Promenade 西餐廳

营业中

休息中

6/7/2022自助晚餐，從來冇咁後悔過，三文魚師傅，俾俾埋埋啲頭頭尾尾，湊成一碟。啲三文魚又唔新鮮，鵝肝雖然係好大塊，但係好腥臭味，波士頓龍蝦總算過得去，但係啲牆腳蟹有哋霉，片皮鴨嗰啲麵餅，好似屋企啲薯片一樣，脆卜卜，都唔知擺咗幾耐，講真一句，七百幾蚊雖然有八五折，但係我以後一定唔會再幫襯！

首先坐低 就已經見到餐具非常污糟不斷更換之後 食物方面雖然有很多選擇但係沒有一樣係很好食的 海鮮唔新鮮 熱葷又沒有什麼特別 尤其是嗰個鴨干難食到嘔 到甜品都是普普通通沒有驚喜 唯一最穩陣都係食haagen dazs雪糕 沒有其他 下次唔會再去..............................

今次係食晚餐自助餐，味道差了很多，凍海鮮都多款，但有些冰得太耐，肉有些梅，牛有點嗅又乾，熱食夠熱，甜品多款，但有些無名牌，食左都唔知咩味道，同等價錢會好多其他選擇，要贊嘅服務非常好又有禮貌。

早幾日食既補返食評😋諗住食個buffet🤪原來上去官網買coupon都折！再打電話去book枱好順利好方便有免費泊車三個鐘✅因為本身坐輪椅傷殘人士，原先打電話去話book枱佢話得返門口位但係最後佢都安排咗我坐入去裏面值得加分👍🏻👍🏻無障礙廁所就唔係餐廳裏面，要出咗餐廳搵職員開門近酒店嘅商場入👌🏻有時拎嘢食唔方便職員都會幫手👍🏻到食物啦！刺身三文魚有三文魚腩位置雖然每次只可以拎兩塊三文魚刺身，但係有三文魚腩排多幾次都抵！可能都知道三文魚而家來貨貴咗所以佢每一次客人拎嘅數量要限制，不過刺身一啲都唔差！其他食品都不過不失，芝士種類夠，甜品方面都好好食質素keep到！ 有Haagen-Dazs雪糕杯裝雪糕雪條都有不過差唔多每次都會食嘅榴槤pancake 就有小小失望即使佢落左好多榴槤蓉都味道有啲淡都有即開即食生蠔，一如既往都係好多人排隊每次每人兩隻，不過蠔味就差啲啲🥹之前細細個都成日去食一年3,4次，質素一直都幾好，今次就有少少失望可能啱啱開返堂食一段時間，希望之後會改善！☺️所以總括而言味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 有免費3小時泊車

這間buffet大大話話已經幫襯咗很多年，一直覺得這裏的食物款式較多，無論係長者或者小朋友，嚟到都可以滿足到。所以一直係捧場客，尤其甜品，如果喜歡食榴槤嘅朋友應該會有驚喜，無論係榴槤pancake、榴槤撻、味道都拍得住五星級酒店嘅質素。其實食buffet實在唔要求有service，但係呢度有d staff可以話係冇service可言。由門口嘅reception至甜品部嘅廚師，他們的態度實在不佩是酒店級的服務態度。之前的不太過份的都算了，今日實在不得不講一下其中一位甜品嘅男廚師。今日係5月25號，星期三夜晚，甜品部目測有三位着白色制服嘅廚師，唔算太忙，亦唔會太多人排隊。當中有一位較為矮細、戴眼鏡嘅男廚師係負責做即整pancake，當時大約4個客人排隊，唔會太忙。但這位廚師嘅態度就非常之惡劣，同佢講咗幾次說話，佢都不瞅不睬，亦不點頭示意，只是做自己嘢，行開去再行返嚟，同佢再講唔需要加cream，佢仍然唔睬人，亦唔點頭示意明白，黑面之餘更實在令人十分難受。客人嚟食buffet，並唔係乞食，要等候排隊，大家都有唔該前唔該後，但這位廚師態度就係唔睬你。之後我示意請他拿疏乎厘，並遞上空的點心碟，他

5月5日是我老公生日的大喜日子!我們去都會海逸酒店，慶祝生日🎂，吃自助晚餐甜品非常多選擇😋😋😋初初開始有好多人排隊，見廚師不停加添食物，效率非常高，值得一贊每一次都不需要等太耐，我和先生都每人吃8隻真係有榴蓮肉，超正😍😍😍糖水非常適合女士😍😍。梳乎里，不用等候，取了要即食，否則，塌下來，欠美觀！必食，又香又厚，好好味的鵝肝!記得點埋邊碟D汁！差不多，八點半還有超多龍蝦可以加$40購買一件蛋糕+生日牌，職員會在我指定時間送上來。四眼靚仔哥哥職員送上來，令我老公感到非常驚喜🥰，他很開心!匯豐信用卡仲有85折優惠謝謝，四眼靚仔哥哥🙏，令我們有個愉快的晚上

未試過行出去，差不多空手而回嘅體驗🙄天婦羅只有炸紫菜同南瓜冇其他🍤生毫細到手指公都大過佢🦪食咗都驚要痾兩日咁既樣🥶重要排隊；唯一食完想再攞既係小龍包🥟見到師傅係即包即蒸，新鮮熱辣重有湯汁，另外就係印度薄餅，都係有個印度師傅係到即整的；唔係有佢兩個我都真係唔飽。如果$200蚊位冇毫冇三文魚🍣我都覺得合理，但$3百幾四百係咪可以俾返啲良心出嚟呢？見到隔離枱狂食某名牌子雪糕但求回本，已經心知不妙！真心話「不可一不可再」🙏🏻

諗住疫情放寬第一次走去食這間自助餐，但好失望，生蠔又細唔新鮮， 長腳蟹又無肉，鴨肝多士又酥又唔好味， 熟食嘅又唔多選擇， 牛扒燒到熟曬又唔好味， 刺身選擇少壽司選擇少， 仲話係最多嘢食嘅自助餐。 大把地方好食過佢一定要嚟呢間 畀七百幾蚊一位唔係畀番七百幾蚊嘢你， 唔使錢我都唔會再有下次。

D龍蝦臭嘅… 3舊放左入口，即吐返出黎D牛扒，好似食果d中東燒烤嘅味。魚生唔得，得三文魚係ok…冇樣野係好食甜品唔得…最好係杯咖啡….成700幾蚊…300蚊就差唔多🤢俾返d錢我呀！

以往食自助餐多數傾向俾多啲錢食晚市，因為覺得食物種類較多，食都食得滿足啲。最近自助餐癮起，礙於種種限制，唯有幫襯午市。朋友一直想試Promenade 的自助餐，本着沒有期望就沒有失望的心態一試，結果比滿意更滿意。由進入大堂到坐低，就算要掃安心碼，整個過程都非常順暢。酒店安排足夠人手檢查、帶位，所以只用約五分鐘，我便可以拎到第一碟食物。由於疫情關係，酒店非常貼心，取食物區的多個當眼處都放有消毒搓手液，凍盤更用蓋覆蓋，讓人更安心食用。午市食物種類繁多，單單甜品已有十幾款任君選擇。最驚喜之處莫過於有即焗梳乎厘，熱辣辣出爐，外皮香脆入口即溶，凍天食完即刻暖笠笠！令外，雪糕及雪條是Haagen-Dazs獨立包裝，不得不讚賞酒店之安排，大大提升食客的安心度。海鮮有蝦、青口、長腳蟹、生蠔。種類不算太多，但午市提供生蠔，令人覺得值回票價。結果由冷盤、海鮮、熱葷、甜品、雪糕、連自助飲品吧，由頭食到尾，結果食到肚撐撐大滿足！提提各位，埋單時不妨問一句邊張信用卡有折扣優惠。埋單時多口一問，原來滙豐信用卡有八五折，慳左一筆，肚皮同荷包都有飽足感

我地每年12月26日都會食自助餐，好彩好早係網上訂，仲要親自到餐廳交全數現金，先可以訂到位。這間酒店自助午餐款式多，有生蠔、長腳蟹、魚生，全都是我的至愛，唔是間間酒店的自助餐都有，熱食、凍食種類多，又好食。食完之後，一定要食甜品，蛋糕種類多，有我最鍾意的意大利芝士蛋糕和芒果蛋糕，仲有疏乎里等。雪糕雪條都有不同味道，我食左幾款，好好味，無得頂。食完之後仲可以坐好耐，大家倾下偈，好開心，真是聚會的好地方。

🌹21 December 2021今次staycation去左都會海逸酒店當中package包左$500 dining credits可用於酒店中既西餐廳同日本料理上但因為友人食得唔多野所以最後我地將dining credits用左係西餐廳既單點menu上🥰當日我地去到西餐廳已經4:30pm餐廳淨低兩枱客人唔多 亦唔嘈呢個時間去食野真係好舒服❤️職員都好有禮遞左個menu比我地叫我地慢慢睇🥰🥳最後我地總共叫左三樣野只係補左$331）大蝦帶子配蟹肉蛋白 $198+10%首先 第一眼 覺得賣相好工整😎除左海鮮外仲有幾舊西蘭花😜感覺好健康😍大蝦同帶子 望落都好新鮮味道方面都好岩我地口味淡淡地 整得唔會太咸😚而大蝦同帶子 都係彈牙嫁仲要係大大粒的唔會比劣質野你😆而蟹肉蛋白就無咁出色油多左少少同唔係幾食到蟹肉不過相信廚師都係落足料的！2）明蝦菠蘿pizza $198+10%呢個要讚爆黎到好surprise❤️因為平時出去cafe叫差唔多價錢既pizza食 係無咁大個的呢個黎到 嚇親我地無諗過咁大個（我地得兩個人）廚師好細心幫我地切開左8舊賣相方面無得彈每一舊pizza上都落足料 絕對對得住個價錢有餘

早早網上訂了位，今日是慶祝我媽媽同老爺生日的自助晚餐聚餐，難得一行9人一齊食，好開心這間自助餐我一直想試，因為食評唔錯，另外一個愛食自助餐的朋友都有推介，所以有啲期望另外因為老爺同老公鍾意食長腳蟹，這間問了又有，所以就選了這間前菜：有煙三文魚、壽司、刺身、沙律、前菜小食（如：薑皮蛋、西式火腿等）款式都唔算少當然唔少的生蠔，都幾新鮮，即點即開，有2款選擇（熱食）生滾粥：細細碗、可自款材料，都香滑綿綿粥底；其他熱食有港式海鮮（如：龍蝦、蟹、魚）蔬菜、薄餅、意粉、天婦羅、串燒、鵝肝多士、泰式薄餅、蝦片、中西式湯等甜品：款式都多，有不同款的蛋糕西餅（質素唔錯）水果粒、朱古力噴泉、焗不同撻、豆腐花、榴連撻及糖水、不同款式 Haa-gen Dazs 雪糕雪條但服務就普通，唔會好主動收碟，所以枱無位放嘢咁

以一間收費$700幾蚊自助餐嘅酒店泥講，無論食物質素同職員嘅質素都只得一個字去形容，就係「差」，由入門口開始，都食完個自助餐，未見過一個有笑容同有禮貌嘅職員。見到客人係餐廳門口等入餐廳，都唔會同客人交代一聲，幾點可以進入餐廳用餐，員叫客人揸住張飛等佢地帶客人入場，職員就自己係度傾計閒談，入到餐廳拎野食，每個待應或更高級嘅職員都未見有一絲笑容，當有問題查詢時都係黑口黑面目無表情地回答。另外，食物質素一樣差，蜜瓜蝦沙律嘅蝦，係用茶餐廳揚洲炒飯嘅雪蝦，沙爹牛肉配煎米粉，啲米粉係硬嘅，啲牛肉係鞋嘅，避風塘豆腐，唔脆都算嘞，仲要係硬嘅。其他食物就唔多講嘞，如果唔信你地可以親身去試下喇

生日諗住黎呢間慶祝，之前睇人地d相好多款野食，有生蠔有蟹腳龍蝦🦞，環境都靚，所以決定試一試黎到即拿蟹腳，但食落真係冇啖肉😌無味道，太幼.另外拿左生蠔🦪，都係好細隻😔，好似未發育咁🙄最好味既係鵝肝多士，睇佢煎既時候雖然多油，但食落好味😋蛋白疏乎里，5分鐘都焗起一個，食落吾太甜起碼係正常。 而魚生🙄質素仲差過放題，會有揸😔而甜品算多款，不過有d就太甜😅總體黎講，食物雖然多款，但質素吾高，以這個價錢寕願加多少少食好d既質素，要去食既朋友請考慮一下.