Rakuraku 樂拉麵 (利東街)

营业中

休息中

中秋節，去利東街睇完燈飾，見冇乜人就走入去食個快飯。門口阿姐非常冷漠，粗手聲粗氣叫我都安心。然後就完全唔理我自己走咗入去。可能睇唔起我過節都係一條友食飯掛。之後佢過嚟掉低張飛叫我自己嘟Barcode落order。點左個乜鬼龍蝦湯石鍋海鮮飯，嚟到完全同門口張相係兩回事。成個飯我完全感受唔到龍蝦湯嘅味，嚴格來講係完全冇味，嗰幾隻蝦仁只去超市入邊買嗰啲細細隻嘅急凍蝦毛，然後鋪兩條蟹柳㗎兩塊鮑片就完事。呢碗野$98完全唔值，去茶記食個飯仲化算。非常後悔浪費咗過中秋節晚飯，冇下次！

在利東街是旦揾嘢食晏，見到好多舖頭改變了，又多咗餐廳。見到Rakuraku, 鍾意食拉麵，亦鍾意食石鍋飯，就入去試試，呢間的龍蝦湯海鮮石鍋飯，超好味呀！ 芝士鋪面及有啲飯焦底，龍蝦湯已滲晒入飯內，入晒味，正！拉麵都好好食，濃湯但不油膩，反而芝麻雞翼不夠多芝麻，遜色咗，整體好好！ I like it 😊😊 👍👍

去開附近買嘢，經過隨便揀左間拉麵。入到店員態度麻麻，語氣惡d，以為自己去咗茶餐廳食飯。叫咗兩個拉麵，呢個地段價錢都算合理。櫻海老湯拉麵姐係龍蝦湯底，配上大量櫻花蝦個人認為龍蝦湯同拉麵唔係好夾有一粒糖心蛋，生熟同味道都做得唔錯。 叉燒正正常常一小薄片。 朋友就叫咗雞白湯拉麵，試咗一啖湯底好香雞味，都夠傑身奶滑， 但係略嫌鹹咗少少。但係總括唔太建議利息呢個價錢有其他更好選擇

呢間拉麵店以貓貓做主題，一行到入去就有一大幅貓既畫😬我地叫左一碗蝦湯同一碗黑蒜湯拉麵🙊一上菜已經比個賣相吸引到，拉麵上面有兩片炸蓮藕，除左令賣相更吸引之外，食落都真係幾脆幾好食🥳蝦湯濃得黎好鮮甜，仲落左大量櫻花蝦😎黑蒜個碗蒜味濃到不得了，飲一啖已經驚豔到😛不過其他野就麻麻地🥺個麵偏稔，唔夠彈牙，個叉燒都有D Un，黑蒜個碗隻蛋仲要鹹到不得了😢蝦湯個蛋就好好食🙊雖然個湯好正，但其他就麻麻地，呢個質素就唔值一百蚊碗了，所以應該無下次😂

今天同事說想食日本餐，於是去利東街找找，見這間不用等位，就入去試食吧這裡是用手機scan QR code落order, 我點了赤貓（辛辣），麵選了適中，夠爽口，厚叉燒滑d不過肥d，辛辣的味道很醒胃，不過略嫌湯底太油。半熟蛋要讚，嫩滑流心美味另外點了芝士吉列黑豚石鍋飯，吉列黑豚炸得好脆，肉質keep到仲有汁唔老，同事叫這個石窩飯就係想食飯焦，可惜係無飯焦嘅…最後嗌嘅小食：日式炸雞，3塊體積大，沾上醬汁口感一流，加上本身肉質好嫩，這個正

Rakuraku樂拉麵大門掛著一幅以貓將軍「鼻鼻」手捧拉麵的壁畫環境充滿日本風情Dinner set沙律前菜味道正常主打特濃櫻花蝦蝦湯叉燒拉麵蝦味及湯底濃郁，拉麵比較幼身，蝦味很香必點美食👍👍💜💜

Place order thru QR code, from order to service takes about 5 minutes. Good place to eat if you’re in a rush to go通過二維碼下單，從下單到服務大約需要 5 分鐘。如果你趕時間去吃飯的好地方。

是日想食拉麵呀本來想食隔離街的麵店但太多人呀放棄左點左~醬油貓望落好似湯好清咁但飲落唔會好DRY仲幾鮮味呀朋友點左硬麵佢幾滿意配菜仲有炸蓮偶食落似食薯片既感覺呀~赤貓其實味道唔係差但固湯堅太油了飲啖湯好似飲緊辣椒油咁點左多蔥同軟麵餐廳有聽訴求呀辣度比想像中辣架大家ORDER前要有心理準備呀~一口鐵板豆腐第一次食有汁架可能我唔習慣啦就覺得唔太夾呀個汁酸酸地既讚既係個菜上檯時係超級熱呀等左陣先食都係好熱呀

聖誕節同朋友去利東街影相📷行完街揾野食周圍都多人 見凍凍地想揾啲熱野食，見到有拉麵啱唒🍜，未試過就入去試下， 我地6個人想一齊坐 等左一陣，門口姐姐很好 很細心幫我地安排位😊見到佢地好忙 都主動問有冇其它需要令一位女同事 好熱情 氣氛很好我地叫左青口 鐵板牛舌 加6個晚餐有野飲小食好豐富野食都ok “

清雞湯拉麵，湯底飲落好舒服，不會口渴，細品下覺得加了牛蒡，所以味道唔鹹仲有些清甜回甘。拉麵每一樣配料都好食，蔥好甜，滷蛋入味，最差反而係叉燒，肉有些韌。不過炸雞雖然嫩滑，但可以話係無醃過，要自己加七味粉先得。總括而言拉麵還算不錯，有機會會考慮再光顧。

老公喺呢頭返工所以今日想畀個驚喜佢特登過嚟灣仔接佢收工 老公收工就問我肚唔肚餓於是附近搵下睇下咩食咁啱就見到呢間食日本拉麵因為我同老公都好肚餓所以就揀咗飯 我叫咗個鰻魚飯 個飯痴埋一舊好明顯係太濕同埋呢係煲底嗰啲仲要個飯係百幾蚊實在太唔抵 我老公嗌咗個石鍋飯完全冇味我同我老公二百幾蚊埋單感覺不好受 員工態度不太友善 簡單講一句唔會有下次

灣仔利東街嘅日式拉麵店好耐之前食過今次唔知食乜好返返去再食多咗啲新花款，點知有啲失望注意：圖片只供參考，呢句野係真既，除左拉麵外，石鍋飯既圖片真係只供參考！！！要預左黎到個樣同食材會好唔一樣D4  櫻花貓（特濃龍蝦湯叉燒拉麵），餐$108跟沙律或飲品，問佢既職員有冇得揀軟硬度，話可以所以揀左硬，但個人認為個麵屬於軟身，櫻花蝦夠多，特濃龍蝦湯冇乜龍蝦味，份量正常。流心蛋好味！D7 特濃龍蝦芝士海鮮石鍋飯$98，同餐牌嘅圖片相差好遠，根本完全唔係嗰啲食材，啲蝦仔仲要係雪藏細蝦粒，芝士味好淡有拉絲效果，飯嘅份量都好足夠都幾多，有飯焦。D10  蟹盛石鍋飯，$128，都係一樣同餐牌嘅圖片有好大出入，唔值呢個價，會好失望因為個蟹棒勁短勁細舊，成個飯其實都好淡要加豉油食先出味。跟餐嘅日式煎餃子，有三粒係粟米餃，痞夠薄但冇乜特別正常嘢，加豉油加醋點嚟食都唔錯。跟餐鐵板日式海鮮燒餅，反而呢一個最好食。唔算大份跟餐加$20鐵板牛油帶子，其實唔係帶子只係普通細粒嘅帆立貝，有6粒冇乜特別跟餐沙律汽水同埋熱柚子呢個價錢加上食物質素唔算抵食冇下次，失望+伏

本身喺門口睇以為90幾蚊碗拉麵都算喺香港食拉麵嘅正常價位 星期四六夜晚7:30都唔使等位直入 啲位都幾舒服唔太逼 望真啲個餐牌發現原來 個價係包一個小食（餃子or鐵板燒or枝豆or茄子）仲包野飲/沙律🥲我揀左個辣嘅拉麵 同鐵板燒 有鐵板熱住好好食但個拉麵就普通 特別係個麵底唔算好食 湯底都ok 麵嘅硬度都冇得揀 朋友揀左櫻花蝦拉麵 + 餃子 聽佢講由於個龍蝦湯湯底太濃 完全食唔到櫻花蝦味 有啲可惜 但大致上都唔差 行過都可能會再嚟食

Lunch 想食拉麵，又唔想烈日當空下排隊，就走左入去食。.主食選擇都多，我就點了特濃龍蝦湯叉燒拉麵。.先上沙律，正常味道，夠凍和菜都夠脆。.之後上拉麵了，聞起都有龍蝦香氣，而且其他配料多到睇唔到拉麵，看上去幾吸引。.麵係幼身款，我選擇了硬麵。麵的質地個人覺得幾好。可惜個湯味聞上黎香，食落很淡味。櫻花蝦雖然多，但味道亦唔出。個人認為味道最特出係D 蔥花，D 蔥味幾出，亦好好味。如果愛濃湯底的朋友，可能會嫌淡味。

✨ 赤貓 — 辛辣豚骨叉燒拉麵 (原價$82；特價 $68)赤貓湯底散發陣陣辛香，豚骨味道醇厚，但無想像中辣，算係比較「大眾化」嘅辛辣口味 😬 拉麵麵條爽滑彈彈牙，掛滿湯後味道濃郁 🍜 配料方面，叉燒肥瘦相間，柔軟鬆化 🍖 溏心蛋生熟度亦都唔錯，入口蛋味味突出 🥚 另外仲有自家製脆蓮藕片、木耳絲等，平均質素高 🍶