RETOLD coffee.tea.spirits (已結業)

喜歡餐廳舒適的氛圍，寬敞的環境，有禮的店員，last but not least︰用心的烹調。紅菜頭出名營養豐富，做成沙律、榨成汁、煲成湯、或醃製成pickle等都是常見菜式。不過孤陋寡聞的我倒是第一次試beetroot latte，首先是其非常吸睛的粉紅色，相機是一定能吃飽的了，說到味道，是淡淡的天然的甜味，紅菜頭獨有的味道和豐富的纖維是一定能嚐得出來，感覺挺健康養生，雖然我不敢斷言連不喜歡beetroot的人也能接受。至於自家製菠菜醬蝦意粉，蝦仁挺大又爽口，醬料不會太鹹，整體感覺頗清新無負擔，所以還點了一件開心果蛋糕做甜品，稍為放肆sweet tooth。第二天則試了蕃茄肉醬水波蛋意粉，醬汁帶點香辣惹味，流心水波蛋令整道意粉更溫和、滑順、豐厚。CAPPUCCINO 和 GREEN TEA LATTE亦很令人滿意。明太子意粉，看似平平無奇，但小驚喜就是加入切絲的紫蘇葉，提升香味，錦上添花。山越莓蛋糕，我還以為berries總會帶酸，怎料一絲酸味都沒有，意料之外的清清甜甜。

唔使點等位，同知道係黃店，就入去支持下食個lunch。餐廳上面三樣都係扁意粉，我哋就揀左一個明太子扁意粉，一個肉醬扁意粉，一杯ice mocha明太子意粉得明太子醬同有小小切左絲既紫蘇葉，成碟食晒就有啲咸，好齋。肉醬意粉真係唔係好見到有肉碎，味道係好食嘅，但係啲肉真係少得可憐。Ice mocha冇特別，有啲細杯。用餐時間得60分鐘，如果以呢個價錢，食物質素，舒適度既性價比來講，我會去第二度食，可以坐得耐啲，hea啲chill d..

週末我地黎南豐紗廠搵食🤣最後揀左呢間黃店cafe💛入面座位好闊落，坐得好舒服😌一路食件cake，一路傾下計👍🏻好似我地去食個lunch又得🤓自家製波菜醬·蝦·扁意粉 💰88菠菜醬好濃郁，每條意粉均勻地掛滿醬汁，綠色感覺好健康hahad蝦勁大隻又爽口彈牙👍🏻日式叉燒·無花果辣醬·五穀小麥吐司💰70叉燒皮脆肉嫩，半肥瘦。配甜甜嘅無花果醬，減低油膩感🥰個辣醬唔太辣，唔食得辣都可以嗌！再加埋沙律菜、五穀小麥吐司，口感層次豐富😋😋Green tea latte (hot)💰42拉花好靚💛Homemade lemonade💰48好fresh，飲完好醒神🤣回頭率💯

【荃灣•Retold•高質黃店】​​南豐紗廠特色cafe林立 今次為大家介紹呢間高質嘅黃店💛​​▪️椰菜花蓉·鰹魚乾·三文魚·露筍·扁意粉​意粉軟硬適中 三文魚有三片份量十足 配埋露筍同鰹魚乾 再加上磨蓉左嘅椰菜花 好健康亦好特別☺️​​▫️蜜糖火腿·芝士·芝麻醬·牛角包🥐​新鮮熱辣嘅牛角包 每一層嘅酥皮都好薄 口感鬆化 又有陣陣牛油嘅香味 夾住芝士火腿呢個組合永遠都冇得輸 加上少量蔬菜 成個感統更加fresh🤤​​▪️ Green Tea Latte & Cafe Latte兩杯嘅拉花都好靚 奶味香滑 亦都唔會蓋過抹茶同咖啡嘅味道😍​​😋必食指數：8.5/10​🌇餐廳環境：8.5/10​⚓️服務態度：8.5/10​💰人均消費：$100​

今日專登去咗一間比較文青嘅地方，荃灣紗廠入面其實都有好多好多唔同嘅小店，不過我上網見到依間係為一間無負評嘅小餐廳所以就入嚟試吓啦依間嘅嘢食係散叫嘅，見到好多人都叫意粉所以就叫埋一份，加埋見到啲蛋糕都幾靚仔所以都叫咗一件cappuccino 拉花非常之漂亮加上精緻嘅餐具好適合打卡之用，奶泡都打得非常之綿滑，比較可惜嘅係個人認為咖啡底並唔係非常之香，可能咖啡豆嘅種類唔同吧小店整嘢食都幾快，唔使10分鐘就有晒兩個意粉超級犀利，個人認為明太子意粉同埋蕃茄肉醬意粉都非常之高質素明太子意粉$88意粉質地偏有咬口，個人非常之鍾意呢啲有咬口嘅意粉，加上明太子份量都比較多所以都幾真材實料同埋佢有少少辣辣地嘅感覺所以食落去都唔會非常之滯蕃茄肉醬意粉水波蛋$88同樣地意粉嘅質感係比較有咬口嘅，加上肉醬佢唔係似街邊用一罐罐即食嗰啲好求其嘅肉醬，加上留心水波蛋撈埋一齊係正嘅手沖咖啡，另一半話豆味非常香濃幾好飲開心果蛋糕，個人認為比較甜，如果鍾意食甜小小嘅蛋糕嘅人就適合啦相對之下依間小店我比較推薦食意粉多啲😂不過小店裝修都幾整潔同乾淨所以都幾推介人嚟到試吓

南豐紗廠我又黎啦，呢度既咖啡店真係各具特色，今次呢間除左有咖啡，cocktail供應外，仲會不定期舉辦live Jazz，真係藝術既完美結合一入去已經好鍾意佢既地磚同張湖水綠磚砌成既高枱，有種歐式古雅既感覺，店內枱櫈唔會放得太過密密麻麻，寬敞舒適日式叉燒無花果辣醬五穀小麥吐司拉麵叉燒配吐司真係幾創新既配搭，半肥瘦既叉燒油脂十足，不過最欣賞係個無花果辣醬，甜甜辣辣，完全中和左叉燒油脂既油膩感，非常好食Cappuccino拉花線條清晰，綿密順滑，啡味突出House Blend 手沖咖啡Ethiopia日曬，Columbia水洗，Guatemala 水洗 3種豆混成，前段帶有微微花香，後段果酸味道更明亮肉桂卷味道同質感都不過不失檸檬撻薄薄的一件，但味道出乎意料地好食，檸檬酸度拿捏得好好，再刨左d青檸皮係面，成件撻就變得更加清新無論食物，咖啡同環境我都覺得非常滿意，價錢係有d貴，但真係有質素，久唔久一次都ok呀

難得放假就去左南豐紗廠行下，吸收下文青嘅氣息，行行下都攰攰地同有啲口痕，所以就決定搵間coffee shop抖下嘆下咖啡。可能因為係假日，啲coffee shops都幾多人下。見到呢間裝修唔錯，最重要係枱同枱之間夠闊落，疫情之下呢野真係好重要！因為已經食左lunch，所以就諗住叫野飲算，睇緊咖啡menu就見到有affogato 又好有興趣，就叫左尼試下。尼到已經聞到陣陣咖啡香，先試少少咖啡，超濃縮，少飲咖啡嘅人應該會覺得好苦好澀，呢個時候就要食佢個雪糕喇，個雪糕唔似其他餐廳用雲尼拿雪糕咁hea，佢係用威士忌做base嘅雪糕，食落甜得尼有淡淡嘅酒香，好食又有誠意我見其他枱叫嘅野食都好似好吸引，下次有機會要留肚試下先

今日終於走出去，黎左文青集散地嘅南豐紗廠，唔知係咪疫情關係，，人真係好多...於是行到攰攰地就求其搵間餐廳飲下野抖下，點知比我地發現到有驚喜💛💛💛💛地點：係一眾南豐紗廠入面嘅餐廳群中間，佢係唯一一間走時尚風格嘅餐廳，又係正電梯隔離，易搵！環境：餐廳走時尚風格，開放式嘅廚房，增加其空間感，而且用左光鮮亮麗嘅瓷磚，而且又有一排窗用黎採光，唔會有一種好暗嘅感覺！食物質素：餐廳主打係飲野為主，超多款式，單係咖啡都有成十幾款，仲有唔同種類嘅茶同埋酒水（手工啤白酒紅酒烈酒....）有選擇困難症嘅你要慢慢揀啦最後揀左一杯咖啡同埋一杯refreshing drink首先講下affogato（$55）即係一杯expresso加雪糕，而雪糕仲要係混入左whisky嘅雲呢拿雪糕咖啡熱、雪糕凍，一冰一火，層次分明，再加埋濃濃嘅酒香，苦中帶點甜，味道一流，簡直係享受！另外仲叫左一杯black glacier（$58）即係提子汁加入薑汁同埋檸汁嘅凍飲！同樣都係一杯好有層次嘅飲品，提子汁嘅甜味再加埋薑汁嘅微辣同埋檸汁嘅酸酸甜甜味道，估唔到三種味夾埋一齊係咁夾架！生津又解渴，飲完真係好refreshing服務：餐廳係

星期六行完山直落南豐紗廠搵食，一去到行咗幾間門口睇到人群都唔想埋去等，之前後上1樓，RETORD 門口得兩個人等，於是我哋就決定試吓，大概等十分鐘就有枱餐廳係自助落單，我哋試咗兩杯飲品，兩主食飲品： 杯Black glacier ，定價有少少貴，因為味道唔係好match , 加上size 細杯唔推薦，另一杯Green tea latte 就正常D , 係有少少偏甜，不過係個人口味可接受範圍 主食：一個明太子意粉，明太子都夠味，如果你係明太子愛好者，可以一試，不過因為佢入面加咗紫蘇葉，食咗兩啖就放棄咗，但係撇除有我唔鐘意嘅紫蘇葉，尼個意粉係ok 嘅而另一試咗菠菜醬蝦扁意粉 ，尼個如果同明太子意粉二揀一，我一定係推介菠菜醬蝦意粉，菠菜醬配蝦佢做得幾好，蝦大隻得嚟又做到爽口，唔錯唔錯👍🏽總體RETORD 我會覺得飲品只係緊緊合格，不過食物就水平之上

第一次去南豐紗廠 行到攰攰地 入咗去呢間黃店Cafe度坐下 佢哋嘅裝修非常有特色 如果經過去打下卡都唔錯☺️叫左一杯kombucha 係類似有氣果醋嘅味道 酸酸甜甜 又唔會太多added sugar 又解渴 唔錯! 另外叫左一杯black glacier 都係有氣飲品 有提子汁 ginger ale同lime juice 都好refreshing 好飲!🤩It’s actually my first visit to The Mills! After taking tons of photos, we popped into this cafe for some drinks and rest. This cafe had a kinda retrospective interior design, with dried flowers all around, which made it a nice place for photos! 🥰We had one Kombucha, and a Black Glacier. The Kombucha tasted like sparklin

大病了幾日, 一直呆在家中 , 只吃蔬菜和稀粥 , 尤如踎監 .... 今日終於可以行去街，就走去 南豐紗廠 , 找間 💛 黃店，飲杯啡，食件 cake ~RETOLD coffee.tea.spirits 的裝修佈置 , 都帶給人好悠閒的感覺 , 本土氣氛濃厚 , 一邊喝咖啡 , 一邊寫文就最正 ~Menu ~Iced Americano & Fragoline 小草莓派Iced Americano : 味道芳香 , 味道有果香和清酸味 , 飲落又有種厚實的 after taste ~Fragoline 小草莓派 : 小草莓派上的小草莓粒粒紅彤彤有夠可愛，煮好的果醬並不算太甜，還嚐出草莓的莓果酸甜，派底鬆化軟熟 , yummy ~本篇完 ~

想試呢間好耐, 但之前經過親都唔開, 今日終於可以試到每張枱都分到好開, 好有空間, 感覺好輕鬆, 好舒服.自家製波菜醬蝦意粉: 波菜醬夠濃, 好味明太子意粉: 我最愛既明太子, 明太子唔輕手, 好CREAMY , 正椰菜花蓉.露荀.挪威煙三文魚.木魚花.意粉: 個名長到不得了..呢個同波菜, 明太子相比之下, 清淡左少少, 但都唔差.飲品, 試左ESPRESSO TONIC, 佢地加左大大塊橙皮, 提升杯咖啡既香味. 非常好個人最鐘意係佢地會用傳統意粉既口感, 係會偏硬少少既.非常舒適的一間小店, 要多多支持

南豐紗廠真係黃店集中地但無論幾大食都好黎一次真係試唔哂咁多間既然荃灣咁多野行真係要去多幾次先得!!我本身好鍾意食開心果食親Gelato都一定要開心果味開心果味既Cheesecake真係較為少見再加上見倒網上咁多人推薦所以就叫左開心果蛋糕($48)可能對佢期望過高蛋糕口感都算鬆軟面頭同邊邊都有D開心果碎但食落開心果味唔係好出有少少失望:’(另外叫左朱古力蛋糕($48)同埋Café Latte ($36)兩樣都正正常常 冇咩特別有機會再黎試下呢度既主食先得!

今日友人放假, 約咗出嚟行吓南豐紗廠同食 tea, 搵咗幾間 cafe, 友人揀咗喱間, 主要都係想 girl talk 吓同 hea 吓😃可能係因為平日嘅關係, 店入面唔多人, 指定動作同入座後, 店員遞上 menu, 再同我哋講只有 60 分鐘用餐時間, 我哋初時都諗住去第二間, 因為諗住 hea , 不過店員又同我哋講人唔多都可以繼續坐, 仲介紹返點餐流程係要自己出去餅櫃點餐。 我哋都不約而同地點咗 Piccolo Latte, 店家都特意提醒我哋只係大過 expresso 少少, 最後我哋都點咗喱款咖啡。店家好有心機, 每杯咖啡都有不同拉花, 喱個 Piccolo Latte 都唔例外, 店員一遞上已經香氣撲鼻, 咖啡味濃而唔會苦澀, 而且仲會有奶味令咖啡更香滑, 甜度亦適中, 唔會太甜蓋過咖啡味, 配搭恰到好處, 唯一唔好處就係細杯咗啲, 但味道搭夠 😋。    因大家都未食 lunch 嘅關係, 我同友人亦每人點了一個意粉 share 食醫吓肚。 店家嘅 pasta 有 4 款揀, 我同友人揀咗蕃茄肉醬水波蛋扁意粉同埋自家製菠菜醬蝦扁意粉。喱個係蕃茄肉醬水波蛋扁意粉本尊,

今日(24-10-2020 Sat)又同老公去送膠,送完佢又搵嘢食,我哋行嚟南豐紗廠搵,但唔係好肚餓,而呢間已經有甜品食,於是決定呢間.我哋要咗:2. $48.00嘅開心果芝士蛋糕因為覺得呢個靚同特別,所以要呢個,我哋影咗好耐相至食,佢都仍然係凍.呢個唔太甜,食得出開心果嘅味道,開心果忌廉夠滑,蛋糕鬆軟.味道: 5分1. $40.00嘅紅茶菌呢個成份有紅茶葉,糖,水,酵母菌,蘋果同菠蘿.呢杯係凍飲,味道有啲似酸梅湯,但唔會嚡口.味道: 3分3. $45.00嘅凍mocha老公飲,我冇飲到,佢話唔太甜,朱古力同咖啡味都飲到.味道: 5分4. $78.00嘅日本大葉三文治呢個用菠蘿包夾日式叉燒,新鮮菠蘿同無花果辣醬,好創新嘅配搭.送到嚟係大大個同熱騰騰,菠蘿同日式叉燒都係厚切,老公又影好耐相,我就一直嗅到煎咗日式叉燒嘅香味,就覺得佢會好飽肚.老公終於影完相食得,菠蘿肉唔酸;厚切日式叉燒我真係第一次食,感覺係好夠油,唔係乾爭爭; 無花果辣醬只係微辣,OK嘅;而微甜嘅菠蘿包係好脆口.味道: 5分服務:好好,好有禮貌.衛生:疫情期間,嚴格遵守抗疲規則.抵食係2.7分