Rakuraku 樂拉麵 (利東街)

营业中

休息中

去婚展前食個飽飽的午餐，因為一個打完波，一個好肚餓... 所以兩條友3碗野XD特濃櫻花蝦蝦湯叉燒拉麵 $89我就覺得唔夠濃，呢個個麵要左“適中”叉燒要左“豚腩叉燒”，一食我又已經講，近期都係緣屋好食. 佢平均咁囉... 個豚腩應該有炙燒過既，以豚腩黎講算係肥瘦適中，我唔鍾意肥既就會嫌棄佢XD辛辣豚骨叉燒拉麵 $79我其實想話我真係好鍾意食別府既地獄拉麵，因為個辣同香都好好食，但呢個辣又係另一隻辣油既香味，食落都幾特別. 我叫左麵“較軟”同叉燒. 麵其實唔比“適中”差好遠，但就如果耐左... 呢隻反而無適中咁林... 叉燒就正正常常咁啦.迷你石鍋特濃龍蝦海鮮湯飯 $48我地其實係想試呢個而入去既，結果呢個係好失望既，因為無龍蝦味，入唔到味... 就算落七味粉都唔得，所以係失望既個蛋呢... 男人覺得好好食，我個就可能俾個辣油味cover左，但都幾好食既...同有個小插曲，佢放左碗唔岩既野，千都話，我好似無叫呢個喎，可能我剔錯，但唔係喎(因為佢手上有另一枱既野)，但最後發現係姐姐落錯單. 佢好補禮貌咁換完唔好意思前唔好意思後，收錢個時都仲有輕輕講左句頭先唔好意思，呢樣真係要加分架!

係銅鑼灣行街行過利東街，見到一間拉麵小店，賣相幾吸引，就決定係度食晚餐。叫左一碗炸雞豚肉拉麵，又有炸雞又有豚肉，一次過滿足哂兩個願望。另外仲點左一個芝士蝦丸，岩岩炸出來就上台嘅蝦丸熱得辣手，咬一啖拉開就有邪惡拉絲嘅出現，十分香口。

HAppy Friday 嘅晚上約了好友食晚飯，吹下水，隨意地去到利東街，隨心地揀咗呢間拉麵店。進了店內，原來地方不算細，我看了menu，決定點溏心蛋野菜拉麵，好友點了迷你石鍋特濃龍蝦湯海鮮泡飯。好友的石鍋海鮮泡飯先上枱，熱辣辣啲湯仲出晒煙, 賣相幾吸引，不過真係好迷你，好細碗。我試咗兩啖湯飯，唔咸，香濃嘅海鮮湯味, 好多隻細蜆，唔錯。溏心蛋野菜拉麵，幾大碗。第一次食有西蘭花嘅拉麵, 唔太夾。不過隻溏心蛋幾出色，好味的。湯底有點咸，麵質不錯。

特濃櫻花蝦蝦湯叉燒拉麵 🍜💰$88 另+1同friends上完wheel yoga🧘‍♀️ 便搖搖晃晃地走到了利東街這間拉麵店已經是第二次光顧了🙆🏻‍♀️🙆🏻‍♀️這裡的湯底是絕對要大讚👍🏻味道很濃烈☺️有超濃的櫻花蝦味好味可以飲清光 哈哈（不過會太咸）😂😂拉麵可自選軟硬度我選了適中的硬度叉燒我選了豬腩肉🤤肥肉同瘦肉比例剛剛好👌🏻因為那天實在太肚餓我另外加了一碟豬肩肉🤤🤤🤤吃得好滿足！

我之前曾經在將軍澳「坑口區」的商場裡面，食過一碗有豚肉叉燒，又有無骨炸雞，兩者合而為一製作而成的日本豚骨湯拉麵，再加上一客肉質飽滿的無骨炸雞，始料不及我後來在灣仔竟然能重溫舊夢。這個位於灣仔「利東街」，以前「喜帖街」改建而成的商場裡面，主打日本豚骨湯拉麵食品的日本菜餐廳，餐廳名稱叫做「Rakuraku樂拉麵」。「Rakuraku樂拉麵」裡面那一款，同時有齊豚肉叉燒、無骨炸雞，還有半熟溏心蛋的豚骨湯拉麵的正式名稱，叫做「大盛叉燒炸雞拉麵」，售價港幣八十八元。「大盛叉燒炸雞拉麵」價錢在「Rakuraku樂拉麵」六款拉麵裡面，已經是最昂貴的一碗。即使「Rakuraku樂拉麵」食品計算加一服務費後，「大盛叉燒炸雞拉麵」加一後的價錢，還不需要一百元。看來「Rakuraku樂拉麵」裡面的豚骨湯拉麵，拉麵定價價位都是在中等價位水平左右而已，預算比較多的食客，即使再選其他小食和飲品，應該還可以應付自如。結果我額外再選擇，選擇「Rakuraku樂拉麵」裡面，一共五件無骨炸雞拼湊在一起的小食食品「自家製炸雞」。一碟五件的「自家製炸雞」價錢也不算很昂貴，賣港幣四十二元而已。看來在「Rakuraku樂拉麵」一

1️⃣特濃櫻花蝦蝦湯叉燒拉麵價錢：$88呢碗拉麵又係超正佢有我最喜愛既櫻花蝦🦐同埋蓮藕片♥️個湯係勁濃既蝦味！🤤配上好淋好香既叉燒一齊食真係食到好滿足😋鐘意食拉麵既你一定要試喔😋

呢個係...屬於我的「一個人的浪漫💕」放lunch一個人真係比較易搵位今日獨自在拉麵店雖然好想叫多份餃子不過心知肚明一定食唔晒唔想嘥野最後淨係點左拉麵✰ 櫻 花 蝦 龍 蝦 湯 拉 麵 ✰ $89賣相好靚♥️一大堆既櫻花蝦，木耳，蛋 & 蔥全部都係我摯愛！都唔知可以食邊款先🤪🤪🤪先食左個最易會變熟既糖心蛋～醬油糖心蛋做得好好好😍流心既蛋漿帶少少杰身感覺入口感受到雞蛋外層浸透過既醬油甜度其實碗拉麵係有肉嫁只係肩肉被配菜都遮蓋住🤣🤣🤣肩肉比腩肉瘦就算食落都唔會覺得好hi口👍🏻呢個做拉麵湯底真係唔錯龍蝦湯底幾濃烈而拉麵質感點左「適中」食落同湯底都好融合不過吃到中段就開始覺得湯底有點偏咸但特濃湯底確實做得幾好連埋加一呢個lunch盛為98蚊呢個「一個人的浪漫💕」好貴呀😭😭😭同埋有個小提醒就係座單人位果時有隻細細曱甴係枱面行始終係野食地方要做返乾淨d啊

見平時都有人排下隊，今日見未有人排就試下叫左個特濃櫻花蝦蝦湯拉麵 叉燒就揀左豚肩一黎到就覺得個湯好濃好傑，飲落去冇咩蝦味得個鹹字自問都算重口味，開頭都仲覺得可以，但後尾真係鹹到連麵都食唔到麵揀左適中硬度 正常叉燒偏瘦但唔話會好鞋 冇咩香味但已經係全碗麵最好食嘅野朋友試左豚腩 有舊好爽好食 但係另一舊就好乾好硬炸蓮藕一睇就知唔得 炸到黑晒 第一次食諗住咩都試下 點知硬到咬都咬唔開溏心蛋黎講煮得有啲過熟 蛋黃邊位都熟晒加埋一近$100碗拉麵 真係一啲都唔值

Lunch 時間黎呢度食, 都要等下位人多要分枱先有位呢個原味豚骨拉麵湯底好濃好咸平時有食開拉麵都知湯底係會偏咸但呢個係更難接受有驚喜既係炸蓮藕脆卜卜咁幾香口 我平時唔食蓮藕既都食到溏心蛋味道好食但又係偏咸整體都唔係太差既 打算都會去多次試下個蝦湯拉麵

利東街行過想去買野見都又餓餓地入去試試好好味招呼又比較好👍🏻👍🏻👍🏻叉燒..佢有得比你選@豚腩/豚肩...我要左豚肩😍😍😍😍😍有肉味.有咬口...下次要加多一份😋湯底夠味冇過咸😍蔥...京蔥先係正😍😍😍主要佢係貓貓貓貓🐱🤗😍

利東街每隔一段時間都會有特別既展覽，今次就係去睇發光既地球去到利東街。灣仔一向都多拉麵舖，今次就比利東街既rakuraku拉麵吸引到。舖頭裝修好似日本拉麵舖咁，而好貼心地每張凳下面都有位放袋。拉麵選擇唔算多，大概6-7種左右，另外有比較少見既泡飯，尤其係龍蝦湯底泡飯樣貌吸引。兩個人去食，又想食拉麵，又想食泡飯，又想食小食，所以最後就揀左特濃櫻花蝦龍蝦叉燒拉麵，迷你石窩特濃龍蝦湯叉燒泡飯同埋餃子。 特別一讚，上菜速度算快，大概10分鐘已經可以開始食。拉麵湯底有濃濃既櫻花蝦味道，但龍蝦味唔算特出。拉麵配料好豐富，有木耳，蓮藕片同糖心蛋。至於上面既蓮藕，好似食緊辣味薯片，幾有驚喜。至於泡飯方面，上菜既時候熱氣沸騰，要小心唔好辣親。泡飯既湯瞬間比飯粒吸收曬，令到個飯食起黎好似食緊義大利飯咁，而味道比較接近海鮮飯多過龍蝦湯飯，而入面既叉燒份量多，而且嫩滑多汁。餃子方面不過不失，餃子皮唔算厚，但裡面豬肉份量比較小。 總括而言，櫻花蝦拉麵可以一試，但如果鍾意濃味既朋友可能唔太適合，另外泡飯味道唔錯，但要注意份量會比較小，可能要另加小食先夠兩個人份量。

樂拉麵開係利東街一入街口位置，每次經過都俾佢塊炸蓮藕片吸引到，成日心思思想試，今日終於俾佢吸引左入去喇。分別叫左原味豚骨同櫻花蝦。樂拉麵所用好似上海麵果款幼麵，掛湯能力差，所以雖然就咁飲原味豚骨湯夠味，啲麵嘅味道都好淡。而櫻花蝦味就好濃，第一啖就咁飲湯覺得好香好濃蝦味，但飲多2啖，啲咸味同油就出晒黎。叉燒又係失敗之作，食到叉燒有豬肉騷味... 我平時好少食到肉騷味，估唔到樂拉麵就中...好好彩溏心蛋超好味，真正溏心，蛋白仲浸到入晒甜豉油味🤤 成碗麵最成功係粒蛋!!!我覺得湯底太油... 食完之後感覺唔係幾好，以味道黎講，灣仔有咁多選擇，我就唔會再揀佢喇😥

當日同朋友行完山..午飯時間剛好經過利東街諗起早前利東街開左間拉麵店一於提議一齊試下入到店舖.. 貓...全部都係貓一向鐘意食炸野GE我..一下子比大盛叉燒炸雞拉麵吸引住大家再另外叫左煎餃子同炸豆腐好啦...係有少少瘋狂..仲要剛剛行完山🤷🏻‍♀️其實佢食物都上得幾快..但當中發生左啲事故..同職員講完之後佢就同我換過份炸雞試左一啖湯.. 係好夠熱嘅..有微微黏性..湯頭偏油..麵係冇得選擇只有幼麵.. 幾吸湯..但食得太慢就變過軟..重新炸嘅炸雞. 雖然少少柴但總比唔熟好🙈香煎豬肉餃子...嗯...冇咩特別..唔覺個底特別脆..一般個日式炸豆腐，外脆內軟！但有啲清淡...多番少少醬可能好啲食物都尚算可以...但好抱歉...呢間拉麵店未能成為我係灣仔區嘅心水拉麵店舖

放工約左男友去試新拉麵，六點半去到唔駛等位，仲有位比我揀唔駛搭枱添，但啲位置比較窄啲囉。我地叫左黑麻油豚骨叉燒拉麵，迷你石鍋特濃龍蝦湯叉燒泡飯同自家製炸雞。首先黎個迷你石鍋特濃龍蝦湯叉燒泡飯($45)，個鍋勁熱要小心唔好辣親，聞落去好香龍蝦湯既味，食落去啲飯軟硬岩岩好，唔會浸到淋晒，個龍蝦汁好濃但又唔會好咸，塊叉燒厚度適中，又唔會太肥，咬落去淋得黎仲有一梳梳肉，成個飯都唔錯 ! 再黎個黑麻油豚骨叉燒拉麵($82)，雖然男友之前食過佢個櫻花蝦味都話好好食，但佢想試埋衣個未試過既黑蒜油味豚骨拉麵。碗拉麵個賣相都唔錯，配菜有糖心蛋。黑木耳絲，昆布同炸蓮藕片。本來仲有蔥架，但由於男友唔食蔥，所以走左蔥。作為一個拉麵控，一見到碗麵梗係試左個湯先啦😋，個湯好香蒜味，仲有啲芝麻既香味，豬味濃郁，淨係個湯我已經可以飲晒佢。啲麵既口感我就揀左較硬👍🏻，我鍾意咬落去有啲口感。隻糖心蛋我都覺得唔錯，蛋黃甜度適中，蛋白都帶日式醬油味，唔好太咸又唔會蓋過蛋黃既香味。碗麵都好好食，我最後連湯都飲埋，又搵到間可以再encore 既拉麵舖 ! 最後黎個熱辣辣岩岩炸好既炸雞($42)，隻隻炸雞都大大粒又厚肉，雞肉全部熟

利东街新开不久的一家日式拉面店，路过了几次看着感觉还不错，这次有机会正好跑来试试。一进店看着环境，装修都很不错，一眼看上去好于香港90%的日式拉面店吧，坐下来之后感觉服务员不是很热情。有点爱理不理的，问他家有什么特色也说不出个所以然的。点了黑麻油，辛辣豚肉叉烧拉面。加了一个温泉蛋，结果发现拉面里本来就有一个温泉蛋了，一下吃俩有点腻。汤底的味道一般般吧，面总体来说不够出色，只能算是不过不失吧。总体而言挺普通的一家店，来湾仔玩的话可以考虑尝试，比他家好的店很多。