Running 燒 (已結業)

昨晚相約朋友於旺角行街，無意中發現了這間上樓韓燒。地點好方便，位於彌敦道與洗衣街既交界位附近，餐廳位於9樓。110分鐘韓式燒肉放題，時間都算充足。店內坐位不多，幸好都算闊落，每枱與每枱之間都有空間。店內裝修得接近韓國的燒肉店，坐的圓櫈內可放置個人物品，著實慳了不少空間星期一的晚上都差不多坐滿，所以大家最好都是預先訂定位好D喇!坐下一會，店員便送來4碟小食泡菜 : 不太辣，甜甜地，幾好味(見到有一舊蘿白，應該就不是食用的但......是有什麼用途呢? 我就不知道了)餐廳有4款落單紙 ~~1. 海鮮, 雞, 羊2. 牛, 豬, 香腸3. 蔬菜, 麵/飯/湯, 小食4. 酒 (收費)不需收費的飲品放於雪櫃內，客人可自行去拎的。(有道地品牌同一些韓國樂天品牌的飲品) 先來一盤海鮮拼盆大蝦: 都幾大隻, 又彈牙, 唔霉，而且仲有好多膏添帶子:大粒且鮮甜，嫩滑有彈性，而且好快熟，稍微燒一燒便食得。扇貝: SIZE算大隻，而且好鮮甜又爽口。雖然連殼一起燒，但都不用燒太耐便食得。魷魚圈:厚切，燒完都唔覺有縮到水仲好結實，好彈牙爽口。龍脷魚片 :都幾大塊下，而且肉質好嫩滑，但略嫌不太夠味。生蠔: 好大隻

原定跟好友出去BBQ的，但因為下雨天的關係所以取消，但BBQ癮起…無論如何都好想去食燒肉的我們決定轉戰去韓燒。剛好在網上看到有人介紹說旺角有間放題形式的韓燒…嘻嘻~完全附合我們這班為食仔女啦! 限時110分鐘內只要比$228/位(價錢是分時段而定的，有加一收費) 就可以有多款食物選擇…任食唔嬲，感覺上很抵食…而如果9:30pm後入座的話仲有全單7折優惠添，其實真係幾抵食。一共有3張落單紙，選擇雖然不算有很多，但基本的牛類、豬類和雞類也有，另外還有羊類、多款海鮮以及蔬菜和熟食等…，一律任食。飲品方面以汽水和韓國果汁為主，但我個人特別欣賞的是有350ML的解茶供客人自取。對於主打食比較偏油膩的韓燒搭配解茶真的是首選!第一輪點的一定是肉類，因為實在超餓！肉類方面：牛類推介牛助骨和牛肉片，牛味不會很重但味道好好而已好軟嫩，一點也不會覺得韌；豬肉的話就是豬頸肉，食落爽而不油膩，還有豬腸也很不錯喔；雞類方面特別推介的一定是雞腎…超爽口而且惹味，另外雞翼也很好食…而且還貼心地幫雞翼開邊，易燒之餘仲好易熟添。海鮮方面選擇算是不少了，有海蝦、生蠔、帶子和扇貝等等，而且全部都好新鮮，海蝦算幾大隻…蝦肉好彈

和舊同學聚會，最好食韓燒放題，熱熱鬧鬧的，自己鍾意燒乜食乜自己話事。我們去了旺角彌敦道726號9樓的Running 燒。店員招呼我們到卡位，自成一角，方便了傾偈。這裡環境不錯，食韓燒除了食材新鮮外，最重要是抽風系列，這麼的抽風就得不錯，不會有太大的燒烤味道。放工時間，已經好肚餓了，我們立即點菜，嘩，原來這裡有很多海鮮選擇的，有大蝦，帶子，扇貝，咖哩魷魚，生蠔，龍脷魚片，鯖魚等，啱曬我鍾意食海鮮的人。我們還點了牛肋骨，牛脷，豬頭枕，豬大肉，五花腩等 嘩，好多海鮮啊大蝦真的好大隻，好鮮甜燒生蠔好鮮味，燒起來還些海水味。帶子肉質很結實，吃起來啖啖肉。扇貝大小剛好一隻一啖，而且非常鮮甜牛肋骨醃很惹味，一件接一件，真是定不了口牛脷很有趙頭，很好味細支的解茶350ML，很可愛啊。還有甜品，芒果雪條，立時消暑。結總：Running 燒是一間非常適合年青人去食啊，消費平均每人$250元，可以以這個價錢燒海鮮，性價比高，低食又好食之選啊。

實在太耐無食過韓式燒烤啦！今日經過旺角，班friend又成日叫我黎上吓呢間running燒，咁就同個best friend黎試下佢啦！入到鋪頭感覺都幾好，乾乾淨淨，背景音樂仲會播下韓國歌，增添幾分韓國既色彩！一如既往啦，飲品食物等等都係任拎任order，質素都唔錯，野飲既種類都好多，一定有一款啱你地心水😋最驚喜既係呢到有唔同海鮮供應🤤🤤🤤生蠔呀扇貝呀等等都有，令到平時不斷食肉既韓燒都有新既元素😋

與幾位好友一齊韓燒，好有韓feel,除著歺廳入面的mv 和裝潢，非常有韓風，前菜看似沒有特別但原來果細小碟的圓形係油黎嫁用黎加熱烘爐吾想等D食物燒得太久，於是點叫熟食的韓式年糕，韓式炒粉絲，年糕味道不太辣，粉絲味道恰到剛好，韓燒冷凍類的沙律一般都受歡迎，生菜清甜新鮮，加入了醋更開胃肉類更少不免，有牛肉，雞翼，雞尾腸炸物有韓式泡菜餃子，八爪魚，酥脆可口海鮮類，有蝦，扇貝，非常鮮甜最具特式係甜品，有奶椰木瓜西米，包著肚都要食，下次必定再黎所有韓式飲料都任拎任飲，所有韓國飲品

Yesterday,i had dinner with my friends at this restaurant and i like it so much.The food there is really dilicious.Especially the food in the photos below,I tried them and they tasted really really good and i hope that i can have another chance to come to this restaurant

如題，美味及性價比高。海鮮比我想像中的還要好，食物飲料選擇類別多。不過甜品就相對較少。食物好吃不差，點的都會按數量來，一點也不騙人。海鮮每隻都很大，而且很靚很新鮮，不會有變壞及不新鮮的情況。環境並不大，較舒適，內部有洗手間，相當方便。當天和朋友兩人吃5:30，一人加後價錢218元，相對性價比高。不過時間只有一個半鐘，相對較少，如果多半個小時就好了。地理好找近地鐵，是一個和朋友相聚的好去處。下次一定會再來的喔。

努力工作左半個星期 要叉電緩衝一下！收工就約左好友食放題 睇中左佢除左有得燒肉放題外 仲有韓式料理放題我地黎得早 得幾枱人 但晏d就全店滿座了!可想而知佢有幾受歡迎好肚餓！一開始急不及待點左幾款肉類先 個人最鍾意食五花腩同雞翼 五花腩肥膏多 煎完出黎超香口同淋 而且其他肉類都吸收左五花腩肥膏既精華 令其他食物多左份豬油膏既香味韓式燒烤同日式燒烤唔同之處就係可以好似韓劇既人咁 用生菜包肉 成舊咁放落口 食個陣仲可以落泡菜同生蒜 碗料無限refill食多左肉 可以叫d麵/熱食中和下 佢有韓式粉絲 凍麵 拉麵 炸餃...我地叫左碗烏冬 細細一碗唔佔胃食完碗麵又再食黎肉

服員太少，叫好耐先有人理，晚飯時間其實唔需要三個人去執一張枱囉，其他食客叫都唔理。至於食物方面都ok，果個勁辣雞好堅，我自己食得辣都頂唔順 其他都ok的，以為海鮮一般啦，但都ok，起碼啲肉唔霉先，飲品方面都夠多選擇。呢餐飯總體黎講滿意嘅，同朋友都食得好開心

韓烤店愈黎愈多，不管喺連鎖定係小店，人氣未曾減退過，食過唔少單點嘅烤肉店，畢竟人少食，價錢都唔太划算，份量較多，我地都試唔到咁多款式，所以好多時都選擇放題或者有套餐嘅烤肉店。喺附近番工，都經常喺呢棟大廈食午飯，週四晚等埋男朋友收工食晚飯，試左呢間韓燒。餐廳位於9樓，位置比想像中少，幸好都夠闊落，枱與枱間有足夠空間。裝潢接近韓國燒肉店，坐嘅係圓櫈，裡面可以放置個人物品。平日晚上都近乎滿座，而且大部分人都有預先訂位。我地7點後入座，收費係$228/位，任食110分鐘。如果6pm前入座係 $178；9:30pm後收費 $198，仲話全單7折，其實幾抵食。店內都係例牌播住Kpop，最正都係聽到《鬼怪》OST！店員好快就送上泡菜、芽菜等，仲有一件蘿蔔（清潔鐵板用）。呢度嘅泡菜唔辣架，帶甜，幾好食。客人畫紙仔落單，放題時段完結前30分鐘就會截單，自己預時間。餐牌選擇唔算好多，有牛類、豬類、雞肉、羊類、腸仔共17款；9款海鮮，另有蔬菜、麵、飯、湯、小食等，一律任食。飲品方面以汽水、道地飲品、韓國果汁為主，由客人自取。韓式辛辣麵我地係平時出街食麵都會加錢轉辛辣麵嗰種，見呢度居然有，所以我地都點左一客辛

星期三晚上想起了韓燒，好耐無食！因為怕好大陣味！但今日特別想食於是黎左Running韓式料理！7點黎到，已經差唔多滿座！大大個價目表係門口！110分鐘任食！夠哂時間環境唔錯座位都闊落！無酒精飲品是任飲的，酒精就另收費！點餐既紙有3張，總類雖然唔算多，但野食質素高重質不重量的韓燒叫左個炸雞先，填一填個肚因爲真係好肚餓炸雞熱辣辣，咬落好juicy海鮮類我地無叫太多，淨係叫左帶子同大蝦帶子是刺身級別的微微燒一燒表面就可以了好味！蝦就好彈牙唔需要加調味料肉類都唔錯，最鐘意佢既五花肉同肥牛！肥瘦均勻油份充足店員勤力地幫我地換板，服務態度唔錯叫了菜包住肉黎食，再加蒜粒，更好味而且感覺無咁熱氣！可以食多d兩個人食左500蚊！抵食！是一間重質不重量的餐廳

發現咗一間可以喪燒海鮮嘅韓燒店，未見過一間韓燒店有咁多海鮮燒，仲要任食，叫幾多就俾足幾多，一啲都唔孤寒。今日主要狂攻四款海款，大蝦、帶子、扇貝、生蠔!!攻呀攻~~大蝦，大隻又彈牙，仲要冇黑頭，睇到啲蝦膏就知正帶子本身已加左少少調味，光滑、柔軟、有彈性，爽口又鮮甜，呢個係必食之選。加上燒得快，擺上去燒一燒，兩面都好快封煎好，外皮脆口。扇貝，都唔細，連殼燒都要燒幾耐下，係好食，但好考耐性。生蠔，好鮮甜，燒完都仲有好多蠔汁，要一淡飲埋佢先正，但都係要燒好耐。如果唔連殼燒，好快就熟，蠔汁盡失，所以要食好野都係花啲時間。喪燒~豬大腸係我嘅必食推介，如果係食豬大腸嘅朋友一定要試，厚度適中，好快就熟，最重要係燒完兩邊都好脆皮，好正好正阿珠媽靚湯，日日唔同。以為係頹湯，但今日係牛骨湯，好香濃牛骨味，飲左三碗。雜菜沙律，成塊面咁大碗，出乎意料。不過我自己一個人食晒，一邊食肉一邊食沙律，燒完成餐都唔覺飽飽滯滯。韓式炸雞，雞肉幾嫩滑，多肉汁。烤肥牛，刨得好薄，燒幾秒就食得爽~最後有甜品，食韓燒最好當然配返韓國甜品，唔係好想食本地頹頹雪糕囉食完野，講返個環境。一般韓燒店嘅裝修，枱數唔多，得十幾枱，要食就要預早

好耐冇食韓燒，見朋友約食飯，我就提議不如去食韓式燒烤，上網見到呢間評價都唔錯咁我哋就一於去試吓，餐廳裝修非常韓風，好似去咗韓國咁。因為得110分鐘食嘢嘅關係我哋一坐落去都即刻點野食，第一round就點左肉類同埋海鮮。佢哋點餐嘅方法系寫紙仔，你需要幾多件就直接寫個數目字落去，上菜既速度都幾快， 5分鐘之內都可以上到菜。第一次食韓燒見到有羊脾肉，佢個外表似牛柳片帶有羶味，連我朋友唔食羊肉嘅都覺得好食，而且肥肉不多，食落唔會油膩。雪花肥牛都係我另外一個推薦，油脂充足，雪花分佈平均，同牛脷一齊食，系一個好正嘅組合，牛脷爽口彈牙，配上肥牛啖啖肉，包係生菜入邊食，感覺唔會好油膩，好fresh。朋友叫咗一個沙律，好彩冇叫到兩份，因為一份都已經成個湯碗咁大size ,幾個人分都已經好足夠，佢話有啲醋係入邊酸酸甜甜，好開胃。好少韓國燒烤會有咁多海鮮款式選擇，我哋叫咗大蝦，扇貝，帶子，鯖魚，差唔多每人都叫咗啲黎試吓，個人最鍾意嘅就係帶子，因為通常去親出街食愛都會食帶子嘅，味道鮮，齋食都已經好夠味。到最後會每人可以點一份雪糕，我地點左芒果同埋哈密瓜韓國雪糕，哈密瓜味好重，甜度剛好。另外抽風方面值得一讚，食咗

朋友啱啱喺外國返嚟，佢話想試吓唔同嘅嘢食，咁見佢餐餐都食中菜咁就介紹下佢食韓國菜，韓燒外面閑閑哋都五百幾蚊埋單，所以我哋搵間任食韓燒。入邊都幾多食物種類，有肉有海鮮，有小食同埋有飯麵，嘢飲任飲，以呢個價錢來講都算抵食。海鮮係我地今次嘅主打，叫咗三四round,每樣海鮮都好新鮮，大蝦係最有驚喜，笑完之後，蝦味十足，而且size仲好大隻，我哋三個人夾埋都少左起碼30隻蝦，而且好快熟，我哋都密密食。帶子都好有驚喜，看似沒有任何調味，但係唔需要沾上豉油都好夠鮮味。魷魚係厚切嘅，燒完之後仲係大大嚿，好彈牙爽口，咖喱味魷魚就略嫌鹹咗少少。多春魚都好好食，燒到佢爆春，都係唔需要沾上調味料食。至於肉方面，個人就鍾意牛同埋羊。羊肉味夠羶，肉質唔錯。牛肉就推薦牛脷，薄薄一片，將佢反轉兩至三次燒，就已經熟，牛肉味好重，亦都唔會難咬。小食方面，就encore左炸雞，試咗原味炸雞同埋噴火炸雞，雞肉多汁滑口， 都有驚喜，其實兩者嘅差別就係將辣汁放喺上面，個人推薦食原味比較好食，可能我唔識得辣嘅關係。今次算係一個唔錯體驗，我朋友都話下次會想在來食，埋單每人唔使＄300 ,我哋都捧住個肚走，非常抵食。

如今，韓式燒烤肉餐館云集本港，真的像是無處可見的啦！在此彌敦道上的726號9樓上，也就有間韓風味也濃，吃燒烤肉的餐館，當我們一踏進餐館，服務生們也就熱情有禮地向我們迎上前來的，熱情招呼的！餐館靠窗邊，有一排排的窗，可享受那温暖明媚陽光照射的同時又可俯瞰香港旺角區此繁榮興旺的街景，我們就是好好開心享用美食的呀！👍😁👏雪花牛仔肉，西施牛仔片，牛肋骨，五花腩等等......一上場，定是樂嚐韓式料理的美味可口的燒烤肉的啦！👏👏😁有己腌製後的牛肋骨，是那麼的甜美多汁可口的呀！忍不住好想多吃几块的呀！😊😊西施牛仔片，肉質鮮美滋味，極為之嫩滑甜之可口的呀！也極之好吃啊！五花腩，應沒有腌製過的吧？！原汁原味醞釀十足的，我稍喜歡吃原汁原味鮮美味的佳餚，此還有許多佐料可配上，有香蔥蒜辣椒等醬油可任意配搭，連各飲料同是任飲的呀！我們叫了2罐青島啤酒，也是15圓一罐的，也更好助樂的呀！👏👏😁韓國炒粉絲，口感極為爽口＂烟銀＂，味道甜儿真好吃的呀！生菜，冬菇，南瓜，茄子及青椒等等各種蔬菜尽有……吃了燒烤肉的，還真要多點儿蔬果類來解解膩的啦！嚐到那新鮮的蔬菜，可真的更為開心快活的呀！真夠爽丶美啊！👍👍😁