Quiche Yoroizuka (已結業)

在崇光地庫超市的食店中，特別對這間Quiche Yoroizuka感興趣，緣因收到風這間日本過江龍源自明星級餅師，好以幾有料到。簡單來說這裏的menu很簡單，只賣共五款的鹹批和甜批，從玻璃櫃外看起來十分吸引。合共用了$53買了一鹹一甜的批試吓，其中Lorraine（羅蘭士）餡內有雜菜及一點煙肉，可能是放涼了的關係，真係不覺得特別。味道不太鹹，但卻吃不出用料及手工有何獨到之處。老實講，曾在一些港式餅店吃過味道差不多的批，價錢卻便宜一半。Ecuador chocolate個中文名「鎧塚厄瓜多爾可可農場朱古力」甚有氣勢。有餅師鎧塚個名，應該是招牌貨吧。吃落朱古力味頗濃，吃得出製作的原材料頗有質素，可惜個批稍嫌乾身了一點，總之就冇想像中咁好。總的來說，平平無奇，又是一間試過便算的店子。

Sogo重開後見好多人排隊買撻 就唸住見呢日無咩人去試下 買左個可可朱古力撻 一試完全唔係想像中個回事 朱古撻好撻皮好硬身 朱古力唔夠朱古力味 朱古撻入面朱古力漿好硬身 好一般同有d失望

裝修完既SOGO煥然一新，林林總總既過江龍店，實在花多眼亂行左一個圈，今次先買黎自東京過江龍既法式鹹批口味有法式焗洋蔥、香橙杏仁、龍蝦汁蝦肉、羅蘭士同可可農場朱古力。照顧了想食咸同想食甜既朋友望住咁靚既批以爲係真原來只係陳列品，仿真度極高呢岩岩食飽左所以就外買買番屋企慢慢嘆一開始以為要買四個先有盒，原來買兩個就有個盒了盒上好窩心地寫上加熱方法可以用錫紙包住個批，放入已預熱既焗爐焗3分鐘就可以了買左兩個批，一個係羅蘭士。即係野菜同煙肉批皮係類似酥皮，咬落去好足料，有青椒、菇類同煙肉等等，整體都幾夾，仲溝左D醬，尼個比較濕潤同唔乾。另一個係龍蝦汁蝦肉。蝦肉只有上面三小粒，下面都係龍蝦汁同西蘭花尼個批相比之下比較失望，餡料凹落去的而且個面望落去好乾。食到蝦肉粒粒都好乾，中間既餡料口感比較creamy，獨自食一個會比較溜左小小，期望過高

SOGO地庫裝修重開後第一次重臨，之前宣傳都放在由東京引入的法式鹹撻專門店，今天剛好在銅鑼灣開完會，便順道去SOGO買回家試試。此店共提供3款鹹2款甜撻，從櫃枱看著模型撻真的很吸引。因為本身對朱古力味不是很喜歡,所以要了3款鹹和1款甜撻。香橙杏仁： 是4款中我最喜歡的,有很香濃的橙味，但就食唔到杏仁味,可能是橙味太搶吧。龍蝦汁蝦肉 ： 4款中最貴，龍蝦汁味，真係冇乜喎，仲送左半個一毫子大的蝦殼，可能係想証明真係用鮮蝦做，如果係咁，我原諒佢地。法式焗洋蔥 ： 這個撻中規中舉，底層洋蔥味濃厚，可以。羅蘭士 ： 這個是野菜煙肉撻，個人認為在所有鹹撻中最好吃的，味道有層次，香氣撲鼻，要試。綜合而言，香橙杏仁及羅蘭士會再買，撻皮是有點硬有點乾，不知是否本身是應該這種質感或是因為凍左，下次問問店員。

昨天下午到SOGO專門去試，買左龍蝦（30蚊）同洋蔥（25蚊）這兩款各一個，到手是唔熱，只是微溫，所以咬落去皮一的都唔脆，個餡又唔覺好驚豔，覺得好失望，以後都唔會再買了

洋蔥批超正，入面係法式洋蔥湯煮到透曬嘅啡色洋蔥，仲有芝士，批皮有牛油香，中意飲洋蔥湯嘅必定大愛！至於個龍蝦汁蝦肉批就顯得非常失色，入面似蒸得過火嘅水蛋，龍蝦味吾突出，面頭粒蝦肉焗到乾曬，麻麻地！

Sogo 地庫超市重開後，有一間賣傳統法式鹹派quiche lorraine的店舖，是由明星餅師鎧塚俊彥監督，店舖供應鹹派及甜派兩款，有3款鹹味及兩款甜味，今次我選擇了香港限定的鎧塚厄瓜多爾可可農場朱古力味（$28），其後有羅蘭士(雜菜，煙肉)（$25）、龍蝦汁蝦肉（$30）及法式焗洋蔥（$25）。實物的賣相跟display有點強差人意，都是display 比較吸引一點。鹹味的quiche 口味都是比較濃郁，內裡含有雞蛋、芝士、忌廉等成份，我先試了一個龍蝦汁蝦肉批，蝦的肉質比較乾身，沒有爽彈的口感，不過龍蝦味都好突出，此用了龍蝦汁、蝦肉及蛋液製成，所以蝦味都好濃香，而外層的酥皮都好香酥鬆化。法式焗洋蔥批的批底富有豐富香甜的洋蔥，蛋批內更集合洋葱片、洋葱蓉、洋葱粒，在口腔已經散發爆香的洋蔥味。比接下來再食多個甜批，甜批多數是常溫或凍食，鎧塚厄瓜多爾可可農場朱古力味批是香港限定，朱古力味好濃郁又晤太甜膩，不過質感比較乾身，水準一般。

sogo地庫新開左吾少食店，今日終於有時間去，去到多左不少特色食品，其中見到這間有龍蝦咁特別而價錢都合理，今次我就買左這個批和一個甜批黎食。其實這裡的批係可以即食，可以叫人再翻叮返，但因為回公司食就叫左外賣，包裝幾精美以綠色盒盒住，而味道一般啦。龍蝦汁蝦肉 $30賣相好靚，好香龍蝦汁味，似飲緊龍蝦湯的感覺，但蝦肉有少少乾身。鎧塚厄瓜多爾可可農場朱古力 $28有少少失望，朱古力口感偏乾身，但朱古力味都香。

崇光百貨翻新後，出現左吾少新店！呢間小店擺設左好多批出黎😂好吸引，不過實物就同擺設有啲距離啦～起碼實物無咁大件先啦🙈香橙杏仁撻底都幾脆，牛油味香☺️而中間嘅蛋糕加左橙皮條，更添層次，吾算太甜😊而面頭有片橙，酸酸地咁好醒胃，不過橙皮就太硬食吾到啦🍊另外亦都有供應咸批🤗🤗法式焗洋蔥嘅撻皮就無咁脆，不過洋蔥味就好濃烈🙂岩哂一班#洋蔥控 ，而且味道亦都好夾，暖暖地食落都吾錯😊😊😊😊😊

是日打算買點小點心安撫一下近日心煩氣燥的男友。據聞sogo超市翻新後引入了多間新的小食專櫃，便去看看有甚麼可買。重新開幕的超市比以前更人山人海，新引入的專櫃更特別人氣旺盛。在超市逛了一圈後便選了這賣法式鹹撻的專櫃，因為價格尚可，而且人龍沒有很長，約有十多人在排。廚櫃放滿了賣相很吸引的撻，但其實全都是模型啦真的撻收在櫃下，落單後店員才從櫃下把撻放入盒。這𥚃共有5款撻，3鹹2甜。我買了1 個龍蝦汁蝦肉撻及1個朱古力撻。龍蝦汁蝦肉撻($30)：賣相不俗，撻皮算薄而且酥脆肉餡質感有點像蒸水蛋，有濃濃的龍蝦味，就像在吃固體的龍蝦湯。中間底部的洋蔥蓉也很好味唯一敗筆是撻面上的蝦粒，不彈牙又有點乾身。朱古力撻($28)：是香港限定的口味。撻皮和鹹撻的撻皮是一樣的。口感就是很濕潤的朱古力蛋糕，比muffin還濕潤一點點，朱古力味十分濃郁。兩個撻都很好味，沒令人失望，男友也吃得很開心雖然它的鹹撻比較有名，但比起龍蝦汁蝦肉撻，我更喜歡朱古力撻呢～

銅鑼灣Sogo食層(B2) 重開，一定要去走一趟！星期一下午一時到達，已人山人海！一間間新開的食店實在吸引！走到QY這間撻店，擺設了賣相吸引的鹽甜撻，心想一定要試！好多人排隊呀！分開了兩條隊，都唔算等得耐，大約10分鐘便可買到。有細盒(可放兩個), 有大盒(放四個)。今次買了龍蝦撻，洋葱撻及朱古力撻。實物的外觀跟display的差唔多。買完兩個鐘後先食，叮了約10 秒，已聞到陣陣的香味！極力推介龍蝦撻，味道鮮甜，是真正的龍蝦肉，上面仲有粒西蘭花仔，好細心呢！

翻新後重開的 SOGO 地庫，有一間賣＂鹹撻＂的店鋪。玻璃櫃裡擺放咗各式＂撻＂，以鹹味嘅居多。試食咗一款名為＂羅蘭士＂的鹹撻，由雞蛋、野菜、煙肉製作，外皮酥脆，撻心有濃郁的滑蛋香味，夾有野菜同煙肉碎，層次豐富，好味呵😍

平日5pm左右經過，已經好多人，排左5-6個，終於買左法式洋蔥tart同香港限定朱古力tart，洋蔥少少偏咸，但味道都ok朱古力味好濃，口感似brownie + 鬆餅唯一不滿係賣tart其實好快，但賣tart既姐姐效率好低.....3個人但似得1個人...所以先要排隊，而唔係因為人多。下次會再試龍蝦蝦肉批

銅鑼灣Sogo重開，覓食之旅第二站是由世界級甜品師傅鎧塚俊彦監督的東京人氣法式鹹批專門店Quiche Yoroizuka。這間店舖主打法式鹹批，味道有：龍蝦汁蝦肉、羅蘭士(即野菜和煙肉)、法式焗洋蔥。 甜的味道有香橙杏仁和香港限定的鎧塚厄瓜多爾可可農場朱古力味。是次買了一鹹一甜，龍蝦汁蝦肉和香港限定的鎧塚厄瓜多爾可可農場朱古力口味。本身抱住相當大期望，怎料卻是希望愈大失望愈大 !味道並沒有雜誌介紹的佳，龍蝦汁蝦肉批，蝦肉只得三小粒，中間餡料的蛋談不上滑，甚至有些老，完全不值$30。另外一個朱古力批就稍為好些，批皮鬆脆，朱古力味都算香濃，但朱古力餡料似是朱古力muffin,無層次感，索價$28,試一次就夠。

今日和媽媽在中環吃完拉麵後，和一班吃貨朋友去到銅鑼灣Sogo超市掃街，超級開心呢。 DALLOYAU的蛋糕店 i CREMERiA Dolce Giapponese的 日式厥餠串 Beard Papa's的抹茶萢芙Croissant Taiyaki鯛魚燒 Kobe Beef Meat Pie蘋果批 BAKE Cheese Tart 的Bake Cheese Tart 華御結的Sakura Cookies Helfit Deli的Helfit Deli Lobster Roll Quiche Yoroizuka的厄瓜多爾可可農場朱古力批 baby Mon cher的蛋卷阿 Juchheim年輪蛋糕棒 Godiva Chocolatier的朱古力 Hotel Chocolat焦糖朱古力厄瓜多爾可可農場朱古力批第十站來到Quiche Yoroizuka，主打各式各樣的法式甜撻咸撻，可愛度爆晒分阿。店舖由世界級甜品師監督，當中香橙杏仁，龍蝦肉，羅蘭士，朱古力最受歡迎。朱古力內餡像一個小蛋糕，濕潤豐盈，更是用 厄瓜多爾可可製成，好濃郁阿。