Rustico

营业中

休息中

滿意 服務，食物，環境，都令我十分滿意。朋友的感覺都一樣，可以再encore.頭盤，主菜，餐飲，甜品，都十分美味。惟一可惜既係，午餐時間太短，不可能慢慢享受，這不是餐廳問題，所以，下次要試晚餐時間😊😊

今晚試做西班牙人其實對食西班牙🇪🇸食物真系完全無概念想食咩不過今日行完D2 上OP搵下附近有咩食就睇到呢間西班牙餐廳有好多好評重要E上網訂枱可以有85折 馬上同朋友就決定食呢間^_^前菜要左個SherryWine煮黑毛豬辣肉腸紅酒🍷汁配辣肉腸同洋蔥 好醒胃嘅感覺呀之後要左個36個月ham配麵包🥯 仲encore左多一份店員仲教我地點樣去配搭Main我地揀左個西班牙海鮮飯 有蜆青口同蝦 不過我始終食唔慣西班牙飯 飯太硬個人食唔慣 重點系個黑毛豬雜錦拼盤有三個部位 豬肩肉 脊肉同胛心肉拼扒蔬菜🥬好好味呀有5粒星星最中意系佢整到外邊好crispy內邊medium好香好脆口 好中意個cranberry dressing好清新 好好味 無牛不歡嘅我見到網上有Angus 不過嚟到佢全場只系得一種牛tenderloin 我叫左Mrare嚟到可能系牛柳關係 好chewy有小小難咬 不過個鵝肝煎得好好味 外面好脆朋友叫左2杯house 折左埋單2千左右仲有得免費泊車 性價比高🥰🥰🥰🥰

同男友唔知去邊好就去咗D2 兜個圈經過rustico好多次都無試過就入咗去男友:西班牙烤蘑菇奄列配布利軟芝士雜菜沙律西班牙海鮮燴飯 ($188)女友:慢煮香辣地中海小八爪魚配薯仔西班牙鱈魚燴飯配甜椒醬($268)Dessert: icecream / fruit cake 好似平時西餐甘，當然係包黎先脆又暖，olive oil又唔錯平日唔會太食包的男友都食哂了🍳男友同我都幾鐘意個spanish tortilla(個奄列)，料足，texture唔錯好飽肚個人覺得佢似quiche 🐙我既小八爪魚appetizer 有別於平時食西班牙菜多數乾身香啲個燒八爪魚我個人覺得佢stew可以點包食，奈何佢個好好味既包(好crusty但又暖)一早點咗好味的olive oil(&vinegar)食曬都幾多小八爪魚又好飽肚名有香辣但又不太覺男友prefer grilled version多少少🍴黎到正餐啦Paella略嫌唔夠香味不重飯質我自己就覺得ok，乾身的🍽個魚有驚喜外脆內軟燴飯不會太咸（記得係lisbon既燴飯咸到打橫訓低)個甜椒醬好味！🍦Dessert即Icecream個質地唔似平時雪糕唔係好凍果種

D2 唔算係太多人會去逛既大型商場，而我每次黎，都係單純為左呢間餐廳入荔枝角，佢既lunch menu 好抵食之餘，重有高質西班牙菜！另外，而家某APP都有優惠tim!佢weekend 都有lunch set, 可以揀three course/ two course ，包一杯飲品。佢有窗口位，裝修別具心思，有置身於歐洲後花園既感覺！頭盤我要左扁豆湯配豬腩肉，個人覺得有D油膩亦叫左生牛肉薄片，同芝士一齊食有好濃郁既香味！主菜有西班牙乳豬同燒春雞配薯條~西班牙乳豬好juicy 又唔會太咸，不過對騷味好敏感既人可能會嫌佢有少少騷，不過我自己就覺得好好食，每次黎都會叫！燒春雞係熱辣辣上，肉唔乾而且夠”lum”，薯條唔係太粗，而且唔太油。佢最後有yoghurt 或apple pie，我叫左yoghurt，竟然唔係一般既yoghurt, 酸酸甜甜好袪主菜D肉油膩感，好有驚喜！

過開荔枝角，又唔知食咩，見到呢間都幾多好評，咁就試吓啦！一坐低，侍應就問我飲唔飲嘢，咁我就話想要杯水啦，佢就問我要蒸餾水，定有氣礦泉水，嗯...我問有冇普通嘅水，然後就黑黑地面走開😕過咗5分鐘之後，又走來sale我飲cocktail....我再表明想要普通嘅水，答左我一句ok之後，就乾脆地連水都唔俾🤪再過多陣，朋友黎到，叫左杯橙汁，都繼續sale cocktail，叫佢唔好飲橙汁.....雖然我明白要up sale drinks，不過會唔會太chur呢？🤭食物方面，係唔錯嘅，不過唔算得出色，單叫黑毛豬就話冇，不過黑毛豬拼盤就有.....係咩玩法？豬肉over cook左少少，令到肉質變韌，好彩未到乾爭爭。一個小食，一個沙律，一個main，承為$650，呢個價錢呢.....我覺得有更好嘅選擇.....

呢間餐廳規定逢星期五，六，日，公衆假期及前夕，餐廳設置兩段時段: 1) 晚上六時至8時; 2) 晚上8時15分至關門。但現在逢星期五六日都有公眾活動，原本諗住問下餐廳，可否靈活變通些，由於我地預定了11/10晚的座位，我地10/10打去問可否提早入席，職員回答話要問經理，之後回覆話經理話: 不可以改！ 大家都知 D2 Place除咗港鐵，都不是太就腳! 港鐵呢輪服務都有提早結束，我地又未知11/10情況如何，作為客人想提早問清楚再決定去向，有什麼問題呢? 假設我地 8:00真的可以入座(因為佢話第一時段至8:00)，第二時刻係8:15入座，就算我地超快揀餐，8:30就落單，當D嘢食又好快嚟! 都要15分鐘啦，8:45開始食，用餐時間約1小時喇! 都已經9:45，仲要付埋錢喎! 我地唔係食快餐，要唔要咁趕先?!!! 唔通要自己揸車先可以幫襯佢咩？？ 最火係之後我再問職員，如果 walk-in 嚟得唔得，有位係咪就可以， 職員話好得嘅，但係如有有客人訂咗6-8:00個段時間， 之後佢嚟咗嘅話，我地就要立即交返張枱出嚟！咁即係其實walk-in都唔得啫！等如無答過，你地話咁做生意點得架！！

近排晚上/假日出街真係好驚。香港變得好危險究竟幾時可以回復正常?? 幾個朋友仔想請我生日飯我都話遲d先老朋友話她可放平日假同我食lunch。好呀！日間安全好多又可以坐得耐其實我有另1心水店。但他星期一休息。所以又去左Rustico。我好喜歡呢度的secret garden感覺。次次都坐窗口位朋友仔未試過Rustico。所以我話食呢度喇商務午餐由128蚊至278蚊都有。朋友仔猛叫我食龍蝦燴飯。她驚她請我我想幫她慳錢。果然係老朋友知我為人。我成日覺得人地請客專登叫貴野。只會顯得自己cheap+無家教。我絕不會甘做。我另有心水呀估下係咩??暖粒粒的麵包朋友仔的前菜要左烤牛仔肉薄片配吞拿魚沙律醬伴西西里水瓜柳朋友仔一見乜事呀?? 甘多醬牛仔薄片在下面。她說味道ok的。只係太多醬我的前菜係羊芝士沙律配士多啤梨醬及開心果。個羊芝士好so呀。但可接受的。個士多啤梨醬令到個沙律好😋朋友仔的主菜。香煎吞拿魚排伴牛油果莎莎+燒蔬菜我最喜歡食墨魚汁飯麵。呢個set啱哂我西班牙墨魚汁魷魚燴飯配香蒜蛋黃醬。好好味。我最喜歡他的飯中有d西班牙豬肉粒。好好味食完上甜品朋友仔寫左我生日.外國人經理仲專登埋黎同我講ha

前晚來了這間慕名已久的西班牙餐廳，聽朋友介紹，本來打算點那個有2至3人份量的羊肩，好讓我們三口子一同分享，可是我們來晚了，八點半已買光，於是我們點了一份沒理由會輸的西班牙海鮮飯，及旁座很好看的燒豬手。果然不錯，除了份量真的是少了些，味道確是很好，很難得的是哪個豬手的皮很薄，很脆，肉夠嫩。意猶未盡，我們還點了一個churros。這churros有驚喜，它跟傳統西班牙的不一樣，並未有用"熱辣辣"但"傑撻撻"的朱古力汁做調料，現在天時寒熱，它用了朱古力mousse加朱古力雪糕，外脆內軟的churros沾了這“醬汁”，有很意想不到的口感，很清新，真的很想多點一客，但被港媽兇狠的製止了。下次一定要早點來，會一會 那隋文帝“ 羊肩”！

Birthday 既 HAPPY MOOD 唔好俾佢停la...晨早食完靚爆鏡蛋糕🎂，lunch time再黎食個full爆既lunch！！呢間 locate 係荔枝角D2 Place One地下既「Rustico」係間係香港算係好標準同認真既西班牙餐廳，黎食過既朋友仔就知道唔訂位基本上唔會walk-in排到位lor，所以要黎試下既記得要訂位la，除左打電話，當然係可以用openrice app直接online reservation la！如果好似我咁係特別日子既booking，大家可以係remarks寫埋你想佢幫你安排既野架，就好似我呢次就提前request左係set lunch既dessert寫上 Happy Birthday + Candle 佢地好認真一早安排好晒架！呢日order左3款 main course 一齊share「烤乳豬」、「焗雪魚」、「西班牙海鮮飯」；appetizer 就order左「扁豆湯併燒豬腩肉」、「脆炸菠菜忌廉球」，呢幾款食物入面大家must try既就係「烤乳豬」，佢既乳豬皮薄脆到好似食緊薯片咁，皮同肉之間都有少少脂肪，香口但唔肥膩架！另一款mus

今晚去左D2 Rustico晚飯。好耐之前食過lunch 覺得好ok。臨時走入去沒訂枱都被安排坐窗口高枱。非常喜歡呢度的窗口位。感覺似secret garden叫左小食脆炸西班牙辛辣豬腸忌廉球(68蚊)。咸香又少少辣味招牌西班牙黑毛豬海鮮飯 (218蚊)。個飯好香海鮮味上面鋪左大蝦。蜆。青口傳統加泰羅尼亞式焗釀春雞(198蚊)一切開裡面釀滿栗子肉碎松子伴埋醬汁好好味最後叫埋甜品。紅酒煮香梨檸檬雪芭(65蚊)呢個甜品真係又有酒香又微酸。伴埋雪芭非常夾。一碟吾多夠喉埋單610蚊。輕鬆又滿足既一餐

中秋Happy Lunch食西班牙菜🏮🇪🇸Business Lunch Set $148-$278 頭盤+主菜+甜品+飲品🥖：order後先黎熱辣辣上檯嘅麵包 兩款都外香脆內鬆軟 知道個set多嘢食 全檯6人都食曬兩個包☺️🥗：菠菜沙律配香梨 藍芝士 煙肉 合桃清新之選 沙律配帶酸醋汁同香梨好開胃 我唔太接受藍芝士 好在佢無均勻地拌係全個沙律 所以味道唔會太濃 我稍稍成pat攞走佢就okay🙊🌟：招牌烤乳豬配香草焗薯 ($198)西班牙菜嘅signature 因為未食過怕唔鐘意所以自己無點 但同事比我試左一舊 食完對眼bling bling 再「um~~好脆好好食呀！」乳豬少肥帶油脂 但唔會太膩 招牌真係招牌 推介👍🏼🦑：墨汁意粉伴魷魚配香蒜蛋黃醬 ($158)意粉微硬較有咬口 係我嘅style😬配蛋黃醬其實唔會錯 而魷魚就比較柴同無咩彈性 同埋會食到個咀黑meng meng~~🥧：梨撻小小一件來完結午餐 撻皮濕潤左少少唔夠鬆脆 味道由於甜左少少所以蓋左梨味 整體一般 甜品另一選擇係朱古力雪糕 雖然無梨撻咁常有 但聽同事講唔錯 雪糕底鋪左一層脆脆 有啲誠意嫁~📝西班牙菜一向都唔平 午餐呢

和朋友去D2食飯，見到有西班牙菜，價錢貴一點都試下，準時1830 到達，侍應立刻催促叫飲品和Tapas，我們1845人齊了，就叫了drinks和5份Tapas，之後1900，又催促我們叫主菜，因為2000要交枱，我們分別叫了牛羊雞和飯類，主菜上枱後，我們拿拿臨分餸享用，連影相的時間也沒有，於是2000準時埋單和交枱，要$2000多，每人$300多，要礦泉水總共$180多。食物質素中上，羊肩無「蘇」味，值得推薦對西班牙的飲食文化，不是認識太深入，但是不斷催促的行為，和休閒的西班牙，應該是格格不入，百貨應百客，如果你不怕被追趕，這間餐廳一定適合你。

一向鍾意西班牙菜但係我覺得香港嘅西班牙餐廳唔多一係就好唔正宗 一係就超級貴 Rustico係我覺得質素好得黎價錢又好合理 所以偶爾都會去捧下場同埋佢位於D2 Place地下環境清靜 裝潢亦好有特色有少少田園風 感覺好舒服如果坐窗邊仲正 好relaxing今次叫嘅菜式有西班牙吞拿魚沙律配海蝦及希靈魚籽呢個就中規中矩啦 個手指餅個味有啲唔夾“Rustico”特色西班牙炸蛋 “Broken Egg”伴香脆薯絲及辣肉腸碎呢個係必食推介 蛋同薯嘅組合冇得輸就一定啦但佢係用薯絲 而唔係薯條蛋漿令到薯絲黏埋一齊口感正過分開一條條薯條點蛋漿咁食香烤黑毛豬面頰配粟米餅 牛油果及香菜呢個配搭都唔錯 口感豐富 以上3個Tapas都算幾好然後就到秘製蕃茄醬煮新鮮青口青口大肉厚彈牙 個醬同青口好夾招牌西班牙海鮮飯就唔洗多講啦不過今次對甜品有少少失望焗蘋果肉桂撻脆餅伴雲呢嗱雪糕紅酒煮香梨伴檸檬雪葩兩個味道都普通

星期日下午茶時間行開D2 Place，見到呢間裝修幾靚就入去試下。入到去無人同我哋打招呼，我哋自己搵位坐。坐低之後想order，叫咗好耐先有人應，有位外國人應該係店長/經理過嚟落單，無笑容無禮貌，我一講完嘢食，嘢飲都未落就一嘢拎走我個menu😧之後我叫返佢嚟話想要凍奶茶，佢嚟咗杯凍檸茶。我見佢英文唔係幾好，要督menu落單我就諗住算數。之後坐坐下天花仲漏水🤷🏻‍♀️生蠔未至於難食，但麻麻哋新鮮，鮮味欠奉。梳乎厘都係麻麻哋，一吉落去，面頭嗰層完全吉唔爛，勁狼狽🧐員工仲勁無禮貌，衰過茶餐廳，呢個價錢NOT AGAIN永不錄用！

其實這間餐廳都唔係第一次食，因之前食過好味，所以再去食。我們一行二人，分別叫了兩個set lunch,頭盤會跟餐包，另可選不同的頭盤，叫了烤牛仔肉薄片配吞拿魚沙律伴西西里水瓜枊（這款醬比平時的沙律醬好食得多，配薄牛仔肉又好夾😋；主菜分別叫了：時令新鮮波士頓龍蝦燴飯（半份），這個好味道，燴飯加了湯+肥肉、海鮮一齊煮，同埋加了半隻龍蝦好味😋，賣相又靚；另一叫了：香煎海鱸魚伴烤蔬菜配紅菜頭莎莎醬（因這款係朋友叫，而我無食，但對方講都好味，賣相都好吸引）最後係本人最其待的甜品，因餐廳會不定時轉款（每次都好好味）今期就是朱古力雪糕和朱古力蛋糕可選，我們當然叫了兩款各一，朱古力雪糕超濃朱古力味同埋餐廳會加少少脆片在杯底食落又多一點層次和口感，而由於先食雪糕，後再食蛋糕，我就覺得蛋糕無咁濃味和口感一般，餐廳以lunch價錢雖然不夠大眾化，但食物的水準附合價錢，值得一試👍🏻👍🏻