Promenade 西餐廳

营业中

休息中

質數係打贏某啲內地嘅酒店晚市話說前排翻左深圳食酒店晚市自助餐，真係好失望。啦啦聲翻翻香港搵有咩野食，啲YouTubers 又推薦呢間野，咁咪試下囖最打嘅對比係任何野都任食！！無咩所謂嘅限定菜式，包括好好味嘅炒新鮮龍蝦，龍蝦湯，甚至乎紅白酒都任攞無嬲，真係好爽，心心眼付上少少食物同環境相大家可以留言下，我都有落啲caption。不過最開心嘅都係用餐嘅體驗，廚師們態度同服務都好好，我口多問下啲食材煮法，料理時要留意啲咩都得到好好嘅解答，又吹得落水，呢總體驗真係好難得。好多其他酒店都無呢種體驗，呢邊嘅廚房設計妙處就係客人同廚師嘅距離好近，容易互動。好滿足今次嘅用餐體驗，因為我食到嘅係“人情味”。 內地餐廳係會歡迎你，叫得好大聲，但都無呢種味道。反而今次十分驚喜地係本地一間酒店食到一次有煙火氣嘅體驗，印象甚是深刻，特留此記。

今天中午，我哋去咗紅磡都會海逸酒店，享受咗一頓美味嘅自助餐！因為用平台訂購，仲有買二送二嘅優惠，每個人只需約三百幾蚊，真係好抵！餐廳嘅食物選擇多樣，有海鮮、燒烤同甜品，食到我哋心滿意足。環境舒適，服務亦好到不得了，真係一個唔錯嘅午餐體驗！下次一定會再嚟！

好耐之前嚟過呢度食自助餐，印象係地方好大食物款式好多。咁啱見到做緊買二送二嘅優惠，就試吓依家水準如何啦。凍海鮮既蟹腳都算唔錯，有啲鮮味又唔會太乾。另外翡翠螺同蝦都好味。但係龍蝦就有啲似擦子膠，咬唔開又冇乜味。魚生就有紅蝦、帶子、八爪魚、三文魚、馬刀貝同埋吞拿魚，整體都算新鮮，質素可以接受。佢嘅鵝肝多士係即場煎嘅，鵝肝都幾大塊，不過就要排得比較耐。甜品選擇唔算多，最出色嘅係芒果拿破崙同榴槤拿破崙。另外試咗佢用光波爐加熱嘅疏乎厘，太甜喇，又冇乜蛋味，可以不試。飲品方面，除咗一般嘅罐裝飲品，經訂購平台訂位仲有得任飲紅白酒同橙汁蘋果汁。另外場中間有個攤位可以任飲Hoegaarden 啤酒，呢方面就做得唔錯。總體嚟講呢度比較適合一家大細，因為食物款式好多可以啱唔同人嘅口味，不過食物水平只係一般，冇乜邊樣特別突出。

都會海逸酒店的Promenade西餐廳自助餐給我留下了深刻的印象，無論是價錢、餐廳環境、食物質素還是味道，都值得一讚。首先，餐廳的環境非常優雅，面向維港的海景讓人倍感舒適，特別適合與家人或朋友聚餐。寬敞的用餐區域和精緻的裝潢，營造出輕鬆愉悅的氛圍。在食物質素方面，Promenade的自助餐種類多元化，有日式、中式、西式及東南亞美食，滿足不同食客的需求。每次用餐我都能找到新鮮的選擇，特別是魚生，無論是鮮美的八爪魚還是口感滑嫩的馬刀貝，都讓我讚不絕口。冷盤和熱薰的搭配也十分出色，海鮮的鮮美更是讓人驚喜。最後，甜品區的彩色甜品引人注目，無論是蛋糕，糖水，pancakes還是水果塔，都讓人忍不住一試。每一口都能感受到廚師的用心與創意。總的來說，Promenade西餐廳的自助餐不僅在食物質素上表現優秀，環境也十分舒適，價錢合理，讓人每次用餐都感到非常滿意。我會繼續推薦這裡，食過多次，每次都令我非常滿意，並期待下次再來。

為咗慶祝母親節，就嚟咗食dinner buffet。幾乎全場都坐滿人，所以must book位。食物嘅款式好多，不過就唔係話好特別，亦唔係特別好食，所以都無咩影相。唯獨有啲記憶點嘅係長腳蟹算幾鮮甜同大隻，鵝肝好香煎得啱啱好，其他嘢就不過不失啦。係有好多款嘅，尤其係甜品。甜品齊哂中式糖水、西式糕點eg. 麵包布丁、蛋糕、曲奇、窩夫、pancake等，雪糕都有好幾隻味。有梳乎厘係好特別嘅，但太甜啦。不過啲嘢食算fill得快同啲staff係好friendly嘅。最近做緊買2送2優惠，咁係抵食嘅。

星期日友人相約一起到來食自助晚餐，用餐時間由晚上6:30-10，非常之充裕，真係好啱我呢啲寶媽到來，慢慢處理完小朋友飲食，先自己再食。服務很好，很快便幫忙收拾碗碟。食物款式都有不少選擇，海鮮呢就主打長腳蟹腳、龍蝦等；蠔雖然沒有生蠔但就有燒蠔；牛扒、羊架、鵝肝面包等也很美味；飲品有飲品櫃任選，還有咖啡機、茶水及檸檬任君選擇；仲有生滾粥、泰式辣炒食物樣樣都唔錯，甜品又有榴連甜品，家人極力推薦的梳乎厘及班戟、movenpick雪糕等；仲有小朋友最鍾意食嘅朱古力噴泉、糖果等⋯真係食到抱住個肚走😋

Lunch Buffet comments:今次再重臨舊地, 發覺食物D質素比上年差, 有些失望的感覺 !!食物都有魚雞飯麵甜品..........但 : 今次D 雞多骨肉有少少硬, 過熟 ; 鯖魚及焗三文魚超多骨, 沒有salmon or smoked salmon slices , 日式魚柳配燒汁味道好好 ; 菜類只有salad菜, 沒有熱菜 ; 好彩 麵檔叫麵食有一條熱菜在碗麵內, d麵都算不錯, 好味, 老人家都能吃到 ; 燒味類有燒鴨,叉燒 , 但 叉燒肉質比教硬 ; 粥品有白粥, 油條 ; 湯類有中西湯, 唔錯 ! 有中式甜紫薯包, 蝦餃, .... ; 蟹蝦類有長腳蟹, 海蝦, 龍蝦仔都 ok ; 重有牛扒, 蕃茄汁豬扒長通粉味道都不錯 ! ..............至於, 甜品類大部份偏向durian, 沒有什麼蛋糕種類可以選擇, 只可選擇2款蛋糕是carrots cake 和 milo cake, carrots cake 形狀不似cake, 太鬆散, 好彩味道還可以, milo cake太甜 !甜品 Souffle 是這間酒店的主打甜品, 上次味道適中, 但今次過

無限暢飲餐酒、啤酒、汽水、果汁, 有超巨型雪花蟹腳, 仲有龍蝦、麵包蟹、煎鴨肝、椒鹽賴尿蝦等要讚下餐廳野食refill得好快, 野食種類多到試唔哂, 係近期食過最豐富、高質既自助餐, 真係值得大推! 🙌🏻🙌🏻🍽️ 冰鎮海鮮區雪花蟹腳｜龍蝦｜翡翠螺｜白蜆必食雪花蟹腳, 足足手臂一樣咁長, 蟹肉鮮甜. 龍蝦肉質結實, 爆膏!🍽️ 刺身區北海道帶子｜阿根廷紅蝦｜吞拿魚｜馬刀貝｜三文魚｜劍魚腩北海道帶子勁厚肉又大粒, 三文魚亦非常肥美, 馬刀貝鮮甜爽口.🍽️ 烤肉區 燒豬手｜燒帶骨牛肉｜烤雞｜燒羊架｜豬肋骨燒豬手外皮香脆,肉質軟腍入味. 牛扒燒至粉紅色, 熟度剛剛好, 師傅會即場手切.🍽️ 煎鴨肝大塊又厚身, 又係另一重點之選🍽️ 熱葷區(多到不能盡錄)焗蠔｜椒鹽賴尿蝦｜辣酒花螺｜避風塘海鮮、廣島蠔｜ 咖喱麵包蟹｜小籠包｜泰式蠔餅🍽️ 甜品 (多到不能盡錄)榴槤火焰蛋糕｜即制pancake | 拿破崙｜杏汁燉水昌燕窩｜美綠慕絲蛋糕| movenpick雪糕🍽️ 餐飲必試由本地啤酒品牌gwen.lo聯乘老字號涼茶店「公利」 打造嘅限定蔗汁銀菊啤酒, 非常特別. 另外亦有多款果汁等任飲.

疫情前，我三不五時食佢嘅lunch buffet，價錢經濟實惠，嘢食質素又唔錯，勝在多選擇🤭係我自助餐嘅頭三位！當公司決定嚟呢度食嘅時候，我都滿心期待😊好想知佢既質素有冇改變🤗公司請食飯，一班同事黎到Promenade梗係要拆餐勁😏今晚都係海鮮為主，不論冷盤熱食都圍繞住海鮮。冷盤有五至六款海鮮（當中有龍蝦）；而熱食方面，有避風塘雜錦海鮮、辣汁東風螺、泰式咖喱蟹、泰式青口、BB瀨尿蝦、蠔…刺身方面都有6種，原粒帶子同牡丹蝦係最好食，非常新鮮👍🏻當晚亦有即整鵝肝。肉類方面都好多種類：牛扒、燒雞、排骨（仲有1-2種唔記得咗）甜品種類係非常之多，淨係榴槤品種嘅甜品都有六至七款👻我呢啲榴槤愛好者，食得非常開心🤤仲有即整疏乎厘、芒果拿破崙、豆腐花、麵包布甸、Waffle、pancake、兩款中式糖水、多款movenpick雪糕、Candy corner…..最特別佢有手工啤-蔗汁銀菊啤，非常特別。除此之外，紅酒、白酒、果汁、汽水都係任飲。整體黎講，都十分滿意，個個同事都食得好開心👍🏻

今次家人生日揀咗去食紅磡都會海逸酒店「歡樂今宵」大笪地風情自助晚餐～可以由6:30吃到10:00 慢慢食，唔使急～一嚟到食咗冷盤先😍有龍蝦，長腳蟹，翡翠螺，蜆～仲有日式刺身任食～鵝肝超級推薦但要排隊等因為煎好一出就俾人拎晒～還有大笪地風情的椒鹽海鮮任食～裏面最驚喜嘅係有椒鹽龍蝦！仲有性價比好高嘅即叫即整片皮鴨掛住食冇影到😂但都食咗幾轉。其他熱食都不過不失勝在多選擇。甜品還有即叫即整的pancake～仲有高質素嘅雪糕！紅白酒特色汽水任飲～還有超級特色的鬼佬涼茶～即是蔗汁銀菊啤，其他自助餐少有的選擇，中西合璧又夠特別值得一讚！

第三次來此酒店吃buffet，頭兩次是元旦dinner buffet，已覺得食物種類多，質素幾好。但但估唔到今次around $250 per head的下午茶自助餐，食物選擇依然多，可以用琳瑯滿目來形容。甜品基本上同dinner buffet 一樣，更多了些榴槤甜品，以配合今期主題。雖然咖喱魚旦，义燒酥，蝦多士，魚肉燒賣，珍珠雞，义燒飽等不是什麼貴價嘢，但勝在有香港風味，適合遊客來一次過嚐盡這些文化遺產，尤其推介义燒酥，好脆口。長腳蟹好受歡迎，見到旁邊的兩位食客主攻此物，我雖不好也試了些，沒有鮮甜味道但也算嫩滑。自助飲品除了罐裝飲品，咖啡，奶茶，檸茶外，竟然還有美祿恐龍。以前最喜歡吃icon weekend的tea buffet，可惜佢哋宜家唔再做。今次竟然俾我揾到呢間不錯的tea buffet，真心抵食。

這天來到了位於紅磡都會海逸酒店(Harbour Plaza Metropolis)的Promenade西餐廳享用自助晚餐🥰 這裡供應的美食多達二百款，包括新鮮刺身、雪花蟹腳、香煎鴨肝、甜品等等，非常豐富🤩 而凡惠顧自助晚餐的客人更可獲贈鮑魚花膠蠔皇煲呢～😍在網上平台購買可享超值優惠，最便宜只需港幣五百多便能享用豐盛的自助晚餐，更可享無限暢飲指定餐酒、啤酒、果汁或汽水呢～🥂 而自助晚餐的用餐時間為晚上6時30分至10時，長達3小時半，性價比極高，難怪平日晚上也是座無虛席😌這裡的食物質素非常不錯，特別推薦鴨肝、刺身、雪花蟹腳、梳乎厘、鮮奶燉水晶燕窩😋 而且職員的服務態度也很好，會主動幫我們添酒👍🏻Promenade西餐廳非常適合一大班口味不同的朋友聚餐😆 記得要在網上平台購買才能享有優惠及無限暢飲喔❕📍Promenade西餐廳 - 紅磡都會道7號都會海逸酒店7樓

都會海逸酒店嘅buffet係我近年食過最好最正嘅😍地方超大超闊落，嘢食好多好多🤩🦞冬陰功龍蝦、羊架、🦀薑蔥炒蟹、花膠蟲草花燉湯‼️全部都超正，特別係冬陰功龍蝦，醬汁濃郁，味道有酸有辣，龍蝦肉爽口，超吸引🤩薑蔥炒蟹好多肉，好夠味，一樣好正👍🏻滋補花膠蟲草花燉湯都係必飲啊🤭🧑🏻‍🎄聖誕將至，仲有打卡一流嘅限定節慶🎄聖誕樹木頭蛋糕🪵好靚好真🥳🔸刺身好新鮮又厚身，帶子原粒上，唔似出面切半，食得爽快開心😋🔸冷盤唔少得🦀長腳蟹、🦞開邊龍蝦，啖啖肉，好正🙌🏻當然仲有青口、螺、麵包蟹、生蠔🔸熱食最正係有片皮鴨、鵝肝😍即切既整，油脂豐富，必食‼️薄餅我都幾鐘意，pizza包軟熟，多芝士蝦多士、咖喱角好食，好脆唔油膩👍🏻仲有印度薄餅、咖喱、韮菜豬紅、湯粉、燒雞、天婦羅、炒飯…多到數唔晒🔸甜品真係多都不得了，女仔食甜品有第二個胃，我食咗好多🤭推介女生滋補杏汁燉水晶燕窩、水晶燕窩鮮奶燉蛋白🤍🤍🤍記得8:15前去到甜品區‼️有即席炮製火焰雪山🏔️其他嘅有豆腐花、即製pancake（仲有榴連蓉、芒果等餡料）、桑寄生蓮子茶、楊枝甘露、芒果拿破崙、榴連酥、紫薯卷蛋、紫薯 木糠布甸、macaroon、最特別係茅台系列嘅鮮花奶凍

朋友就嚟要移民了，我哋想食耐啲，就揀咗自助餐呢間自助餐，已經係我第三次嚟食，原因無他，多款，好食！本身朋友望落去個酒店嘅外型，覺得有啲舊但係入到去，見到啲嘢食應有盡有，包括龍蝦、Movenpick雪糕、鴨肝多士、唔同類型嘅甜品、不同種類嘅熱食，片皮鴨、嘢飲任飲最後話間餐廳好舊嗰個朋友食得好盡興😂仲要我哋去嘅時候，係做緊秋宴主題，有炆鮑魚、海參、冬菇、花膠同埋龍蝦鉗，超！好！食！我食左2碗！刺身方面，不得不讚，佢嘅蝦唔係普通甜蝦，係赤蝦！佢仲有磯燒鮑魚，超好食！一人只可每次拎2片，我都拎左5 6輪。食完之後，我哋仲出咗去酒店出面影靚相，個景好靚，好有feel~最後埋單平均一人5百尾，好值！款式真係我食過咁多間自助餐來講，最多如無意外，應該會再繼續幫襯呢間自助餐🤣(食物相就冇影好多，只係影咗佢最近限定嗰個dish)

朋友生日, 指定要食呢間Buffet, 環境有啲舊，加上燈光，有啲眼瞓，到八點，可以睇到少少幻彩詠香江。食物選擇好多，不同類型，中式，西式，粥粉麵飯，蒸魚，炒蟹，基本上想食都有，仲有飲品任飲，罐裝汽水，奶茶咖啡，檸茶檸水…南瓜甘筍薑湯，好正👍🏻海鮮款式也很多款，刺身好新鮮，可惜生蠔太細，龍蝦彈牙encore 😋甜品很一般，雖然款式很多，有點失望，唯一驚喜，茅台鮮花水晶奶凍，甜甜的，重口味😏必試，只出一次。價錢合理，官方網站book比較平，可以一試。