Running 燒 (已結業)

香港始終唔係出口生蠔嘅地方但係都冇諗過食韓燒竟然可以任燒生蠔呢個價錢絕對對得住質素本身卜左九點半琴日同朋友兩個行街行到九點十五分終於忍唔住即刻上去店員都好好可以俾我哋坐低先一坐低迫不及待即刻嗌生蠔（留意番佢哋唔可以生食一定要燒）之後就到我最鍾意嘅牛脷厚薄啱啱好食落有咬口不過除咗扇貝之外（好細隻）香草羊扒 一定要試 我從來冇諗過任食係可以有呢一個程度水冷麵同埋溫泉蛋紫菜拌飯都好好食其他燒既野都比心目中好一定會返嚟encore

今次已是第四次幫襯。唔知係咪轉咗老細定咩啦！明顯發現間舖頭係改變咗D嘢，我覺得係差咗既，亦都從此唔會再幫襯。改變一：網燒 (以前用鐵板燒，店員話轉咗幾日。)個火好細，打邊爐/鐵板都仲得，網燒就..... 燒雞中翼3隻，25分鐘得一隻熟，2隻食咗中間仲有少少生。雞翼有醃過，但入面可以完全無味。改變二：所有枱換晒新爐，由鐵板變網燒，火細，有排燒。你有110分鐘時間。個火細到你無時間燒到幾多嘢。改變三：加價，唔知係咪換咗爐，所以要加價。見其他食客11月頭都係$238， 我食就$248。加咗 +4.2% (人工有4%加就好囉~)改變四：由劃紙仔變為用顧客自己個手機嘟QR Code落單。問店員攞機自己落單啦! (好似元氣咁比部機我用)，佢話用自己手機，呢個係大催勢，出面好多間店都係咁。個店員唔知係咪曾經有人好似我咁問過佢攞機，所以佢好大反應。轉用電話落單係為咗令顧客方便叫嘢食。我問佢公司無器材比顧客用，咁做乜轉system呢？除咗器材係顧客私人物品，網路安全性係更大問題，嘟個QR code然後開個不知名的第三方網頁。感覺同釣魚電郵比條link 你click 一樣咁危險，都唔知網站背後coding

平時都會去太子行街 , 😊通常都會去完新世紀商場行街,😋再去行花園街,跟住就會喺附近搵嘢食,今日凍凍地想搵燒牛肉食，😌俾我喺OpenRice發現一間韓式BBQ，😊見到110分鐘任飲任食，而且價錢都係好合理，238元一位，😙19:20前結帳離坐仲有全單七折 ，即刻去試吓，RUNNING 燒 韓式料理，燒肉放題😋地點都好易搵，😙喺彌敦道726號9樓，😋上到去見到裝修得好整潔，而且一大塊落地玻璃望住彌敦道，景色唔錯，😋而坐位嘅位置空間都好夠，感覺都幾舒服。👍🏻一坐低店員就會俾個QR code你自行落order叫嘢食，👍🏻而調味方面係自助形式，出到去調味枱有燒汁，😊韓式辣醬，生蒜，醬油等等，而飲品方便都係自助形式你可以自行到飲品櫃拎嘢飲，😁有汽水，無糖飲品，茶，大約有10款俾你揀食物方便就真係好多選擇，有牛肉，雞肉，海鮮，蔬菜，熟食。自己最鍾意食海鮮，😃帶子好新鮮，燒一陣已經可以食，味道鮮甜，😁口感一流燒蠔，大大隻嘅壕，我自己就最鍾意加啲生蒜上去，可以令到個蠔嘅鮮味更加突出，而且仲係好新鮮多汁 正蝦，大大隻肉質鮮嫩，🤩好爽口，蝦肉彈牙，鮮味十足牛肉方面最喜歡就係食西冷牛扒，😻脂肪比例好均勻，😜

今日去開旺角行街，知道太子旺角附近有間好好味嘅韓國燒烤，因為啲朋友經常都會去嗰度食，係朋友嘅口中知道Running燒係好味而且價錢公道，食物質素都高趁着老公今日有時間陪我就同佢嗰度試吓。我哋都算早上到去，大約晚上6:00已經坐咗一半嘅客人，呢間餐廳門口有個大魚缸，座位嘅空間亦都好充足，坐得都好舒服，仲要有個無敵嘅景色，因為剛剛開始日落，個景真係無敵。坐低店員會俾個QR code你自己order嘢食，呢度汽水係飲唔飲，但係啤酒要自費。韓國燒烤梗係要有啲韓式醬汁同埋韓式辣椒醬，呢啲係自助形式，自己出去吧枱調味食物方面有好多選擇，韓國燒烤主打當然係牛肉，豚肉，生菜，呢度仲要多咗啲海鮮，羊肉，熟食可以俾你選擇食物一到已經見到啲牛肉好新鮮而且係屬於高質素，見到牛肉非常嫩滑，而且脂肪同肉嘅比例啱啱好👍最欣賞佢嘅就係薄切西冷牛，牛肉切到好薄入口即溶，牛肉味重，配埋啲醬汁突顯到個牛肉味好鮮，口感層次豐富扇貝，扇貝大大粒燒一陣已經可以食，千祈唔好燒太耐，入口非常鮮甜，鮮味十足燒生蠔，我諗呢個係大家最愛，除咗大大隻之外，仲要係好新鮮，燒五分鐘左右已經可以食，蠔味好重，而且係爽口證明啲蠔係好新鮮，如果鍾意食

好耐都食過韓燒啦！係OpenRice見到呢間係旺角嘅任食韓燒餐廳，地點咁就腳，就即管試試～我哋兩個人都安排咗一張大圓枱俾我哋坐，空間好夠，而且隨身嘅物件，倒如手袋可以放喺凳下邊嘅空間，非常貼心。一坐低職員就會送上三碟前菜，分別係大豆芽、泡菜同埋海帶。三樣入面我最鍾意食泡菜😋佢嘅味道唔會太辣，啱晒我呢啲唔食辣嘅人，而且冇乜我平時最唔鍾意韓國泡菜嘅嗰陣酸味。餐廳入邊嘅自助醬料區有好多醬料可以選擇，而我哋就揀咗韓式辣醬、大醬同埋蒜蓉～雪櫃入邊有好多唔同種類嘅嘢飲，我就叫咗每次食韓燒必叫嘅忌廉溝鮮奶啦，而家好似越來越少地方有得飲🥲除咗唔同肉類之外，餐廳仲有好多韓國小食可以揀，我哋試咗嘅水冷麵、韓式炸雞同埋炸魷魚鬚都幾好味😋食韓燒梗係最梗要啲肉啦😂呢度嘅選擇都好多，有豬、牛、雞、羊同海鮮～而且蔬菜嘅選擇都唔少～呢度嘅肉類同其他韓燒餐廳唔同嘅係，調味得比較輕手，唔會一食落去就好鹹或者好重口味，比較可以食到肉本身嘅味道，呢點我係好欣賞嘅👍🏼為咗可以食得冇咁有罪惡咁，我哋跟咗韓國人嘅食法，叫咗一盤生菜包住啲肉食😂食完飯之後，每位食客都會送一份雪條，有四款口味可以選擇。我就揀咗芒果味，呢款雪條以前都食過

非常抵食嘅韓燒，1920前離座仲有7折，二百蚊都唔洗😆用QR code落單，非常方便，上菜速度快，選擇多。水冷麵十分出色，夠凍，蕎麥麵好彈牙，係燒肉前食非常開胃。肉類豬牛羊海鮮都有，豬腩肉最好食肥瘦相間。炸物即叫即炸，柚子味炸雞非常清新，雞肉好嫩滑，拍得住炸雞店水準。最後仲有條雪條食，降下火，解解膩。

今晚得自己一個食飯，行完街搵餐廳見到呢間韓燒放題，好似幾正，就直接踩上去搏下有無位。價錢都唔太貴，大約$238-$268一個人，星期五、六、日就加$20。好特別，有6款醬料選。我自己就咩都試少少：醬油、麵豉、蒜、鹽醬、辣醬等等。我個人就比較鐘意2款醬油。以前食嘅韓燒係自助式，而家新式嘅都係自助手機點餐。為避免浪費食物，每款叫少少先。海鮮方面，選擇多，帶子、蠔、魚、蝦….. 好新鮮。如果想提鮮，可以燒嗰陣加少許醬油同蒜茸，好鮮甜！肉類方面，本人唔食牛，所以點左唔同部位嘅雞同豬，驚喜嘅係餐廳無用醬料醃肉，大家可以唔洗食味精。值得推介嘅係五花肉，好正🤣有腎、大腸、香腸、肉… 大家想燒快啲就自行調節火喉。仲有湯飲飲品方面，可以自行去飲品櫃拎，目測有至少十款。

今日悶悶地，想搵間食店，瘋狂食吓野。最好嘅選擇，莫過於任食韓燒。幾百蚊，就可以任食，認真箋。盡情吃盡情舒壓。Good。我之前有去過將軍澳嘅韓式Running ，今次就嚟幫襯吓呢間旺角Running燒。旺角Running燒比將軍澳小一點，而且亦沒有熟食bar.不過，你可以直接掃QR code,直接送熟食給你，我覺得炸魷魚不錯，可以食吓呀！另外，我透過QR code叫左牛，豬，雞同湯，麵等等。差點忘記，我仲有叫海鮮，蠔，蝦，帶子等等，樣樣都叫。試吓呀嘛。服務員態度很好，時常幫我換Gas，怕爐火不夠，影響我燒野喎。任食時間有110分鐘。呢個時間夠晒食啦！食飽飽後，相當滿足。明天返工，又可以充滿力量去拼博啦！

間唔中都會喺旺角同太子食嘢，我記得食過一間幾好食嘅韓式燒烤店，上OpenRice一打就係呢間Running 燒🔥，大約5點半鐘，見到樓下搭lift上去都有人排隊，上到去都要等一陣，因為都幾多人食。見到餐牌有110分鐘時間任食，我哋早食都算好抵，重要19:20前結賬，全單仲有七折，真係好低，性價比高。入到去坐低都好舒服，因為座位嘅空間都好夠。呢度係放低張單俾你QR code自己落單，淨係牛肉都有成十種選擇，最好食就係薄切西冷牛，五花肉，帶子，生蠔。我見落單都唔使1分鐘已經送來，絕對唔會拖時間，如果喺出面食放題，通常啲人都會拖慢啲時間出野食。其實仲有好多嘢食選擇，牛肉，豚肉，海鮮，羊肉，熟食，生菜。如果要調味醬汁，韓式辣椒醬，就要出去自助形式取，汽水任飲。我哋試晒所有牛肉，全部都好好味，我自己就最鍾意食牛肋骨同埋牛舌，咬落去又多汁又香牛肉味，嗌碟生菜包嚟食仲好味，最緊要加少少韓式辣醬。試咗佢啲蝦，都係新鮮彈牙。最出色就係燒生蠔，雖然生蠔比較細隻，但係隻隻都鮮甜，好香蠔味，我一個人都食咗十幾隻。仲有個煎餃子同埋炸魷魚鬚都係好好食，好值得推介，實在有太多款嘢食，仲想叫埋個辛辣麵黎食，可惜已經太

啱啱喺旺角嘅花園街行完街想搵吓啲韓燒食，就上網睇吓，我呢啲大食嘅人梗係搵任食最抵時間尚早又冇book位未夠六點應該都唔會太難等位，搵到呢間喺太子站同旺角站中間嘅大約$200左右一個人嘅燒肉放題其實都好抵食唔單止有豬牛雞仲有帶子生蠔蝦魷魚扇貝小食都有魷魚鬚炸雞，即叫即炸卜卜脆非常惹味仲有韓式飯同面，食物種類非常多食到最尾仲有甜品一行到入門口已經有人招呼服務質素都唔錯，我咁大食任食任叫真係抵一啲都唔中伏海鮮都好新鮮食咗幾轉乜嘢都抵返晒飲品係任飲嘅，食韓燒一定會飲好多嘢，搵啲任飲就最抵依間餐廳係用QR code落單而飲品方面就自己出去雪櫃到拎並沒有提供飲館其實用QR code落單都幾方便今餐最吸引就係有芝士生蠔，生蠔非常鮮甜，又有蠔味，如果唔夠蒜頭仲可以自己加啲蒜頭繼續燒，海鮮非常新鮮，仲有扇貝帶子海蝦食咗幾轉咩都抵返晒飲品中有唔同種類嘅選擇，雪櫃透明，一望就見到有好多款飲品，非常方便，酒精飲品不包我叫咗$38要咗一支有酒精類飲品，帶有甜甜嘅檸檬香味另外仲有些熟食我最鍾意就係魷魚鬚即叫即炸卜卜脆魷魚鬚仲非常爽口，最重要外層嘅咋皮非常薄剛剛炸起熱辣辣食嘅時候小心熱我本身係牛魔王，當然要食返夠本

今個禮拜家人個個都好忙，難得週末放假，就決定去食韓燒放題呢間鋪頭裝修都系似韓風，正常配菜啊，飲品櫃都齊備。鋪頭系掃QR code落單，免去飛紙仔。食物選擇都比較多，基本豬牛羊雞呢啲就肯定有噶啦，海鮮除左常見噶扇貝、帶子同海蝦，竟然仲有生蠔，都真系幾驚喜。本人比較推介雪花牛，搭配金針菇一齊燒，金針菇吸埋肥牛噶牛油，再放落生菜度，加埋韓式辣醬，一啖落口，牛味濃郁，少少焦香，生菜新鮮解膩，金針菇又由少少咬口，正！！海鮮就肯定扇貝，生蠔啦。不過上黎噶海鮮無事先配搭蒜蓉之類噶，所以我地就自己去配菜去拎蒜蓉，一齊燒香距，滿足曬啦。另外提一下，生蠔唔需要燒太耐，燒耐左真系勁縮水，連生蠔都唔見埋。距地噶熟食都好唔錯，尤其系炸雞同埋炸餃子，屋企人簡直食唔停口。飯後鋪頭都會慣例送雪條甘啦，感覺士多俾梨味好食啲。

番工番到人生無感，要見下朋友放鬆下，揀左e 間放題。牛肉質一啲都唔韌, 入口有油脂，韓燒放題入面都算唔話得👍🏻 個人覺得長條個款幾好味（圖中冇，掛住食，唔記得左影😂羊唔會蘇，都有再點 燒雞扒好嫩都好好味， 冇雪味👍燒雞翼佢已經幫手將個骨展開左所以食起上嚟唔會好麻煩。飲品菊花茶，樂天忌廉鮮奶、龍井、烏龍茶。泡菜微辣，口感爽口熟食質素都唔錯！有驚喜柚子炸雞酸酸甜甜，柚子味都可以sum左入去雞肉裏面燒蝦嘅肉質都唔錯扇貝同生蠔都唔腥，回水之選。芝士生蠔仲可以拉絲湯好足料，冇咩味精👍🏻買單後會送雪條，一人一支記得留肚食，我個人都幾鍾意椰子嗰隻味，有淡淡地嘅椰子味唔會太甜，食完唔會好膩

呢間Running燒已經幫襯好多次，由啱啱開張到而家咁多年都一直幫襯，韓式燒烤來講算多種類選擇。牛肉種類有幾款，我推介薄切牛，燒咗再再包住啲蒜蓉一齊燒，勁好味😋(⁎⁍̴̛ᴗ⁍̴̛⁎)豬腩肉有幾種味，燒完緊勁好食，燒到又知嘅甘香油出嚟，包住生菜勁好食🥰🥰😍😍✨✨仲有我最鍾意嘅烤豬皮，依家唔係間間放題韓燒都有㗎啦，韓燒必食❤️✨✨海鮮種類亦都好多款，最鍾意就係大蝦，燒蠔，帶子。熟食嘅✨✨炸魷魚鬚非常好食，非常之脆口，✨✨仲有辣炒年糕，有多款嘅熟食，有無骨鳳爪，韓式冷麵，韓式辣拉麵等等飲品有新驚喜，有黑糖薑茶，好少放題店會入呢一款飲品✨✨👍🏻👍🏻讚服務很好，會成日收碟😊😊✨✨

見到7點20分前離座有七折所以試一試。用電話點食物，唔使飛紙仔，又冇紙事佔枱其實都幾方便。食物上枱出到都算快。肉食種類有牛，豬，雞，羊，其實選擇都幾多。尤其是牛，起碼有七八種。燒好之後連埋大醬，泡菜用生菜包住一齊食，好好食。海鮮又有蠔，蜆，蝦同埋帶子，鍾意食海鮮嘅都好抵食。蠔同帶子係推介。熟食有炸雞，餃子，水冷麵，烏冬，拉麵。炸雞同餃子就一般，不過水冷麵好冬都幾好食。所有食物質素都算幾唔錯。七折後都係約$200。唯一美中不足嘅就係甜品祇有一條雪條。

9:30後 兩個人入座 唔使等野飲選擇都滿意 有汽水有無糖茶有果味茶 仲有Milkis 醬係自助 有蒜大醬烤肉醬鼓油etc.食物款式有豬牛羊海鮮 普通質素 唔係特別好又唔太差 熟食都有年糕麵類同飯 驚喜係有炸雞 豬皮 同 芝士生蠔 🤩肉方面 個人覺得牛脷同豬五花肉係最好食 牛五花都唔錯 落單方面 係電子落單 真係嗌幾舊肉就嚟幾多舊 嗌一條炸魷魚鬚真係嚟一條 份量都幾好預 但可能主食熟食份量會比較多 辛辣麵嗌一份真係一碗偏正常份量嘅辛辣麵 😂 食完每人有一支免費雪條👍🏼