Proton

营业中

休息中

PORTON喺元朗No.1 cafe日頭咖啡店晚上變成西餐廳，裝修以灰色水泥牆為主調走工業風路線✌🏻係型嘅，周圍都系打卡位，門口仲有bar枱位過嚟打卡就啱，原來仲係寵物友善餐廳，可以坐住門口位打卡~午餐好抵食80幾蚊已經包主菜，沙律或餐湯，餐包，嘢飲仲有半價，性價比幾高。伊文士汁安格斯牛柳粒意大利麵超級推薦，職員話係燒汁溝忌廉，自家做嘅汁，真心好香濃好好食，意粉係比較粗身口感軟滑，可以掛到好多汁👍🏻頭先餐包未食曬，放落去點啲忌廉汁食就更好食，牛柳粒大大粒咬落去鬆軟幾香口。燒西班牙黑毛豬鞍配燒新薯沙律菜佢哋嘅黑毛豬安超級厚肉，賣相好掂😌食落去同樣好正，肉質鮮嫩，邊邊位焗到有少少脆，整體感覺都好好。側邊嘅燒薯仔，邊邊位置脆好好食。芒芝雪山有Croffle雪糕芝士蛋糕同新鮮芒果，佢哋嘅雪糕入邊有雲呢拿籽係靚雪糕可以放心食，croffle夠脆 配上芝士蛋糕同雪糕好好食，新鮮芒果酸酸甜甜做點綴。Yuzu latte比平時嘅latte多了種淡淡柚子香，同時中和左咖啡嘅酸味，啡得黎帶清爽感。

一上碟就已經被香味吸引，蒜香味十足，令人食慾大開。意粉煮得剛好，唔會過軟，咬落去有彈性，啖啖都係意粉嘅香氣。最正係配料！虎蝦又大又新鮮，肉質鮮嫩，咬下去仲可以感受到蝦肉嘅Juicy。再加上蘆筍，脆脆嘅口感正好平衡咗意粉嘅軟滑，令整碗嘢更加豐富。蒜蓉炒得恰到好處，唔會太油膩，反而令每一口都有濃郁嘅蒜香味，真係太好味了！仲有，廚師仲加咗少少辣椒，微辣嘅味道令整碗意粉更加出色，唔會悶。唔知大家有冇試過呢款？如果你鍾意意粉，又愛海鮮，呢個絕對係一個唔可以錯過嘅選擇！下次再去餐廳一定要再點返嚟食！🍤🥦

Proton 元朗工業風咖啡店☕️環境舒適店內灰色為主調型格又乾淨今日來食下午茶🍴性價比高餐點👏🏻加配飲品更有半價優惠🍔安格斯牛肉漢堡包配薯條可配牛油果/大啡菇/雙色芝士我簡左牛油果🥑配上多汁又厚身安格斯牛肉漢堡、洋蔥、蕃茄同秘製嘅芥末籽醬汁非常滋味👏🏻仲有即炸香口薯條伴碟🍝日式蟹籽卡邦尼手工意大利麵意粉掛汁又夠彈牙！手工意大利麵真係好味每啖都食到濃濃芝士同蛋黃香💕配上日式蟹籽更添口感🍴全日早餐真係非常豐富！一次過可以食到脆煙肉、德國香腸、蕃茄、薯餅、沙律、煎蛋🍳呢到甜品同飲品都好值得推介！又靚又好味🥭芒芝雪山用上新鮮芒果肉配上藍莓芝士蛋糕、士多啤梨雪糕同窩夫口感層次豐富！🍫濃情朱古力朱古力控必點的甜品！跟有布朗尼、比利時巧克力蛋糕、巧克力冰淇淋、棉花糖！朱古力味濃香飲品就叫咗☕️Mocha 、🍵Matcha Latte來開附近可以試試Proton📍元朗教育路83號地舖#proton #yuenlong #yuenlongfood #cafe #coffee #tea

💖我係元朗最鍾意嘅cafe之一🥰，CP值高而且出品賣相味道都好，午餐$88起包主菜、餐湯/沙律同半價飲品。前菜要左一湯一沙律，黑松露雜菌湯口感濃稠順滑，雜菌嘅鹹香同奶油甜香混合。沙律搭配鹹香嘅parma ham同埋香軟嘅蒜香麵包，份量一啲都唔hea！1⃣️ 蒜烤澳洲西冷扒、有機生菜薯餅、煎蛋🐮 $148🔸Matcha chocolate 💖最愛🤤，份量大塊而且咬落啖啖肉好滿足！推薦五成熟，肉質粉嫩好多肉汁，再搭配邊角焦脆嘅流心、薯餅同沙律菜，份量唔錯👍🏻。半價加配左熱matcha chocolate，甘醇濃郁嘅抹茶配上香甜順滑嘅朱古力，暖笠笠好舒服😌。2⃣️烤西班牙黑毛豬鞍配燒新薯、沙律菜🐷 $138🔸Pineapple espresso tonic 💖大塊又厚，體驗大口食肉嘅快樂😁，肉質幾嫩唔柴，有肉汁再配上黑椒提味，搭配外脆內粉糯嘅薯仔同清新沙律菜。每次必飲嘅pineapple espresso tonic，最底係酸甜嘅菠蘿汁，搭配提神espresso同清爽嘅氣泡水，非常refreshing。3️⃣草莓芝雪山🍓 $88💖必食嘅甜品croffle🥐！外皮酥脆、咬落緊實帶焦糖同牛油香，再搭配士多啤

餐廳環境相當有格調，跟外面繁囂的鬧市形成一大對比，彷彿兩個世界似的，有避世放鬆的感覺，適合情侶好友約會或慶祝聚餐。頭盤黑松露野菌忌廉湯超高質！將大量蘑菇打成蓉，非常足料，湯質濃度很高又稠身，每一啖都是滿滿的蘑菇味，超級正，一滴不漏喝個清光！另一頭盤煙三文魚牛油果田園沙律，煙三文魚份量不少，肉質肥美，牛油果新鮮而口感滑溜，配上爽脆的沙律菜十分清新，瞬間胃口大開！軟殼蟹牛油果煙三文魚野菌意大利飯賣相精美，軟殼蟹超大隻，炸得香脆而不油，食落啖啖肉之餘亦不乏濃濃蟹膏，十分惹味。意大利飯大有水準，不但creamy，飯粒軟硬度亦恰到好處，醬汁多又香濃，夾雜大量牛油果粒、煙三文魚粒及菇菌令口感更具層次，非常美味。香煎澳洲西冷牛扒大塊又厚身，肉質鮮嫩又帶有肉汁，牛味夠濃厚。配菜豐富亦毫不馬虎，煎蛋、薯餅、烤串茄、大啡菇、沙律等均美味可口。玫瑰蜜糖雞翼炸得皮脆肉嫩，配以香甜的蜜糖，味道一流！甜品朱古力慕絲蛋糕及朱古力brownie配朱古力雪糕均富濃濃的朱古力味！飲品是由蘋果、菠蘿、石榴及羽衣甘藍製成的果汁，味道十分搭亦非常清甜！

約埋舊朋友出泥元朗食飯想搵間好feel 嘅cafe，呢間proton，門口放咗張復古美式沙發加上水泥Fung裝飾好有風格佢哋當萬事優惠，叫一款主食可以加$58有埋沙律前菜、飲品同甜品性價比十足風乾火腿哈密瓜田園沙律結合了風乾火腿的鹹香與哈密瓜嘅清甜作開胃菜一流另外試咗一款泰式沙律大大隻大蝦爽脆加埋甘油泰式味濃！香煎鵝肝、安格斯牛肉漢堡包薯條奢侈嘅香煎鵝肝與優質的安格斯牛肉漢堡相結合。鵝肝的細膩口感與牛肉的豐富風味相得益彰，搭配熱辣辣脆卜卜嘅薯條🍟，真係好滿足香煎美國龍蝦（半邊）、虎蝦、蟹子蝦子龍蝦汁手工意大利麵香煎的美國龍蝦和虎蝦為主角，多款海鮮都有滿足晒海鮮嘅需要，鮮甜的海味與濃郁的龍蝦汁完美結合。蟹子和蝦子的加入更加豐富多彩，手工製作的意大利麵口感煙韌，而且帶小麥顆粒感最後食埋佢哋嘅跟餐甜品，藍莓芝士蛋糕糕，芝士味濃郁配合埋藍莓醬好夾！

今日叫左牛油果三文魚手工意粉體驗極差首先份量細到幾啖就食完三文魚得幾條幼絲 牛油果都係比兩、三粒你 個意粉醬直程冇味食完之後要再去食多碗米線先夠飽真係完全冇下次好耐冇食過啲咁差嘅意粉

2024年日日都好忙好忙 忙到無時間 好耐無去過cafe 坐下嘆下⌛️真係好耐無去過cafe ☕️happy 2025 🤍要重新規劃一下 步伐🧭慢下來 停一停 諗一諗今次就去book mark左好耐的 📖偷聽到隔離枱都係 食過再介紹約朋友食ʕ •ᴥ•ʔ🦀脆香軟殼蟹、蟹籽粉紅汁手工意大利麵$158手工意粉口感好特別 偏soft 有小小似伊麵 但係又唔係嗰種感覺 好吃derrr~整體感覺好好 蝦好大隻好爽口🍤安格斯牛肉漢堡包薯條$128可選：（大啡菇/雙色芝士/牛油果）揀咗大啡菇🍄‍🟫 burger都好出色 漢堡扒肉質緊緊鎖喺裏面 一咬落去就好似瀑布咁樣流出嚟🤤升級套餐優惠Appetizer + Dessert + Drink頭盤＋甜品＋ 飲品$58煙三文魚牛油果田園沙律黑松露野菌忌廉湯避風塘雞翼

星期日黎到元朗，諗住搵間Cafe慢慢嘆下啡～見到呢間文青Cafe門口有食客帶住狗狗🦮係一間Pet friendly嘅餐廳🐶星期日嘅2點半，等左10分鐘左右就入到去坐低1. 虎蝦蟹棒蟹籽煙肉粉紅汁卡邦尼手打意大利麵 $108手打意大利麵都幾彈牙！但除此之外呢個麵都係冇咩優點🤣完全係冇味，亦唔算超級粉紅以打卡嘅角度黎睇都唔係吸睛2. 柚子Latte（熱） $40、Coconut Dirty（凍）$50柚子Latte有淡淡嘅柚子味！鍾意柚子嘅可以一試～但我自己就麻麻柚子+咖啡嘅組合🤣🙏🏻Coconut Dirty係正常發揮！市面都好多呢兩種嘅Combination，唔伏嘅🫶🏻🫶🏻總括然而，可以一試，但不會再試😜😜😜環境都唔算係超級舒服門口都幾靚，可惜對正馬路，空氣都唔好個日仲要剩係收Cash，臨急要去㩒錢🥲推薦指數：⭐️⭐️

Proton is located nearby the center of old yuenlong, not hard to find this grey factory-styled cafe shop hahamushroom soup is yummy with full of mushroom meats haha and the taste is rich Garlic bread is soso, can’t taste any garlic there sadGrilled Australia Sirloin Steak All Day Breakfast having a long piece of thin steak, a potatoes hash brown and some salad as side, hash brown is so crispy and warm, salad is unexpectedly good with vinegar sauce i think not sure what sauce is it with a very go

今日同朋友去教育路嗰頭搵好嘢食， 呢邊係以前讀書時期成日食嘢嘅地方，餐廳嘅隔離就係以前間中學，都幾懷念以前嘅日子。一間餐廳外型都好工業風， 幾有型格嘅風調，特別鍾意出面個吧台。 今日試咗佢呢一個澳洲西冷扒配薯餅雜菜套餐， 我同朋友一人叫咗一個set， 大概七成熟。 另外跟咗雜菇餐湯配蒜蓉包。 個餐湯真係超足料好飲，淡淡菇味。終於到主菜出場 ，牛扒仲大過你個手掌， 煎得啱啱好，唔會太韌， 我哋仲叫咗個呢度睇黎好出名嘅甜品， dirty tiramisu同埋綠茶tiramisu， 外型賣相非常討好， 味道都唔錯。另外叫咗杯柚子梳打特飲， 好清新， 配個扒餐啱啱好， 整體都好滿意呢一餐

餐廳走工業風，高樓底設計設有室內及戶外打卡位置已經第四訪了！暫時係元朗我最愛嘅Cafe🥰而一直令我心心念念嘅⋯就係Proton既手工意粉！口感方面手工意粉令我聯想起烏冬外層順滑，入口更Q更彈牙煙靭每一條意粉都蘸滿醬汁-醬汁方面今日兩款意粉都係走清新輕盈路線我一向最怕太濃太膩嘅味道調味適中，食得相當舒服🤤是日係食晚餐✨M7和牛、野菌、蘭王蛋牛肉忌廉汁手工意大利麵 $168✨脆香軟殼蟹、虎蝦蟹籽粉紅汁手工意大利麵 $158 個人比較推薦忌廉汁手工意粉微微甜，好啱我口味！🌟頭盤+甜品+飲品(+$58)✨風乾火腿哈密瓜田園沙律✨Rose Chocolate ✨Italian Chocolate 風乾火腿比較鹹同濃而兩款朱古力飲品都出色!

今日同朋友一齊到元朗覓食，去了Proton呢一間Cafe。店內樓底高，設計風格走工業風路線，枱凳非常有格調，整個氛圍讓人放鬆舒適。另外餐桌旁有紙巾提供，非常貼心Rose strawberry latteLatte散發濃郁嘅玫瑰花香，並帶有草莓嘅甜味，口感順滑，味道偏甜。另外佢嘅拉花亦非常精美安格斯牛肉漢堡包薯條配牛油果牛油果清新爽口，為整到菜帶嚟輕盈嘅平衡感。漢堡入邊嘅安格斯牛肉軟嫩多汁，牛味非常濃郁，配上爽甜嘅蔬菜，帶來清新嘅感覺。薯條則非常酥脆香口鮮果乳酪、脆煙肉、德國腸、炒蛋、班戟All day breakfast非常輕盈，炒蛋嫩滑，煙肉同德國腸非常香口，配搭嘅班戟鬆軟香甜。另外甜味嘅乳酪配上火龍果藍莓非常香甜，麥片嘅加入，提升整體嘅層次口感。值得一提嘅係沙律菜以黑醋調味，健康清新。

去咗間工業風嘅Cafe食，仲可以帶寵物風乾火腿哈密瓜田園沙律每一舊嘅哈密瓜上鋪了風乾火腿，勁開胃煙三文魚牛油果田園沙律牛油果配沙律都係好開胃，仲要有煙三文魚，性價比好高安格斯牛柳粒、虎蝦、芝麻燒肉汁手工意大利麵依間舖嘅意大利粉係手工制，爽口彈牙，而且好掛汁，牛柳粒肉味濃郁，虎蝦爽口有嚼勁，啲意大利粉吸收晒啲燒肉汁。M7和牛、野菌、蘭王蛋王牛肉忌廉汁手工意大利麵同樣你都係手工意大利粉，呢個係配和牛片，入口溶化，牛肉味香濃。面頭仲要有個蘭王嘅蛋黃，撈埋食勁邪惡。主菜加錢配飲品、前菜、甜品，我哋就點咗Latte、Mocha。甜品仲有藍莓芝士蛋糕同埋朱古力慕絲蛋糕。冇人叫過set都食得好飽，價錢有十分親民。

呢間咖啡店經過幾次成日都會比佢工業風嘅格調所吸引，仲要有室外位置，就唔怕帶埋寵物一齊享受美食。烤大啡菇.水牛芝士野菜沙律配意大利莓果醋 - 沙律份量都好大份，而且大啡菇仲要已經切條，方便食用，沙律菜亦都好新鮮。烤M7和牛.野菌.蘭王蛋王牛肉忌廉汁手工意大利粉 - 個意粉係十分欣賞，因為第一次食到呢種質地嘅意粉，比一般意粉粗身而且有啲彈牙，好有咬感，和牛亦都好重牛味，烤得唔會過火唔會太韌，讚，完全係高水準。Dirty Tiramisu - 十分高質，非常之有驚喜。咖啡味同酒味都做到出嚟，cream好厚實唔會太甜，完全係我口味。Golden Beach - 有菠蘿味嘅梳打Playing Blue - 用rum酒調配嘅cocktail兩杯飲品都好高質，下次嚟會想試埋佢地signature嘅咖啡。整體而言，工業風再加高樓底，環境真係好舒服，而且地點亦都好方便，下次會想再同朋友日頭過嚟再試埋其他美食。