Séan Cafe (已結業)

菊花的味道✨ 唔係開黃腔，而係發現咗有菊花口味嘅班戟😂其實香港嘅班戟市場早就飽和，開到周街都係千篇一律咁，要突圍而出就靠口味取勝，而呢間cafe都係以好多菜色都以花入饌，除咗花系必備嘅玫瑰班戟，仲新出咗富貴菊班戟✨以我所知呢個菊花班戟大概全港得佢地先有，本身好鐘意飲菊花茶嘅我自然對呢個班戟加哂分啦，其菊花蜜唔會太甜之餘仲好重花香，食落除咗滿足甜品胃之外仲多咗份滋潤嘅感覺✨而本身班戟質地鬆軟味道都富蛋香，中間夾住嘅忌廉都比想像中輕盈，唔會太重口有負擔😗另外熟食都唔錯，英式早餐炒蛋夠滑，炒菇夠香，仲有脆口嘅薯餅同細心切粒嘅芒果肉添✨三文魚芝士牛角包更加不得了，本身口感鬆化嘅牛角包，輕焗一下變得脆脆的，但鬆脆得嚟又唔會太硬，個底仲加咗芝士更香，配埋煙三文魚成件事好完美🤤

小妹最愛揾一D裝飾靚靚cafe同閨蜜好友共聚傾下計仔👭👭👭今日黎左呢間cafe完全是女生們的菜👩‍❤️‍👩用女生最愛嘅花花為主作裝飾💐呢個Conner位打卡影相真係一流📸小妹影左好多張🤭如果有陽光時間黎☀️有光線之下影仲靚喔講番食先🍽呢到亦設有dinner set😁餐湯係粟米湯🌽主菜叫左照燒一口牛柳炒意粉🍝煮法似港式炒意粉☺️估唔到夠鑊氣每條意粉軟硬適中又入味😚而且牛柳軟腍🐮份量亦多有成10粒最後配咖啡或茶☕️

一直很喜歡搜羅美美的咖啡店跟朋友共聚，沒想到這次遇上一間如此夢幻的咖啡店，粉紅色Pink Pink 絕對是我杯茶呢! 這間位於尖沙咀的Sean Café，遠看似一間花店! (美)店內佈置以鮮花、汽球、粉紅色為主，絕對是少女公主風 (但我這種中女也很迷此風)坐Bar檯位拍照超美，大愛! 在這裡拍了很多食物美照 =PCafe內的佈置好夢幻，全部都是拍照打卡的好景點。晚餐選擇很多，而且價錢公道!我選了明太子三文魚意粉$128意粉份量不少啊，三文魚花也有三朵，味道很不錯，忌廉很creamy而且份量剛好，不會令人吃下去感覺太膩!朋友點的泰式燒春雞$178 半隻雞，但其實也很大隻，雞皮燒得很香脆，肉也不會太乾身，旁邊好像薯波的，其實內裡有泰式冬陰功口味的飯，好特別，好好味! 附上泰式雞醬更惹味。我跟餐加了$28轉Ice Latte飯後甜品選了心太軟$56旁邊的雪糕球不是雲呢拿口味，是比較特別的豆腐口味，好有新鮮感。心太軟的朱古力流心很濃，蛋糕很軟，好味!士多啤梨班戟$108這是一款非常精緻的甜品，美得像模型一樣，令人「拍不釋手」。很多士多啤梨，除了好看，也非常鮮甜。總括來說，這是一間環境很適合愛拍

情人節沒情人唯有找朋友吃這家店的美食，這店食物性價比高，意粉香味十足，鮮蝦口感一流，與忌廉香菇沒有違和，感覺幸福。吃完店主送贈情人節花茶球，頓時甜蜜倍增。值得推薦朋友到訪此店、還有可以和花花裝潢打卡拍照。

早前放工後, 去尖沙咀做療程, 療程之前, 我先去食嘢. 為了方便, 就係附近覓食, 見到一間幾靚的café, 叫Sean Café, 便入去試下. 店內佈置以花為主, 女仔見到一定好鍾意和開心. 我點了英式早餐. 材料幾豐富, 有香腸, 煎蛋, 薯餅, 蒜蓉包, 火腿, 煙肉, 蘑菇, 蕃茄, 茄汁豆和自家制的士多啤梨醬. 每款食材也不錯, 我自己特別鍾意香腸, 蘑菇和自家制的士多啤梨醬. 飲品點了熱水果茶. 賣相精緻. 客人可以因應自己喜愛的甜度, 加入蜜糖於水果茶中. 食完英式早餐, 嘆番杯茶, 可以幫助消化, 去油膩. 愛食甜品的我, 甜品當然不可少. 點了朱古力脆脆班戟. 份量比我想像中細, 一個人絶對可以食得晒. 忌廉幾幼滑, 班戟幾鬆軟, 甜度又夠適中. 食晒一碟, 也不覺得膩. 這一餐好滿足.

好姊妹一早已經揀了這間cafe和我慶祝生日， 這間餐廳是以花做主題，啱曬一眾女士來打卡影相。 當日下午我們大約一點鐘到達，點了兩個午餐胡麻牛肉薯餅漢堡$66， 經典拿破崙意粉$56， 特色咖啡兩杯$56， 玫瑰班戟$78。是日餐湯～ 味道偏淡。經典拿破崙意粉～ 番茄醬再加新鮮蕃茄， 甜甜酸酸的味道。胡麻牛肉薯餅漢堡～ 賣相特別， 但味道稍為普通。玫瑰咖啡～ 這個是必點的， 賣相非常漂亮， 入口很香的玫瑰味， 但又不會遮蓋咖啡的濃香。玫瑰班戟～ 班戟的份量不算大， 用兩片薄薄的班戟中間夾住一層忌廉。 賣相都幾靚， 但可是烹調時間比較耐， 記得當日我們大約兩點十五分點的， 到最後要三點才到。 可能我的姊妹已經問過好幾次幾時有pancake的關係，上枱的時候發現沒有了白雪雪的糖粉。Cafe的價錢算是很抵吃， 我最喜歡這裏的玫瑰咖啡。

朋友生日，搵到一間公主風的打卡西餐廳， 位於尖沙咀漆咸道溫莎大廈地下的SEAN CAFE。餐廳佈置得很精緻，有大量鮮花擺設， 粉色格局，有一種夢幻的感覺，我會稱她為少女公主風的夢幻西餐廳。是日餐湯，用小煮飯仔的小鍋盛方，裏面是香濃 的忌廉粟米湯，視覺與味覺都很出色。明太子三文魚意粉，明太子的鹹香魚三文魚很配合，扁意粉軟硬適中，忌廉質感很creamy。泰式燒春雞，好大份，足夠兩位朋友分享，雞皮燒得很香脆，雞肉亦不會太乾，點泰式雞醬很惹味。伴菜好特色，是用冬陰功飯搓成的飯團，比起普通白飯更有趣，蕃茄上的青瓜絲加了芝麻醬，剛剛解除了燒雞的油膩感覺。朱古力心太軟雪糕，朱古力蛋糕加流心醬都好香濃，配上特別的豆腐雪糕，一冷一熱又刺激又好味。士多啤梨班戟，我影好靚，影相打卡一流，選用的士多啤梨亦十分新鮮香甜。飲品方面，點了凍mocha，有陣陣朱古力香味，甜甜的感覺。總結：Sean cafe是一間相當精緻的打卡cafe，食物質素高擺設的很精緻，而價錢亦合理，但由於是小店，店內座位不多，最好預先訂位。

細世界 會變花花世界~~一去到哩間充滿花花的CAFE，我自然就會想起哩句歌詞~~因為在平台見到尖沙咀開左間花味的CAFE所以在平日就約左我的朋友，一同在哩間花花CAFE看下花，談下天,食下野，去到時，因為店舖比較細，位子唔多，所以最好真的訂左位會穩陣一點，我們點了二個套餐同埋一個墨西哥粟米片的小食，另外飲品方面，我們點了好養生的紅棗桂圓茶，同埋水果茶因為份量是剛剛好，所以女仕來說就會剛剛好~~墨西哥粟米片會包埋牛油果的醬，真的好CREAMY~另外仲有蕃茄醬同埋沙律醬?作為小食都是比較好一點的，我們的套餐是包埋一個CREAM SOUP，都不過不失啦，之後主菜，我們點左三文魚意粉同埋充滿花味的玫瑰花大蜆飯三文魚意粉都OK，另外玫瑰花大蜆飯上來昤真的是咁拍照~~食下時，玫瑰花大蜆飯都有少少玫瑰花味~之後就叫埋紅棗桂圓茶，同埋水果茶，可以加水的，紅棗桂圓茶真的好甜~另外水果茶就都OK，可以再濃味一點會更好，食物方面如果再熱返少少會更好一點，環境方面都好多拍照位，真的來到唔怕打唔到卡~~他的飲品都希花花伴碟，真的滿腦子都是花花花花~~

上個禮拜二約左好耐無見的舊同學係Sean Cafe 度聚餐。餐廳裝修以花為主顯，從裝飾、擺設到餐具都做到一絲不苟，配合到花的主題。Dinner Set包餐湯和飲品，由漢堡、飯麵、扒到沙律都有。粟米忌廉湯 - 粟米味濃，質感順滑。照燒一口牛柳炒意粉 - 牛柳肉質唔錯，唔會太乾太韌。意粉炒得剛剛好，有咬口，唔會太淋。和風山葵醬芝士流心黑豚漢堡扒竹炭漢堡 - 竹碳漢堡包微甜帶點脆感，黑豚肉漢堡扒口感鬆化,夠juicy，山葵醬味道好fresh。玫瑰班戟 - 玫瑰花伴碟，賣相吸引，班戟軟香，忌廉質感幼滑，配合埋店主自家調配的玫瑰甜醬，清甜而不膩。抹花芝士蛋糕 - 濃濃的芝士味加上淡淡的抹茶味，味道不錯。洛神花茶 - 擺盤精緻，滋潤甜美。水果茶 - 味道清新。

在尖沙嘴鬧市中找到這家很有少女仙氣的cafe，裝修以純潔的白色為主，配上雲石餐桌和佈滿花花的環境，絕對係女士們打卡的熱點。黑松露卡邦尼意粉，非常濃郁的黑松露香氣，加上煙肉和蘑菇的份量多，每條意粉都掛滿醬汁。煙三文魚芝士漢堡饀料非常多，每口都非常滿足，配上墨西哥脆片夠晒香口，絕對係下午茶首選。炸雞和炸燒賣可算是經典小食之選，雞肉外脆肉嫩，配上玫瑰醬汁，酸酸甜甜很好吃。抹茶心太軟茶味濃郁，不會過甜，流心饀料非常好味，配上玄米茶味雪糕，冷熱交搭必試！

好靚呀！🤩🤩玫瑰pancake、玫瑰鮮奶咖啡☕️、洛神花茶🍵、手工蛋糕🍰 都係我至愛🧡拥有少女心嘅我又如何抵擋誘惑呢🤪🤪我地仲點左黑松露卡邦尼意粉🍝、玉子三文魚漢堡🍔兩個人叫左三份tea set加一份玫瑰pancake🌹，埋單都係二百幾蚊咋🤭😆😆séancafe 啲食物太靚啦，非常吸引💕下次有機會要再嚟過😻😻

平時去開赫德道食飯，都會經過呢間藍白色嘅店舖，裡面有唔少花花擺設，少女味濃！今日終有時間去食返個tea，當然要打個卡先啦！首先點咗一杯Flat White，présentation當然係冇得輸。奶泡打得細緻，奶同咖啡嘅比例得宜，咖啡味道亦香濃。點算咖啡仲附送有壓花嘅曲奇，賣相漂亮，入口都好鬆化，牛油香滿溢。另外亦點咗手沖咖啡，選用日曬埃塞俄比亞咖啡豆☕️入口香醇，帶有淡淡花香果香。嚟到Sean Cafe，當然唔少得嗌返一份pancake。呢度嘅pancake有好幾個選擇，見到唔少人都叫咗玫瑰班戟同抹茶班戟，我反而想試一試蜜糖香蕉班戟。見到蜜糖上面都有玫瑰花瓣，難怪上枱嘅時候聞到淡淡的玫瑰花香。鬆餅一切落去嘅時候已經感覺到非常鬆軟，食落蛋香味濃郁，配合蜜糖同忌廉，非常之唔錯。間唔中嚟呢度食一個下午茶，過返一個少女峰嘅晏晝，感謝好青春！

Cafe空間唔算大有4張枱加1張高枱入面裝飾真係好有心思好適合打卡😻前提要人流少嘅時候我地叫咗兩個Set Dinner餐湯係粟米忌廉湯主菜我地食咗蟹子忌廉汁帶子燴飯&照燒一口牛炒意粉意粉比較硬身有口感牛柳粒多汁好咬口燴飯嘅忌廉汁好足夠一啖一滿足🤤最後叫咗個抹茶心太軟配雪糕&套餐到加咗個芝士蛋糕暖笠笠抹茶流心明明好飽嘅我都可以全個食清清Sean Cafe尖沙咀漆咸道南29-31號溫莎大廈地下12A號舖蟹子忌廉汁帶子燴飯 包飲品 $138照燒一口牛炒意粉 包飲品 $128是日甜品（芝士蛋糕）+$18 抹茶心太軟配雪糕 $56

有日發現公司附近有間非常igable 嘅cafe LUNCH約埋D同事去試吓會唔會金玉其外，好彩都唔係得個樣英式早餐 (HKD88)環境 ❤️❤️❤️❤️抵食 ❤️❤️❤️❤️好味 ❤️❤️❤️❤️個餐有香草腸、太陽蛋、炒野菌、火腿、薯餅、麵包、黑醋汁扒蕃茄❗請5秒內找出炒野菌❗搵唔到係正常嘅，因為成隻碟上面都係得1.5片😥雖然野菌係少左啲，但味道真係唔差，其中最吸引嘅就係香草腸同黑醋汁扒蕃茄香草腸咬落香草味唔算突出，但勝在夠JUICY🍅相當新鮮，配埋黑醋汁嘅酸味可以減低成個餐嘅油膩感打卡為主要目的嘅CAFE，其實食物唔難食已經合格，而且地點方便真係加晒分💮💮💮但要注意就係食物上枱時間有D長，如果LUNCH去就要睇住時間啦‼️

女士必到打卡既Café，成間以花做主題，如果中意花既女士黎到一定好開心興奮，男士係呢啲時候又係化身專業攝影師既時候。Café內外座位唔算多，但內裡裝飾好用手，十分多花既擺設，仿如入左花花世界。食物選擇晚餐有SET，由$78-$228不等，亦有散叫，今日到此係食飯後甜品，所以就冇試到佢既主食。玫瑰班戟　$78擺盤精美，女士們一定見到就心心眼同埋不停用手機影相，班戟份量唔算大，以兩片班戟中間夾住一層Cream，而班戟之上都係仲有一大陀Cream，叫得自己做玫瑰班戟當然係以玫瑰味為主，原來Cream係就玫瑰味，玫瑰味幾出而不甜，比較清新，唔似平時食既班戟咁濃味，Cream亦都打得好幼滑，不過Cream食太多會覺得膩。玫瑰鮮奶咖啡 $42又係女士喜歡既打卡飲品，成SET都係粉紅色，再加上放上玫瑰花做裝飾同埋有榛子佐口。一飲玫瑰花香味十分出，唔算太甜，不過由於都係用玫瑰糖漿沖出黎，味道始終有啲糖水味。整體食物好用心去擺盤，食物質素都OK，唔會只係得個樣，帶女朋友黎一定可以哄到佢開心，一間用心經營同時又顧及愛打卡一族既Café。