Rustico

营业中

休息中

周一晚上諗極都諗唔到食乜，開車黎到荔枝角D2 Place 後揀咗評價較高既Rustico 西班牙餐廳🇪🇸長長舖位有位半身高玻璃窗，比部份高枱可以直接採光🌞 之餘，又可以輕挨窗邊扮文青👩‍🎓內部都頗大，估計坐到40人，樓底夠高，枱同枱之間又闊😇 重點係Rustico 燈光昏暗，有悠揚音樂🎶 好適合呷番杯Sangria慢慢長坐，係浪漫環境享受一頓美饌🍽️同其他高端西餐相比, Rustico 親民啲，餐牌有中文同圖片🖼 輔助選擇Cheese Platter 🧀 一黎比佢嚇親，除左一盤四款既芝士外，仲有另一大盤麵包搭杏甫乾同堅果條，芝士一共四款，車打芝士（應該係⁉️）浸左疑似橄欖油入面（西餐知識有限😝），比平時香口同無咁滯，另外有款軟身奶芝士可以夾麵包，硬芝士就咁食剛好，而藍芝士，我相信香港人口味可能難接受啲🤔可惜吖，開車唔飲酒，唔係芝士同Sangria 應該係蜜友😩另一個前菜炸鱈魚球配蜜糖泡沬🐠 ，賣相已經💯(餐廳個燈光真係un-igable😥) 金黃既魚球比蜜糖泡沫🍯 包圍，甜中帶香脆，加埋內部熱盪既魚肉, 讚 👍今餐絕對係眼界大開，呢味broken egg 🍳一黎仲以為係薯條，店員問要唔要

響openrice見到佢咁多好評，一於試下打去book位食， 但係分兩個 時段: 6:00-8:30; 8:30至完場, 可見根本唔係一間 , 畀你慢慢食, 吹下水嘅餐廳。既然book咗位就照去, book 6pm, 一坐低是應就問你飲distillwater定sparkling water, 我哋求其講咗distill water, 然後，佢拎咗 一支原裝玻璃裝住嘅蒸餾水，附上一碟砌好嘅檸檬， 心知不妙 , 一定charge你，所以即時話唔要 ( 個問題係,佢冇寫到幾多錢) ok, 呢間餐廳唔算多tapas, 叫咗西班牙海鮮飯, 2款tapas, 一杯啤酒同一杯咖啡 。tapas好普通( 魷魚鬚同埋炸波波)， 西班牙海鮮飯可以一試嘅, 食到一半, 見到後面嘅櫃上面, 其實有幾壺開水! 咁點解一開始唔俾開水客人?! 食咗一個鐘到, 檯面d嘢食咗8成， 然後待應走過嚟，收曬你嘅小碟, what?! 已經開始有啲不滿, 所以叫佢重新, 再畀返我哋...我明白餐廳要賺錢, 但如果 連飲水嘅錢, 都 唔講得清楚啲畀客人知; 未夠鐘又趕人走, 西班牙嘢食又未去到好出眾, 咁其實都不推薦呢間餐廳。

本身同屋企人一行六人去食過開心生日飯， 起初見到openrice有好多個哈哈笑 ， 滿心歡喜去試下正宗西班牙菜， 點知去到餐廳打開menu，個心真係已經滿心貴驚喜， 唔緊要諗住食個正宗西班牙菜貴啲都ok，最緊要食物質素同份量可接受， 跟住我哋揾個waiter叫四份菜諗住試下質素同份量先， 跟住個waiter塊面黑過炭屎， 仲語氣唔係咁好咁問我哋係咪only four。。。。 總括嚟講服務差。食物份量少。 價錢偏貴。。。。

早前，跟朋友仔傾開計，D2 Place 2 期開了戲院，原來他從來都未去過 D2 Place！由於他喜歡食西餐，於是，他建議走到 D2 Place 1期地下的西班牙餐廳 <Rustico>！餐廳鄰近 D2 Place 1期商場門口，又近荔枝角地鐵站 D2 出口！十分方便！門口設於商場外！當我們一去到餐廳門口，我已被其紅色西班牙情調的門面吸引住嘞！Menu意想不到！當日比預期 28度熱，最高溫度 29 度！是時候喝凍飲吧！Rustico heart $68橙紅色的特飲看似西瓜汁，混合 Soda、紅桑子汁、...，冰凍酸甜！不錯喝！焗生蠔 $98/隻 x4焗生蠔火候恰到好處！蠔身嫩滑又保持多汁！橙紅色的醬汁，其實是濃郁的龍蝦汁！鮮美帶甘，提升生蠔鮮美！香烤特色西班牙豬腩肉 $128一客有3片，比預期大塊， 豬腩肉脂肪豐腴，甘香鮮美又富肉汁，拌上混合羅勒葉及蕃茄的醬汁，別有一番風味！招牌西班牙黑毛豬海鮮飯 $218正所謂，一分錢一分貨！單看賣相就覺得少配料！ 勝在味道搭夠！蝦也算鮮甜，幸好肉質不霉！意大利飯煙韌有咬口，口感討好又夠入味！紅酒煮香梨伴檸檬雪芭 $65這道甜品可說

爸爸訂咗枱中午12:00，仲坐窗邊位置！感覺舒服。是日午餐我揀咗頭盆係烤牛仔肉薄片配吞拿魚沙律醬伴西西里水瓜柳！頭盆一人份嚟講算唔錯，吞拿魚醬好香濃，但係都冇掩蓋牛仔肉片嘅牛肉香，一粒粒好可愛嘅粒粒水瓜柳，其實係pickle，酸度啱啱好，開胃！主菜我就揀馬鈴薯麵團配四款芝士汁，麵團波波煙煙靭靭得嚟軟軟糯糯，配上超級香濃芝士汁醬，上面仲有大量芝士刨絲，完全滿足晒我呢啲芝士控。不得不提上餐前嘅餐包，麵包暖暖好香，多士香脆到不得了，沾埋黑醋同橄欖油，兩件麵包完全俾我KO。最後甜品我選擇咗雪糕，落單時冇問咩口味，嚟到係一個朱古力雪糕球，下面有啲好脆、香甜嘅餅乾脆墊底，面頭有香古力醬，雪糕濃滑而唔太甜，加上餅乾脆卜卜，口感非常滿足。跟一杯餐茶，凍檸茶要消消飽肚感！服務尚算可以，會喺你食完個頭盆先上主菜。我相信會再去幫襯試吓晚餐。

終於可以跟荔枝角說再見，這十年嚐遍荔枝角大大少少的餐廳，在不同食肆留下美好回憶和飽嗝。今日同事們請食fairwell 飯，來到位於D2一期地下的Rustico---西班牙文即鄉村風味的意思。走進餐廳，餐桌以啡白調為主。磚紅柱身﹑米白牆身﹑木製食桌拼湊出和諧而充滿歐陸的感覺。食物價位較高，以一個午市套餐計，$180 為最低消費。套餐包括一個前菜，主菜及甜品、飲品。-------前菜：汁煮蜆得清淡的一道前菜，蜆肉彈牙。主菜 -- 焗雪魚配特色燴蔬菜及焗新薯份量以女性來說，只是剛剛足夠。魚扒煎得皮脆肉嫩。燴好的蔬菜淋在上面，好健康！焗薯能吃到原汁原味。整體感覺是清新的。甜品 - 檸檬蛋糕甜品選擇只得兩樣，檸檬蛋糕及Yogurt 檸檬蛋糕口感硬，檸檬味道欠奉。非常失望。

星期一午膳，約honey過左去荔枝角, 午餐時間，很多人都去D1 同附近工廈，搵到呢間小啲人流，而且經營5年幾的餐廳。試過食下午茶，今次第一次食lunch. 當日lunch只提供商務Lunch set ，價錢由 $128 至＆278/set，另收加一。環境可以，只是枱太細，二人枱同隔離枱黐得好埋。坐得唔舒服。我要左個西班牙式燒豬仔lunch set，honey 要左西班牙海鮮飯 lunch set. 主菜來之前，奉送兩件包及Oliver oil and vinegar 西班牙式燒豬仔，我呢份是腳仔部分，皮脆肉嫩，但係呢就未就比較淡。我要另外加鹽。 伴上幾塊薯片， 分量對於女士來說，好夠。西班牙海鮮飯，份量少，等幾耐吓，上到來，啲飯只薄薄一層，上面的海鮮料也不多，honey 食咗兩斤啖，就變成咁嘅樣呀。 我分左啲燒豬畀佢食。另有餐茶 熱咖啡或檸水等另外甜品可選擇一球雪糕或者一塊細細嘅蛋糕仔

去完D2 place weekend market,一行人去了樓下西班牙餐廳dinner好抵食呀！一碟有好多靑椒仔！爽甜開胃～表面平平無奇，個多士好香脆塗上附上蒜頭一齊食，好食到忍不住叫多碟多士encore 燴牛肚配䳸咀豆，牛肚好林，唔un, 好食西班牙乳豬，塊皮脆卜卜，唔錯是晚驚喜菜式⋯西班牙海鮮飯！wow~好好食！飯粒充滿海鮮味！響香港真係未食過咁好食既西班牙海鮮飯，好食到要再叫一碟！apple pie, 細細份唔太甜

一直唸唸不忘早幾年係西班牙食過烤乳豬，終於唔使坐長途機，飛十萬八千里係香港就食得翻😋位於荔枝角D2 Place既Rustico佢既烤乳豬真係超超超好味，皮胞肉嫩真係食到流晒口水。由於真材實料既關係，建議大家揀lunch time去食lunch set細份d，仲可以試埋佢既湯或前菜。食lunch set既重點係可以食埋佢地配既麵包，熱騰騰既麵包同香脆既toast沾上Olivia Oil & Black Vinegar 真係一試難忘😘😘至於跟set既dessert同drink就無咩驚喜，最後提提唔同對服務員既service有任何期望，抱住食好野既心態就好了......

在D2睇完戲，有間西班牙菜Rustico，就試呢間啦，入去感覺不錯，用紅磚堆砌嘅間隔，柔和燈光，播放著輕快嘅音樂，幾有西班牙feel。我們點了叫個傳統西班牙海鮮炒飯，它有3隻青口、2隻蝦、3隻蜆，但喺冇帶子粒、冇魷魚仔，飯嘅軟硬度適中，味道也可，但欠缺咗海鮮嘅鹹味，對比不論海鮮種類和份量都偏少， 但整體感覺都可以，因為海鮮夠新鮮。還有千層闊麵配西班牙甜酒醬汁，用一些闊麵條切成嘅皮，一塊一塊重疊，再包一些碎雞肉，皮只有幾層，可以形容做堆砌為一粒大意大利雲吞，味道清淡，食嘅時候感覺嫲嫲，冇口感。最後是烤羊肩，都有一隻前臂咁長，切落去夠霖，食落去好軟身，有咬口，冇羊騷味，配埋青草醬，有另一種口味， 配菜有薯仔，原粒蒜頭，不錯值得推介。3人$320@，環境不錯， 食物質素整體不錯，只是冇驚喜。如果想食西班牙菜時，又係荔枝角附近，我都會再去口嘅。

這家位於荔枝角D2 place地面的西班牙餐廳已來過五次以上，多數是中午或者食宵夜🤨今次亦不例外，四人來到食宵夜。蕃茄青口蕃茄汁出色青口肉煮得剛剛好！肉質嫩滑！泡沫鱈魚球鱈魚球，滿滿的鱈魚，美味！芝士拼盤有四款芝士一邊吹水一邊嘆芝士油泡的芝士，食不膩，吹水食著好幸福！Smoked cheese記憶最深，入口後味道有唔同層次喜歡💕最特別是藍芝士，平常喜愛藍芝士的朋友都食唔到藍芝士有一種獨特味道，非人人能夠接受我們四人都係試一試就放棄了。芝士拼還附上面包，甜的果肉和無花果乾面包剛好用來送上青口的蕃茄汁鹽焗魚忘記了是什麼魚侍應先拿未開的鹽焗魚給我們看就是白白的鹽山，里頭就是一條魚看過後，侍應就拿回去開魚加上伴碟上菜好大條魚呀！魚不會咸。很不錯！肉很多！魚骨不多！魚跟了一個油醋沙律🥗最後，還點了甜點！份量比較細。

昨晚在公司附近Rustico和朋友吃晚飯。吃的是西班牙菜。有地道西班牙廚師主理。先點忌廉鱈魚球。幾有特色，有點似蟹肉蓉整到球狀加炸漿炸。但可惜沒有什麼魚味。我會較喜歡中式炸鯪魚球。另一道炸雞蛋辣肉腸薯條，吃前已先把蛋黃撈勻。但也都一般，薯條不脆，這可能是西班牙是這樣整。烤雞沙律幾好。菜新鮮，酸酸甜甜幾開胃。主菜乳豬腿皮脆肉軟不乾。是整晚最好的一道菜，值得一試。餐廳裝修有歐洲小鎮餐廳特色，但坐位較逼，影響了飲食體驗。埋單剛好1000，以整體食物質素來看價錢偏貴。只能間中來一次。

難得嘅🇪🇸Spanish Business Lunch，環境特別(酒窖setting)，食物高質！👍🏻·✨Appetiser 頭盤 😍😍😍 🐙橄欖油慢煮八爪魚及🦐海蝦配煙燻紅椒粉 (另加$15) Confit Octopus and Prawns with smoked paprika除咗賣相吸引，味道亦出色！🤩八爪魚同海蝦都好新鮮爽口！😋配埋煙燻味道濃嘅紅椒粉提味，為本身單調嘅八爪魚加上層次！Not only attractive plating, but also fresh seafood ingredients! Smoked paprika brings the whole appetiser to the next level! 😚·✨Main course 主菜 🥩燒美國肉眼扒配🥗沙律及🍟炸薯條 Grilled US Rib Eye Steak with salad and fries $278🔥炭燒味濃！肉味重！肉質唔粗糙又多汁！👍🏻(可能因為叫咗medium rare😅) 🍟粗薯俾我清晒！黑醋汁沙律可以更多！😛Heavy grilling taste! 😋Really

荔枝角自從有D2 place之後就多左好多餐廳，見到有優惠就去呢間西班牙餐廳試下。食午餐，假日都有套餐的。配上凍湯，從來未試過。原來都幾好飲，清新開胃。之後主食都係無令人失望，質素真係幾高。烤雞雞胸位都比較乾，但可接受。shortribs就好滑又好味，不錯。星期六中午人流都唔多，坐得都好舒服寬落。

原本看食評以為有正宗西班牙餐，來到才發現不是這一會回事。太貴又唔好食，海鮮腥味比較重，份量也太小。食過在中環更好味的西班牙餐廳也沒有這間貴。而且叫水都收左55蚊。