影片
更多
2019-08-25
102 浏览
本人昨天打電話book位，book左3位今天1430。但今日出門遲左少少，基於禮貌，我就打個電話去講聲我會遲15分鐘，亦有強調我最遲1445到，因為本人於1430已到達尖東，15分鐘都會行到過去。好啦，我1440到達，入到去，間cafe好細，一眼望曬，全full，得一張吉既二人細枱。其他枱睇落都唔會咁快走。咁我就同個侍應講我卜左1430啦，當然，係冇位俾我既。本人都已經有d忟，大熱天時行過黎都流曬汗，卜左1430到搭九都冇位坐，佢又俾唔到答覆，我就即係出去搵其他餐廳。搵緊餐廳期間都唔見職員搵我，我嬲嬲豬又再打電話去問佢哋點，佢哋就有以下嘅回應：「唔好意思啊，你講咗話搭九黎，所以中途有街客嚟咗就俾咗位佢地。」我真係火都嚟第一、我因為基於禮貌先至打黎同你講遲少少，即係想同你講麻煩留張枱比我。但你居然問都唔問就將應該留俾我嘅位俾咗街客。有冇諗過我呢個特登老遠過嚟嘅客人點算？我兩個朋友一個住粉嶺，一個住青衣咁遠過來諗住試呢間餐廳，點知冇位要我地做搵第二間，完全浪費晒我哋啲時間。第二、你完全冇諗過盡全力去安排座位俾我。卜位都有優先次序，你搞亂左唔小心，唔緊要，但麻煩你搵辦法去解決而唔係輕佻講下對
好啦，我1440到達，入到去，間cafe好細，一眼望曬，全full，得一張吉既二人細枱。其他枱睇落都唔會咁快走。咁我就同個侍應講我卜左1430啦，當然，係冇位俾我既。本人都已經有d忟，大熱天時行過黎都流曬汗，卜左1430到搭九都冇位坐，佢又俾唔到答覆，我就即係出去搵其他餐廳。搵緊餐廳期間都唔見職員搵我，我嬲嬲豬又再打電話去問佢哋點，佢哋就有以下嘅回應：「唔好意思啊，你講咗話搭九黎，所以中途有街客嚟咗就俾咗位佢地。」
我真係火都嚟
第一、我因為基於禮貌先至打黎同你講遲少少，即係想同你講麻煩留張枱比我。但你居然問都唔問就將應該留俾我嘅位俾咗街客。有冇諗過我呢個特登老遠過嚟嘅客人點算？我兩個朋友一個住粉嶺，一個住青衣咁遠過來諗住試呢間餐廳，點知冇位要我地做搵第二間，完全浪費晒我哋啲時間。
第二、你完全冇諗過盡全力去安排座位俾我。卜位都有優先次序，你搞亂左唔小心，唔緊要，但麻煩你搵辦法去解決而唔係輕佻講下對唔住就算。
Fine, 我忍住啖氣同佢講，麻煩盡快安排座位俾我哋，有位即刻打俾我。但係去到三點都收唔到佢哋電話，我就心知不妙，即刻搵咗第二間餐廳。
我食食吓飯都係覺得落唔到啖氣，見到左1545都唔見cafe既人搵我，我真係認唔住再打去「提示」一下佢地其實係漏左我呢位卜左1430既客人。他們的回應：「呀不好意思，我正想打俾你，宜家有位啦，安排左疏化位。」
第一、我過左成粒鐘打俾你，期間貴cafe staff冇諗住打下電話update下我情況既。有位冇位，講句姐，有幾難？
第二、我語氣唔差少少都冇諗住有誠意地道歉。
其實卜左位冇位有幾閒，但你可唔可以sincere少少同我道歉，再好好地俾個交代我？唔好咁唔嗲吊咁拖左我？冇位咪直接講囉，我唔使你有咩補償啦，只想你諗左衰咪算，但點解又要不斷搵excuse ？卜位都可以唔理客人的話我不會再信任這一間餐廳。
张贴