Samsen 泰麵

营业中

休息中

未出名前同而家出左名後都要等，所以如果想食既話記得要早d攞位...每次黎都係必叫既：Samsen Wagyu beef soup noodle（和牛船麵）👍🏻價錢雖然係唔平($138)但你會覺得係抵湯既濃度👍🏻👍🏻👍🏻加上麵亦好掛湯👍🏻👍🏻👍🏻👍🏻👍🏻而且有多款牛既部位(肉既份量比麵既份量多得誇張)👍🏻👍🏻👍🏻👍🏻👍🏻P.S. 留意夜左好有可能會賣晒再黎多個samsen pork soup noodle湯超濃，好入味，唔食牛食呢個都超值！👍🏻

喺灣仔黎講呢間泰式料理其實都已經非常出名， 不論下午或夜晚都有好多人排隊，呢食餐廳舖頭唔大，所以等位嘅時間相對地比較耐。 餐廳裝修簡簡單單，樓底高釣左啲唔同嘅花，仲有兩個櫃嘅裝飾， 都幾有泰國風情今日lunch時間好早就去，大概十二點到，好好彩唔使等位之後過咗一陣，門外已經有條長長嘅隊。之前都係嚟呢度食晚餐，唔知道原來午市係有午餐供應嘅我叫咗招牌泰式和牛濃湯河呢個之前食過一直都覺得超好食佢湯底非常之濃，好似泰式船麵咁，但係呢個充滿牛味而且仲有好多配料，。當然唔少得有和牛啦，黎到仲係紅色嘅，浸下湯食剛剛好，超重牛味牛腩都整得好淋，又夠入味。面上仲有啲炸豬皮增加咗口感，又唔會太肥膩牛丸都好彈牙，呢碗粉真係令人讚嘆午餐仲包飲品一杯，我揀咗泰式奶茶，不過呢個泰式奶茶比一般嘅更加甜同事叫咗虎蝦炒金邊粉，蝦好大隻，有成四隻咁多，而且金邊粉炒得比出面嘅好食， 甜甜地，真係泰國風味雖然價錢有啲貴，一碗粉連飲品加一大概150蚊，但係真係好好食

依間泰麵開左都一段日子，之前都黎過好幾次可惜每次都要等太耐就放棄左。今日下晝心血來潮試下下晝食又會唔會易排d呢，因為出到黎都撞岩一點中食飯時間，都等左陣，終於有位。咁就睇下lunch set menu有咩食啦，價錢黎講都貴，每個set基本野都一百蚊起跳，如果真係返工黎食lunch既話未必會選擇依度。佢最出名係泰麵，不過我比其他set吸引左去。struggle緊叫泰式和牛炒飯定係泰式叢林炒和牛飯呢？最尾叫左叢林炒和牛同埋lime。黎到碟飯都算正常份量既，最驚喜係佢個煎蛋再拎去炸😱點埋佢個飯本身果個汁係好好食。至於主角就唔使講，和牛好正炒埋辣椒好野味。不過有少少後悔叫左lime無叫到奶茶，基本上台台都叫奶茶，唔知係咪咁好飲呢？下次再試佢既泰麵同奶茶先。

今日專登去灣仔試呢間餐廳，去到門口覺得裝修好靚，但坐低後發現座位之間好逼，坐得好辛苦，同隔離枱超級近，望落可能以為我地係一枱！坐低後，因為我地有兩個背囊，兩件外套，由於我地坐緊牆邊，剛好有一個位可以放到一張椅子，就問職員可唔可以比張椅子我地放低背囊同外套，點知佢話唔可以，其實到而家我都好唔明白，明明有位，而且係牆邊！亦冇阻住出入口，咁少嘅要求都可以冇原因地拒絕！我叫左一個和牛粉，份量少得可憐！仲要咁貴，牛貴Ok，粉都俾多少少啦！食完個河粉，其實個職員已經來回好多次，想收走我啲碗，佢第一次行過嚟收碗，我話個湯要，因為我要點魚皮食！但佢仍然不停望住我地，當食完最後一塊魚皮，即刻收走我啲碗，剩返幾啖嘅蟹肉炒飯，佢想收埋！我Stop左佢！人哋根本就未食完，我明白要做生意，但係咁嘅價錢，我地唔係食緊快餐！就連最後想飲啖水，都係一邊着住件外套，一邊飲！職員話知你，繼續收碗碟！以後都唔會再幫襯！

今天要介紹的這家泰國菜菜色主要是吃各種和牛的料理❤有和牛船面 和牛炒河粉 和牛炒飯等等等⋯晚餐的營業時間從6:30開始 但是6:45分就會開始滿座 一排隊就是at least 45分鐘！是不是很誇張！！不過就是因為東西非常好吃而且正宗，所以大家還是非常願意在這炎熱的天氣下排隊的😂木瓜沙拉酸酸辣辣的很開胃 而且蝦子又多又新鮮炸魷魚味道很不錯 不過魷魚感覺略為不夠爽口 不夠新鮮彈牙 算是最失望的一個菜燒肉炒芥蘭不在menu上，是店家推薦的！如果大家遇到一定要點 好好吃 好下飯！招牌和牛船面超級無敵多料，而且和牛真的特別滑嫩，湯頭也是很濃郁，建議加一點酸汁會更好吃😋乾炒和牛河我最最最喜歡的一道菜！這裡的河粉是寬河粉 非常入味 是重口味愛好者的菜❤❤❤和牛炒飯相對牛河粉而言有點遜色，不夠也是好吃的，炒得夠乾不油膩

這間食肆已開業多時，但一直都沒有機會光顧。今日整天下雨，以為 應該不會太多人，已打算六時半店舖一開門便進去，應該不用等位。六時半到達時，餐廳外已有一條人龍，排到轉角。幸好體貼的店員走過來和我們登記，拿下我們的電話，叫我們出外走走，45分鐘後回來。結果也等了一小時才有位。有些正在等位的顧客在旁邊的便利店買了啤酒，邊喝邊等 ... 店內的餐牌很簡單。大概有 6 款麵食，5 款沙律。除湯麵外也有炒飯和炒粉。朋友介紹我吃「招牌泰式和牛濃湯河」。我以為又是那些普通的泰國金邊湯粉。原來這個是「船麵」，我之前沒吃過。麵一送上來便覺很不同: 湯是深啡色的濃湯，我還以為是沙爹湯。麵上有數塊大塊的半生熟的牛肉。牛肉又滑又嫩。旁邊也有一些炸豬皮。再吃下去還有牛丸和牛腩。麵浸了濃湯後非常好吃。平時不喝湯的我，今晚差不多把整碗湯也喝了。相比起來，雖然另一味青木瓜沙律伴脆皮燒肉都很美味，但被這碗湯河比下去了 ...

剛好在會展下班，才會考慮再來吃泰麵。這家餐廳六時半才開始晚市時間，所以要六點多就來排隊，不然就要等第二輪，那麼就太費時間了！🤭招牌泰式和牛濃湯河—$138這是每次來都會點的湯河，湯底濃郁，和牛不會過熟，所以特別柔軟，而且牛丸十分彈牙，有手打牛丸的香味，是每次都必點的主食！🤤🤤🤤炸豬頸肉配烤蕃茄辣醬—$68炸豬頸肉鬆脆，不會過硬，而且配搭的蕃茄辣醬味道特別，酸酸甜甜的， 惹味開胃，炸蒜亦都香噴噴！

Incredibly flavourful food that is well cooked every visit. I normally add additional sauce to my noodles and rice but this is the only place where I don't have to when I take out, and it's not just salt either like at some restaurants. I live nearby and can smell them prepping ingredients on my way to work, so it does feel like the food is thoughtfully prepared. Chicken flat noodle is amazing and so are the chili jam eggs. The Wagty beef boat has a unique sweet-ish flavour to the soup that I di

星期六行完灣仔玩具街，近近地想係附近搵D野食醫埋肚先返屋企，突然泛起船麵癮，於是行去石水渠街藍屋附近間Samsen泰麵睇下有冇位。晚上六點半門外經已聚集數十人等候，我們也不例外要輪候30分鐘先有位，最緊要係好味道之餘又可一解對船麵既思念之情。店內座位不太多，若果喜歡欣賞師傅煮麵既你，可以考慮坐bar檯枱位置，不過只有一排6個位，能不能做座上客就要碰下運氣或者需要等候耐一點作特別安排。吸引我黎Samsen原因都係為左佢地碗頗有名氣既船麵，那就點左和牛及豬肉丸船麵各一客。回港後都尋訪過數間有船麵吃既食店，相對之下呢度既船麵感覺來得正宗，是繼尖沙咀泰濃麵之後另一間我可以嘆風味船麵既好去處。小食類別除左有必吃既炸炸豬皮外，更有魚皮可以選擇。泰式炸魚皮比起潮式魚皮咬落更感薄身脆口不粗糙，味道卻微微帶咸香風味，又可以沾上少少船麵湯入口一起食。講到主角船麵，湯底啖啖都充斥著強烈既豬牛血味，色澤濃郁得呈深竭色可以媲美豬膶水般一樣。入口會有辣辣地既感覺卻沒有半分血醒味道，喝幾口都份外溫暖。趁熱先伴湯食麵，麵條尤其吸湯力強且囗感幼滑，一碗有數粒正宗迷你小豬肉丸，還有嫩滑既豬肉片，附加泰式炸豬皮，份量剛剛好

聽同事講呢一間船麵好出名既，咁有晚就去咗試啦 點知去到話要排兩個半鐘頭 之後就不了了之啦今日放lunch見有d時間又心血來潮就去試啦！一點半去到有4到5個人排隊 都排咗差不多15分鐘先入到去裝修有心思 坐得都舒服餐牌兼枱布，幾位同事全部都嗌同一個招牌泰式和牛濃湯河招牌泰式和牛濃湯河 $138 Wagyu Beef Boat Noodle 湯底係豬皮、豬骨同豬血熬出黎顏色深沉濃香，配埋入口爽彈嘅幼身河粉 掂！牛算係中上級 嫩得黎有些少口感 牛味重既食完先知原來可以嗌唔辣既 不過就算我食唔到辣都食哂成碗可見幾好食啦！熱檸水總結，食完大家傾起先知道係第一次食船麵 亦係全部同事大讚好食 食緊已經話會翻食既一間 係到真心推薦比大家！(唯一挑剔既地方 價錢太貴 $138仲要加一 份量對比起上黎唔算多 呢一個可以話係小小既缺點啦，不過你有錢就除外啦)

滿足短暫的泰癮.....身為香港泰國人要止癮，梗要食返碗船麵止吓痕。晚市6:30開門，我地剛好6:30去到店內已坐滿。等了20分鐘先有位！座位不太舒適，空間感十足，枱與枱之間距離過近，相信餐廳返枱能力好高。二人點了一碗和牛船麵$138，大蝦炒金邊粉$128，炸魚皮$48，炒通菜$68、一個椰青$48.和牛船麵，泰好吃。讚不絕口，湯底濃厚，和牛鬆軟，十分推介。難怪$138/碗，每枱都必叫。大蝦金邊粉，大蝦有三大隻，彈牙新鮮。炒金邊粉份量一般，不太濕不太乾，味道也不錯。炸魚皮有別於一般的火鍋魚皮，脆口但較散，可以一試。炒通菜，份量也不少，可選辣/不辣，炒得很脆不老，味道也不太濃，值得推介。總括來說，泰麵真的很泰味，但收費略貴份量不多。晚市人多要排隊，最好早10-15分鐘來到。

於灣仔人氣甚高的米芝蓮推介泰菜, 顧客以外籍人士為主, 舖面不大, 所以閒日晚上都要等成粒鐘, 幸好可以用電話通知, 而不用在門口等. 招牌和牛船麵非常好食, 湯底加上豬血非常濃郁好味, 配料有幾片和牛及兩件牛腩, 入口腍滑, 而牛丸和幼河粉都彈牙. 還有幾塊炸豬皮加添香味和口感. 不過, 其他配菜及小食方面就太貴了, 芥蘭炒燒肉索價過百, 味道一般, 跟一般泰菜餐廳沒分別, 完全不值. 炸豬頸肉也很普通, 豬頸肉像普通豬扒, 沒有豬頸肉的爽脆.

Samsen 出名呢件事就街知巷聞㗎喇所以同友人專登揀啲騎呢時間諗住冇咁多人排隊啦又因為落場時間係兩點半所以就兩點嚟排點知最後排到差唔多三點先有得入見倒個湯咁濃郁梗係第一時間飲啖先啦!!哇媽也 完全好似食緊流質嘅肉咁 成件事真係好moomoo cowmainpoint係湯入面有好多牛嘅protein 所以飲嘅時候會有啲好軟好細微嘅bb滑過咁Wagyu beef 片s 係stay喺啱啱未熟嘅stage所以肉質好軟滑 雖然呢part肉係瘦嘅但味道係超香牛脂味好重!超鍾意個麵嘅質地 透明的 好似glass noodles咁 有jell口! 最緊要係hold湯嘅能力爆頂 變做啡色仲有啲炸豬皮條都偷偷地吸咗啲牛汁 豬得泥又好牛咁 好qq 嘅感覺第一次咁食overall 個湯底雖然係以牛做base 但係香料味都幾重嘅 我都係食咗幾啖先接受過味係一個唔錯嘅嘗試味道：8/10SamsenSamsen Wagyu beef soup noodle$138📍灣仔

又到每日難題既時間....係灣仔四處蕩的時候，難得見到午飯時間呢間冇大排長龍，注定要食佢。其實睇見lunch set 樣樣都好想食，但胃得一個，點左個和牛船面，牛有牛面，肉係稔而有彈性，8成熟。牛丸細細粒但好有彈力，勁正。麵質有薯粉既彈牙，但又似粉絲既幼細。去到重點湯底，係清甜牛骨湯。可以飲到一滴都冇。跟餐既泰ice tea 同樣非常出色，係正宗地攤的味道。一個午餐，我覺得自己走左轉泰國返泥，心情恬然開朗。

兩個幾星期前我仲係泰國日日狂食泰菜，返泥超掛住d泰國餐Samsen出左名十分泰，但一直冇機會試，主要係人龍實在太太太長。今次就破例泥等食，幾耐都會等⋯結果⋯真係等足個幾鐘先入到去⋯⋯睇下出面仲有幾多餓鬼（10pm都泥喇）裝修似泰國d cafe仔。吧枱疑似好坐d，起碼唔會左右同後面都係人😂餐牌中英對照，冇泰文。好多人勁讚杯泰式奶茶，又係幾泰喎，少少偏甜，質素似泰國間飲品店Cha Tra Mue（睇我d泰國相片）。冬蔭公味魚皮大小同脆既程度都岩岩好，味道唔會太辣但又勁冬蔭公真·泰味大大舊蟹肉調味方面其實夠咸夠香辣，但偏偏炒得唔均勻，有部分太咸，改善一下更好。對於一個唔鍾意食boat noodle既人（我）泥講，撇除個人喜好，係好味既和牛、豬肉丸同湯底都豬皮稍冧，可以遲d落或者放牛肉上面。我覺得份量夠，大食或食飯先飽既朋友就可能會話唔飽。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️