Samsen 泰麵

营业中

休息中

First weekend of June, comes up with Samsen as our dinner after a chill drink at Sugar.Been queuing for almost an hour but definitely worth for it (since my gf is so desperate for it) haha.So here we ordered a grab meat fried rice, pork collar, fried fish skin, pork salad with lettuce. Look forward to the next time.😁

之前經過呢間鋪頭，都大排長龍就放棄左，今日再來，看到少過10個人喺度排隊，就驅使了我試吓啦。呢個就係和牛船麵。個湯底非常深色濃同埋稠，聽講係師傅用咗好多豬骨同埋豬紅煲咗好多個鐘而成嘅。飲落去偏鹹，佢潔身嘅程度好似食Jim面咁。船麵嘅質地彈牙，每一啖都掛咗好多湯汁非常好味。至於和牛亦好出色，半生熟食落去好稔同埋好有肉味。其他配菜好似炸豬皮呀豬肉丸，就中規中矩啦，反正佢都唔係主角。整體而言船麵的確非常出色，直得一試。唯一唔理想嘅就係鋪位比較細，預左要排隊，而且排隊嘅時候冇瓦遮頭，天氣又熱有啲辛苦。價錢都唔平，不過又真係幾好味嘅。

放工行到去6點零已經見到有幾個人排緊隊，嗰日仲要落緊雨，不過都無阻我地食好嘢嘅決心其中一位朋友lunch已經嚟食過，佢話和牛濃湯河好食，所以我地決定試呢樣揀咗炸魚皮同木瓜沙律配脆皮燒肉，都普普通通炒通菜就幾好味主菜除咗和牛濃湯河，我地仲揀咗泰式蟹肉炒飯，呢兩樣都好好味！個湯真係好濃，炒飯都有好多蟹肉正！嘢飲我就揀咗菠蘿薑汁，幾好味，薑味唔算太重可以接受4個人食完真係好飽整體嚟講係唔錯嘅，可以再嚟食過

公司位於灣仔成日都聽同事講起藍屋附近既依間船麵日日lunch都好多人排長龍裝修有格調 又有米芝蓮加持咁有人氣都難免既咁岩有朋友尼開灣仔依頭搵我食lunch多得佢自告奮勇早啲尼到去排定隊我終於成功食到依間灣仔人氣食堂船麵好似本身係泰國其實係廉價美食就好似香港既狗仔粉個啲但尼到香港當然至少會貴番個double加上店家行高檔路線用上和牛入饌 唔貴都難第一次食船麵 評價唔到正唔正宗但湯頭的確濃郁 加埋和牛超滋味跟餐仲有正宗泰式奶茶係有少少傷荷包咁囉……正

都知道呢間出名要排長龍噶啦，但係我又未試過又想試下呢間，所以都係來左，排左差唔多成個鐘啊，下次來都係要早啲。一入餐廳就喺用餐位置，有少數嘅座位喺開放式廚房外，就像bar ，設有高椅，廚師就喺你面前操刀。可以同廚師拉近距離都喺唔錯嘅體驗。 水泥石牆上隨意的貼著泰國的食品廣告，添上不少民族色彩。有泰文有中文，強烈色彩對比的插畫實在經典。影相打卡好有feel 泰國粉麵店，餐具帶出地道且懷舊嘅風味，。冬蔭公味魚皮大小同脆既程度都岩岩好，味道唔會太辣但又勁冬蔭公。。和牛濃湯河 不愧爲招牌湯河，唔單止啲餸好味，個湯簡直係精華所正，每一啖麵都掛左好多湯喺上面。仲有個個椰子雪糕唔好錯過。

長期滿座，門口長期都有條隊等位，一餐好貴既lunch，但貴得嚟又覺得真係值同滿足，因為真係好有地道泰或味道，同埋真係好好食。嚟呢間泰國餐廳，一定要飲埋佢杯泰式奶茶，味道係泰式茶香，奶滑、味清香，會飲過翻尋味！今次我食 lunch set  "pad Thai noodles of tiger prawns"  $128  其實似係茄汁味既炒金邊粉，不過有好多隻大蝦，即時覺得值回票價！同埋有青芒果絲、好多泰式香草同伴菜，將伴菜撈埋金邊粉一齊食好好食，好食到清咗碟，好食到會翻尋味！當日太多人，我就坐對住廚房吧枱，一邊睇住外國人廚師煮，一邊享受緊自己碟泰式風味美食，有視覺同味覺享受，呢餐飯我食得好滿足，有去咗泰國既感覺。不過食個lunch 加一後要$140，唔捨得食得咁密。

今次黎試試最近好火嘅泰麵店，一放工就搭車衝住過嚟，到嘅時候大概六點，見佢開住門咁以為入得，但原來佢係開六點半！本來都諗住去行下再返嚟，點知企左一下竟然見到有四個人嚟排隊，我哋即刻唔敢行開去排埋一份！條隊越排越長好痴線！終於夠鐘入得！環境好特別，睇得出佢大致有保留舊環境，做到保育。樓底高就擺設一些盆栽，有心思呀！餐牌就係這麼一張墊枱紙。我地本來先叫咗炸魚皮，一碗和牛濃湯河，一碗豬肉濃湯河，脆皮燒肉青木瓜沙律，但佢話無燒肉🤢咁唔要沙律囉。泰國炸魚皮👆🏻$22唔算貴，有別於平時食開個啲，比較腥少少，不過都唔差。跟住見到大部分人都係叫👇🏻豬皮😳我地都跟隊叫左碟！比起魚皮佢係好食啲既！👍🏻👍🏻必試！招牌泰式豬肉濃湯河👇🏻$128，係貴嘅！湯好濃，真係好濃郁，好好味！粉好食，分量正常，豬肉片係白灼咁🤢，無咩味，仲有少少鞋，肉丸更加無特別，咁如果佢賣咁貴應該係貴在碗湯。招牌泰式和牛濃湯河👇🏻$138，話哂係和牛，當然貴少少，湯底所有野一模一樣，只係豬肉變左和牛。牛肉正常唔差。最有驚喜係呢個芒果糯米飯👇🏻！$78，同泰國食個啲一樣嫁！！係香港我未搵到同食過好食好正宗既芒果糯米飯，但竟然呢度食得到！糯米

性價比低到喊嘅一餐。叫左佢地好出名嘅和牛濃湯船河，個湯咸到一個點，同埋啲河粉少到一個點，成碗野幾啖食完但$138… 除左船河, 佢其他野全部portion 都係超細，每一樣野都係幾啖就食完，最離譜一定係個芒果糯米飯，$78蚊但得幾啖飯同少少芒果，雖然啲野味道正常，但份量絕對對唔住個價格!! 另外，落單果陣時我地話唔要飲品，個waiter 一句”咁我比d still water你地share啦” 就幫我地開左一枝水，後尾先知要錢嘅，fine，開左都算喇。食食吓我地完全無叫過佢之下佢又突然幫我地開多枝，完全係焗你要比錢買水。埋單果陣發現原來係$45枝，呢招真係太過分。呢間野上菜超快，但收野都極快，每碟野一食完果吓佢就埋泥同你收碟，最後食完甜品，我地水都未飲完，佢就勁快手咁埋泥收野加收錢趕我地走，我地果日等左位35分鐘，最後食左45分鐘就被趕走，絕對衰過茶記!! 服務+食物portion都完全唔ok，4個人食左950蚊但完全唔飽，離譜!

今次係第二次到Samsen 食飯見到門口好似唔係好多人以爲唔駛等好多張枱但咁諗真係錯晒因爲間餐廳問左你幾多人之後係會攞埋你電話，等到差唔多有位就會打黎叫你返黎好多人都留左名之後到附近既酒吧一路飲酒一路等位話說個侍應一開頭話要一個鐘，但結果係等左兩個鐘先有位由唔餓到餓又變返唔餓到終於等到電話話有位入去叫左和牛濃湯河 — 不愧爲招牌湯河，唔單止啲餸好味，個湯簡直係精華所正，每一啖麵都掛左好多湯喺上面👍🏻蟹肉奄列—泰式蠔仔奄列既蟹肉牌，啖啖都有蟹肉之餘又唔會好似蠔仔奄列咁有陣腥味，配埋個辣醬真係一絕椰子荳冰—鐘意椰子既話就要試下喇，不過要快啲飲，啲冰融左之係杯嘢會溝希左芒果百香果冰—有好濃既芒果同熱情果味斑蘭椰子湯丸—斑蘭湯丸入面唔知包左啲乜嘢😂（椰子乾？）加上咸咸既椰奶，份量有啲細但味道有驚喜椰子雪榚—唔駛多講—必食食物飲品樣樣都好，難怪咁多人黎食但值唔值得等咁耐就見仁見智

吸取頭一次太晚去的經驗, 今次決定了6點半去, 那就一定可以吃得到招牌船河.6點半準時到, 下午已經開始不吃太飽, 怕吃不下, 所以特別餓.雖說6點半, 但店外已經有很多人在排隊.我們等到7點3左右才有位置, 建議想去的人一定要預起碼半小時去等位.今次點到了招牌泰底和牛濃湯河!! YEAH!!名副其實 湯底十分的濃!!! 但又不會太咸.用的牛肉也真的是和牛, 很腍, 好好吃, 很有牛的味道!!在旁的豬肉丸也很爽脆, 還有幾條炸豬皮, 配搭得非常好.河粉很滑, 一絕!!!!! 是MUST EAT ITEM!!!! (平常不太會喝湯底的我, 把湯都喝光光了, 胖死, 但死在它手上也是值得)小缺憾是, 本來想多點一份炸豬皮, 但~~~~~~~又賣光 魚皮也很野味, 不錯. 但我還是比較推薦豬皮, 真的比較搭.還有一個MUST EAT ITEAM, 就是炒闊河粉, 味道跟我去泰國吃的一模一樣, 而且它們家的粉, 都很滑.(不是一般的滑, 是很很很很!!!!!滑!!!!!!!) 跟平常出去泰國餐廳吃的很不一樣, 10個好吃.我們還有吃馬拉盞炒通菜和芒果糯米飯(內有卜卜脆米, 蠻有口感的),都是好

今天中午經過鋪頭，想起朋友說過這裏很好食但要排長龍，我見只有三五個人喺前面便排隊一試。排完隊入鋪頭的時候，店員很親切地告訴我沒有牛肉河粉了，這是我本來想要試的，心想為什麼現在才告訴我呢。但因為已排隊所以便坐下，並叫了一份虎蝦炒貴叼 套餐包括一杯飲品。貴叼味道很好但略嫌油份稍重，蝦的數量算是合適。連同服務費$141。這餐廳的環境像拉麵店，不會讓你坐得很舒服的那種，又冇得預約，想起要日曬雨淋又要排長龍的話，這個價錢一定不會特地再來。

1.Samsen Wagyu Beef Soup Noodles🐷🐮🍜 ($138)湯底好濃味👍🏻餸有好多和牛片 牛丸 豬丸 炸豬皮🐮🐷麵食落質感似再幼身嘅金邊粉 好索湯 恕我無知 食完先知船麵係用豬紅黎整湯底😭我唔食豬血嫁😭 味道係濃但認真講 泰國街邊賣十幾蚊港紙嘅仲好食🧐呢到肉好多 can try🤨2.Thai Mango & Sticky Rice🥭🍚($78)芒果正常 甜啲更好🤪 糯米飯嘅椰奶香口好味😋 平民版響普通泰菜餐廳有🤭3. Young Coconut Ice Cream🥥🍨($68)呢個好呀👍🏻雪糕清甜 配埋香口嘅花生🥜好夾值得一試再試🤗4. Mango & Passion Fruit Drink🥭($48)呢杯都好飲😄好多果籽 唔會太甜好足料 解渴 😀

你覺得由澳洲人Adam主理泰國地道船麵很出奇? 當你吃過他之前在Chachawan煮的泰國東北菜, 你就會知道他煮出來的口味比很多泰國人更正宗, 味道更強更辣. 正如他的船麵湯底, 豬血味比其他香港船麵/河更濃, 質感更濃稠, 味道更為霸道, 冬粉吸湯之餘依然保持挻身. 麵和湯本身十分出色, 用上和牛做配菜, 除了Luxurious之外, 和牛的牛香與湯底的濃香相當合拍, 而且半生熟如Pho的做法肉質相當腍. 撇除天價之外, Samsen應該是香港船麵/河的Best of the Best吧!

喺假期前夕嚟食晚飯, 因為店舖偏細, 等咗接近一個鐘先有得入座。不過.. 等咁耐都係值得嘅先嚟個小食Crispy fish ($22) 同平時食到嘅打邊爐炸魚片唔同, 呢度嘅炸魚片比較薄身, 魚味重, 香脆可口又唔會太油膩, 好適合做餐前小食Papaya Salad ($98) 木瓜沙律清新, 配燒豬肉竟然出奇地夾! 燒豬肉個人覺得幾高質, 皮燒得脆, 肉帶油香Wagyu Beef Noodle ($138) 好好食! 湯好濃味, 河粉軟硬度適中 (以前食過好幾間啲河粉係未熟嘅...), 牛肉都落得好足, 食得出係落足料Fried egg with jam ($78) 雖然係炸蛋但唔會太油膩, 配酸甜醬都算夾, 但個人覺得唔算突出Crab fried rice ($138) 炒飯好乾身, 蟹嘅份量算多, 重點係, 啲蟹真係有蟹味😂 好鮮甜! 睇賣相估唔到咁好食Coconut ice cream ($68) 睇賣相已經覺得好吸引, 雪糕偏林身, 但配粟米花生一齊食真係非常夾Mango sticky rice ($78) 芒果夠甜, 同平時食到嘅糯米飯冇太大分別整體嚟講好滿意啲菜式, 但要

Samsen 泰麵 (灣仔)灣仔石水渠街68號地下-----灣仔呢間泰麵係2018年首次登上米芝蓮之後 一直人潮不斷😆晚市6.30開始 B仔同朋友已經6.15就到 但前面都已經有起碼20個人排緊隊🥵想食真係要早d去-Wagyu Beef Noodle ($138) 雖然主廚係澳洲人 但samsen ge泰麵一d都唔fusion 係地地道道ge泰國船麵風味 呢個主打ge和牛船麵 材料豐富 有和牛片 炸豬皮 牛丸 同通菜～和牛肉質非常鮮嫩 牛肉味濃 牛丸非常扎實彈牙 炸豬皮浸落湯到倒是一般 唔特別香脆 亦有輕微難咬 不過呢個麵ge重點係湯底 湯底用豬皮🐷豬骨🐷豬血🐷同大量泰國香料熬製而成 質地較稠 風味獨特 d麵索曬濃郁ge湯汁 非常惹味-Pork Boat Noodle ($128) 其實同上面講ge和牛船麵無大分別 湯底 麵底都一樣 都有炸豬皮 只係牛肉變豬肉片 牛丸變扎肉丸 豬肉片同和牛片一樣非常嫩滑 扎肉丸就幾特別 彈牙多汁 係香港好少見😆-Crispy fish （$22) 有淡淡ge冬陰公味道 魚皮較港式炸魚皮薄身 第一次食泰式炸魚皮 覺得幾特別 但B仔同朋友都一致認為 港式炸