Ruby Tuesday (已結業)

基於買o左張半價pass,十點幾咪去飲o野law.House White 係Chadonney,較為甜.House Red就唔掂. Starter Combo:洋蔥圈(普通),魷魚圈(可以),雞翼(好一般),薯皮(幾好).Strawberry Smoothies:可以, 都幾大杯.Chocolate Short Cake:我諗tall cake會好d.NY Cheese Cake:唯一一樣我覺得幾好gae.十一點last order, 十一點三到開始熄燈,有d趕客feel.半價就抵,否則, 絕對唔駛諗.

我地叫左個拼盤，海鮮闊麵，一杯chocolate tall cake，這些都是其他人話好食的野．我地諗唔到飲ｄ什麼好，個個叫joe　的waiter 　好好人，提議我地叫一杯cocktail ，他話好大杯，不含酒精＄７０，我地叫左freeze 和strawbeery ．嘩！然真是好大杯．（正）個拼盤我地叫左雞柳（一般），芝士條（一般），焗皮（３舊有２舊淋左，可惜），魷魚（ｏｋ）．個海鮮闊麵，真是頗流，但幾好食，海鮮好多．仲有２pieces 蒜蓉包，好入味．埋單都＄２４０原價成＄４００．加一服務費都＄４０．唔是半價都唔好去，太貴．

呢間野貴之餘，係唔抵食！食品、環境、服務都唔值呢個價！雖然個Ice-cream 好大杯，幾有滿足感！不過兩個人都食唔晒呢~~~!D食物煮得好求其，完全唔精致，同我去美國食個d唔同~！！！

門口女仔唔專業！同佢講位最好用英文啦！重有個中國人仔所謂經理，態度差，但見到的鬼佬就笑唒口！估唔到而家重有香港人歧視香港人情況出現！乜香港人食唔唒比錢咩？！真係火都！！！

我o地一行三人, 叫做三樣o野食, 評分絕對係唔合格.1. 巨型磨菇凱撒沙律- 巨型磨菇得一件,佢係煎過,加埋d醋汁,味道一般,而佢所謂o既巨型,我估直徑都有4吋gae. caesar salad連bacon 都冇,唔值成百蚊.2. 烤雞胸芝士意大利粉- 個烤雞胸係好嫩,唯一值得一讚,芝士意大利粉都唔見得好cheez... 只可僅僅合格.3. 烤牛柳粒- 嘩! 得三成可以入口, 其餘o既係非常咁un! 係好有肉味,但係硬到飛起. 二百幾蚊食d咁o既main course,簡直係詐騙!佢而家可以用$300買一個90日內半價找數o既privilege card,我o地三個加埋o野飲,totaly要成$700+. 好彩買o左個privilege card,叫平o左些少law.. 但係我估我唔會再去食! Dan Ryan's唔見得平呢到幾多,但係絕對好食幾廿倍!

一份normal size 既Wings要$59.-, 有十幾隻,如果有入會就平一半價錢, 30蚊有一份十幾隻的雞中翼,抵唔抵!一杯可refill既coke, 要$35.-, 一半價錢, 都係$18.-仲好大杯, 又可以refill喎! 抵唔抵!當然係要有入會優惠啦!

首先關于飲品refill, 其實manual 有寫清楚, 至于份量吾夠,可吾可以講下你order 左D乜?因為自己食過好多次都吾覺有呢個問題.建議食譜:1. Chicken Casear　- 雞燒得好嫩滑, 每次去都必叫2. T bones - 同焗薯同上, 好鐘意食Ruby 既焗薯, 雖然只有sour cream 同牛油,但真係出奇地甘好味, T-Bone 就味道中上3. Chocolate tall cake - 令一至愛甜品. 好欣賞個chocolate蛋糕,好好味甘既order應該都吾會over $500, 同埋保証食得又開心又飽^_^

上次我同我男友去食飯慶祝拍拖週年紀念, 咁去到既時候明明有幾張吉檯, 但係侍應卻要我地等半粒鐘, 咁好啦, 我地咪望住D吉檯係度等囉, 等左差不多有半個鐘, 依然係有吉檯, 而我地依然係度等等等等等, 直到我男友唔係咁耐煩咁同D侍應講, 佢地就立即俾左張吉檯我地嘞!到點食物既時候, 我地唸住D野食可能幾大碟下, 結果大家都唔夠飽, 要返屋企煮公仔麵頂肚而食物質素都幾好, 之但係佢有個優惠就係叫餐可以以45蚊優惠價叫一杯飲品, 而其中某D款係可以無限添飲既, 但係估佢唔到係咁大杯!!! 基本上我成個晚餐都唔使添飲, 如果D侍應同我講聲飲品係咁大杯既話, 咁就唔使浪費同我男友SHARE一杯好過啦~~唉~~埋單都成500幾, 有D唔值得既感覺囉.....

食物品質一般啦...不過幾貴的....其實同其他的美式餐廳差不多....都係好貴...

我對此間ruby tuesday的感覺一個字--"unstable". 時好時壞.個人認為對此店不要抱太高期望就得. 就好似當去o左快餐店就差不多.至於價格方面,ok la.今晚可能會到一趟...

前幾日同男朋友黎呢度食…我地叫左個四合一拼盤(焗薯皮、炸煆、炸魷魚圈、芝士西蘭花)，呢幾樣野都整得幾好食，尤其係個薯皮…好香芝士味！仲有叫左半份肉排、d肉好淋，又唔肥，好正！叫左兩杯野飲，飲品就略為差左D，我個杯cappuccino淡到死…好似溝左勁多水咁，無哂味…食完野都己經好飽lu~不過都叫左個甜品…chocolate shortcake，好大碟，o岩哂兩個人食！個cake好好食，好勁oreo味！不過個雪糕上面pat cream就唔係好得喇…總括黎講，d野食都幾好食o既，不過就貴左少少囉，埋單要四百幾蚊…但係我諗都會再去o既，因為o個度環境都幾好，服務態度仲一流添…^^

我同女朋友叫左焗薯皮,4合1拼盤同海鮮闊條麵,薯皮幾掂,有好多芝士.拼盤除左牛肋外,其他KFC都有,都係D炸野黎.闊條麵不過不失.每碟野的份量都好多,最後都係食唔哂,尤其拼盤,份量仲多過main course.其實兩個人叫兩樣就夠.而我就食左$400,其實$350就夠如果叫得適量的話其實最好就4,5個人去食,可以揀多d野,又可以平d同唔野

剛入坐時，由門口負責接待的女侍應引領入坐，是雙人座位，之後，該女侍應預先通知我們負責招呼我們桌的待應叫LAM，可是，當LAM 首次來和我們打招呼的時候，他完全沒有介紹自己的名字，這與貴餐廳一向的作風不同，因此，我對LAM 的第一個印象不太好。 當我倆看過餐牌，開始點菜，我點了全露比燒肋骨，可是LAM突然打斷了我的說話，他介紹我們點意粉類的菜試試，我當時沒有理他，我再點了芝士條，之後LAM 竟然說：「燒肋骨只是食味道，不飽肚，可以點些意粉。」我不是第一次來光顧，全肋骨和芝士條對我倆來說已經足夠，所以我說不用了，一會兒再算，之後他好像沒有什麼心事未了，再積極建議我們點一些特飲，我們都說不用了，他即是表現出不快的神情，他還說：「不點了嗎?」，我都是回答說一會兒再算吧。他在點菜時的服務態度，給我帶來不少的壓迫感，這種硬推銷的手法令我非常反感，這與一向以隨和見稱的露比餐廳有很大出入。 當LAM 拿水來的時候，態度還是不太好，他一邊端上水杯，一邊說「清水兩杯」。這句說話的語氣好像諷刺我們不叫特飲，喝清水吧。 在結賬的時候，LAM 再一次令我們感到不滿。由於當晚是我的女性友人請客，

野食好多好大份要多D FDS 黎先好先可以食多D野SERVICE幾好年CHEESE CAKE好正好好味~Frozen cappucino好好飲

這間可能週末好多人等,待應配位時都會問'餐飯食個半鐘有冇問題?'.....都勉強可以,但上菜時間好似慢左少少,食完都差不多要走。而食物都係一般,美式餐廳待應的服務比較CASUAL,我就喜歡這種,不硬銷而做足要求....但意粉的份量比較不一,例如帶子蝦長通粉和其他意粉的份量相差很大.....燒豬肋骨好好味,但配任何汁都好似同一樣味......消費方面大概每位一百八十蚊左右