Rakuraku 樂拉麵 (利東街)

营业中

休息中

Service was so-so. Greeting felt more like kids shouting at you. Food isn't that great if compare price to other ramen shops in the area. Water you have to grab from the next table. Salad felt like over sauced.

嗌咗三碗拉麵一個清雞湯兩個黑蒜拉麵。個清雞湯真係完全唔合格，個湯底完全冇雞味，糖分過多好似飲緊一啲得洋蔥同蘿蔔嘅港式例牌餐湯咁樣。真係完全未試過一個咁淡咁無味嘅湯底。麵非常之失望就算叫咗較硬都冇乜口感。配料冇乜特色，唯一炸蓮子唔錯。呢個清雞湯真係連味千拉麵都不如。黑蒜豬骨湯底拉麵好啲但係兩碗同一款嘅拉麵唔知點解鹹味有好大差別，應該係師傅落tare 時候落得太重手，有一碗鹹到食唔到。碗麵差唔多14分鐘先到比較耐，管理有待改善。跟餐沙律亦都要追單先嚟到。以$80+蚊一碗嘅價錢非常之離譜，灣仔好多其他拉麵都好過佢。

今日去灣仔食野，同朋友想食拉麵，就去咗利東街到行行🙂㖒到利東街有間可以食拉麵同石鍋飯咪試試入到去，個waiter嘅服務質素有少少差，好似好唔耐烦🧐我地坐個個位好少位😣當我地去叫嘢食，個女waiter嘅態度超差🤨就是㖒住我哋，唔講嘢🤭叫紙就收我叫咗一個石鍋飯🤩76蚊有石鍋飯同沙津或者嘢飲，我叫咗個沙津🤭(㖒落健康啲）個沙津還可以個飯反而就唔好食，好乾，食到我好唔舒服🤨食完之後個胃不舒服😓沒有味道😔個啲叉燒好肥但是都唔好食環境唔算太乾淨，很多人而且人和人之間距離很近（不認識的人）中間沒有板子😣最後叫waiter給我一個盒子, 當我舉手的時候, 他沒有說話只是看著我, 都不知道他是不是在服務我😅服務態度不太好😓他的樣子很不耐煩

人山人海lunchtime peak hours 揀係呢間食糖心蛋雞扒泡菜石頭飯邁向不差，糖心蛋都有做到流心，雞扒同泡菜不過不失～ 多d醃製會更好可能個石頭鍋燒過侯，飯蕉都黑曬

先講主食，石鍋飯($108)好夠熱🍲，拎到泥keep住都熱辣辣，海鮮🦐份量正常， 唯獨係味道偏淡， 需要自己加醬油先會夠味， 不過佢個飯一邊啲芝士🧀食到咁上下有d濟😐,個飯🍚唔大，但係唔知點解食到尾嘅時候就會飽飽滯滯🦍跟住到拉麵($118)，佢寫龍蝦湯底🦞 ，我覺得龍蝦味🦞唔重， 龍蝦味🦞偏淡，食唔出係食緊乜嘢湯底，少怪。 不過唯獨嘅係幾欣賞佢嗰面軟硬適中， 呢個值得一讚👍 個麵夠爽口🥳小食方面，炸豆腐做到外脆內軟， 正常水準， 豚肉餃子都係普通攞返嚟嘅餃子，跟住去煎，冇特別。最後，其實佢環境清幽既，裝潢都好華麗， 四圍都係好多壁畫， 但係搞到咁大陣仗，入面嘅食物質素係真係一般！！！！

行入去門口條惡女服務員一啲服務都冇，指揮你去掃描安心出行，又指你去坐門口位度但入面大把位。老婆問可唔可以坐第二度，佢就好唔客氣話唔得喎。我之後大大聲聲話呢啲垃圾地方正常人都唔留喺度食，之後我哋就走，唔會俾錢牠們賺。門口嗰個八婆最適合乞米。嗰啲舖頭好多都當客人如豬如狗重話乜嘢香港精神人唔笑狗都吠，單係尊重啲客係咁小事都做唔到，能力咁低仲要講到香港好巴閉？拉扱幼稚到不得了行為不檢點的OpenRice編輯又來玩河蟹了！

放假不敢周圍去，唯有打開手機重覽之前出街午膳的食物相，打發一下時間，不看也罷，一看卻更想去食，希望疫情快些過去，不使再買外賣，可以食到即製的美食，畢竟堂食與外賣，始終是有差距的，堂食新鮮之外，賣相更吸引，令人食欲大振，即使貴一點也是值得的。說到那次，我點了最出名的特濃櫻花蝦龍蝦湯叉燒拉麵，同事則點了豚骨拉麵，說起拉麵是日本中華料理所用的麵條及麵食的種類之一，多以切製而非拉製而成的，拉麵的日文是「ラーメン」，另一個常見的名稱叫「中華そば」， 日本最早關於中國麵條的記載是明朝時期，早期的拉麵加入了日式叉燒，筍子的醬油口味，味道較為單調，隨著時代變遷，拉麵亦不斷推陳出新，現在做法更為講究，除了手打麵條外，亦加入豬骨或雞肉得熬煮成湯底，再配搭日式叉燒，蔥花，筍子，炸蓮藕片，紫菜，栗米，海苔等材料。 這間更用上櫻花蝦和龍蝦作湯底，龍蝦味很香濃鮮甜，櫻花蝦亦鋪滿了一半湯碗，賣相超靚，櫻花蝦是台灣和日本比較稀有的品種，被列為東港三寶之一，現在多數製成蝦乾，用以增添菜餚的鮮味，拉麵加了櫻花蝦，令其湯汁鮮香濃郁，回味無窮，拉麵可選煮得軟或硬，我點了較為軟身，叉燒可選豚腩或豚肩，豚肩較瘦，較薄身，個人覺得

無系合和中心返工之後⋯都好少過灣仔今次因為要去灣仔拎嘢就行埋過去利東街睇吓裝飾啦 由平時嘅燈籠造型裝飾🏮轉咗做蝴蝶嘅裝飾🦋仲加多個聖誕樹襯返聖誕節既來臨🎄🎊.今次行過見到呢間樂拉麵 用貓貓日本武士主題🐱見拉麵店咁有特色🍜主打博多風格拉麵大多數拉麵都會用牛蒡做配菜 呢間係用炸蓮藕片 幾特別同朋友食咗兩款唔同嘅拉麵 可以share試下😋赤猫 - 辛辣豚骨叉燒拉麵黑猫 - 黑麻油豚骨叉燒拉麵好似系我第一次試到辛辣既拉麵 亦都係第一次食黑麻油既拉麵兩款味道都不過不失 如果下次有機會再去灣仔喔間都可以係選擇之一👍🏼😃

純粹要去灣仔買啲嘢所以食個拉麵，見呢間未食過，啲食評好似幾好就試吓，之前好似重要排長龍，而家疫情咁嚴重，都無乜話排長龍既情景喇。睇過餐牌，覺得都幾豐富價錢合理，就入去試下，唔知點解一見到個待應就覺得好快餐店感覺😅。高樓底，一般大廚房前有bar枱櫈。地方尚算寬敞。見到有黑麻油豬骨湯底，諗都唔諗就落order，價錢唔算好貴$85 ，碗麵個賣相唔錯，但係個湯底竟然係好濃郁但係冇乜味，主要係唔夠鹹，啲麵已經唔夠味，再加埋啲唔夠味嘅湯，成碗面好淡咁，要撈埋啲叉燒一齊食先有返少少味道。個溫泉蛋OK，叉燒都OK，其他配菜都OK，唯獨是只係湯底好特別濃但又好特別淡😅

星期五夜左收工，諗住係灣仔求其食啲野，夜左就係鐘意食啲邪惡野，就揀左去食拉麵🤤menu有寫可以揀豬腩肉定係叉燒，但張點餐紙好似冇寫，出到黎先記得好似可以揀😂兩個拉麵既味都差唔多🤣 辣果碗都唔係特別辣，等我仲期待會有啲香辣味，兩個人最後要瘋狂落七味粉🤣🤣 隻蛋仰半熟但係冇入味，整體味道正常，但呢個價位我會期望好少少，而家咁樣唔算抵食，但係星期五店員都冇催我地交枱係幾好既🙈btw我見到有人食泡飯好似勁香🙊

琴晚突然間想食日本野，咁岩經過利東街，所以就揀左依間日本拉麵店試下。每個晚餐都會附送小食、汽水或野菜沙律。我地兩個人叫左兩個晚餐，一共250蚊。1. 櫻花蝦龍蝦湯拉麵龍蝦湯既味道尚可，不過覺得湯既分量可以再多小小。麵條比較幼身，質感都唔會太淋。拉麵內仲有溫泉蛋、叉燒及櫻花蝦作為配菜，十分豐富。2. 辛辣豚骨拉麵拉麵裏面都有溫泉蛋及叉燒，辣度都適中。3. 日式炸豆腐豆腐香脆，仲有小小甜甜地既汁，味道唔錯。4. 香煎豚肉餃子餃子裏面有粟米粒，感覺怪怪地，都係中意食番d普通既餃子。5. 汽水或野菜沙律

2020-09-04 20:34 見食堂放寬左到10點 特登唔返屋企叫左個特濃芝士龍蝦湯海鮮泡飯正當滿心期待之際一食之下 佢竟然用細蝦毛 兩塊螺片 兩粒螺肉 半條蟹柳 叫做海鮮。雖然唔貴，但我俾門口menu show出黎張相吸引左入去 當然唔會預用靚料 但冇諗過d食才差成咁。味道一般 食唔出有龍蝦汁或湯既味道 甚至有少少怪味⋯我俾呢個價都覺得俾人搵笨。完完全全中伏!! 好心坐落係灣仔豪宅區 就做好少少啦 我諗d人唔會介意俾貴少少 完全冇心做一間好既食店。似係想走旺角區低價路線⋯

喺疫情肆虐關係之下，好多舖頭都唔可以進行晚市，只可以做外賣，所以都相繼推行唔同形式嘅優惠，吸引市民幫襯不過呢一間餐廳竟然冇做任何優惠，但係仍然有唔少人光顧，於是呢日就同老婆一齊去試吓佢嘅拉麵，睇吓有乜咁特別我要左大盛炸雞豚腩拉麵，諗住份量應該會好大，點知嚟到嘅時候真係嚇咗一跳，冇諗過拉麵會咁細，完全唔夠食，我相信一個女性都會覺得份量唔多夠，就好似我老婆咁。另外炸雞炸粉比較厚，雖然裏面嘅肉質係幾鮮嫩同多汁，但係成大嚿炸雞只有好少部份係雞肉，有少少失望。。。另外流心蛋嘅部份就更加令人強差人意，因為做唔到半熟蛋嘅效果，蛋黃完全流唔到出嚟，似全熟蛋嘅感覺整體感覺真係唔太好，冇優惠之餘仲要得到咁樣嘅質素，相信店舖真係要正視呢個問題先可以挽回客人嘅信心

一路都知佢冇做任何優惠，午巿仲要收加一，所以一路都唔係咁想幫襯………今日因為趕時間，都係貪呢間餐廳近黨鐵站先至去試下～拉麵選擇大概有7-9款，當中有啲係豚骨湯底、雞湯底或者鰹魚湯底……麵底一律都係幼麵，冇得揀粗麵或者幼麵…叉燒就可以揀要豚腩或者豚肩…我要左個普通嘅樂樂豚骨拉麵要豚肩…一碗好嘅拉麵對我嚟講最重要係湯底，其次係麵同叉燒…先評呢碗拉麵…太吝嗇…湯太少，而家唔夠熱…第一啖飲落去已經覺得唔夠味之餘，我覺得似係雞湯多個豚骨湯……加上個湯好多油，湯同油都係偏黃色…真係唔敢講自己叫嘅係豚咼拉麵…湯真係唔合格！其次叉燒我要左豚肩，賣相普通，希望有味道補救…首先切得好薄…第二係好乾，乾到好似食柴咁…第三係冇味…冇燒過嘅味，冇叉燒嘅味，冇肉味……雖然得兩塊，但食左一塊已經唔想食…之後係拉麵本身，幼麵來說我覺得ok的，幾爽幾滑…拉麵上面有幾舊咋蓮藕，蓮藕上面加咗啲出嚟分調味…蓮藕雖然炸過但係食得出係返炸，因為又硬又唔脆又唔腍…唔知想點…整體來說，當周圍都做緊抗疫優惠，而你冇任何優惠唔係問題，至少用質素去留低你嘅客人…但呢碗拉麵$75+10% 咁嘅質素，我絕對唔會再幫襯老公食嘅大盛炸雞豚腩拉麵都

又係星期二openrice外賣信用卡80蚊減20蚊優惠系列。因為太肚餓。相都無影就啪晒個飯。之前有食過堂食龍蝦湯拉麵。湯頭十分濃郁。感覺足料。今次見依間餐廳出咗外賣系列。當然一試啦。怕拉麵外賣難食。所以叫咗個芝士龍蝦湯海鮮泡飯。加個芝士蛋糕。飯同湯分開pack。餸分面有素鮑魚。無味蝦仁。無味帶子仔。蟹柳。螺肉？。都算多餸。加咗啲龍蝦湯。所有餸都即刻好味咗芝士唔多。唔係啖啖都有芝士味。飯份量一般。唔想lunch食得咁dry泡飯一流。仲另外加錢叫咗個cheese cake。拎到返公司食完飯食都仲凍。未溶。芝士味非常濃。不錯。