Proton

营业中

休息中

元朗工業風西餐廳，第二次encore幫襯，大推餐廳的甜品升級套餐優惠頭盤＋甜品＋ 飲品 $58升級 Proton 甜品系列+$48不後悔，一定要試Proton的甜品前菜🥗風乾火腿哈密瓜田園沙律櫻花蝦、虎蝦、金柚泰式田園沙律火腿與哈密瓜的搭配令人驚喜，櫻花蝦和虎蝦增添了海鮮的鮮味，金柚的酸甜平衡了整體口感。香煎美國龍蝦（半邊）、虎蝦、鳖子蝦子龍蝦汁手工意大利麵 $198龍蝦肉質鮮嫩，意大利麵吸收了濃郁的龍蝦汁，令人回味無窮。安格斯牛肉漢堡包薯條 $128可選配料：大啡菇、雙色芝士或牛油果我們選擇了牛油果🥑，漢堡多汁，牛肉鮮嫩，搭配酥脆薯條，非常滿足。草莓芝雪山 $80甜品色彩繽紛，口感層次豐富，草莓的清新與芝士的香濃完美結合。濃情朱古力 $80朱古力控的夢想，濃郁的朱古力味道令人陶醉。APPLE, PINEAPPLE GUAVA & KALE $60健康又清新，適合想要健康排毒的朋友。GOLDEN BEACH $60清爽的氣泡飲料，非常適合夏天享用。

Proton 高質工業風咖啡店☕️ 以灰色為主調裝修型格又乾淨更設有室外位置～環境舒適！食物高質好味今日來食Lunch 餐點👏🏻加配飲品更有半價優惠🥢夏威夷蓋飯POKE BOWL
以慢煮63度溫泉蛋🥚、蒜香牛柳粒🥩配胡麻燒肉汁加入番茄仔🍅、粟米🌽、青瓜🥒～口感豐富！🍴 蒜烤澳洲西冷扒，有機生菜🥬薯餅、煎蛋 🍳西冷扒簡左7成熟～煎到恰到好處！肉質鮮嫩配上即炸薯餅口感酥脆、流心煎蛋～好味🍫濃情朱古力即焗布朗尼、比利時巧克力蛋糕、巧克力冰淇淋同棉花糖+oera餅碎製成！層次豐富，每啖都食到香濃嘅朱古力味除左主打即磨咖啡～叫左杯☕️朱古力鮮奶咖啡外賣更有多款特色飲品～都好好飲🌹ROSE STRAWBERRY LATTE 🍏蘋果菠蘿石榴羽衣甘藍來開附近可以試試Proton📍元朗教育路83號地鋪

元朗教育路嘅 Proton Cafe☕🍴真係一個好chill嘅地方🥰主打高質咖啡同精緻美食，好適合約朋友傾計HEA吓，以下係我試過嘅幾款推介🎉1️⃣ 蒜烤澳洲西冷扒，有機生菜，薯餅，煎蛋 🥩🥗🍳西冷扒煎得啱啱好，外層微焦，內裡粉嫩多汁，牛味濃郁，每口都散發陣陣蒜香，令人食過返尋味！有機生菜新鮮脆口，薯餅香脆鬆化，煎蛋滑嫩又香口，呢個配搭真係完美平衡🥩🧄🍳😋2️⃣ 煙三文魚野菌黑松露忌廉汁手工意大利粉 🍝🍄🐟手工意粉有嚼勁，黑松露忌廉汁香濃幼滑，帶有獨特嘅松露香氣，唔會過膩。煙三文魚鹹香適中，配埋炒香嘅野菌，口感層次豐富，好有高級感嘅滋味🍝🍄🐟🖤✨3️⃣ 綠茶提拉米蘇 🍵🎂呢款甜品係日式茶香同意式經典嘅結合！綠茶味濃郁，微苦中帶甜，奶油層入口幼滑，蛋糕底濕潤而帶輕輕嘅茶香，甜度適中，清新又唔膩，真係茶迷嘅福音🍵🍰💚4️⃣ 濃情朱古力 🍫☕呢杯朱古力濃郁絲滑，入口即溶出豐富嘅可可香味，甜中帶微微嘅苦味，平衡得啱啱好。每一口都好似喺品味高級朱古力，超級滿足！🍫☕😍5️⃣ Latte ☕🌿咖啡香濃但唔會太濃烈，奶泡細膩綿滑，完美中和咖啡嘅苦澀，飲落有陣陣堅果同焦糖嘅香氣，餘韻悠長，簡單而經典☕✨6️⃣ Dirty C

今日經過元朗，發現教育路原來有間隱世Cafe，環境清靜舒適寬敞，仲有戶外坐位，岩哂帶埋毛孩出黎。同埋好多人都中意自己一個入去靜靜地嘆個Lunch。最出色相信係佢地自家製的手工意粉。❤️椰香喇沙海鮮手工意粉＄90⭐️⭐️⭐️⭐️⭐️口味特別，粗粗彈牙的麵條掛上濃郁的喇沙汁，好惹味❤️蒜烤澳洲西冷牛扒＄148⭐️⭐️⭐️⭐️牛扒7成熟剛剛好，肉質好幼嫩彈牙。❤️炸雞翼$60⭐️⭐️⭐️⭐️有多款口味，揀左蜜糖芥末味，清新唔油膩❤️Dirty Tiramisu $80⭐️⭐️⭐️⭐️⭐️最後食埋佢地既招牌甜品超大件 大滿足PS：跟餐既蘑菇湯 同埋蘑菇芝士法包都好出色😋#food #cafe #值得一去的咖啡店 ＃元朗美食#proton

同朋友嚟到呢間cafe食晚餐 最初入座冇人 食食下都爆場 睇嚟都幾受歡迎😆 環境都唔錯 好啱同三五知己坐下食野吹下水😆 平時經過仲見到室外位置有人帶埋毛孩嚟🥰- 烤M7和牛、野菌、蘭王蛋王牛肉忌廉汁手工意大利麵 和牛肉質都唔錯，個醬汁好夠香（有少少似燒汁😂）手工意粉帶點煙韌有質感，有蛋香味但可以再濃啲～- 玫瑰蜜糖雞翼 平時都好鍾意食蜜糖雞翼，而呢個玫瑰蜜糖食落同一般蜜糖雞翼係冇咩分別嘅，只係蜜糖變咗粉色🤣 雞翼都炸得幾香脆～叫一客意粉然後+$58有頭盤+甜品+飲品- 法式干邑龍蝦湯（頭盤） 勁鹹，鹹到刺喉嚨🫠 完全飲唔出龍蝦味 好失望🥲- MATCHE CHOCOLATE（飲品） 抹茶味較出，有淡淡嘅朱古力味，都算可以～- Dirty Tiramisu（額外再+$48升級嘅甜品） 有少少驚喜係冇諗過叫tiramisu都可以寫生日字句🤣 同朋友補祝生日🥰 tiramisu酒味好香，個人覺得都幾好食～

已經第三次到訪呢間餐廳，十分享受。食物非常之精緻高級；環境工業風，潮得來又舒服。前菜黑松露蘑菇湯香濃，三文魚沙律新鮮。主菜十分出色，特別是手工意大利粉，真手工，食落去好彈牙同埋粗身，亦都有一浸香味味。特製嘅蛋黃醬配上M7和牛，淡淡都係Juicy，超好味。另外甲羅燒意大利飯賣相好特別，中間係冇滿嘅蟹膏，撈意大利飯絕對一流。甜品亦都十分之特別，Dirty Tiramisu 口感好豐富，層層嘅朱古力cream配上浸咗咖啡嘅手指餅，鍾意咖啡甘香嘅朋友一定愛上。整體嚟講，咁高質嘅西餐食得開心又唔算貴。希望多幫襯香港本地食肆。

同朋友好耐冇見，搵咗元朗呢間食西餐慢慢傾。我哋叫咗兩個set加個甜品。Lunch set會跟麵包沙律或餐湯。同朋友都揀咗麵包沙律。Set F - 蒜蝦澳洲西冷扒，有機生菜，薯餅煎蛋前菜沙律好新鮮，豐富牛扒朋友選擇7成熟，我略嫌有點熟，比我會揀5成熟但係牛扒幾厚切，好大塊，而西冷扒脂肪少，不算肥，肉味濃有咬口及多汁。 配菜則有我最愛的薯餅，好味。Set C - 帆立貝，三文魚子，明太子忌廉手工意大利麵我本身就好鍾意食意粉同帆立貝明太子，一見到呢個set諗都唔洗諗就已經決定要叫個。一到咗，就已經聞到好香嘅明太子同帆立貝味。而帆立貝好大粒，配合明太子濃郁嘅忌廉醬汁，係完美嘅配合再加上三文魚子令口感更加豐富，只係略嫌意粉有啲腍唔夠彈牙，但味道都出色，每一口都食到明太子海鮮醬汁味。草莓芝雪山呢款甜品有窩夫 配搭一塊芝士蛋糕、士多啤梨雪糕、新鮮士多啤梨及粟米片。鍾意食士多啤梨嘅我好滿足，鍾意呢個配搭，味道亦都好夾。

【香港🇭🇰元朗】🍝【安格斯牛柳粒·虎蝦·手工意大利麵】牛柳粒煎得外焦內嫩🐮，虎蝦超大隻又彈牙🦐！手工意粉掛滿芝麻燒肉汁，鹹甜平衡～口感煙韌💯 🍔【安格斯牛肉漢堡配薯條】漢堡扒juicy到爆汁💦！麵包烘得脆身，薯條即炸超香脆🍟～簡單但滿足感爆燈🌟 🍄【手打黑松露野菌忌廉湯】一上枱就聞到超香黑松露味！🌫️湯底打得好幼滑，野菌碎增加口感，濃到好似飲緊蘑菇雲☁️～松露控必點！ 🦞【法式干邑龍蝦湯】呢個湯真係有驚艷到！🫧龍蝦鮮味好突出，加埋淡淡干邑酒香，飲完成個胃暖笠笠～🔥麵包粒吸晒湯汁超正！ 🍵【綠茶提拉米蘇】抹茶味濃而不苦🍃，手指餅浸透咖啡酒香，質感濕潤得嚟唔會膩～甜品胃瞬間被治癒💚 ☕️【MATCHA LATTE】抹茶同奶比例啱啱好，順滑得嚟有回甘～拉花靚到唔捨得飲🌸 🍹【GOLDEN BEACH梳打】夏日救星！🍍菠蘿+柚子+檸檬嘅組合超fresh～氣泡感十足，解膩一流🌊 📍 Proton （#元朗）📌 #元朗 建德街26號 -#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #h

想以親民價歎精緻意式料理，元朗PROTON的「頭盤＋主菜＋甜品＋飲品」套餐$58起，性價比爆燈！前菜推薦「風乾火腿哈密瓜田園沙律」鹹香帕爾馬火腿裹著清甜蜜瓜，佐以火箭菜與巴薩米克醋，開胃感十足「黑松露野菌忌廉湯」濃郁松露香氣，每一勺都喝到細膩菌蓉🌿主菜絕不能錯過手工意大利麵！「脆香軟殼蟹虎蝦蟹籽粉紅汁意麵$158」酥炸軟殼蟹與彈牙虎蝦完美碰撞，自家調製的粉紅醬（番茄忌廉混合）酸甜中帶蟹籽爆脆口感，層次超豐富「烤M7和牛、野菌、蘭王蛋王牛肉忌廉汁手工意大利麵$168」和牛片嫩滑脂香，蘭王蛋黃拌入牛肉忌廉汁後，每條手工麵都掛上絲綢般濃郁醬汁，邪惡卻停不了口！🍝🔥甜品:「藍莓芝士蛋糕」綿密不膩，「朱古力慕絲」醇厚香滑熱飲HOT LATTE或濃郁的ITALIAN CHOCOLATE，完美作結！

元朗美食真係多不勝數，最近就有朋友推介咗間高質又有誠意嘅咖啡店畀我。餐廳走輕工業風，淡灰水泥牆身配以同色系傢俱，裝潢簡約又不失格調；門外設有半露天座位，可以帶埋毛孩一齊嚟影相打卡。揀咗兩份午餐，套餐奉送新鮮麵包、沙律或餐湯，加點飲品仲有半價優惠。All-day Breakfast：全日早餐用料好豐富，有鮮果乳酪、脆煙肉、德國腸、薯餅、沙律菜、班戟同煎蛋，份量十足，CP 值相當高，加上擺碟非常精美，打卡度 100%。蒜烤澳洲西冷扒：西冷煎得啱啱好，外焦香內粉嫩，入口牛味極濃。配料有脆薯餅同流心煎蛋，太陽蛋嬌豔欲滴，蛋汁半熟金黃，配牛扒食，超美味。玫瑰蜜糖雞翼：雞翼即叫即炸，外皮非常香脆，雞肉嫩滑多汁，面頭仲有玫瑰花瓣同玫瑰糖漿，入口花香四溢，甜而不膩。芒芝雪山：甜品賣相好吸引，用上半隻芒果配牛角窩夫、藍莓芝士蛋糕同奶油曲奇雪糕。窩夫勁酥脆，入口帶陣陣牛油香，芒果微酸微甜，配雪糕吃，味道一流！飲品點咗 Iced Mocha 同 Golden Beach Yuzu Lemon Pineapple Soda，咖啡非常柔順，入口滿嘴生香。

元朗嘅cafe越嚟越多，住係大西北既我，唔使出到油麻地深水埗咁遠，近近地都可以得閒同朋友仔嚟飲杯咖啡，舒舒服服傾下計，順便打埋卡影下靚相添。🔍 #piggy在元朗 #piggy_西餐 #piggy_cafe #piggy_coffee #piggy_意粉餐廳室內裝修係工業水泥風，非常型格既路線😎。而且由2021年開業以來，一直都保持住人氣🔥就知道佢唔止打卡得，食物水準都有返咁上下啦！Menu 大約2-3星期轉一次，今次嚟就試到星期一先換既新餐牌🆕揀咗兩個set lunch、一款小食、一款甜品，同埋兩杯飲品😋原本諗住揀西冷扒，但係店員同我哋推薦今日嘅黑毛豬鞍好新鮮，即管試下佢啦！Lunch set (奉送麵包沙律或餐湯）:是日餐湯🍄‍🟫黑松露野菌忌廉湯，每一啖都有好多菇菌碎，濃郁滑順，蘑菇香氣撲鼻，口感綿密。煙三文魚，三文魚籽，明太子忌廉手工意大利麵🍝• 佢嘅手工意大利麵好多人推薦，果然名不虛傳，麵條粗幼同日式烏冬差不多，但咬落會比較實淨，又會有少少似上海麵嘅感覺，非常掛汁，每一啖都食到明太籽既鮮香，忌廉汁既順滑。再加上煙三文魚的燻香同三文魚子的鮮味，口感層次豐富✅烤西班牙黑毛豬安配燒新

之前同朋友去咗元朗嘅 Proton Cafe 食lunch，裝修簡約有格調，坐得好舒服。我哋叫咗兩個set，想試多啲唔同嘅嘢。我揀咗烤M7和牛野菌流心蛋手工意大利麵，和牛真係好香，油花分佈平均，入口即溶，配埋野菌同流心蛋，成個麵嘅味道好豐富！手工意粉都好有咬口，唔會太軟爛。朋友就叫咗烤半邊龍蝦蟹籽龍蝦汁手工意大利麵，半邊龍蝦都幾大隻，肉質彈牙鮮甜，龍蝦汁好濃郁，撈埋蟹籽一齊食，口感一流！頭盤方面，龍蝦湯好creamy，飲落好香龍蝦味，牛油果煙三文魚沙律就清新開胃，牛油果好滑，煙三文魚嘅鹹香同牛油果嘅油潤好夾。甜品方面，Lemon Cheese Cake 嘅檸檬味好突出，酸酸甜甜，解膩一流，朱古力蛋糕就夠晒濃郁，朱古力味好香，啱晒鍾意食朱古力嘅人！飲品方面，柚子菠蘿梳打好清新，柚子同菠蘿嘅味道好夾，蘋果紅菜頭梳打就健康啲，飲落酸酸甜甜，都幾特別。Proton Cafe 嘅食物質素高，環境舒適，服務都好好，價錢雖然唔算平，但係都物有所值，啱晒同朋友聚餐或者約會！

星期六在元朗同朋友食完lunch，想找個地方飲咖啡食甜品，朋友就帶我來了這店手。在住宅區的這小店，正正就是好坐到可以hea一整天那種。我點的cappacino，$35，用心的拉花，大大杯，只售$35！比連鎖店還要便宜！味道也好！ 綠茶tiramisu，打咭一流，超靚，超「上鏡」！但就似加了green tea cream 白餅乾，多過tiramisu。但作為一個用來hea的地方，還要是在元朗區，已屬難得，也值得推介。

今日嚟咗元朗教育路食晚餐，呢一間之前都試過，不過主要係日頭經過黎買咖啡飲，晚餐就真係第一次喺度食嗱，想講啲野食都好高質，性價比高👍🏻👍🏻櫻花蝦泰式冬陰公椰香海鮮手工意大利麵上碟顏色擺盤幾靚，而且海鮮同配菜嘅份量充足，相比之下意粉份量唔算好多。海鮮都包括咗魷魚、青口、蝦同帶子等等，仲有啲蕃茄仔添。話明係泰式冬陰功椰香味，食落都真係有淡淡嘅冬陰功味道，配埋忌廉奶油嘅香味，我覺得西式得來又同呢個泰式配搭得幾夾。安格斯牛柳粒虎蝦芝麻燒肉汁手工義大利麵點菜嗰時我有要求牛柳粒要全熟，我以為全熟嘅話會比較乾同硬身啲，點知又唔會喎！而且牛柳粒都比較大件，食落仲有幾香嘅牛味，完全唔係嗰啲雪藏牛肉。手工意粉食落幾好味，面質係彈牙得黎又有少少軟糯嘅感覺，仲有蛋香，幾特別同好味！蜂蜜芥末雞翼小食揀咗一個雞翼，雞翼都幾大件，雖然表面有炸粉，但食落啲炸粉唔會係好厚實嘅。而且中間仲保留咗雞翼嘅肉汁，外皮酥脆，食落啖啖Juicy又好味！Cappuccino呢間餐廳嘅咖啡真係幾好飲㗎，所以夜麻麻都叫返杯Cappuccino👍🏻但其實佢夜晚仲有一啲Cocktail可以揀，不過下次再試啦！食完先發現原來佢晚餐有一個好抵嘅配

風乾火腿哈密瓜田園沙律作為頭盤，每舊哈密瓜上面都有風乾火腿，甜甜鹹鹹的，勁開胃法式干邑龍蝦湯龍蝦味道香濃，好creamy，喺冬天呢個時間飲好暖胃安格斯牛柳粒、虎蝦、芝麻燒肉汁手工意大利麵手工意大利粉，咬落去幾彈牙，醬汁亦都好Creamy，牛柳粒有嚼勁，虎蝦爽口有蝦味。同出邊啲意粉好唔同，掛汁好多。M7和牛、野菌、蘭王蛋王牛肉忌廉汁手工意大利麵一片片嘅和牛包圍住啲意粉，牛肉味香濃。整碟中間有個蘭王嘅蛋黃，配埋個醬汁同埋意粉令到味道提升咗一個層次。每一個主菜都可以配套餐，有飲品、前菜、甜品，我哋就叫左柚子咖啡、朱古力咖啡。甜品就有檸檬芝士蛋糕同埋朱古力慕絲蛋糕。整體嚟講主菜好吸引，價錢亦都合理幾抵食。