感覺一樣, 食完回心微笑店內不只提供甜食，想食正餐都可以選擇在這裡用餐, 點左個安格斯肉眼, 好多肉汁, 又保持咬口, 薯角炸得好香口

少女心Séan Cafe👧🏻位於尖沙咀赫德道附近既花系啡啡室🍰透過門口大玻璃窗已經見到店裏面花嘅角落 佈置吸引 好日系♥️雖然店舖唔算好大但係睇得出呢度嘅每一個細節都好有心機打理🙆🏻‍♀️Dinner set包括有餐湯主菜同埋飲品 都有甜品選擇🍮忌廉粟米湯由小鍋器皿上桌飲完湯就上主菜分別叫咗黑松露風乾火腿意粉及牛肝菌帶子燴飯👌意粉有淡淡的黑松露香味野菌配上黑松露係不二之選第一次嘗試加上Parma Ham既配搭 個人覺得鹹咗少少 不過扁意粉嘅質感唔錯另外燴飯一上枱我同朋友都覺得擺盤好藝術🎨 旁邊嘅黑醋汁中和返牛肝菌同白汁既油膩 如果怕太油膩可以加檸檬汁開頭都擔心玫瑰花瓣既味道會唔會唔夾但係放入口又唔覺得有問題值得一讚嘅係佢三粒帶子都非常之爽口同新鮮絕對冇偷工減料😚最最最最值得一題係佢嘅飲品抹茶鮮奶同埋玫瑰鮮奶咖啡都各有特色 唔苦澀配上咖啡杯旁邊嘅裝飾覺得自己好似去咗英國食下午茶嘅貴婦生活💆‍♀️💅🏻佢嘅餐具同擺盤都別有心思蘋果芝士蛋糕🍰酸酸甜甜嘅蘋果粒中和返芝士蛋糕嘅甜味 再配上咖啡剛剛好尖沙咀有好多隱世小舖有待發掘💪SeanCafe係各位少女心打卡熱點 有時間可以叫杯咖啡☕️chill一chi

早陣子有不少日本班戟名店到香港插旗，吸引一班忠實粉絲排隊朝聖。筆者雖然也愛吃 Pancake，但自問沒耐性排隊等幾個小時。最近友人相約我一聚，就選了尖沙咀這間「Séan Café」。聽朋友講，餐廳同樣有班戟供應，雖然是自家出品，但亦做得相當有水準，加上賣相精緻，選擇又夠多，所以特意帶我來試下。餐廳位於尖沙咀漆咸道南溫莎大廈地下，店內空間不大，但佈置得相當有心思，粉藍色牆身配以四周的花藝裝飾和擺設，加上角落的小盆栽，令環境顯得格外清新優雅。餐廳晚市以套餐為主，共有 5 款選擇，定價由 $98-$168 不等，包是日餐湯同飲品。如果唔想食套餐，當然亦可以散點，有意粉、意大利飯、牛角包、竹碳漢堡、英式早餐、沙律、小食、班戟及甜品等可供選擇。我哋揀左個 Set Dinner，另外再加左一客小食同班戟。是日餐湯為雜菌忌廉湯，湯身微暖，清香順滑，不錯。經典意式欖油辣蒜片蟹肉意粉 ($128)，這個意粉份量不大，不過對女生來說就啱啱好。先叉起麵條試試，煮得軟硬適中、煙韌有嚼勁，入口有少少辣味，而且蒜香十足，配埋鮮甜蟹肉吃，啖啖滋味。煙三文魚法式多士 ($52)，這客多士賣相很吸引，每件面頭都鋪上了大

上次行行吓見到呢間鋪頭好特別以為係賣花店，點知原來係一間Cafe，行到攰就入去坐下，幾得意幾靚成間野 內面同出面都好有feel。雖然地方唔係話大但係俾人感覺好舒服！行街行到攰或者放工想搵個地方傾吓計呢一到都幾好，嘢食又好精緻又唔錯！幾好唔錯！

細細既一間店舖，冇諗到裝修得咁精緻，玫瑰花做主題顏色又係少女心顏色粉紅色好得意，女朋友好鍾意。好多打卡位，嘢食擺設又好又有心思食物又唔差！佢同我講下次要同啲姊妹嚟影相傾吓計！終於帶啱佢去一個佢鍾意嘅地方！Thank you!!

本人昨天打電話book位，book左3位今天1430。但今日出門遲左少少，基於禮貌，我就打個電話去講聲我會遲15分鐘，亦有強調我最遲1445到，因為本人於1430已到達尖東，15分鐘都會行到過去。好啦，我1440到達，入到去，間cafe好細，一眼望曬，全full，得一張吉既二人細枱。其他枱睇落都唔會咁快走。咁我就同個侍應講我卜左1430啦，當然，係冇位俾我既。本人都已經有d忟，大熱天時行過黎都流曬汗，卜左1430到搭九都冇位坐，佢又俾唔到答覆，我就即係出去搵其他餐廳。搵緊餐廳期間都唔見職員搵我，我嬲嬲豬又再打電話去問佢哋點，佢哋就有以下嘅回應：「唔好意思啊，你講咗話搭九黎，所以中途有街客嚟咗就俾咗位佢地。」我真係火都嚟第一、我因為基於禮貌先至打黎同你講遲少少，即係想同你講麻煩留張枱比我。但你居然問都唔問就將應該留俾我嘅位俾咗街客。有冇諗過我呢個特登老遠過嚟嘅客人點算？我兩個朋友一個住粉嶺，一個住青衣咁遠過來諗住試呢間餐廳，點知冇位要我地做搵第二間，完全浪費晒我哋啲時間。第二、你完全冇諗過盡全力去安排座位俾我。卜位都有優先次序，你搞亂左唔小心，唔緊要，但麻煩你搵辦法去解決而唔係輕佻講下對