Samsen 泰麵

营业中

休息中

呢間泰國菜已經連續4年得到米芝連推介，今日平日晏晝12:20左右到都排咗20分鐘先入到去，證明呢間舖頭人氣真係好高🥱午市套餐會包一杯嘢飲，同朋友都嗌咗青檸梳打，襯返啲油膩嘢就一流喇～第一個係招牌泰式和牛濃湯河 ($148)🐮個湯真係超濃牛肉味🤪生牛肉片好嫩口，牛味都好重🤤而且有幾粒牛丸都幾彈牙，河粉都比起出面嘅麵更有彈性，所以超推介食呢個👍🏻招牌泰式蟹肉炒飯 ($158)超足料，差唔多啖啖都食到蟹肉，唔係炒得好乾身個隻但都幾重蛋香幾惹味😋落啲青檸汁就可以平衡返個油膩感😛另外有泰式魚露跟埋可以按個人口味落，不過有少少辣🤭泰式虎蝦炒金邊粉 ($148)調味係偏甜，蝦有4隻都幾彈牙，但唔算太大隻，側邊有啲青蘋果絲畀你撈埋落去，食落唔算唔算好油膩，但個人覺得呢個係三個入面最普通嘅一個🤭總括而言呢間都係一間高質素嘅泰國菜，會明白點解佢可以得到米芝連推介🤙🏻明白咩係一分錢一分貨，偶爾食一次當獎勵自己都唔錯🤤

朋友話最近發現左間好食泰菜，帶我去食依間泰麵。去到12點3，4左右，門口已經有條小人龍。都等左近半個鐘先入到去，門口曬住等，用餐體驗一般。好在門口waiter會係就排到時已經落定單，我叫左個和牛船麵。入去坐底就等左10分鐘就上麵。先試下船面個靈魂，湯底，好味既，濃郁得來唔會太咸。再試下d牛肉，肉質軟滑細嫩，同湯底夾既，果然一分錢一分貨，和牛係唔同d。追加左個炸豬頸肉小吃，炸得乾身得來都keep到肉汁，唔錯。整體來講野食係好食既，唔好就係排隊較耐同價錢稍貴。

2021年既最後一餐就俾咗Samsen🎉 人龍照常地多 價錢照常地不親民🤣坐得迫D當係泰國Authentic D既街頭地道感🛺 呢個價錢我Expect會坐得舒服啲🌚 味道方面水準布施道但係調味不必要地太鹹😅 比起泰國食到仲要更重口味‼️ 非常同意有人話Overpriced💰⭐️ 青木瓜沙律配鹹蛋 🥗老實講青木瓜沙律好難Go Wrong 💚酸酸辣辣嘅配搭好開胃 鹹蛋顯得有點多餘🍳 更有點蓋過青木瓜的清新⭐️ 招牌泰式和牛濃湯河 🐮湯底仍然好香香濃好Rich🍲 同泰國船河味道好貼近⛵️ 但係湯底不必要地太鹹 和牛咬落去算係嫩滑🥩份量亦不少 但係比起以前入口即溶令人驚艷的口感退步了💔⭐️ 招牌泰式蟹肉炒飯 🦀好有鑊氣又唔會太油🍚 但係蟹肉新鮮度不太夠🌊 同樣菜式比較喜歡Chachawan既煮法多D🥱⭐️ 班蘭椰子湯圓 🥥最喜歡既泰式甜品🇹🇭 湯圓皮夠煙軔🍮椰子椰糖既餡同椰奶有種甜鹹嘅奇妙配搭🍼唔會死甜的感覺

Samsen 泰麵放假咁啱行開灣仔，去到藍屋附近發覺有間餐廳大排長龍，上網一睇原來係一間出名既平民米之蓮泰菜。排得隊應該有信心保證，咁我當然唔執輸，排埋一份。排咗應該有30分鐘，終於有位，但都要坐門口位。餐廳裝修簡約，泰國風為主，但鋪入面又有少少似西式既酒吧，風格特別。不過為咗應付人流，座位比較迫，枱亦比較細。招牌泰式和牛濃湯河湯頭十分濃郁，飲落有陣陣甜味，唔會死咸。而且飲完都唔會好口乾，證明冇落/冇乜味精。除咗2大片和牛肉之外，其他配料包括牛丸，牛腩，豬皮，芽菜等等。和牛好粉嫩，入口肉質細緻而且牛味濃郁。牛腩唔會柴口，牛丸亦爽口彈牙，高分之作。招牌泰式和牛炒飯本身自己都幾鐘意食泰式炒飯，貪佢夠重口味！呢到既炒飯炒得好好，一睇就知粒粒分明，飯亦都炒得好乾身，食到最後都見唔到碟底有好多油剩低。而且牛肉同葱既份量都好多，炒氣又夠，好有水準。不過個飯就愈食愈咸，去到咁後都要叫2杯水先頂得順😂呢到既價錢係貴少少，但水準不錯，一定要再黎！

聽人講呢間泰麵好出名，成日都大排長龍，所以今日就慕名而來～去到等咗30分鐘左右終於有位～但入面嘅座位距離極細，坐得好逼，疫情底下咁嘅安排認真麻麻…🤨呢度嘅main都$138起，都幾進取！泰式豬肉濃湯河粉 🐖🍜 ($138) ☠️先講河粉，我真係第一次見咁幼嘅河粉…仲要confirm咗佢無俾錯😵佢質地極黏，有啲似水冷麵嘅麵質，好奇怪🥲☠️湯底都算鮮甜嘅，但佢辣味都幾重手🌶…而個餐牌都無寫明佢係辣嘅😴唔太細心，怕辣人士要注意下～☠️豬肉就正常味道同質地，無特別🐷☠️豬肉丸有肉嘅甜味，但太細粒，難啲感受肉質嘅回彈口感🥲青檸茶 🍋☕️☠️甜到傻，可以不試❌.服務方面，呢度waiter極度咄咄逼人，只要你一食完嘢就會被收起啲碗碟…嘢飲都未飲晒就會好貼心咁為你送上收據🙂我明白餐廳需要做生意，但給予客人合理嘅用餐時間都應該啫😴咁嘅服務態度仲要收加一真係…..總括而言，呢度價錢唔平，但個食物質素又對唔上個價錢，服務質素又麻麻，個人覺得不值一試🥲❌❌❌

到訪藍屋，順道嚐嚐這家米芝蓮泰菜餐廳🇹🇭到店時已非午餐高峰時段，卻人頭依舊。坐下後，跟朋友分別點了招牌泰式豬肉濃湯河以及和牛濃湯河。兩碗麵的湯底均非常濃郁(說它為整碗麵的靈魂也不為過)，即便是一口接一口地喝下去，也完全沒有人工調味那種會往下掉的口感，飯後亦沒有出現口乾舌燥。衝著湯底，絕對會去再嚐一次♥️

平日12點零去到已經有條人龍等緊位好彩等咗一陣就有位枱同枱之間嘅距離好近 真係有喺泰國食野嘅感覺😜🐮招牌泰式和牛濃湯河 $148為呢碗湯河而嚟 每次都會叫😋😋除咗和牛片，仲有牛丸河粉配埋香濃嘅湯底繼續冇令我失望👍🏻👍🏻🐮泰式打拋和牛配油炸雞蛋 $148和牛肉碎加埋配料炒得好香 少少辣同有啲重口味 加埋隻流心蛋 送白飯啱哂😋Set lunch兩杯野飲都揀咗泰式奶茶唔算好甜 好滿足嘅一個泰式lunch

weekday兩點幾食lunch都要排隊😱而且仲冇曬湯麵，唯有叫其他🥲🦀招牌泰式蟹肉炒飯好足料既炒飯，蟹肉大大粒！落左蝦米炒味道即刻昇華！另外配有魚露，個人覺得唔太需要因為都夠鹹😝🐤泰式炒闊河粉(雞)好少食泰式河粉，所以呢個好有驚喜🤣泰式河粉好有咬口/彈牙，同平時食開既港式河粉好唔同！河粉炒得好香，雖然油啲，但完全唔會濟👍🏻略嫌portion細左啲啲🤣嘢飲選擇左泰式奶茶，係正中泰式奶茶呀🧋

本人在金鐘上班，無奈附近沒有好吃的可以選擇，每次都不辭辛勞坐叮叮車去其他地方吃，近期發現的最愛就是這間泰國餐廳，午市套餐真的好吃又划算，每次必點是招牌和牛湯河配泰式奶茶。這份和牛湯喝湯底濃但是不會那麼的咸，裡面的配料有牛肉丸，和牛還有通菜，都是本人的最愛，每一樣都是極品。另外要大讚一下他們家的泰式奶茶，不會那麼甜，而且非常的絲滑，整個午市套餐每人160港幣左右。中午想去試一下的小夥伴一定要趕早，因為他們家人巨多，要排隊，但是相信我，排隊很值得！

約朋友於灣仔藍屋見面順道來拜訪「泰麵」。他們開業不久已3年登上米芝蓮必比登美食推薦之列。店舖裡裡外外都充滿著泰國風味。泰北肉碎生菜包(豬)肉碎加上很多泰式香料，香香辣辣加上青檸的香氣，可口迷人，再以生菜包裏着啖啖滋味爽口。泰式虎蝦炒金邊粉Pad Thai是泰國街頭美食，今日吃到是很傳統的，有豆乾、雞蛋、芽菜、韭菜、花生，蒜蓉乾蔥辣椒等，再加入羅望子醬汁調味，口感豐富，虎蝦彈牙，配上那傳統的碟子份外有親切感。炒泰國通菜那種鑊氣和料頭將通菜變得更爽口和美味。泰式街頭椰子雪糕嫩嫩的椰肉，粟米，雪糕啖啖椰香，以椰殼奉客，一定要試。

裝修係復古風 同埋 開放式廚房 見到廚師人地話必點 Roti(薄餅)同埋咖喱湯麵 入邊既食客都係點呢兩味Roti 酥脆 好多層次 好香口點咖哩一齊食 又唔同口味咖喱湯麵 香濃咖喱好特別 係佢地自己調制既招牌泰式和牛濃湯河配料有炸豬皮、和牛、牛丸個湯好有味 真材實料煮出黎麵嘅份量唔算多 但係可以接受最後成碗湯飲曬

想試好耐終於排到隊我終於明點解要排隊我終於明點解咁多人讚我叫左個招牌泰式和牛濃湯河個湯底真係好濃味和牛又真係好嫩 好易入口唔硬成個湯河都無乜挑剔位可能係河粉少左少少 但我一個女仔夠滿足坐我隔離枱個男人就要叫多碟先夠午餐仲有杯飲品送～我叫左Thai tea 都好飲係價錢以午餐黎講真係貴左啲既$148不過好彩好食

星期日中午2點前到，排咗唔夠20分鐘就有位，似乎無以前排隊等得咁誇張，2點半到3點避開繁忙時間就唔使等都有位。環境配上音樂氣氛係幾好，只係店面比較細客人枱與枱之間會坐得好近，兩次嚟都有種我聽隔離講嘢隔離又聽到自己傾偈嘅感覺，加上張枱細如果嗌得多嘢食會唔夠擺，但以上問題毫不影響來光顧嘅意欲，食到已經好滿足。今次本來想試吓 招牌泰式豬肉濃湯河，店員話依個香料調味簡單清淡啲，最後都係叫返 招牌泰式和牛濃湯河，入邊有炸豬皮、和牛、牛丸。麵嘅份量唔多，但好鍾意佢用嘅依一隻河粉，加上個湯底先係精粹又唔會太油膩。我會加埋佢哋隻辣椒汁去食，應該係佢哋自己調製嘅，夠辣夠惹味。碗通菜兩次嚟叫都食唔晒，好大份哈哈。香炸半熟蛋配甜辣醬 我都係叫過再嚟食，係好食嘅！硬係要講嘅話，就唔知會唔會有人覺得$78食兩隻蛋會有啲唔抵，雖然我估嚟得食嘅都唔太介意，又或者可以叫 炸豬頸肉配烤蕃茄辣醬，上次叫過又係好好食。飲品方面，我朋友叫咗 芒果百香果冰，我試咗一啖，沙冰打得幼細同足料係幾吸引。我自己就叫咗支IPA。甜品如是，斑蘭椰子湯圓 都係叫過再食，個人對斑蘭口味情有獨鍾，椰漿椰肉配斑蘭湯圓，入邊係椰糖同椰絲做餡。兩次同

Delicious Thai cuisine coupled with a vibrant atmosphere. Wagyu over broth was very rich and flavorful. However the hard seating was very uncomfortable and music much too loud. The staff was both very friendly and eager to accommodate. Unfortunately, the dishes were honestly waaay too OVERPRICED for what it is…

Full of Thai street food flavours and ambience. Pick of the town if one longs for some truly authentic Thai delights. I wouldn't say every dish is impressive, but they have enough goodies on offer to keep the queue going every single day. I was touched by the soup base of the signature pork noodles and the desserts.