Restoran SAYA

营业中

休息中

前排新開, 專門食泰式東北菜（泰國東北叫依善地區）裝潢好靚, 好igable 餐廳🇨🇷🇨🇷炭燒豬頸肉沙律 Kor Moo Yang $138豬頸肉燒得幾香口入味，口感彈牙爽口，salad veggie 都好新鮮爽脆不過就無salad dressing. 要撈埋豬頸肉一齊食, 剛好可減膩泰式青咖喱雞 $128青咖喱原來係配左包 青咖喱幾香不過較稀 唔會太辣 不過得3舊包唔係好夠點sauce, 😂 包texture 普通唔算太乾. 反而燒雞肉都頗嫩唔錯小食併盤 $138蝦片普通 唔夠脆泰式牛肉乾條係比較好食, 幾香口, 係較乾嘅肉條但又未到平時食嘅牛肉乾Thai Sauage 係幾有趣嘅球狀, 肉腸有落點東南亞香草嘅味道Chicken Skin, 好似話有冬蔭功味不過唔太食到, 比都係脆口炸物. 雖然每樣可以試少少, 但味道唔算話好突出薑汁菠蘿沙冰 $58椰青 $48選左幾特別嘅薑汁撞菠蘿沙冰, 同樣好打卡able, 外形同size. 薑味都幾出, 唔會太甜椰青清甜開胃, 係我嘅all time favourite

Restoran SAYA🇹🇭🍹……….呢間係充滿異國風情嘅泰國餐廳，餐廳佈置好有夏日感覺，擺設了綠色植物，民族風坐墊和藤椅，以湖水綠色和木色為主色調，仲有落地玻璃，增加咗空間感。晚市部分食物性價比較低，午市set lunch價錢相宜啲，但環境真係有加分嘅，適合和朋友來閑聊聚餐🥳……….🥗醃蟹仔青木瓜沙律 $88•青木瓜沙律食落爽口，食落材料新鮮，調味酸酸甜甜帶點辣味，幾開胃，但份量唔多同醃蟹仔得五蚊硬幣嘅大細😂🥘泰北咖喱金麵 $108🌟•呢個係比較有特色嘅菜式，炭火燒雞肉質都夠嫩滑，配埋咖喱汁更香更惹味。咖喱汁有椰香味！金麵似粗麵，沾到滿滿嘅咖喱汁，好掛汁。仲有炸脆麵條，令到口感更加豐富。一上碟最好要拌勻咖喱汁😝🥬辣肉碎生菜包 $98•肉碎炒得好惹味，辣度啱啱好(揀咗小辣)，生菜份量都足夠，但菜葉size唔夠大，難以包到肉碎🥺🧉椰青 $48•椰青水味道清甜，刮到好多椰子肉，好有椰香味😚……….💰人均 $188 /per person (2人)

🔷 🍹🍜〰️ 無諗過利奧坊多左好多特色野食，見到有一間泰國東北菜餐廳。平時食泰國菜就多，但真係第一次試下泰國東北菜🫣 由奧運站行過來，只需要6-8分鐘，交通都十分方便🤗〰 餐廳佈置主要都是夏日風格，仿如在泰國的一間高級餐廳，主要以湖水綠色為主，加上有不同的綠色植物和籐嘅裝飾品，無論籐椅還是以藤製成的假天花，都盡顯泰式風情🙃🍽 🔹 泰式炭火鹽燒魚餐廳用左「羅非魚」，肉質比較鮮甜，利用魚鱗燒既關係，魚肉可以保持juicy而且魚質 嫩滑 🤭焗既火候啱啱好 ，配搭左泰式既香葉，突出左魚肉味。今次泰北式燒魚有別於平時食開泰式燒魚，燒魚配搭左紅毛生菜同西生菜，仲有米粉卷比我地夾住魚肉食，仲有兩隻惹味既醬，一隻係羅望子醬，酸酸甜甜，另一隻自家泰式辣醬，比較辣啲既醬，兩種配魚都非常夾。🔹 泰北咖喱金麵配燒雞見到餐牌，就比金麵吸引左，因為真係第一次食。咖哩汁有椰香味，亦有泰國咖哩既香料味，味道少少酸卻十分惹味 ，風格有點似馬來咖哩同泰國咖哩crossover.有兩種金麵既面質，其中一種好 煙韌，另一種係炸過既金麵，又脆又香口，配上濃厚既咖哩汁，好好味，雞肉都算嫩滑，但味道就吾算特別🫣🔹 飛天炒通菜食咁多肉

放假決定到利奧坊搵食，發現呢間新式泰國菜！一坐底就送上一份香脆小食，十分貼心～🥗青木瓜沙律 Som Tum ($78)口感沙律爽脆，味道酸酸甜甜，帶點辣味，十分開胃🙌🏻🥩和牛炒寬河粉 Pad See Ew ($138)賣相較為濕身，但口感不黏；和牛口感有點煙韌，如果腍啲會更好～🥓炭燒豬頸肉 Kor Moo Yang ($128)份量算多，燒得十分入味，炭香味洋溢；口感彈牙爽口，油膩部分不多，值得一試！✨整體感覺：餐廳裝修色彩鮮艷，打卡一流，店員服務好；食物份量多，質素不錯，值得一試！

呢一間喺大角咀嘅泰國餐廳🍴環境裝修得好靚🇹🇭最特別係佢哋個炭燒椰簡糯米飯🍚佢同平時甜品嘅芒果糯米飯唔同 佢係整到好似一塊煎餅咁 兩邊煎到金黃色 食落外脆內煙靭🤩個椰奶味同糯米飯 真係好夾🥥

大角咀出名多平靚正好西小店，但近年新建高級住宅利奧坊則招攬中高檔次的餐廳，見到呢間泰國餐廳幾吸引，環境唔錯，店員有禮，但我覺得食物性價比略低。海鮮青木瓜沙律 $98兩隻蝦，五個魷魚圈，再加車厘茄，豆角，蘿蔔絲等青木瓜沙律，味道少少酸幾開胃，但份量唔算多。伊善炭火燒牛肉 $168燒牛肉粉嫩賣相幾吸引，但肉質有少少韌，本身落鹽已夠味，醬汁似梅菜油（？）都係帶少少鹹味。炭燒清邁香腸 $98外皮幾脆口，個餡唔知係咩，口感味道同平時食開既腸唔同，但又唔覺好特別。重點係一條香腸切成七件，呢條腸會唔會太貴？！泰北咖喱金麵 $108呢個主菜較為像樣，有炸過的麵條以及類似粗麵的金麵，咖喱汁幾香濃，撈麵一流。雞扒有燒過，少少焦香，肉質唔柴。芒果糯米飯 $68半個芒果切成粒，加上糯米飯以及椰汁，味道唔會太甜，好食。.整體食物方面，沙律小食真心覺得唔抵食，份量實在太少，性價比低，100蚊一條腸真係唔值；反而主菜與甜品無論賣相，份量及味道都比較像樣。

慕名而來！怎麼知道由於位置的安排，變得好似發放邊疆 無人理會😱點菜 加水 到面對心不甘情不願的的結帳買單，菜色再多麼好吃 確邊成想要趕緊離開的心情🥵真的感覺很差啊！不會再想去

係網上推薦佢既伊善炭火燒牛肉同埋虎蝦檳榔葉面康，結果這兩道菜極力不推薦😓燒牛肉乾又硬😖檳榔葉既虎蝦$108 但係葉得一小楷蝦 (個size係普通蝦既一小結)同價錢不符。泰北咖哩金麵有d辣，還可接受。最最最最最差係佢既服務(要講五個最先得)😡😡😡我地被安排坐最入面既座位，見到佢好貼心準備左既按鈴以便佢地既職員招待，但係原來全部都係假象。我地揀好菜色按鈴，等左好耐都無人來。我地就行出去搵職員落單，順便問佢個鈴，佢話個鈴壞左，我地需要佢地個時我地自己行出來搵佢地wo安排我地坐入d 結果要我地再行出來搵佢？ 黑人問號🫥佢地安排不足又亂，係個到食飯搵罪受😢

今日特登搵打卡餐廳，依家本身排名第三嘅，原因係因為佢個地點真係有啲格攝，但係第一間同第二間咁啱full左，所以就嚟咗呢度啦兩個人嗌左兩個椰青，芒果糯米飯，生菜包，串燒同埋香蕉煎餅😌嘢食唔可以話好特別，全部都正常泰國菜，但係性價比極低，價錢偏貴，好老實講，嚟咗一次，未必會再嚟🙈嘢食性價比低之外，佢個位置有啲難搵，地鐵站出去都行左差唔多15，20分鐘，都搵唔到間餐廳不過呢間餐廳裝修真係幾有特色，同埋幾靚，呢度係比足200分佢，成間餐廳，每個位打卡都係一流，連張枱都係特別過人，都算值回票價嘅，畢竟叫影咗啲靚相🤣下次都係再試第二間

呢一間係大角咀嘅泰國餐廳🍴裝修得超靚～真係好有泰國度假嘅感覺🇹🇭上次就試咗個泰北咖喱金麵🍛其實就係粗身啲嘅蛋麵～掛滿晒咖喱汁 非常之惹味！旁邊嘅雞扒好厚肉 好大塊 食落仲好嫩滑🐔

朋友的生日選來了在大角咀這間很有度假feel的泰式餐廳，以綠色為主題，有點懷舊味打造舒適悠閑的環境，雖然餐牌上的選擇不是很多，但食物真的是美味，那個肉碎生菜包有種微酸但清香的味道，格外喜歡！和牛炒寛粉也很好味，蝦片也是我特別喜歡！我們沒有買來生日蛋糕，即場點了芒果糯米飯做甜點，而我膽粗粗的問了店員可否為我們點上candle, 店員很貼心的說：「無問題，幫你做得好好睇睇」，嘩！我沒想過會是這麼美的，謝謝呀

呢間餐廳主打泰國東北菜都幾特別🇹🇭個裝修都好靚 好有異國風情～第一次見泰北咖喱金麵🍛個面底係用左雞蛋粗麵🥚煙韌彈牙 仲索晒濃郁嘅咖喱汁！咖喱辣辣地 超級開胃～個炭燒雞扒都好嫩滑多汁🐔

大角咀泰國菜餐廳「Restoran SAYA」，裝修走泰式復古民族風，湖水綠的牆身好治癒，加上牆上各式復古海報、傳統泰式壁畫、藤製高椅、民族風圖案坐墊及抱枕，令人猶如置身泰國小店。餐廳有大落地窗，又開揚又有充足自然光，環境好舒服悠閑。處處都有靚景打卡👍餐廳主打供應泰國東北傳統特色食物、酸辣依善美食及創意料理，由來自泰國的主廚主理，採用泰國地道材料和調味。🍉手打魚鬆西瓜$88原來是一道泰國宮廷菜式，擺盤精緻又有藝術感。魚鬆由泰國直送的魚製成，配上新鮮訂小立方西瓜，配搭特別。炎炎夏日吃一口清甜起沙的西瓜，配合魚鬆的鹹香，十分清新。🔥炭燒清邁香腸$98，好香口微辣，香腸外層脆卜卜，餡料有辣椒、蒜、蔥等，咸香味濃。伴碟有沙律菜、紫洋蔥及青瓜，好清新。🍝泰北咖喱金麵$108咖喱汁超香濃帶點沙嗲汁感，非常惹味。粗身蛋麵有一半是油炸，另一半是原麵，完全吸收咖喱汁及沾麵，雙重口感好正！金麵配上幾件燒雞，雞扒厚身juicy，皮燒得香脆，yummy另有多款泰式特飲供應，今次點了芒果熱情果沙冰及薑汁菠蘿沙冰（各$58）🥭先來芒果熱情果沙冰：睇顏色已知道十分香濃，薄荷葉裝飾好清新🍍薑汁菠蘿沙冰好特別，菠蘿甜得

大角咀近年嚟多左好多野食, 最近經過果陣見到E間泰國菜怖置幾特別, 於是今晚就約埋朋友一齊去試下, 入到去環境好有東南亞風情, 打卡影相都會好靚, 車車特別中意佢天花嘅燈, 令客人感覺好似置身係露天一樣! 經老闆介紹, 原來E間小店係主打特色d嘅泰國菜, 所以有好多野食都未食過, 覺得好新穎, 款款都好想食, 由於老闆話份量都幾多, 所以車車同朋友就叫左少少食住先🌟馬可（Ma Haw/Ma Hor）馬可係泰國嘅一款皇室特色前菜, 一片酸甜多汁嘅菠蘿上面放住一d用糖慢煮嘅花生碎, 食落好好味, 非常開胃🌟手打魚鬆西瓜E款屬於夏天嘅季節前菜, 一口西瓜上面鋪住香酥魚鬆, 食落西瓜爽甜, 帶點咸咸香香, 十分特別🌟薑汁菠蘿沙冰食泰國菜點少得凍飲, 菠蘿冰入面加入左薑汁, 飲落酸酸甜甜帶點薑味, 味道清新又醒胃🌟泰式火鹽燒魚E款係老闆推薦嘅主食嚟, 上枱份量幾大燒魚因為想燒到入面鮮嫩所以無去魚鱗, 所以食嘅時候需要切開魚皮享用, 旁邊附有唔同嘅沙律菜,粉絲同兩款醬汁, 一款係甜甜地花生醬汁, 另一款係傳統d嘅酸汁, 食法係將沙律菜包住魚肉同粉絲再加上醬汁, 食落好清新, 熱辣辣嘅魚肉嫩滑鮮甜,

餐廳走復古民族風，使用藤製傢俱，餐桌用上湖水綠作為主色，令人有種置身泰國當地小店的感覺。這間新開的泰國東北菜餐廳，主打傳統泰菜，有串燒、炭烤等傳統泰式料理，現時新開張更有優惠，超級抵食！伊善炭火燒雞$138雞肉先經泰式調味料醃製，再放在炭火上燒製，做到皮香肉嫩，原汁原味又惹味得很。伊善炭火燒牛肉$168牛肉採用梅花肉中心的部位，油脂分布均勻，肉質軟嫩。蟹肉奄列$138蛋皮煎至金黃色，顏色均衡，切開奄列，內含滿滿微鮮的蟹肉。芒果熱情果沙冰$58芒果汁與熱情果交融，味道酸酸甜甜，充滿熱帶風情。黑糖木敦果茶$38味道有點像涼茶，味甘、微苦。