R.I.M.K (已結業)

今日去旺角購物行到累想揾個寧靜舒服既地方食下野傾下計揾到一間新cafe叫R.I.M.K見環境唔錯就去一試我幾鍾意佢個裝修 優雅舒服 好多乾花啱打卡女仔見到一定鍾意我哋兩個人叫左三樣嘢食蒜蓉牛油酒煮青口雖然佢係寫前菜青口份量多到成座山咁而且賣相非常吸睛起碼有三十幾隻青口非常之誇張可以話係用料十足而且質素非常之好 青口飽滿 肉質鮮嫩海鮮忌廉汁扁麵配挪威煙三文魚好creamy意粉煮得啱啱好 軟硬度適中紅酒黑椒慢煮去骨德國咸豬手要係另一個必試嘅菜式 食得出係非常有心機去烹調 紅酒黑椒醬汁 同豬手好夾又嫩又好味道除咗豬手其他配菜都好高質素 薯蓉吸收曬啲汁之後 好入味成餐都食得好享受食得出好有誠意既menu擺盤 用料 煮法都好高水準湯同甜品亦十分美味值得支持

很喜歡有質素嘅樓上西餐廳 ，平日下午來一客意粉，嘆杯咖啡☕～ 悠閒寫意。今天也是朋友帶路， 來到 RIMK, 喺舊式大廈樓上二樓， 裝修新淨，簡約田園風格。因應防疫措施，六點後沒有堂食，這個餐牌就係for全日～ 點選任何主菜包括一客餐湯和飲品（另加$10）😍 價錢親民而且冇加一 👍✨櫻花濃蝦湯🦐🦐 餐湯充滿濃沃嘅櫻花蝦乾味道～ 熱辣辣美味而且胃口大開。👍蒜香辣椒蜆肉意大利粉炸軟殼蟹🦀 $138用石鍋盛載 keep 絕住溫度，唔辣，有香濃嘅蒜香包著每條意粉～ 亞洲口味嘅醬汁， 極為惹味！蜆肉去殼， 主角嘅軟殼蟹炸🦀得酥脆， 裏面也是鮮味多汁！特濃朱古力🥤上層忌廉，奶泡層混合濃郁嘅朱古力， 唔會太甜，完全感受到特濃朱古力嘅威力！！ 墨汁意大利飯配北海道刺身帶子 $138小朋友揀咗呢款女孩子未必會試的墨汁意大利飯😂。 味道絕對唔差， 墨汁意大利飯 一啲腥味都冇， 相反充滿白汁和蒜香， 來自北海道刺身級嘅帶子當然鮮甜， 還有bb露筍，擺盤精美， 味道是超水準製作！荔枝蜜桃茶製作認真 ，放滿許多椰果和大大塊嘅蜜桃肉， 茶味也調教出色， 跟意粉只加$10非常抵飲！👍😍跟主菜 order 第二客蛋糕

高質高性價比西餐廳西西里大蝦辣蕃茄汁意大利粉好好食 份量足夠 味道偏濃味好濃郁蕃茄味 辣度適中 意粉彈牙 有5隻蝦 蝦肉彈牙唔會散或綿 外觀好靚因為用石鍋上 總括來講$128真係好抵食溫泉蛋卡邦尼意大利粉意粉彈牙 分量足夠 白汁唔會太滯 灑上抹茶粉個味道同白汁都幾夾 意想不到 脆炸黑松露雞翼好脆口 熱辣辣，個皮好脆口，雞翼食落唔會油膩，咬落去肉質依然鮮嫩，有汁流出來，配合埋黑松露，沙律醬同埋少少抹茶粉好夾好好食。可惜因為係第一碟黎 ，太肚餓食晒唔記得影相 總括來講 $58有5隻超抵食櫻花蝦龍蝦湯因為叫左主食所以送 湯身較流質 飲落好夠龍蝦味 都有唔少櫻花蝦係入邊 冬天飲碗熱湯真係好正甜品朱古力芝士蛋糕 抹茶芝士蛋糕甜度適中 朱古力同抹茶味濃郁 唔會雪得太硬 配合埋抹茶粉同埋cream好夾好好味 性價比超高 加一蚊就有多一件總括黎講：性價比超高 叫咗咁多嘢都係$15x一個人會再去多次

旺角太子區真係好多嘢食呀好耐未試過嚟呢種樓上cafe每一次都好似要尋到咁樣上嚟都係好有驚喜嘅今日嚟咗呢間in case新開嘅餐廳主打文青青森田園風格裝修好有田園氣息擺咗好多乾花綠色感覺好舒服 lunch有三個course頭盤我嗌咗個湯 係#櫻花龍蝦湯感覺係高級西餐嘅味道主菜嗌咗偏日式嘅 #招牌名古屋蒲燒鰻魚蛋包意大利飯 好正 意大利飯都好入味甜品半價就可以加啦我嗌咗個比較少見嘅蘋果芝士蛋糕嘢飲我點咗個蜜桃果粒茶裏面好多水果有蜜桃呀咁樣感覺好精神好健康 地方坐得舒服啲完好有禮貌都係好後生嘅美少女食得好開心呀喺煩囂嘅旺角真係一道清泉

今日經過旺角，試咗一間新開既樓上cafe -- R.I.M.K.由於本身唔肚餓，所以今次只係叫咗小食: 避風塘薯條 & 香草蜜糖無激素雞翼。唔係誇張，避風塘薯條真係好有避風塘味，佢唔係一般咁炸過就完成，有乾紅椒亦有炸蒜粒，食完之後，咀邊仲有輕微既香辣味停留。估唔到香草蜜糖無激素雞翼更出色，平時食嘅蜜糖雞翼大都係蜜糖味濃，但呢度既雞翼炸得好全面，即使連邊位都係香脆的，蜜糖味亦相當濃郁，另有落左沙律醋既沙律菜伴碟，淨講賣相都已經相當吸引了完成小食後，再追加甜品。Tiramisu外表頗淺色，起初覺得應該味道偏淡的，但入口會令人完全改觀，味道上濃淡適中，可媲美甜品專門店既質素!!已跟朋友約定下次去試青口and豬手~~

經過旺角 想同朋友傾吓計所以搵啲樓上cafe 見到呢間餐廳裝修好靚，好有少女味 就入去去試吓。呢度主打西餐set lunch 款式頗多餐湯係龍蝦湯 好濃郁 直頭有龍蝦肉喺入邊 餐前暖下胃 真係好正避風塘薯條-份量好大 上枱嘅時候我同朋友都嘩咗一聲 即叫即炸 估唔到同避風塘煮法咁match 超級好依蟹肉蟹籵明太子意大利粉-個sauce 好香好重，麵質恰到好處，唔會過淋過硬, 濃度掌握得好好,每條麵都舖滿汁！蟹肉同carbanara簡直係絕配，食落口感極之豐富 唔會水汪汪麵質又keep 住個硬度 個sauce 非常惹味 紅酒黑椒慢煮去骨德國咸豬手-份量好大 賣相不俗 肉質淋稔，加上有薯蓉做配菜 好有心思 薯蓉好香好滑 我最欣賞係佢哋啲容器 杯杯碟碟好靚好精緻tiramisu and 柚子cheesecake-做返後甜品真係冇得輸 唔會太甜太膩 好明顯係自家制甜品鮮果紅茶-有好多果肉 個甜味係水果本身既甜 所以好清甜呢間真係隱世小店 超正

陪朋友去旺角買波鞋，買完後肚仔餓就上咗一間樓上西餐廳開餐啦！地舖人太多了，貪佢呢度人流相對比較少，食都食得安心啲啦！我地點左蒜蓉牛油酒煮蜆、鰻魚蛋飯同紅酒黑椒慢煮無骨德國鹹豬手，係lunch 時段主食都跟湯同飲品的，咖啡嗰啲就另外加多$10! 我同朋友都覺得個蜆嘅味道超正呀！個汁超好食更令蜆肉味道提鮮！而鰻魚炒飯就份量十足！用原條鰻魚上的！仲有隻無骨鹹豬手，食落啖啖肉又夠嫩，而豬手皮感覺滿滿骨膠原的！係呢段時間仲可加$1食埋個芝士蛋糕tim! 到埋單時先知仲要免加一！好抵食呀！

今日lunch同同事去左旺角一間新開cafe試下，位置上幾方便，喺旺角百老匯隔離，唔算難搵。店內裝修簡潔，但唔覺簡陋，有獨立厠所，方便唔鍾意用大廈幾十個單位共用公厠既食客，算係其中一個賣點。我今日試蟹肉蟹子明太子扁意粉，份量極足，以男士午餐既食量黎計，我竟然會差啲食唔哂。不過因為本身加左餐湯，餐湯係櫻花濃蝦湯，味如其名，真係好濃蝦味，飲完會想再加多一碗甜品係柚子cheese cake，少少既柚子酸味有助消飽。而飲品係有拉花既coffee，拉花拉得好靚，不過我唔記得影相就已經淺嘗了，所以費事影個杯底出黎

終於可以抽出時間兩個人撐枱腳食個lunch啦覺得好幸運...喺網上見到呢間位於旺角嘅餐廳，原來開張只有4日咋😇😇呢到店內環境優雅之餘...食味質素絕不遜色😋 可以比得上出面高級餐廳嘅水準👍👍👍就連我老公唔太鍾意食意粉 都竟然讚不絕口💗💗價錢亦非常優惠...尤其係甜品🍰午餐甜品 第一件蛋糕 半價，第二件$1簡直係抵食抵食抵食呀😍😍我地點左一件 富士蘋果芝士蛋糕、一件 柚子日式芝士蛋糕。個人特別喜愛柚子日式芝士蛋糕，味道比較清香，食完意粉配搭清香嘅cheesecake 味道確實令人回味疫情時期開業，水準高、價錢優惠，絕對稱得上 性價比高